მიუნხენის ბაიერნი – გვერდი 9 – Fanebi.Com – ფეხბურთი, კალათბურთი, რაგბი, სხვა

„მანჩესტერ იუნაიტედის“ წარმომადგენელი: „შვაინშტაიგერით ნამდვილად ვინტერესდებით“

Posted on მაისი 22, 2015 by Alix

„მანჩესტერ იუნაიტედის“ ხელმძღვანელობას მიუნხენის „ბაიერნის“ გამოცდილი ნახევარმცველის ბასტიან შვაინშტაიგერის დამატება სურს. ამის შესახებ ინფორმაციას ცნობილი ბრიტანული გამოცემა „დეილი სტარი“ ავრცელებს.

აღსანიშნავია, რომ გამოცემის მიერ გავრცელებულ ცნობას კლუბის ერთ-ერთი წარმომადგენელი გამომეხუაბრა: „დიახ, შვაინშტაიგერი ის მოთამაშეა, რომლითაც ვინტერესდებით“.

წყაროს მტკიცებით, მხარეებმა შესაძლო ტრანსფერთან დაკავშირებით მოლაპარაკებაც კი დაიწყეს. დიდი ალბათობით, მანჩესტერელებს ბასტიანთან კონტაქტის გაფორმება ათი მილიონი ფუნტი დაუჯდებათ.

ლევანდოვსკი: „ბაიერნი“ საშინელი გუნდია?“

Posted on მაისი 22, 2015 by Alix

„ბაიერნის“ თავდამსხმელი რობერტ ლევანდოვსკი „ჰანოვერის“ ყოფილი თავდამსხმელის დიტერ შატცშნაიდერის სიტყვებს გამოეხმაურა, რომელთა მიხედვითაც, მიუნხენური კლუბი საშინლად თამაშობს და მოტივაციის დაკარგვის გამო მთავარი მწვრნთელი პოსტიდან ხოსეპ გვარდიოლა უნდა დაითხოვოს.

„არა, საშინელი გუნდი არ ვართ. რა თქმა უნდა, ბოლო სამ მტაჩში კარგად ვერ ვითამაშეთ, მაგრამ არ გადავიწყდეთ, რომ ბევრი ტრავმირებული ფეხბურთელი გვყავს. ამის მიუხედავად, არ დავნებდით და ბოლომდე ვიბრძოლეთ“, – ციტირებს პოლონელი ფორვარდის სიტყვებს გამოცემა „ბილდი“.

ბოატენგმა და ლევანდოვსკიმ ვარჯიშზე ერთმანეთთან იჩხუბეს (ვიდეო)

ალაბამ ვარჯიში განაახლა

Posted on მაისი 21, 2015მაისი 21, 2015 by Alix

მიუნხენის „ბაიერნის“ მცველმა დავიდ ალაბამ საერთო ჯგუფთან ერთად ვარჯიში განაახლა.

ამჟამად ავსტრიის ნაკრების მოთამაშე მუხლის ტრავმის შემდეგ მკურნალობს.

ცნობისთვის, ბუნდესლიგის მიმდინარე სეზონში ალაბამ 19 მატჩი ჩაატარა, რომელშიც თავი ორი გოლით გამოიჩინა.

ალაბა: “ბარსელონას” ანგარიშით 4:0 დავამარცხებთ”

„გვარდიოლა „მანჩესტერ სიტის“ 2016/17 წლების სეზონში უთავკაცებს“

Posted on მაისი 21, 2015 by Alix

ცნობილი იტალიელი ჟურნალისტი ჯანლუკა დი მარციო იტყობინება, რომ მიუნხენის „ბაიერნის“ მთავარი მწვრთნელი ხოსეპ გვარდიოლა შემდეგ სეზონში „მანჩესტერ სიტიში“ არ იმუშავებს.

ამავდროულად, დი მარციო აღნიშნავს, რომ ესპანელი სპეციალისტი „ქალაქელთა“ ხელმძღვანელებს ნამდვილად ესაუბრა და მათ წინადადებასაც დათანხმდა, თუმცა მანუელ პელეგრინის ადგილს უკვე 2016/17 წლების სეზონში დაიკავებს. „ბაიერნთან“ მოქმედი კონტრაქტი გვარდიოლას სწორედ შემდეგი სეზონის ბოლომდე აკავშირებს.

