ჭდე: ბრაზილია

ბრაზილიის საფეხბურთო ნაკრებისთვის მსოფლიო ჩემპიონატის სტარტი უფრო და უფრო საშინელი გამოდის – ბრაზილიელებს ის არ კმაროდათ, პირველი მატჩის მოგება რომ ვერ შეძლეს და ახლა ნეიმარსაც სერიოზული პრობლემები აღმოუჩნდა.

როგორც იცით, ბრაზილია-შვეიცარიის მატჩი (1:1) პირველი ოფიციალური მატჩი იყო ნეიმარისთვის თებერვლის თვის შემდეგ. მატჩის მიმდინარეობისას კი ამ უკანასკნელმა არაერთი ძლიერი დარტყმა მიიღო.

დღევანდელი ვარჯიში “პარი სენ-ჟერმენის” სუპერვარსვკლავმა დაწყებიდან რამდენიმე წუთში დატოვა ფიზიოთერაპერტთან ერთად. ჯერჯერობით უცნობია, თუ რა მდგომარეობაში იმყოფება ბრაზილიელი თავდამსხმელის ფეხი.

ბრაზილიამ მსოფლიო ჩემპიონატზე არასახარბიელო სტარტი აიღო (1-1) და ამასთან ერთად, ნეიმარის ფიზიკური მდგომარეობა კითხვის ნიშნის ქვეშ დადგა – საიდუმლო არავისთვისაა, თუ როგორ შეძლეს შვეიცარიელმა ფეხბურთელებმა “პარი სენ-ჟერმენის” სუპერვარსკლვავის თამაშიდან გამოთიშვა.

შეგახსენებთ, რომ ეს პირველი ოფიციალური მატჩია, რომელშიც ნეიმარმა მონაწილეობა მიიღო თებერვლის თვის შემდეგ. ექიმების თქმით, ტრავმა ბოლომდე ჯერაც არ არის მორჩენილი.

როგორც კი ნეიმარმა მოედანი დატოვა, ექიმებმა მაშინვე დაადეს ყინული ფეხზე და გამოკვლევებიც ჩაუტარეს. ბრაზილიის ნაკრებში ირწმუნებიან, რომ ყველაფერი რიგზეა, მაგრამ საშიშროება კვლავაც არსებობს.

რასაკვირველია, ბრაზილიის ნაკრების სხვა მეტოქეებიც არ იტყვიან უარს ნეიმარის მსგავსი ხერხით შეჩერებაზე. ტრავმის გამიზეზების შემთხვევაში კი, შესაძლოა, ბრაზილიამ 2014 წლის “ტრაგედია” გაიმეოროს.