ჭდე: ბილბაო

ევრო-2020-ის მასპინძელი ქალაქებიდან ბილბაო მოიხსნა

Posted on by ბექა დოგრაშვილი

ბილბაოს საკრებულომ გამოაცხადა, რომ უეფამ ეს ესპანური ქალაქი ევროპის ჩემპიონატის მასპინძელი ქალაქებიდან მოხსნა.

“დღეს უეფამ ოფიციალურად გვაცნობა, რომ სტადიონი “სან მამესი” ევრო-2020-ის მასპინძელ არენათა სიიდან ამოღებულია”, – წერია ბილბაოს საკრებულოს ვებგვერდზე.

ევრო-2020 გასულ წელს უნდა გამართულიყო, მაგრამ კორონავირუსული პანდემიის გამო ტურნირი 2021 წლის ზაფხულში გადმოიტანეს. თავდაპირველი გეგმის მიხედვით, ჩემპიონატი 11 ივნისიდან 11 ივლისამდე პერიოდში, ევროპის 12 ქალაქში უნდა ჩატარებულიყო: ლონდონი, გლაზგო, დუბლინი, კოპენჰაგენი, ამსტერდამი, მიუნხენი, ბილბაო, რომი, ბუდაპეშტი, ბუქარესტი, სანქტ-პეტერვურგი, ბაქო.

Marca-ს ფოტორეპორტაჟი ბასკეთიდან: რა მოხდა გუშინ ბილბაოში?

Posted on by კახა ყიფიანი

გუშინ ევროპის ლიგის 1/16 ფინალის განმეორებით შეხვედრაში ერთმანეთს ბილბაოს “ატლეტიკი” და მოსკოვის “სპარტაკი” დაუპირისპირდნენ. მატჩი მოსკოველთა გამარჯვებით, ანგარიშით, 2-1 დასრულდა, თუმცა ორი თამაშის ჯამში (4-3) შემდეგ ეტაპზე ესპანელები გავიდნენ.

საგულისხმოა, რომ მთავარი, სასტიკი დაპირისპირება შეხვედრის შემდეგ მოხდა, როცა რუსმა ულტრასებმა განსაკუთრებული აგრესიულობა გამოიჩინეს ბასკი ფანებისა და პოლიციის მიმართ. ისინი ისროდნენ ქვებსა და ფეიერვერკს ესპანელების მიმართულებით. სამწუხაროდ, ამ ყველაფერს ერთი სამართალდამცავი შეეწირა – 51 წლის ალონსო გარსია.

გთავაზობთ, Marca-ს ფოტორეპორტაჟს, რომელიც გუშინდელ სასტიკ ღამეს ასახავს.

 

ისკო: “რეალს” ისეთივე წინააღმდეგობის გაწევა შეუძლია, როგორც – შარშან”

Posted on by კახა ყიფიანი

გუშინ ლა ლიგა სანტდანერის მე-14 ტურში მადრიდის “რეალი” ბასკეთში ბილბაოს “ატლეტიკს” ესტუმრა და მეტოქესთან უგოლო ფრე ითამაშა.

მატჩის შემდეგ ჟურნალისტებს “ბლანკოსის” ნახევარმცველი, ისკო ალარკონი ესაუბრა.

“როცა შედეგი აგვიანებს, მაშინვე იტყვიან, რომ შემადგენლობა შესუსტდა. თუმცა, ჩვენი გუნდი წინა სეზონის მსგავსად, წელსაც ძალიან ძლიერია. ისიც უნდა გავითვალისწინოთ, რომ ტრავმების გამო, სრული კოლექტივის გამოყენება, ჯერჯერობით, შეუძლებელია. შეგვიძლა, ნებისმიერ მეტოქესთან გამარჯვებისთვის ვიბრძოლოთ.”

“დღევანდელი დღე იყო იმის მაგალითი, რომ გოლების ნაკლებობას განვიცდით. მომენტებს ვქმნით, თუმცა ბოლო ფაზა გვიჭირს. შარშან, რამდენიმე შეხვედრაში ბოლო წუთებზე გავიტანეთ და წელს იღბალი არ გვწყალობს. წინ მნიშვნელოვანი თამაშებია. ნურც მსოფლიო ჩემპიონატი დაგვავიწყდება, რომელზე წარმატების მიღწევაც თავდაჯერებულობის განმტკიცებაში დაგვეხმარება,” – ამბობს ისკო.