წყაროს ინფორმაციით, „სიტის“ თავკაცის პოსტის დაკავება ასევე მადრიდის „რეალის“ მთავარ მწვრთნელს კარლო ანჩელოტის შეუძლია, რომელიც, შესაძლოა, „ბლანკოსიდან“ გაუშვან.

იხილეთ ასევე: გვარდიოლას ბრაზილიის ნაკრებთან ერთად მსოლფიო ჩემპიონატის მოგება სურდა

„ბაიერნი“ ასეთ გოლებს არ უნდა უშვებდეს“

Posted on მაისი 17, 2015მაისი 17, 2015 by Alix

მიუნხენის „ბაიერნის“ მცველმა ჟერომ ბოატენგმა „ფრაიბურგთან“ ანგარიშით 1:2 წაგებული მატჩის შესახებ ისაუბრა.

„გერმანიის ჩემპიონს ბოლო წუთებზე ასეთი გოლების გაშვების უფლება არ აქვს. რა თქმა უნდა, ეს „ბარსელონასთან“ შეხვედრა არ იყო, თუმცა მატჩი თავის მნიშვნელობას მაინც არ კარგავდა“, – განაცხადა ბოატენგმა.

იხილეთ გერმანიის ჩემპოიონატის სატურნირო ცხრილი

დარჩება თუ არა გვარდიოლა „ბაიერნში“ – რას აცხადებს მიუნხენელთა თავკაცი?

Posted on მაისი 16, 2015 by Alix

მიუნხენის „ბაიერნის“ მთავარი მწვრთნელი ხოსეპ გვარდიოლა მის შესაძლო წასვლასთან დაკავშირებულ ჭორებს გამოეხმაურა.

„კონტრაქტი კიდევ ერთი წლით მაკავშირებს. ფეხბურთში ეს პერიოდი ბევრს ნიშნავს. ჩემი ოჯახი მიუნხენში ბედნიერია.

ტრანსფერები? კლუბმა ჩემი აზრი ძალიან კარგად იცის“, – განაცხადა გვარდიოლამ.

გვარდიოლას და მესის საუბრის დეტალები ცნობილია

„დე ბრუინეს „ბაიერნში“ თამაში შეუძლია“

Posted on მაისი 15, 2015 by Alix

„ვოლფსბურგის“ ნახევარმცველმა ლუის გუსტავომ, რომელიც აქამდე „ბაიერნის“ ღირსებას იცავდა, თვლის, რომ მის თანაგუნდელ კევინ დე ბრუინეს მიუნხენურ კლუბში სათამაშოდ საჭირო მონაცემები გააჩნია.

„დე ბრუინემ თვითონ უნდა იცოდეს, თუ როგორ მოიქცეს. მას მხოლოდ იმას ვეტყოდი, რომ „ბაიერნზე“ უკეთესი გუნდი მსოფლიოში ძნელად მოიძებნება.

კევინი ძალიან კარგი ფეხბურთელია, რომელიც ერთ მშვენიერ დღეს მსოფლიოს ერთ-ერთ უდიდეს კლუბში ითამაშებს. დარწმუნებული ვარ, რომ მას „ბაიერნში“ სათამაშოდ საჭირო მონაცემები გააჩნია“, – თვლის ლუის გუსტავო.

ლამი ფინალში გასვლას იმედოვნებდა

Posted on მაისი 13, 2015მაისი 13, 2015 by Alix

მიუნხენსის „ბაიერნის“ მცველმა ფილიპ ლამმა „ბარსელონასთან“ უეფა-ს ჩემპიონთა ლიგის 1/2-ფინალური ეტაპის განმეორებით მატჩი შეაჯამა.

„დღეს ჩვენი ფანები ძალიან კარგად გვქომაგოდბენ. სასწაულის გვჯეროდა, მაგრამ სურვილის რეალობად ქცევა ვერ შევძელით. ამ მოთამაშეების 90 წუთის განმავლობაში გაჩერება ვერ გამოვიდა. დუელი არა დღეს, არამედ პირველ შეხვედრაში წავაგეთ“, – განაცხადა ლამმა.

მანჯუკიჩი, შესაძლოა, „მონაკოში“ გადავიდეს

Posted on მაისი 12, 2015 by Alix

„მონაკოს“ ხელმძღვანელობა მადრიდის „ატლეტიკოსა“ და ხორვატიის ნაკრების თავდამსხმელის მარიო მანჯუკიჩის შეძენის ალბათობას განიხილავს. ასეთ ინფორმაციას ფრანგული გამოცემა „Le Parisien“-ი ავრცელებს. წყაროს ცნობით, ფორვარდის ტრანსფერი კლუბს, დაახლოებით, 20 მილიონი ევრო უნდა დაუჯდეს.

