ლეგენდარულმა არგენტინელმა ფეხბურთელმა დიეგო მარადონამ კიდევ ერთხელ მოახდინა განსაკუთრებული ნიჭის დემონსტრირება.
53 წლის მარადონამ ვეტერან ფეხბურთელთა შორის გამართულ ამხანაგურ მატჩში ლამაზი გოლი გაიტანა.
ჭდე: Diego Maradona
53 წლის მარადონას ლამაზი გოლების გატანა არ ავიწყდება
როგორც ჩანს, ლეგენდარულ დიეგო მარადონას ლამაზი გოლების გატანა არ ავიწყდება.
რას უკეთებს დიეგო მარადონა სხვა ადამიანს…
ინტერნეტ-სივრცეში საკმაოდ სახალისო ვიდეო გავრცელდა, რომლის მთავარი გმირი დიეგო მარადონაა.
მარადონა: „სტადიონზე არ შემიშვეს“
ლეგენდარული დიეგო მარადონა აცხადებს, რომ 2014 წლის მსოფლიოს ჩემპიონატის ჯგუფურ ეტაპზე არგენტინისა და ბოსნია & ჰერცეგოვინის ნაკრებებს შორის გამართული მატჩის (2:1) მიმდინარეობისას „მარაკანაზე“ შესვლა ვერ მოახერხა.
„სტადიონზე არ შემიშვეს. მეორე ტაიმის საყურებლად სასტუმროში დაბრუნება მომიწია. ყველაფერი გავაკეთე, რაც შემეძლო, მაგრამ სტადიონზე შესვლის ნება არ მომცეს. უბრალოდ უარი მითხრეს, მეც ტელევიზიის საშუალებით ვუყურე შეხვედრას. იმედი მაქვს, ეს ამბავი მალე მიეცემა დავიწყებას.
მინდა, რომ არგენტინის ნაკრების მომავალ მატჩებს სტადიონიდან ვუცქირო. ერთია, როცა სტადიონზე მოხვედრის საშუალება არ გაქვს და მეორე, როცა არ გიშვებენ. თუ შენს მიმართ თბილი დამოკიდებულება აქვთ, უპრობლემოდ გატარებენ, მაგრამ როცა ცუდად არიან განწყობილნი, სჯობს, ყველაფერი დაივიწყო და სასტუმროში დაბრუნდე, რაც გავაკეთე კიდეც“, – განაცხადა მარადონამ.
მარადონა: „ფინალში არგენტინელების მიერ ბრაზილიელების დამარცხება ორგაზმის ტოლფასი იქნება“
არგენტინის ნაკრებთან ერთად 1986 წლის მსოფლიოს ჩემპიონი დიეგო არმანდო მარადონა იმედს გამოთქვამს, რომ მისი თანამემამულეები მუნდიალის ფინალში გასვლას შეძლებენ. მარადონას სურვილია, რომ ფინალურ მატჩში არგენტინელებს ბრაზილიელები დაუპირისპირდნენ.
„იმედი მაქვს, არგენტინის ნაკრები ფინალში გასვლას შეძლებს და მთავარ მიზანსაც მიაღწევს. ფინალურ შეხვედრაში ბრაზილიელების წინააღმდეგ მოგვიწევს თამაში. ბრაზილიის ნაკრები ფინალში უეჭველად გავა. ფინალურ მატჩში არგენტინელების მიერ ბრაზილიელების დამარცხება ორგაზმის მსგავსი რამ იქნება“, – მარადონას სიტყვებს Goal.com-ი ციტირებს.
მსოფლიოს ჩემპიონატის ფინალური მატჩი 13 ივლისს გაიმართება.
მარადონას არგენტინის ნაკრების იმედი აქვს
ლეგენდარულ არგენტინელ ფეხბურთელ დიეგო არმანდო მარადონას მსოფლიოს ჩემპიონატზე არგენტინის ნაკრების იმედი აქვს. მარადონამ არგენტინელთა მთავარი მწვრთნელის, ალეხანდრო საბელიას მიმართ საქებარი სიტყვები არ დაიშურა.
