„კლვილენდ კავალიერსთან“ მოგების შემდეგ „ჩიკაგოს“ პლეიმეიკერმა დერიკ როუზმა აღნიშნა, რომ მისმა გუნდმა კარგი სათადარიგო სკამის დახმარებით მოიგო.
„ყოველი შემდეგი მატჩის მოგებას სწორედ ასე ვაპირებთ. „ბულზის“ კალათბურთელები მოედანზე თავდაჯერებულები გამოვლენ. გვესმის, რომ გამარჯვება შეგვიძლია. სხვანაირად ვერც იქნება, რამეთუ ძალიან კარგი სათადარიგოთა სკამი გვყავს“, – ციტირებს როუზს ESPN-ი.
„ჩიკაგო ბულზის“ გამთამაშებელი დერიკ როუზი რეგულარული ჩემპიონატის სასტარტო მატჩში ითამაშებს, რის შესახებაც ESPN იტყობინება.
29 სექტემბერს სახის ერთ-ერთი ძვლის მოტეხილობის შემდეგ როუზმა პარასკევს თავისთვის პირველი წინასასეზონო მატჩში ითამაშა. მართალია, „ჩიკაგოს“ თავკაცს ფრედ ჰოიბერგს ჯერ არ გადაუწყვეტია, გამოიყვანოს თუ არა დერიკი შეხვედრის პირველივე წუთებიდან.
ცნობისთვის, სეზონის სადებიუტი მატჩში „ხარები“ „კლივლენდ კავალეირსს“ უმასპინძლებენ.
„ჩიკაგო ბუზლის“ გამთამაშებელს დერიკ როუზს ჯერ არ გადაუწყვიტავს, მიიღოს თუ არა მონაწილეობა აშშ-ს ნაკრების სამწვრთნელო ბანაკში, რომელიც ლას-ვეგასში გაიმართება და არამხოლოდ ვარჯიშისგან, არამედ მატჩებისგანაც შედგება.
როუზი, შეგახსენებთ, ნაკრებს განვლილი მსოფლიო ჩემპიონატის მოგებაში დაეხმარა, მაგრამ, მზადაა, მოახლოებული შეკრება გამოტოვოს, რათა ეროვნული საკალათბურთო ასოციაციის რეგულარული ჩემპოიონატისთვის უეკთესად მოემზადოს.
ამავდროულად აშშ-ს ნაკრების გენერალურ მენეჯერ ჯერი კოლანჯელოს არაერთხელ თქვამს, რომ მათთვის, ვინც რიო-დე-ჟანეიროს ოლიმპიურ თამაშებში მონაწილეობას გეგმავს, ლას-ვეგასში ჩასვლა აუცილებელია.
„ჩიკაგო ბულზის“ ლიდერმა დერიკ როუზმა გუნდის მთავარ მწვრთნელს ტომ ტიბოდოს მხარი დაუჭირა და განაცხადა, რომ მისი წასვლა არ სურს.
„მსურს, რომ ტიბოდო დარჩეს. კლუბში და აშშ-ს ნაკრებში მუშაობის პერიოდში მასთან კარგი ურთიერთობა ჩამომიყალიბდა. ის ჩემზე ყოველთვის ფიქრობდა. როდესაც ტრავმა მქონდა, ტომი ლოს-ანჯელესში ჩავიდა, სადაც ოპერაციის შემდეგ ვიმყოფებოდი და რეაბილიტაციის კურსს გავდიოდი.
შესაძლოა, ვინმეს ტიბოდოს გათავისუფლება ნამდვილად სურდეს, თუმცა ამ ადამიანთა შორის მე ნამდვილად არ ვარ. მასთან მუშაობის სურვილი მთელი ამ პერიოდის განმავლობაში მსურდა“, – ციტირებს როუზს ESPN-ი.
„ჩიკაგო ბულზისა“ და „კლივლენდ კავალიერსის“ სერიის მესამე მატჩის შემდეგ, რომელიც „ხარებმა“ ანგარიშით 99:96 მოიგეს, ეროვნულმა საკალათბურთო ასოციაციამ ორივე გუნდის ლიდერთა გამოსვლას ვიდეო მიუძღვნა.
ლებრონ ჯეიმსმა შეხვედრა 27 ქულით, 14 ასისტით, 8 მოხსნითა და თითო-თითო ჩაჭრითა და ბლოკით დაასრულა. რაც შეეხება როუზს, მისმა მონაგარმა 30 ქულა, 7 მოხსნა და 7 ასისტი შეადგინა.
ცნობისთვის, „ჩიკაგო“ სერიას ანგარიშით 2:1 იგებს.
„მილუოკი ბაქსთან“ პლეიოფის სერიის მეოთხე მატჩში მარცხი „ჩიკაგო ბულზის“ ლიდერმა დერიკ როუზმა საკუთარ თავზე აიღო.
„მარცხს საკთარ თავზე ვიღებ. მეოტქის ბოლო შეტევის დროს ბურთს სათანადოდ არ ვუყურებდი. ყველამ ნახა, თუ რა შედეგი მოიტანა ასეთმა თამაშმა“, – ციტირებს როუზს ESPN-.