კაზემირო: “ბევრი მომნტი შევქმენით, თუმცა ბურთს კარში შესვლა არ უნდოდა”

Posted on by კახა ყიფიანი

გუშინ ლა ლიგა სანტდანერის მე-14 ტურში მადრიდის “რეალი” ბასკეთში ბილბაოს “ატლეტიკს” ესტუმრა და მეტოქესთან უგოლო ფრე ითამაშა.

მატჩის შემდეგ ჟურნალისტებს “ბლანკოსის” საყრდენი, კაზემირო ესაუბრა.

“გვქონდა შანსი, რომ “ბარსელონას” ფრე (2:2 “სელტასთან”) გამოგვეყენებინა და ჩამორჩენა შეგვემცრიეინა. ცდას არ ვაკლებდით. კარგადაც ვითამაშეთ და ბევრი მომენტი შევქმენით. თუმცა ეს ფებურთია და ზოგჯერ ბურთს კარში შესვლა უბრალოდ არ უნდა. მაგრამ ისიც უნდა გვახსოვდეს, რომ ასე ყოველთვის არ მოხდება. შრომა უნდა გავაგრძელთ და წარმატებაც მოვა.”

“ჩვენ შესანიშნავი შემადგენლობა გვყავს, რაც ახლაც ვაჩვენეთ. კარგი ისაა, რო ყველა ცდილობს, თამაშის შანსი მოიპოვოს. ბელი როცა დაბრუნდება, ის ჩვენთვის ძალიან მნიშვნელოვანი იქნება. ბილბაოს სტაიონზე თამაში რთულია. ბოლო ხუთი წუთის გარდა, ფაქტობრივად, მთლიანად ვდომონირებდით. მომავალში გაგვიმართლებს,” – ამბობს კაზემირო.

ვალვერდე: “ჩემი შემდეგი თავგადასავალი ურთულესი იქნება”

Posted on by კახა ყიფიანი

ერნესტო ვალვერდე ცოტა ხნის წინ ბილბაოს “ატლეტიკის” მთავარი მწვრთნელის პოსტიდან გადადგა. ახლა უფრო გახშირდა და რეალური გახდა ის ხმები, რომლებიც ამ სპეციალისტის “ბარსელონაში” მისვლას უკავშირდება.

ვალვერდემ ბასკური გუნდის დატოვების შემდეგ ჟურნალისტებთან ისაუბრა.

“ჩემი შემდეგი თავგადასავალი ურთულესი იქნება. ჯერ შეთანხმება არავისთან მიმიღწევია, თუმცა გეტყვით, რომ დიდი გუნდიდან მაქვს შემოთავაზება.”

“ვფიქრობ, ბილბაოში ჩემი შესაძლებლობები ამოვწურე. მადლობას ვუხდი ყველა აქაურს და მათ წარმატებას ვუსურვებ,” – განაცხადა ვალვერდემ.

მადრიდის “რეალმა” ბილბაოს “ატლეტიკი” სტუმრად დაამარცხა (ვიდეო)

Posted on by კახა ყიფიანი

დღეს ესპანეთის ჩემპიონატის 27-ე ტურის მატჩები გაიმართა.

ერთ-ერთ შეხვედრაში ბილბაოს “ატლეტიკმა” მადრიდის “რეალი” მიიღო. მატჩი ძალიან დაძაბული გამოვიდა. მას არ აკლდა ფიზიკური ორთაბრძოლები და ფეხბურთელებს შორის კამათი.

ანგარიშის გახსნა 25-ე წუთზე კარიმ ბენზემამ მოახერხა. მან კრიშტიანუ რონალდუს პასის შემდეგ აიღო ბასკების კარი.

მეორე ნახევარში, 65-ე წუთზე არიც ადურისმა გაათანაბრა. გამარჯვების გოლის გატანა კაზემირომ შეძლო. “რეალის” ბრაზილიელმა საყრდენმა ზუსტად 68-ე წუთზე მოახერხა ბილბაოელების დამწუხრება.

საბოლოოდ, ზინედინ ზიდანის შეგირდებმა ანგარიშით, 2-1 იმარჯვეს და “ლა ლიგას” ერთპიროვნულად ლიდერობენ (65 ქულა). რაც შეეხება “ატლეტიკს”, ამ გუნდს 44 ქულა აქვს და მეშვიდე პოზიციას იკავებს.

იხილეთ შეხვედრის მიმოხილვა

“ბარსელონამ” “ატლეტიკი” გაანადგურა (ვიდეო)

Posted on by კახა ყიფიანი

დღეს პრიმერა დივიზიონის 21-ე ტურის შეხვედრები გაიმართა.