„არგენტინის ნაკრებს მსოფლიოს ჩემპიონატის მოგება შეუძლია. საბელიას გაწეული სამუშაოსთვის პატივი უნდა ვცეთ“, – განაცხადა მარადონამ, რომლის თავკაცობითაც არგენტინის ნაკრებმა 2010 წლის მსოფლიოს ჩემპიონატზე მეოთხედფინალურ ეტაპამდე გააღწია.
მსოფლიოს ჩემპიონატის ჯგუფურ ეტაპზე არგენტინას მეტოქეებად ბოსნია-ჰერცეგოვინის, ნიგერიისა და ირანის ნაკრებები ჰყავს.
სპორტიდან სიგიჟემდე
რამდენიმე თვის წინ ოსკარ პისტორიუსი მკვლელობის ბრალდებით ფსიქიატრიულ კლინიკაში გაუშვეს სამკურნალოდ. გავიხსნეოთ სპორტული სამყაროს სხვა წარმომადგენლები, რომლებსაც ფსიქიატრის დახმარება დასჭირდათ.
ოსკარ პისტორიუსი
პაროლიმპიური თამაშების ექვსი გზის გამარჯვებულის ცხოვრება 2013 წლის 14 თებერვალს რამდენიმე წუთში შეიცვალა. სწორედ ამ დღეს, მისი მეგობარი გოგონა სახლში მოკლული იპოვეს. სასამართლომ ეჭვი სპორტსმენზე მიიტანა და პისტორიუსიც ფსიქიატრიულ კლინიკაში გაგზავნეს სამკურნალოდ, სადაც ტესტების შემდეგ მისი ჯანმრთელობის მდგომარეობის შესახებ საბოლოო დასკვნა დაიდება.
ტომ კეინი
ტომ კეინი ამერიკული ფეხბურთი ნამდვილი ვარსკვლავი იყო, თუმცა 10 წლის წინ ის შემზარავი ისტორიის მთავარი მოქმედი პირი გახდა – კეინს მეუღლე ცემაში შემოაკვდა. ექიმების თქმით, სპორტსმენს აღნიშნული ქმედება განძრახული არ ჰქონია და ის დეპრესიის მძიმე ფორმით იყო განპირობებული. ფსიქიატრიულ კლინიკაში ჩატარებული გამოკვლევები შემდეგ კეინი ციხეში გაუშვეს, სადაც მას 18 წელი მიესაჯა.
დიეგო მარადონა
პლანეტის ერთ-ერთი საუკეთესო ფეხბურთელს საბედნიეროდ არავინ არ მოუკლავს, თუმცა გარკვეული პერიოდის განმავლობაში საკუთარ ჯანმრთელობას დიდ ზიანს აყენებს, რაც ფსიქიატრიულ კლინიკა “კასტელარში” მკურნალობის მიზეზი გახდა. თუმცა, ეს კურსი საკმარისი არ აღმოჩნდა და მარადონა 2007 წლამდე რეგულარულად მიმართავდა ფსიქიატრებს.
სებასტიან დაისლერი
ფეხბურთის სამყაროდან ფსიქიატრების ხშირი პაციენტი სებასტიან დაისლერია. ნიჭიერი გერმნელი თანაგუნდელების მხრიდან როგორც ძალიან სენტიმენტალური და მგრძნობიარე ადამიანი ხასიათდებოდა, რაც თავად დაისლერსაც არაერთხელ დაუდასტურებია.
პირველი სერიოზული დეპრესიული შემთხვევა დაისლერს 2002 წელს მოუვიდა, როდესაც ტრავმის გამო მუნდიალზე ვერ გაემგზავრა. ამას შემდეგ ოჯახური კონფლიკტეს დაემატა. თუმცა ყველაზე ძლიერი დარტყმა დაისლერმა 2006 წელს მიიღო, როდესაც კარიერის ბოლო მუნდიალის წინ ისევ დაშავდა და ცხოვრების მთავარი ოცნებაც ვერ აისრულა. დაისლერი ამ შემთხვევის შემდეგ ფსიქიატრიულ კლინიკაში მკურნალობდა. ერთ წელიწადში კი, კარიერაც დაასრულა.