ცნობისთვის, „მილუოკის“ ბოლო შეტევამდე დერიკს „ბულზისთვის“ გამარჯვების მოტანა შეეძლო, თუმცა მას კრის მიდლტონმა აჯობა.
შეგახსენებთ, რომ „ხარები“ სერიას ანგარიშით 3:1 იგებენ. შემდეგი შეხვედრა 27 აპრილს ჩიკაგოში შედგება.
„მილუოკიოსთან“ პლეიოფის სერიის მესამე მატჩში „ჩიკაგოს“ ლიდერი დერიკ როუზი სამ მეტოქეს გასცდა, რის შემდეგაც ბურთი ერთი ხელიდან მეორეში გადაიტანა და მეტოქის ფარში ჩააგდო.
„მილუოკი ბაქსთან“ პლეიოფის პირველ მატჩში „ჩიკაგო ბულზის“ ლიდერმა დერიკ როუზმა შეტევა თავისი ნახევრიდან დაიწყო, რის შემდეგაც მთელი მოედანი გაირბინა და ბურთი მეტოქის ფარში ჩააგდო.
„ჩიკაგო ბულზის“ ლიდერს დერიკ როუზს მარჯვენა მენისკის ოპერაცია ელის, რის შესახებაც კლუბის ოფიციალური ვებგვერდი წერს. მოთამაშის მოედანზე დაბრუნების პერიოდი პროცედურის დასრულების შემდეგ გაირკვევა. თავიდან როუზმა მუხლის ტკვილი იგრძნო, რის შემდგომაც სამედიცინო შემოწმება გაიარა. მსგავსი ტრავმა გამთამაშებელმა 2013 წელსაც მიიღო, რის შემდეგაც სეზონის დარჩენილი ნაწილი გამოტოვა.
მიმდინარე რეგულარულ ჩემპიონატში როუზის საშუალო მონაგარი სათამაშო დროის 31 წუთში 18,4 ქულასა და 5 ასისტს შეადგენს.
„ჩიკაგო ბულზის“ ლიდერი დერიკ როუზი დარწმუნებულია, რომ მის გუნდს მიმდინარე სეზონში ეროვნული საკალათბურთო ასოციაციის მოგება შეუძლია.
„ვფიქრობ, მიმდინარე სეზონში ყველაფერი გვაქვს, რათა ჩემპიონობისთვის ვიბრძოლოთ. ჩემი აზრით, ეს საკმაოდ რეალურია. პირველ რიგში, კონცენტრაცია და დისციპლინა გვჭირდება.
ასეთი განცდა არასდროს მქონია. ახლა ძლიერ ზეწოლას არ ვგრნობთ, რადგან გუნდში ბევრი მოთამაშეა, რომელსაც თამაშის საკუთარ თავზე აღება შეუძლია. ყოველი მატჩის შემდეგ უნდა მოვუმატოთ“, – განაცხადა დერიკმა.
„ჩიკაგოს“ გამთამაშებელმა დერიკ როუზმა „დალასთან“ მატჩის ბოლო წამზე სამქულიანი ჩააგდო, რითაც ანგარიში გაათანაბრა (121:121) და მატჩი ოვერტაიმში გადაიყვანა.
დამატებით დროში „დალასმა“ მაინც გაიმარჯვა – „ჩიკაგო“ სამი ქულით დამარცხდა (129:132)
„ეს უბრალო სროლა იყო. მე რამის გათვლის საშუალება არ მქონდა, ბურთი კალათში მაინც ჩავარდა. საბოლოო შედეგით გულდაწყვეტილი ვარ. თუმცა ეს კალათბურთია“, – ციტირებს როუზს ESPN Chicago.
ხსენებულ მატჩში დერიკმა 36 წუთისა და 30 წამის განმავლობაში ითამაშა. ამ პერიოდშ მისმა მონაგარმა 18 ქულა, 5 მოხსნა და 10 გადაცემა შეადგინა. სათქმელია, რომ როუზმა ბურთი შვიდჯერ დაკარგა.
„ჩიკაგო ბულზის“ გამთამაშებელმა დერიკ როუზმა „ფილადელფია სიქსერსთან“ რეგულარული ჩემპიონატის მატჩი გამოტოვა, რის შესახებაც „ESPN Chicago“ იტყობინება.
როუზმა, რომელსაც ტრავმა აქამდეც აწუხებდა, მდგომარეობა ოთხშაბათს „მილუოკი ბაქსთან“ მატჩში გაირთულა.
კლუბში ჯერჯერობით არ იციან, მოახერხებს თუ არა როუზი „ბოსტონ სელტიკსთან“ შაბათის მატჩში თამაშს.
„ყველაფერი შაბათს გაირკვევა. თუ იგი მზად იქნება, აუცილებლად ითამაშებს“, – განაცხადა „ხარების“ თავკაცმა ტომ ტიბოდომ.
