ამერიკის შეერთებული შტატების ნაკრების გერმანელმა მთავარმა მწვრთნელმა იურგენ კლინსმანმა სოციალურ ქსელში გამოაქვეყნა ფოტოები, რომლითაც ბრაზილიისა და გერმანიის ნაკრებებს შორის გამართულ შეხვედრას გამოეხმაურა.
როგორც გაირკვა, კლინსმანს შტუტგარტში საცხობი აქვს:
ინტერნეტ-სივრცეში გავრცელდა ვიდეო, რომელიც ბრაზილიისა და არგენტინის ნაკრებებს შორის გამართულ შეხვედრას ეხება.
ნეიმარისა და დავიდ ლუისის აგენტმა ვაგნერ რიბეირუმ ის მოთხოვნები ჩამოთვალა, რასაც უნდა აკმაყოფილებდეს ბრაზილიის ნაკრების მთავარი მწვრთნელის პოსტზე ლუიშ ფელიპე სკოლარის მემკვიდრე.
„ბრაზილიის ნაკრების მომდევნო მწვრთნელისთვის ექვსი მოთხოვნა მექნება: არ უნდა ჰქონდეს ნამუშევარი პორტუგალიის ნაკრებში, სადაც არაფერი მოუგია; არ უნდა ჰქონდეს ლონდონის „ჩელსიში“ ნამუშევარი და შემდეგ იქიდან გამოძევებული. არ უნდა ჰქონდეს უზბეკეთში ნამუშევარი. არ უნდა ჰყავდეს ბრაზილიური კლუბების უმეტესობა დროის მოკლე პერიოდში მეორე დივიზიონში დაქვეითებული. არ უნდა იყოს სეზონის დასრულებამდე 56 დღით კლუბიდან წასული, რათა დაქვეითება თავიდან აეცილებინა; არ უნდა იყოს სულელი ბებერი, ამპარტავანი, საზიზღარი და სასაცილო“, – აღნიშნა რიბეირუმ.
ადვილი გამოსაცნობია, რომ აგენტმა ფარულად სკოლარის გაჰკრა კბილი.
შეგახსენებთ, რომ 2014 წლის მსოფლიოს ჩემპიონატის ნახევარფინალურ ეტაპზე „სელესაო“ გერმანიის ნაკრებთან ანგარიშით 1:7 განადგურდა და ახლა მესამე ადგილისთვის ბრძოლა მოუწევს.
ბრაზილიურმა პრესამ ჯგუფ „როლინგ სტოუნზის“ წამყვანი ვოკალისტი მიკ ჯაგერი უიღბლობის მომტან პირად შერაცხა.
მსოფლიოს ჩემპიონატის ნახევარფინალურ ეტაპზე ბრაზილიის და გერმანიის ნაკრებებს შორის წუხელ გამართულ შეხვედრას (1:7) ბრაზილიელ შვილ ლუკასთან ერთად სტადიონის ვიპ-ლოჟიდან ადევნებდა თვალყურს ბრიტანელი მუსიკოსი.
ფეხბურთის სამხრეთამერიკელმა გულშემატკივრებმა მიკ ჯაგერის ცუდი აურა ჯერ კიდევ 2010 წლის მსოფლიოს ჩემპიონატზე დალანდეს, როდესაც მუსიკოსის საყვარელმა ინგლისის, აშშ-ისა და ბრაზილიის ნაკრებებმა ტურნირზე წარუმატებლად იასპარეზეს.
ბრაზილიელმა ფანებმა მიკ ჯაგერს pe frio (ცუდი ფეხის მქონე პირი) შეარქვეს, რაც საფუძველს მოკლებული სულაც არ არის. ბრიტანელი მუსიკოსი რამდენჯერაც რომელიმე გუნდს მიემხრო, იმდენჯერ დამარცხდა მისი რჩეული ნაკრები.
თურმე, მუნდიალის დაწყებამდე მიკ ჯაგერს პორტუგალიელებისთვის უთქვამს, თქვენი გუნდი მსოფლიოს ჩემპიონი გახდებაო, თუმცა პორტუგალიის ნაკრებმა ჯგუფური ეტაპის დაძლევაც ვერ მოახერხა.
რომში ყოფნის დროს მიკ ჯაგერმა იტალიელ ტიფოზებს უთხრა, იტალიის ნაკრები ურუგვაის დაამარცხებს და ჯგუფურ ეტაპს დაძლევსო, თუმცა „სკუადრა აძურამ“ ის შეხვედრა ანგარიშით 0:1 დათმო და ტურნირს გამოეთიშა.
ვერც მისმა საყვარელმა ინგლისის ნაკრებმა მოახერხა ჯგუფური ეტაპის დაძლევა.
