მიუნხენის „ბაიერნის“ მთავარი მწვრთნელის ხოსეპ გვარდიოლას აზრით, მისი ყოფილი გუნდი „ბარსელონა“ ევროპის საუკეთესო კლუბად რჩება.
„ახლაც ვფიქრობ, რომ „ბარსელონა“ ევროპის საუკეთესო კლუბია, მიუხედავად იმისა, რომ ის ჩემპიონთა ლიგას გამოეთიშა“, – ციტირებს გვარდიოლას „The Pep“-ი.
უეფას ჩემპიონთა ლიგის მეოთხედფინალურ ეტაპზე ლისაბონის “ბენფიკამ” საპასუხო მატჩში მიუნხენის “ბაიერნი” მიიღო. შეხვედრა ფრედ, ანგარიშით 2:2 დასრულდა.
27-ე წუთზე მასპინძლები დაწინაურდნენ, გოლი რაულ ხიმენესმა გაიტანა, თუმცა შესვენებამდე არტურო ვიდალმა წონასწორობის აღდგენა მოახერხა.
მეორე ტაიმის დასაწყისში გერმანელები ტომას მიულერის გოლით სულაც წინ გავიდნენ. 76-ე წუთზე ანგარიში ანდერსონ ტალისკამ გაათანაბრა, თუმცა მეტის გაკეთება პორტუგალიელებმა ვეღარ შეძლეს.
ამრიგად, “ბაიერნმა” “ბენფიკა” ორი მატჩის ჯამში ანგარიშით 3:2 დაამარცხა და ტურნირის ნახევარფინალურ ეტაპზე თამაშის უფლება მოიპოვა. ბავარიელები ჩემპიონთა ლიგის ნახევარფინალში ზედიზედ მეხუთედ ითამაშებენ.
უეფას ჩემპიონთა ლიგა
საპასუხო მატჩი
“ბენფიკა” — “ბაიერნი” 2:2 (1:1)
გოლები: ხიმენესი 27′, ტალისკა 76′ — ვიდალი 38′, მიულერი 52′.
გაფრთხილებები: კარსელა 70′, ანდრე ალმეიდა 90+1′ — ხავი მარტინესი 74′.
მთავარი მსაჯი: ბიორნ კეიპერსი (ჰოლანდია).
London Evening Standard ავრცელებს ინფორმაციას, რომლის თანახმადაც ბავარიული გრანდი, “ბაიერნი” “ტოტენჰემის” ნახევარმცველის, ერიკ დაიერის გარშემო არსებულ სიტუაციას აკვირდება.
ბუნდესლიგას ლიდერები ინგლისის ეროვნული ნაკრების ფეხბურთელის ფორმით გაოცებულები არიან. მათი სკაუტები დაიერს ევროპა ლიგის ეგიდით ჩატარებულ მატჩში (დორტმუნდის “ბორუსიასთან”) აკვირდებოდნენ.
როგორც იცით, ჩაბი ალონსოს კონტრაქტი მომავალი სეზონის ბოლოს იწურება, ამიტომაც “ბაიერნი” ცფილობს, რომ მის ჩამნაცვლებელზე აქედანვე იზრუნოს.
მიუნხენის „ბაიერნის“ მეკარემ მანუელ ნოიერმა „ბენფიკასთან“ მატჩის შემდეგ აღნიშნა, რომ უამრავი შექმნილი მომენტის მიუხედავად, მეტოქე თავს კარგად იცავდა.
„ადვილი მატჩები არ არსებობს. ბევრი მომენტი შევქმენით, მაგრამ მეტოქე თავს კარგად იცავდა.
მეორე გოლის გატანა ძალიან გვინდოდა. ლისაბონში ერთბურთანი უპირატესობით ჩავდივართ და ნახევარფინალში გასვლა გვსურს. საამისოდ ბევრს გავაკეთებთ. ყოველ კვირას გამარჯვებაზე ვფიქრობთ, ამიტომ ზოგჯერ ანგარიშით 1:0 მოგება არასაკმარისია“, – ციტირებს ნოიერს „DW Sports“-ი
დორტმუნდის “ბორუსიას” აღმასრულებელი დირექტორი, ჰანს-იოაჰიმ ვატცკე იუწყება, რომ კლუბი მარიო გიოტცეს დიდი სიამოვნებით მიიღებს უკან.
“მარიო ამჟამად “ბაიერნის” ფეხბურთლია. მას კლუბთან კონტრაქტი 2017 წლამდე აკავშირებს. არც მისგან და არც კლუბისგან არაფერი არ მსმენია თანამშრომლობის დასრულების შესახებ.