ერთ-ერთ მატჩში “კამპ ნოუზე” “ბარსელონამ” “ატლეტიკი” მიიღო და სამი უპასუხო გოლი გაუტანა. მე-18 წუთზე პაკო ალკასერმა გახსნა ანგარიში. პირველ ტაიმში მეტი გოლი არ გასულა.

მეორე ნახევარში, 67-ე წუთზე ალეიშ ვიდალმა საბოლოო ანგარიში დააფიქსირა. კატალონიელები ამ გამარჯვებით მეორე ადგილზე არიან, 45 ქულა აქვთ და, მხოლოდ და მხოლოდ, ერთი ქულით ჩამორჩებიან მადრიდის “რეალს”, რომელსაც 2 მატჩით ნაკლები აქვს ჩატარებული.

რაც შეეხება ბილბაოს კლუბს, ბასკები 32 ქულით მერვე პოზიციაზე იმყოფებიან.

 

 

მუნიაინმა სრული დატვირთვით ვარჯიშზე ნებართვა მიიღო

Posted on by ბექა დოგრაშვილი

ბილბაოს “ატლეტიკის” შემტევმა ნახევარმცველმა იკერ მუნიაინი, რომელსაც მუხლის მძიმე ტრავმის გამო ექვსი თვე გაუცდა, მოედანს მალე დაუბრუნდება.

ბასკმა ფეხბურთელმა მედიკოსებისგან უკვე მიიღო ნებართვა სრული დატვირთვით ვარჯიშზე.

შეგახსენებთ, რომ იკერ მუნიაინმა მარცხენა მუხლის ჯვარედინი იოგები აპრილის დასაწყისში, “სევილიას” წინააღმდეგ გამართულ მატჩში (0:2) გაიწყვიტა.

 

რა დაემართა პედროს ბილბაოს “ატლეტიკის” წინააღმდეგ გამართულ მატჩში (ვიდეო)

Posted on by -

17 აგვისტოს, ესპანეთის სუპერთასზე, “ბარსელონასა” და ბილბაოს “ატლეტიკს” შორის გამართულ განმეორებით შეხვედრაში პედროს კურიოზული რამ შეემთხვა.

“ბარსელონა” ესპანეთის თასს დაეუფლა

Posted on by Levan

ესპანეთში საფეხბურთო სეზონის უკანასკნელი მატჩი, თასის ფინალური შეხვედრა გაიმართა, რომელშიც კამპ ნოუზე “ბილბაო” და “ბარსელონა” შეხვდნენ.

კატალონიელები დღევანდელ შეხვედრაში ნომინალური სტუმრები იყვნენ, თუმცა ბუნებრივია, რომ თავს სახლში გრძნობდნენ და მასპნიძლებისთვის დამახასიათებელი აქტიურობითაც დაიწყეს.

“ბარსას” მონდომებამ შედეგი უკვე მე-20 წუთზე გამოიღო და ლეო მესის შესანიშნავი რეიდის შემდეგ ანგარიში გაიხსნა – 1:0. 36-ე წუთზე კატალონიელთა უპირატესობა 2-მდე ნემარმა გაზარდა.

მაყურებლებმა გოლები მეორე ნახევარშიც იხილეს, თუმცა ამჯერად ორივე გუნდის კარში. 74-ე წუთზე მესიმ დუბლი გაიფორმა, ხოლო 79-ზე უილიამსმა საბოლოო ანგარიში, 1:3 დააფიქსირა.

ბილბაო 1-3 ბარსელონა

გოლები: მესი 20′ (0:1); ნეიმარი 36′ (0:2); მესი 73′ (0:3); უილიამსი 79′ (1:3)

ლიონელ მესის საჯარიმო “ბილბაოსთან” მატჩში (ვიდეო)

Posted on by -

30 მაისს, ესპანეთის თასის ფინალში, “ბილბაოსა” და “ბარსელონას” შორის გამართულ მატჩში ლიონელ მესიმ საჯარიმო კარგად შეასრულა, თუმცა მეკარემ არგენტინელის დარტყმულის მოგერიება მოახერხა.

მესიმ “ბილბაოს” შესანიშნავი გოლი გაუტანა

Posted on by -

30 მაისს, ესპანეთის თასის ფინალში “ბილბაოსა” და “ბარსელონას” შორის გამართულ მატჩში ანგარიში ლიონელ მესიმ მე-20 წუთზე გახსნა.