მერსესაიდის “ლივერპულის” გულშემატკივრებმა ოქტომბრის თვის საუკეთესო ფეხბურთელებად დეიან ლოვრენი და მუჰამედ სალაჰი დასახელდნენ, რომლებმაც კლუბის ოფიციალურ საიტზე ჩატარებულ გამოკითხვაში ხმების 33-33 პროცენტი დააგროვეს.
თუმცა, ვერ ვიტყვით, რომ ხორვატი მცველი ოქტომბრის თვეში უშეცდომოდ გამოიყურებოდა. განსაკუთრებით აღსანიშნავია “ტოტენჰემთან” მატჩი, სადაც მას 31-ე წუთისთვის ორი მნიშვნელოვანი შეცდომა ჰქონდა დაშვებული. გულშემატკივრებმა კი ლოვრენს მხარდაჭერა სწორედ საუკეთესოდ დასახელების გზით გამოუცხადეს.
რაც შეეხება ეგვიპტელ მუჰამედ სალაჰს, ოქტომბერში ის 5 მატჩში გატანილი 3 გოლით გამოირჩა. ამ პერიოდში “ლივერპული” ფრედ ეთამაშა “ნიუკასლსა” და “მანჩესტერ იუნაიტედს”, მოუგო “მარიბორსა” და “ჰადერსფილდს” და დამარცხდა “ტოტენჰემთან”.
