„ჩელსის“ ნახევარმცველს სესკ ფაბრეგასს სიჩქარის გადაჭარბებისთვის ნახევარი წლით მართვის მოწმობა ჩამოერთვა. ესპანელი საათში 110 მილით იმ ადგილას მოძრაობდა, სადაც მაქსიმალურად დაშვებული სიჩქარე მხოლოდ 50 მილია. ამავდროულად, ფეხბურთელი 2,5 ათასი ფუნტით დააჯარიმეს.
შეგახსენებთ, რომ წინა თვეში მსგავსი შემთხვევით „მილანის“ ფორვარდი მარიო ბალოტელიც გამოირჩა, რომელსაც ასევე მართვის მოწმობა ჩამოართვეს.
მიუხედავად იმისა, რომ საკლუბო დონეზე ედენ აზარისთვის მიმდინარე სეზონი არც ისე კარგად მიმდინარეობს, ნაკრების ვარჯიშზე მან თავის გამოჩენა მაინც მოახერხა და ჩინებული გოლიც გაიტანა, რითიც თანაგუნდელების აპლოდისმენტები დაიმსახურა.
ლონდონის “ჩელსი” კლუბის მთავარ მწვრთნელ ჟოზე მოურინიოსთან დაკავშირებით სპეციალურ განცხადებას აქვეყნებს. ბოლო პერიოდში პრესაში აქტიურად იწერება, რომ ცუდი შედეგების გამო პორტუგალიელი სპეციალისტს მალე კლუბიდან გაათავისუფლებენ.
“კლუბი სრულად ენდობა ჟოზეს. როგორც თავად ჟოზემ თქვა, შედეგები არცთუ სახარბიელოა და გუნდმა თამაში უნდა გააუმჯობესოს. ჩვენ გვჯერა, რომ სწორედ ის მწვრთნელი გვყავს, რომელსაც სიტუაციის გამოსწორება შეუძლია და მას ჰყავს გუნდი, რომელიც ამას გააკეთებს”, – ნათქვამია “ჩელსის” ოფიციალურ ვებგვერდზე გამოქვეყნებულ განცხადებაში.
ინგლისის პრემიერლიგის მე-8 ტურში ლონდონის “ჩელსი” “საუთჰემპტონთან” ანგარიშით 1:3 დამარცხდა.
მატჩის შემდეგ ერთ-ერთი სამოყვარულო არხისთვის მიცემულ ინტერვიუში ლონდონური კლუბის ფანი სახელად ლუი დაახლოებით ერთი წუთის განმავლობაში ცდილობდა, “სტემფორდ ბრიჯზე” გამართული თამაშისთვის ანალიზი გაეკეთებინა, თუმცა როდესაც საუბარი ბრანისლავ ივანოვიჩსა და სესკ ფაბრეგასზე ჩამოვარდა, ვეღარ მოითმინა და ისინი გვარიანად გამოლანძღა. ლუის არც “ჩელსის” ის ქომაგები დაავიწყდა, რომლებმაც მესამე გაშვებული გოლის შემდეგ სტადიონი დატოვეს და მათ “მანჩესტერ სიტის” გულშემატკივრობა ურჩია. მოკლედ, ეს ის შემთხვევაა, როდესაც ვიდეოს თარგმანი არ სჭირდება.
ინგლისის პრემიერლიგის მე-8 ტურში ლონდონის “ჩელსი” “საუთჰემპტონთან” ანგარიშით 1:3 დამარცხდა და სატურნირო ცხრილში მე-16 პოზიციამდე დაეშვა. ჟოზე მოურინიოს გუნდს აქტივში მხოლოდ 8 ქულა აქვს.
“ჩელსის” ბოლო 37 წლის განმავლობაში ყველაზე ცუდი სტარტი აქვს. 1978/79 წლების სეზონის ცუდად დაწყებას ის მოყვა, რომ გუნდი ელიტარული დივიზიონიდან გავარდა. ინგლისის ჩემპიონატის არსებობის ისტორიაში მხოლოდ ერთი ფაქტი მოიძებნება, როდესაც გუნდს საწყისი რვა ტურის შემდეგ აქტივში მხოლოდ რვა ან ნაკლები ქულა ჰქონდა და შემდეგ ჩემპიონი გამხდარა. ეს 1913 წელს “სანდერლენდმა” შეძლო.
3 ოქტომბერს, ინგლისის პრემიერ ლიგაში, ლონდონის “ჩელსიმ” საკუთარ მოედანზე “საუთჰემპტონი” მიიღო და ანგარიშით 1:3 დამარცხდა.
აღსანიშნავია, რომ “ჩელსი” მიმდინარე სეზონს საკმაოდ არასტაბილურად ატარებს. ლონდონური კლუბის ბევრი გულშემატკივარი ჟოზე მოურინიოს გუნდიდან გაშვებას ითხოვს.
“საუთჰემტპონთან” გამართული შეხვედრის შემდეგ პორტუგალიელმა სპეციალისტმა ძალიან საინტერესო განცხადება გააკეთა.
“თუ “ჩელსიდან” დამითხოვენ, კლუბი თავისი არსებობის მანძილზე საუკეთესო მწვრთნელს დაკარგავს”, – უთხრა ჟოზემ ჟურნალისტებს.