წუხელ კი, „სელესაომ“ შინაურ კედლებში გერმანიის ნაკრებთან სამარცხვინო მარცხი იგემა.
ბრაზილიელი ფანები ახლა უკვე ოფიციალური წერილით მიმართავენ მიკ ჯაგერს იმისთვის, რომ ბრიტანელმა მუსიკოსმა „სელესაოს“ მხარი აღარ დაუჭიროს.
გერმანიის ნაკრებთან გამანადგურებელი მარცხის შემდეგ ბრაზილიის ფეხბურთის ფედერაციის პრეზიდენტმა ვეტერანი ფეხბურთელი კაფუ ბრაზილიის ნაკრების გასახდელიდან გააგდო. ამის შესახებ ჟურნალიტებს თავად ფეხბურთელმა უამბო.
“მატჩის შედმეგ პრეზიდენტმა განაცხადა, რომ გასახდელში უცხო პირების ხილვა არ სურდა. მე ვუთხარი, რომ უცხო არ ვარ. გასახდელში ბიჭების გასამხნევებლად ჩავედი, მაგრამ იქიდან უბრალოდ გამომაგდეს” – განაცხადა კაფუმ.
ბელუ-ორიზონტეში გამართულ ნახევარფინალურ შეხვედრაში ბრაზილიის ნაკრებმა ისტორიაში ყველაზე მტკივნეული მარცხი განიცადა.
უმნიშვნელოვანეს შეხვედრას სკოლარი ნეიმარის და ტიაგო სილვას გარეშე შეხვდა. აღნიშნული ფეხბურთელები ბერნარდმა და დანტემ შეცვალეს. ძირითადში დისკვალიფიკაცია მოხდილი ლუის გუსტავო დაბრუნდა. გერმანელთა შემადგენლობაში კი არანაირი ცვლილება არ ყოფილა.
მატჩი ბრაზილიელთა ინიციატივით დაიწყო. პირველი დარტყმაც სწორედ მასპინძლებმა შეასრულეს. მარსელომ საჯარიმოს ფარგლებს გარედან სცადა ნოიერის დამწუხრება, თუმცა უშედეგოდ. მერე კი დაწიყო…
ანგარიში კუთხურის დროს საჯარიმოში უმეთვალყურეოდ დარჩენილმა მიულერმა გახსნა. მე-11 წუთზე გერმანელები წინ გავიდნენ. ბრაზილიელებმა კვლავ სცადეს უპირატესობის მოპოვება. აქტიურობით კვლავ მარსელო გამოირჩეოდა.
თუმცა იმას, რაც შემდეგ მოხდა ფეხბურთის ისტორიაში ანალოგი არ აქვს. 23-ე წუთზე მიროსლავ კლოზემ ისტორიული გოლის გატანა მოახერხა და ახალი რეკორდი დაამყარა. ზუსტად სამ წუთში ლამი გადაცემით კროოსმა ანგარიში 3-0 გახადა. ზუსტად ერთ წუთში კროოსმა დუბლი გაიფორმა, ხოლო ხედირამ მეხუთე გოლი გაუტანა სეზარს.
ბრაზილია განადგურებული იყო, სტადიონზე შეკრებილი გულშემატკივრები კი შოკში ჩავარდნენ. ბრაზილიელებისთვის კი ყველაზე ცუდი ის იყო, რომ სათამაშო კიდევ ერთი საათი რჩებოდა.
მეორე ტაიმში ბრაზილია უფრო მოტივირებული ჩანდა. თუმცა, მასპინძლების მიერ შექმნილი რამდენიმე სახიფათო მომენტი გოლად ნოიერის გამო ვერ იქცა. გერმანელთა კიპერმა მეორე ნახევრის დებიუტში 4 სახიფათო დარტყმის მოგერიება შესძლო.
ბრაზილიელები უტევდნენ, გოლების გატანას კი გერმანელები აგრძელებდნენ. შეცვლაზე შემოსულმა შურლემ ათწუთიან ინტერვალში ორი გოლის გატანა მოახერხა. ბოლო წუთზე ოსკარმა პრესტიჟის გოლი გაიტანა და საბოლოო ანგარიში, 1-7 დააფიქსირა.
აღნიშნული ანგარიში შედეგიანობის მხრივ მსოფლიო ჩემპიონატების ნახევარფინალებში რეკორდულია, ბრაზილიისთვის კი – ანტირეკორდული.