ამჟამინდელი მდგომარეობიდან გამომდინარე, ეს თემა ჩვენს დღის წესრიგში არ დგას. თუმცა, ყოველი იმ ფეხბურთელისთვის, რომელთაც “ბორუსიას” წინაშე დიდი დამსახურება აქვს, კლუბის კარი კვლავ ღიაა.”
შეგახსენებთ, რომ 23 წლის გერმანელმა ფეხბურთელმა “ბორუსია” 2013 წელს დატოვა, რისთვისაც “ბავარიელებმა” 37 მილიონი ევრო გადაიხადეს.
მადრიდის “რეალის” ყოფილი ფეხბურთელი, ჩაბი ალონსო თვლის, რომ “კამპ ნოუზე” კატალონიური კლუბის დამარცხება უკეთესი გრძნობაა, ვიდრე ესპანეთის ჩემპიონატის მოგება.
“კამპ ნოუზე” იშვიათად მოგვიგია მატჩები, როგორც ეს მოხდა 2012-ში. ეს იმ დროს მოხდა, როცა ლა ლიგა 100 ქულით მოვიგეთ, თუმცა “კლასიკო” 2-1 წავაგეთ, რის გამოც “ბარსელონა” უფრო კარგად გრძნობდა თავს. მართლაც რომ დასამახსოვრებელი წელი იყო.
ეს მატჩი ყოველთვის დაძაბული და საინტერესოა. მიუხედავად იმისა, რომ “რეალი” 10 ქულით ჩამორჩება “ბარსას”. “კლასიკო” ერთ-ერთი საუკეთესო დაპირისპირებაა ფეხბურთში. დიდ ღონისძიებას ჰგავს.
იმედი მაქვს, რომ კარგი მატჩის ყურება მოგვიწევს და “რეალი” “ბარსას” დამარცხებას შეძლებს. ეს მათთვის ძალიან კარგი იქნება.
ჩემპიონთა ლიგას ყველაფრის შეცვლა შეუძლია. ეს წლის ყველაზე დიდი მოვლენა და მიზანია. ლა ლიგის მოგება მათთვის ძალიან რთულია, ამიტომაც ისინი ჩემპიონთა ლიგაზე გადაერთვებიან.
“რეალს” ასეთი ფეხბურთელებით ნებისმიერი კლუბის დამარცხება შეუძლია. დიახ, ისინი ჩემპიონთა ლიგის მოგების ერთ-ერთი ფავორიტები არიან.”- განაცხადა ესპანელმა.
მიუნხენის “ბაიერნის” ვინგერს, ფრენკ რიბერის იმედი აქვს, რომ კინსლი კომანი ‘მომდევნო რიბერი’ გახდება და სჯერა, რომ “ალიანც არენაზე” მას საკუთარი შესაძლებლობების სრულად წარმოჩენის ყველანაირი პირობა აქვს.
კომანმა, რომელმაც სამშაბათს რუსეთის ნაკრების წინააღმდეგ პირველი გოლი გაიტანა საფრანგეთის ეროვნული ნაკრების მაისურით, სურვილი გამოთქვა, რომ რიბერის ჩანაცვლება სურს, რასაც თავად ფრანგი ფეხბურთელიც გამოეხმაურა: “იმედი მაქვს, რომ ის ‘მომავალი რიბერი’ გახდება. მასთან ძალიან ბევრს ვლაპარაკობ.
“პსჟ-სა” და “იუვენტუსში” მას საკმარის სათამაშო დროს არ აძლევდნენ. მიუნხენში მოსვლისას კი მას თავის წარმოჩენის შანსი მიეცა, მან კი ეს შანსი ბრწყინვალედ გამოიყენა. ის თავისუფალია და უბრალოდ სიამოვნებას იღებს ფეხბურთის თამაშით.
მას თამამად შეუძლია უკეთესიც გახდეს. 19 წლის ასაკში მას დრო ესაჭიროება, რათა თავის თავში გაერკვიოს და განვითარდეს. მან გუნდის უხუცესებისაგან ბევრი რამ უნდა ისწავლოს.” – განაცხადა რიბერიმ.
„მანჩესტერ სიტის“ მომავალი თავკაცი ხოსეპ გვარდიოლა უარყოფს, რომ მომავალ კლუბში „ბაიერნის“ მეკარის მანუელ ნოიერის გადაყვანაზე ფიქრობს.