Jose Mourinho: "If they sack me they sack the best manager this club has had."
— Purely Football (@PurelyFootball) October 3, 2015
ევროპულ პრესაში გავრცელებული ინფორმაციით, თურქული „ფენერბაჰჩე“ „ჩელსის“ კაპიტნით ჯონ ტერით დაინტერესდა.
ვეტერანს ლონდონელებთან კონტრაქტი შემდეგ ზაფხულს ეწურება.
შესაძლო ტრანსფერის ალბათობას ისიც ზრდის, რომ ბოლო დროს ჟოზე მოურინიო ტერის სათადარიგოთა სკამზე ტოვებს. ამიტომაც, 34 წლის ფეხბურთელის ლონდონიდან წასვლა გამორიცხული სულაც არ არის.
“პორტუს” კარის დარაჯი იკერ კასილასი აცხადებს, რომ გუშინდელი მატჩის დასრულების შემდეგ ის ჟოზე მოურინიოს შეხვდა და ხელი ჩამოართვა.
შეგახსენებთ, რომ 29 სექტემბერს “პორტუმ” საკუთარ მოედანზე “ჩელსი” ანგარიშით 2:1 დაამარცხა.
“მოურინიოს შევხვდი და ხელი ჩამოვართვი. მან მითხრა: “წარმატებებს გისურვებ. ლონდონში გნახავ…” – ციტირებს კასილასის სიტყვებს Mirror-ი.
29 სექტემბერს, ჩემპიონთა ლიგის გათამაშებაში, “პორტუსა” და “ჩელსის” შორის გამართულ მატჩში, პირველი ტაიმის ბოლოს ვილიანმა პორტუგალიელთა კარში ჯარიმა გაიტანა.
„ჩელსის“ ნახევარმცველმა ვილიანმა „პორტუსთან“ ჩემპიონთა ლიგის მეორე ტურის წაგებული მატჩის შესახებ ისაუბრა.
„პორტუს“ ძალიან კარგი შემადგენლობა ჰყავს. წინა ხასზე სწრაფი მოთამაშეები მოქმედებდნენ, მაგრამ ამის შესახებ მატჩის წინაც ვიცოდით. აქ მოგება გვსურდა, რაც ვერ გამოგვივიდა. ახლა შემდეგ შეხვედრაზე უნდა ვიფიქროთ. გასული სეზონი ჩინებული გამოგვივიდა, წელს კი არც ისე კარგად დავიწყეთ, უკვე ბევრი წაგება დაგვიგროვდა“, – განაცხადა ვილიანმა.
უეფას ჩემპიონთა ლიგის ჯგუფური ეტაპის მეორე ტურში ლონდონის “ჩელსი” სტუმრად “პორტუსთან” ანგარიშით 1:2 დამარცხდა. მატჩის შემდეგ ინგლისელთა მთავარმა მწვრთნელმა ჟოზე მოურინიომ განაცხადა, რომ მისი გუნდი სულელური შეცდომების გამო დაისაჯა.
“კარგი თამაში იყო ორი სულელური შეცდომით. ზოგჯერ ასეთ შეცდომებს უშვებ, მაგრამ არ ისჯები, ჩვენ კი დავისაჯეთ.
არაერთხელ ვნახეთ, როგორ ასრულებს “პორტუ” კუთხურებს. ჩვენ ამისთვის მზად ვიყავით, თუმცა როდესაც თამაშს ვაკონტროლებდით, ზუსტად მაშინ მივიღეთ გოლი და სწორედ ეს არის სასაცილო.
მეორე ასეთი შეცდომა მაშინ დავუშვით, როდესაც მეტოქემ ბურთი ძელს გაარტყა. ეს შეცდომები რომ არ ჩავთვალოთ, თანაბარი თამაში იყო. ფეხბურთელები კარგად მოქმედებდნენ.
“პორტუ” ძლიერი მეტოქეა, “დრაგაოზე” თამაში რთულია”, – ციტირებს მოურინიოს სიტყვებს Goal.com-ი.
ცნობისთვის, “ჩელსი” მიმდიანრე სეზონში ყველა ტურნირზე ერთად 11 მატჩიდან უკვე მეხუთედ დამარცხდა.
„პორტუსთან“ ჩემპიონთა ლიგის ჯგუფური ეტაპის მეორე ტურის მატჩის წინ „ჩელსის“ მთავარი მწვრთნელი ჟოზე მოურინიო მეკარე იკერ კასილიასთან დაკავშირებულ კითხვას ელოდებოდა და ამ თემაზე ჟურნალისტს კითხვის დასმამდე ესაუბრა.
„ვიცი, რაც უნდა მკითხოთ. დიახ, კასილიასს მატჩის დაწყებამდე ან მისი დამთავრების შემდეგ აუცილებლად მივესალმები. ყოველგვარი ეჭვის გარეშე, მას ხელს ჩამოვართმევ. მოდით, ამ თემაზე მეტი არაფერი მკითხოთ“, – განაცხადა ფეხბურთის პორტუგალიელმა სპეციალისტა.
