ნახევარმცველმა ჩავი ერნანდესმა „ბარსელონაში“ ალეიშ ვიდალის გადასვლა შეაფასა.
„ეს ძალიან კარგი ტრანსფერია. ახალგაზრდა კატალონიელი სახლში დაბრუნდა. ის ენთუზიაზმით სავსეა. როგორც მან პრესკონფერენციაზე განაცხადა, „ბარსელონაში“ თამაშზე დიდი ხნის განამვლობაში ოცნებობდა“, – განაცხადა ჩავიმ.
კატალონიის “ბარსელონას” სუპერვარსკვლავმა ლიონელ მესიმ ესპანური ფეხბურთის ისტორიაში საუკეთესო მოთამაშე დაასახელა.
“ბარსელონას” ოფიციალური არხისთვის მიცემულ ინტერვიუში არგენტინელმა თავდამსხმელმა ჩავი გამოარჩია.
“ჩემი აზრით, ჩავი ესპანური ფეხბურთის ისტორიაში საუკეთესო ფეხბურთელია,” – ამბობს მესი.
“ბარსელონას” ნახევარმცველმა ანდრეს ინიესტამ თანაკლუბელ ჩავი ერნანდესს, რომელიც მიმდინარე სეზონის ბოლოს კლუბს დატოვებს, მადლობა გადაუხადა. შეგახსენებთ, რომ გუშინ კატალონიურმა გუნდმა სეზონის უკანასკნელი საშინაო მატჩი ჩაატარა — “დეპორტივოსთან” შეხვედრა ფრედ, ანგარიშით 2:2 დასრულდა.
“დღეს ყველასთვის განსაკუთრებული დღეა. გვინდა, რომ ესპანეთის ჩემპიონატთან ერთად ჩემპიონთა ლიგაც მოვიგოთ. გვსურს, რომ 7 ივნისს გამარჯვებულები დავბრუნდეთ.
დღეს ჩავისთვის განსაკუთრებული დღეა. ის ნამდვილი ლეგენდაა. ჩვენ გვაქვს პატივი, მას დავემშვიდობოთ. მე მას ყველაფერს ვულოცავ, რასაც ამ წლების განმავლობაში მიაღწია და მადლობას ვუხდი იმისთვის, რომ ბევრი რამ მასწავლა”, – ინიესტას სიტყვები Football Espana-მ გამოაქვეყნა.
შეგახსენებთ, რომ ჩავი კარიერას ყატარის “ალ სადში” გააგრძელებს.
“ბარსელონას” ნახევარმცველი, ჩავი ერნანდესი სეზონის ბოლოს კატალონიურ კლუბს დატოვებს. ამ თემასთან დაკავშირებით დღეს ფეხბურთელმა პრესკონფერენციაც გამართა.
“სეზონის დასრულების შემდეგ “ბარსელონას” დავტოვებ. ეს რთული გადაწყვეტილება იყო, თუმცა ვფიქრობ, რომ უკვე წასვლის დროა.
კარიერას ყატარულ “ალ-სადში” გავაგრძელებ, რომელთანაც 2+1 წლიანი კონტრაქტი გავაფორმე. ამავდროულად სამწვრთნელო განათლებასაც მივიღებ.
ცოტა ხნის წინ “ბარსელონამ” კონტრაქტის 2018 წლამდე გახანგრძლივება შემომთავაზა, მაგრამ იმ მომენტისთვის გადაწყვეტილება უკვე მიღებული მქონდა.
ყატარში საკმაოდ შთამბეჭდავ პრეოქტს ანხორციელებენ, თუმცა ჩემი მთავარი მიზანი “ბარსელონაში” მწვრთნელის, სპორტული დირექტორის ან ნებისმიერ სხვა როლში დაბრუნება იქნება.
წასვლა გასულ წელსაც შემეძლო, თუმცა “ბარსელონას” დატოვება წარუმატებელ პერიოდში არ მსურდა” – განაცხადა ჩავიმ
როგორც ცნობილი ესპანური გამოცემა „ელ მუნდო“ იტყობინება, ხუთშაბათს, 21 მაისს, „ბარსელონას“ ნახევარმცველი ჩავი ერნანდესი საგანგებო პრესკონფერენციას გამართავს, რომელზეც კატალონიური კლუბიდან წასვლას ოფიციალურად დაადასტურებს. გარდა ამისა, წყაროს ცნობით, 35 წლის შუახაზელი ყატარულ „ალ-სადში“ გადასვლას დაადასტურებს.
განვლილ კვირას ჩავი „ბარსასსთან“ ერთად ესპანეთის ჩემპიონი გახდა. საკლუბო დონეზე მან 23-ე ტიტული მოიგო – ჩავი რვაჯერ ესპანეთის ჩემპიონი გახდა და ორჯერ ესპანეთის თასი მოიგო. ქვეყნის სუპერთასის გამარჯვებული ჩავი ექვსჯერ აღმოჩნდა, ჩემპიონთა ლიგა კი სამჯერ მოიგო. გარდა ამისა, მის ანგარიშზე ორი ევროპის სუპერთასი და ორი საკლუბო მუნდიალია.
ტურინის “იუვენტუსის” ნახევარმცველმა ანდრეა პირლომ დაასახელა ორი ფეხბურთელი, რომლებიც მას ყველაზე მეტად მოსწონს.