„თუ მას მოუნდება, შეუძლია, „ბაიერნის“ მეკარე მოამვალი, ხუთი, ექვსი, შვიდი, რვა ან ცხრა სეზონის განმავლობაში იყოს. იმედია, ის კარიერას აქ დაასრულებს“, – ციტირებს ესპანელს Goal.com-ი.
აქამდე გამოცემა „Daily Mirror“-ის ინფორმაციის თანახმად, გვარდიოლა ნოერის „სიტიში“ მოწვევას აპირებდა.
„იუვენტუსის“ თავდამსხმელმა მარიო მანჯუკიჩმა „ბაიერნთან“ ჩემპიონთა ლიგის 1/8 ფინალის პირველი შეხვედრის წინ თავისი „ინტაგრამის“ გვერდზე სურათი გამოაქვეყნა, რომელზეც ის ბეტმენის პერსონაჟის ჯოკერის იმიჯითაა გამოსახული. როგორც ვარაუდობენ, ამ სურათით ის „ბაიერნის“ ამჟამინდელ თავკაც ხოსეპ გვარდიოლას მიმართავს, რომლის ხელმღვანელობით მან მიუნხენურ კლუბში ერთი სეზონი ითამაშა.
სავარაუდოდ, ჯანმრთელობის პრობლემების გამო ხორვატი „ბაიერნთან“ შეხვედრაში ვერ ითამაშებს.
ზაფხულში ხოსეპ გვარდიოლა „მანესტერ სიტის“ მთავარი მწრვთნელის პოსტზე მანუელ პელეგრინის შეცვლის და, რა თქმა უნდა, თავისთვის ნაცნობი ფეხბურთელების გადაბირებაზეც იფიქრებს. თუმცა, როგორც „Daily Star“-ი იუწყება, გერმანიის მოქმედი ჩემპიონის ხელმძღვანელობა გვარდიოლას იმის თაობაზე შეუთანხმდა, რომ ის თავის ახალ კლუბში მიუნხენური კლუბის მოთამაშეებს არ გადაიბრირებს.
გავრცელებული ცნობით, გვარდიოლას ახალ სამუშაო ადგილზე რობერტ ლევანდოვსკის ხილვა სურდა.
ინგლისურ პრესაში გავრცელებული ინფორმაციის თანახმად, არსებობს შანსი იმისა, რომ გვარდიოლას მიუნხენის “ბაიერნი” ნაადრევად დაატოვებინონ. ამის მიზეზი ესპანელ სპეციალისტსა და “რეკორდმაისტერის” ბოსებს შორის არსებული უთანხმოებაა.
“ბარსელონას” ექს-თავკაცს დიდი ზეწოლის ქვეშ აყენებს “ბაიერნის” რამოდენიმე მნიშვნელოვანი ფიგურა – მათ შორის კარლ-ჰაინც რუმინეგე, ული ჰიონესი და მატიას ზამერი.
აღნიშნული ტრიო უკმაყოფილოა იმით, რომ გვარდიოლამ უკვე განაცხადა, რომ “მანჩესტერ სიტიში” გადადიოდა, მიუხედავად იმისა, რომ სეზონის დასრულებამდე რამოდენიმე თვეა დარჩენილი.
წყაროს ცნობით, იმ შემთხვევაში, თუ ბავარიელები ტურინის “იუვენტუსის” ბარიერის დაძლევას ვერ შეძლებენ, 45 წლის სპეციალისტს გუნდის ნაადრევად დატოვება მოუწევს.
კარლო ანჩელოტი, რომელიც მიმდინარე სეზონის დასრულებისთანავე ჩაიბარებს მიუნხენის “ბაიერნს”, უახლოეს ათწლეულში იტალიის ეროვნული ნაკრების ჩაბარებას არ აპირებს. თუმცა არ გამორიცხავს, რომ ეს ოდესმე მაინც მოხდეს.
“ისტორიას თუ დავეყრდნობით, იტალია რუსეთში გასამართი მუნდიალის ფინალში უნდა გავიდეს, ხოლო 2030 წელს უნდა მოიგოს კიდეც ეს ტიტული.
“აძურის” რიგებში კარიერა არიგო საკისთან ერთად დავიწყე და კარგი იქნება თუ ასევე დავასრულებ – 71 წლის ასაკში, ეს შესაფერისი დრო იქნება.
ეს კი ნიშნავს იმას, რომ 2026 წლამდე მაღალ დონეზე უნდა განვაგრძო მუშაობა, შემდეგ კი ნაკრებში მუშაობაზეც დავფიქრდები.”