28 წლის მანჯუკიჩი მადრიდის „ატლეტიკოში“ „ბაიერნიდან“ გადავიდა. მიმდინარე სეზონის 27 მატჩში მან 12 გოლი გაიტანა და 5 შედეგიანი პასის ავტორი გახდა.

„გიოტცეს „ბაიერნიდან“ წასვლის დრო დადგა“

Posted on მაისი 12, 2015მაისი 12, 2015 by Alix

„ბაიერნის“, „ლივერპულისა“ და გერმანიის ნაკრების ყოფილმა მოთამაშემ დიტმარ ჰამანმა ნახევარმცველ მარიო გიტოცეს შესახებ ისაუბრა.

„გიოტცე ფორმაში არაა, მიმდინარე სეზონში ის „ბაიერნს“ თითქმის არ დახმარებია. მისთვის და კლუბისთვის ტრანსფერი უკეთესი იქნებოდა. როგორც ჩანს, „ბაიერნი“ გიოტცეს გუნდი არაა. აქ ის პრესის დიდი ყურადღების ქვეშაა, გულშემატკივრები კი ყოველდღე ვარჯიშებს ესწრებიან . ასეთ რითმში მარიო თავს კარგად ვერ გრძნობს“, – ციტირებს ჰამანს Goal.com-ი.

ცნობისთვის, მიმდინარე სეზონში 22 წლის მოთამაშემ ბუნდესლიგის 30 მატჩში 9 გოლი გაიტანა.

მარიო გიოტცემ თავისი საქცილის გამო ბოდიში მოიხადა

მიულერი ჩემპიონთა ლიგის ფინალში გასვლის იმედს არ კარგავს

Posted on მაისი 11, 2015მაისი 11, 2015 by Alix

მიუნხენის „ბაიერნის“თავდამსხმელ თომას მიულერს უეფას ჩემპინთა ლიგის ფინალში გასვლის იმედი არ დაუკარგავს.

„ჩვენ „ბაიერნი“ ვართ და რევანშის აღებას შევეცდებით. ფეხბურთში ყველაფერია მოსალოდნელი – „ბარსელონაში“ ყველაფერი ისე ვერ გამოგვივიდა, როგორც გვსურდა, თუმცა იმედი მაინც არ დაგვიკარგავს.

ვერ ვიტყვით, რომ ეს ისეთვე სიტუაციაა, როგორიც „პორტუსთან“ იყო, მაგრამ მიზენი თთქმის იგივეა.

ჩვენ უკვე ბუნდესლიგის გამარჯვებულები ვართ და ჩემპიონთა ლიგის ვერმოგების შემთხვევაშით, ჩნებული სეზონი გამოგვივიდა. ყველა ტრავმის გათვალისწინებით, თასისა და ჩემპიონთა ლიგის ანხევარფინალში გასვლა და ბუნდესლიგის მოგება, ფანტასტიკური შედეგია“, – განაცხადა მიულერმა.

ბეკენბაუერმა „ბაიერნის“ სატრანსფერო პოლიტიკა გააკრიტიკა

Posted on მაისი 11, 2015მაისი 11, 2015 by Alix

მიუნხენის „ბაიერნის“ საპატიო პრეზიდენტმა ფრანც ბეკენბაუერმა კლუბის სატრანსფერო პოლიტიკა გააკრიტიკა.

„ვფიქრობ, კლუბმა ტრანსფერების დროს შეცდომები დაუშვა. რა საჭირო იყო ჟერდან შაჩირის გაყიდვა? არ მესმის, „აუგსბურგში“ იჯარით პიერ ჰეიბიერგი რატომ გაუშვეს. ეს ფეხბურთელები შეცვლაზე კარგად შედიოდნენ და გუნდს სეზონის მეორე ნახევარში ძალიან დაეხმარებოდნენ.

თუმცა, არავინ ელოდა, რომ „ბაიერნს“ ამდენი ტრავმირებული ეყოლებოდა. ჩვენ ის შემადგენლობა არ გვყავდა, რომელიც „ბარსელონას“ ღირსეულ წინააღმდეგობას გაუწევდა“, – თვლის ბეკენბაუერი.