შეგახსენებთ, რომ პირლოს კარიერის განმავლობაში, “ინტერში”, “მილანსა” და “იუვენტუსში” არაერთი გამორჩეული ფეხბურთელის გვერდით უთამაშია.
“ფეხბურთელები, რომლებიც ყველაზე მეტად მომწონს? ჩავი და ინიესტა. ისინი უმაღლესი დონის ფეხბურთელები არიან. ორივე ყოველთვის მხოლოდ გუნდზე ფიქრობს”, – უთხრა პირლომ La Gazzetta dello Sport-ს.
ესპანეთის ჩემპიონატის 33-ე ტურში “ბარსელონამ” თანაქალაქელი “ესპანიოლი” ანგარიშით 2:0 დაამარცხა. მატჩის შემდეგ “ბლაუგრანას” ლიდერმა ლიონელ მესიმ ჩავის პრიმერადივიზიონში ჩატარებული მე-500 შეხვედრა მიულოცა.
ესპანელმა ფეხბურთელმა “ბარსელონას” რიგებში პირველი მატჩი 1998 წლის 3 ოქტომბერს “ვალენსიას” წინააღმდეგ ჩაატარა.
“ბარსელონურ დერბიში დიდებული გამარჯვება მოვიპოვეთ. ვულოცავ ჩავის მე-500 მატჩის ჩატარებას. ნაბიჯ-ნაბიჯ წინ მივიწევთ”, – დაწერა მესიმ სოციალურ ქსელში.
“ბარსელონას” შემტევმა, ნეიმარმა გუნდის კაპიტან ჩავი ერნანდესს ბოდიში მოუხადა.
შეგახსენებთ, რომ პრიმერა დივიზიონის 31-ე ტურის შეხვედრაში, რომელიც “ბარსელონამ” “სევილიას” წინააღმდეგ გამართა, ბრაზილიელი ფეხბურთელი 74-ე წუთზე შეცვალეს და მის ნაცვლად მოედანზე ჩავი შევიდა.
თავად ნეიმარი აღნიშნული გადაწყვეტილებით უკმაყოფილო იყო, რაც მისი რეაქციიდან ნათლად გამოჩნდა. თუმცა, მოგვიანებით, ესპანურ მედიაში გავრცელებული ინფორმაციით, ბრაზილიელმა ჩავის მოუბოდიშა.
11 აპრილს, ესპანეთის პრიმერა დივიზიონში, “სევილიასა” და “ბარსელონას” შორის გამართული მატჩის (2:2) 74-ე წუთზე, კატალონიელთა მთავარმა მწვრთნელმა, ლუის ენრიკემ ნეიმარი მოედნიდან გაიყვანა და მის მაგივრად თამაშში ჩავი ჩართო. როგორც ჩანს, ამ ყოველივემ ბრაზილიელი ფეხბურთელი გააბრაზა, რაც კამერებს არ გამორჩენიათ.
კატალონიის “ბარსელონას” ფეხბურთელი ხავიერ მასკერანო აცხადებს, რომ მას ჩავისა და დანი ალვეშის გუნდში დარჩენა სურს.
შეგახსენებთ, რომ ეს ორი მოთამაშე სეზონის დასრულების შემდეგ კატალონიურ გრანდს დატოვებს.
“დანი ალვეში “ბარსელონას” ისტორიაში ერთ-ერთი საუკეთესო ფეხბურთელია. ის დადებითი პიროვნებაა და მინდა, რომ ჩვენს გუნდში კიდევ დიდი ხნით დარჩეს. რაც შეეხება ჩავის, ის კლუბის ისტორიის ნაწილია. კარგი იქნება, თუ ისიც “ბარსელონაში” დარჩება”, – ამბობს არგენტინელი.
კატალონიის „ბარსელონას“ ნახევარმცველმა ანდრეს ინიესთამ „სელტასთან“ ესპანეთის პრიმერა დივიზონის მოგებულ მატჩში ითამაშა.
აქედან გამომდინარე, 30 წლის ფეხბურთელმა კატალონიური კლუბის შემადგენლობაში პრიმერას 250-ე მატჩი მოიგო.
მსგავსი შედეგით აქამდე მხოლო ჩავი და მეკარე ვიქტორ ვალდესი გამოირჩნენ.
“ბარსელონას” ნახევარმცველი ჩავი ერნანდესი კარიერას ყატარში გააგრძელებს. ამ ინფორმაციას “ალ სადის” გენერალური დირექტორი აბდულა ალ-ბერიკი ადასტურებს.
“ალ სადიმ” “ბარსელონას” კაპიტან ჩავის დამატება მოახერხა, რომელიც ფოტოზე ჩვენი კლუბის სპორტულ დირექტორ მუჰამედ გულამთან ერთად არის”, – დაწერა სოციალურ ქსელში “ალ სადის” გენერალურმა დირექტორმა.
გავრცელებული ინფორმაციის თანახმად, მხარეებს შორის სამწლიანი კონტრაქტი გაფორმდება. sport-es-ის ცნობით, 35 წლის ესპანელი ნახევარმცველი წელიწადში ჯამაგირის სახით 10 მილიონ ევროს მიიღებს.
ვრცელდება ინფორმაცია, რომ ჩავი ყატარის ნაკრებში კონსულტანტადაც იმუშავებს და გუნდს მსოფლიოს 2022 წლის ჩემპიონატისთვის მოამზადებს.