გოლები: მიულერი 11′ (0:1); კლოზე 23′ (0:2); კროოსი 25′ ; 26′ (0:4); ხედირა 29′ (0:5); შურლე 69′ ; 79′ (0:7); ოსკარი 90′ (1:7)
გერმანიასთან გამანადგურებელი მარცხით დასრულებული მუნდიალის ნახევარფინალური მატჩის დროს სტადიონზე მყოფი ბრაზილიელი გულშემატკივრები შოკირებულები იყვნენ. შეგახსენებთ, რომ გერმანელებმა ტურნირის მასპინძლებს 7-1 მოუგეს.
მსოფლიოს ჩემპიონატის ნახევარფინალურ ეტაპზე ბრაზილიისა და გერმანიის ნაკრებებს შორის გამართული მატჩი ევროპელთა დამაჯერებელი გამარჯვებით, ანგარიშით 7:1 დასრულდა.
შეხვედრის შემდეგ „სელესაოს“ მცველმა დავიდ ლუისმა ბოდიში მოიხადა.
„ბრაზილიელი ერის წინაშე ბოდიშს ვიხდით. გვინდოდა, რომ ჩვენი მოქალაქეებისთვის სიხარული მოგვეტანა. გვესმის, რაოდენ მნიშვნელოვანია, რომ ბრაზილიელი ხალხი ბედნიერი იყოს, თუნდაც ფეხბურთის დახმარებით.
გერმანიის ნაკრებმა გვაჯობა. მეტოქე უკეთ მომზადებული შეხვდა მატჩს, უკეთაც ითამაშა. ერთხელ ვაჩვენეთ სისუსტე, გერმანელებმა ეს შენიშნეს და მსგავსი კომბინაციებით გაგვიტანეს გოლები.
ჩვენი ოცნება დაიმსხვრა. ძალზედ სამწუხარო დღეა, თუმცა დღეს დიდი გაკვეთილი მივიღეთ. შეცდომებზე სწავლობენ“, – აღნიშნა დავიდ ლუისმა.
მსოფლიოს ჩემპიონატის ნახევარფინალურ ეტაპზე ბრაზილიისა და გერმანიის ნაკრებებს შორის გამართული მატჩი ევროპელთა დამაჯერებელი გამარჯვებით, ანგარიშით 7:1 დასრულდა.
შეხვედრის საუკეთესო ფეხბურთელად „ბუნდესნაკრების“ ნახევარმცველი ტონი კროოსი დაასახელეს, რომელმაც აღნიშნულ მატჩში დუბლი შეასრულა და ერთი საგოლე გადაცემაც გააკეთა.
მიუნხენის „ბაიერნში“ მოთამაშე ფეხბურთელმა შეხვედრა სრულად ჩაატარა, გააკეთა 69 გადაცემა და კარში დაარტყა 3-ჯერ.
ბრაზილიის ნაკრების მცველი დავიდ ლუისი გერმანიასთან გამანადგურებელი მატჩის შემდეგ ინტერვიუს დროს ცრემლები ვერ შეიკავა. ფეხბურთელმა გულშემატკივრებს ბოდიში მოუხადა.
“ჩვენ ბრაზილიელების გახარება გვინდოდა, თუმცა ვერ მოვახერხეთ, რის გამოც მათ ბოდიშს ვუხდით. ყველა ხვდებოდა, თუ რაოდენ მნიშვნელოვანი იყო ჩვენი თანამემამულეების გაბედნიერება… გერმანია ჩვენზე უკეთესი იყო. საშინელი დღე იყო, თუმცა ის ბევრ რამეს მასწავლის. მე არასდროს არ დავნებდები” – განაცხადა დავიდ ლუისმა.
2014 წლის მსოფლიო ჩემპიონატის ნახევარფინალში გერმანიის ნაკრებთან გამანადგურებელი მარცხით ბრაზილიამ საკუთარი ანტირეკორდი დაამყარა. დღემდე ბრაზილიური ნაკრების ისტორიაში ასეთი დიდი ანგარიშით მარცხი არ დაფიქსირებულა.
აღსანიშნავია ისიც, რომ დღევანდელი შეხვედრა რეკორდული ნახევარფინალში გატანილი გოლების რაოდენობითაც გახდა. წინა რეკორდი 6:1 იყო, რომელიც მუნდიალების ნახევარფინალების ისტორიაში სამჯერ დაფიქსირებულა.
მსოფლიო ჩემპიონატის ნახევარფინალურ შეხვეედრაში გერმანიის ნაკრებმა ბრაზილია გაანადგურა. იოაჰიმ ლიოვის შეგირდებმა მუნდიალის მასპინძლებს 7-1 მოუგეს.
ბრაზილიელთა კარში გოლები მიულერა, კლოზემ, კროოსმა (2), ხედირამ და შურლემ (2) გაიტანეს. მასპინძელთა მხრიდან პრესტიჟის გოლის ავტორი ოსკარია.