ვლასტიმილ პეტრჟელა
ფსიქიატრების დახმარებით ფეხბურთელების გარდა მათი დამრიგებლებიც სარგებლობენ. “ზენიტის” და “ნეფტჩის” ყოფილი დამრიგებელი ვლასტიმილ პეტრჟელა ექიმებთან 2008-ში მივიდა, როდესაც აზარტული თამაშებისადმი მიდრეკილება აღმოჩინა, რაც მას საყვარელი საქმის კეთებაში უშლიდა ხელს. საერთო ჯამში მწვრთნელმა 19 მილიონი ევრო წააგო. თუმცა, მკურნალობის კურსის შემდეგ, სლოვაკ სპეციალისტს აღნიშნული პრობლემა აღარ ჰქონია.
ამჟამად პეტრჟელა ჩეხეთის დაბალ ლიგაში მუშაობს.
მარადონა: „ნაპოლიმ“ ბალოტელი უნდა დაიმატოს“
„ნაპოლისა“ და არგენტინის ეროვნული ნაკრების ექს-თავდამსხმელმა დიეგო არმანდო მარადონამ განაცხადა, რომ ნეაპოლიტანელებს ამჟამად მარიო ბალოტელის ტიპის ფორვარდი აკლიათ.
„ნაპოლიმ“ ბალოტელი უნდა გაიფორმოს. მისი რთული ხასიათი? ამ საქმეს თუ მომანდებთ, აღნიშნულ საკითხზე ვიზრუნებ“, – განაცხადა ფეხბურთის სამხრეთ ამერიკელმა ლეგენდამ.
ალექსანდრე მატევოსოვი
კვირის კარიკატურები – კროოსი, იგუაინი
მიუნხენის „ბაიერნის“ ყოფილი ნახევარმცველი მეჰმედ შოლი ტონი კროოსს მოუწოდებს, რომ კლუბში დარჩენა-არდარჩენის საკითხზე ბავარიელებს პოკერს ნუ ეთამაშება. 24 წლის ფეხბურთელის მიმართ სერიოზულად დაინტერესდა „მანჩესტერ იუნაიტედის“ თავკაცი დევიდ მოიესი. კროოსს „ბაიერნთან“ მოქმედი კონტრაქტი 2015 წლის ზაფხულში ეწურება.
„ტონის მხრიდან ჭკვიანური არ არის „ბაიერნთან“ პოკერის თამაში. სწორედ ასეთი შთაბეჭდილება მრჩება ახლა. კროოსის ამჟამინდელი ხელფასი სრულიად საკმარისია იმისთვის, რომ დღეში ცხელი კერძი ორჯერ ჰქონდეს“, – აღნიშნა შოლმა.
ეს განცხადა ომარ მომანის შთაგონების წყაროდ იქცა და კარიკატურისტმა მორიგი ნახატი შექმნა: კროოსი პოკერის მაგიდას „ბაიერნის“ ხელმძღვანელებთან ერთად უზის, თუმცა მას უკან შოლი ექაჩება.
ომარ მომანის კიდევ ერთი კარიკატურა გონსალო იგუაინსა და დიეგო მარადონას ეძღვნება. სურათის შთაგონების წყარო იგუაინის განცხადებაა.
„მინდა გავაკეთო ის, რაც თავის დროზე მარადონამ გააკეთა. პირველ რიგში, მინდა, მოვიგო მსოფლიოს ჩემპიონატი და შემდეგ სკუდეტო. მარადონამ 1986 წელს მექსიკაში მუნდიალი მოიგო, ერთი წლის შემდეგ კი „ნაპოლი“ გადაიყვანა ჭკუიდან. მინდა, რომ „ნაპოლიში“ კიდევ დიდ ხნის განმავლობაში დავრჩე. აქ მეფესავით ვარ“, – განუცხადა გონსალო იგუაინმა „ლა გაძეტა დელო სპორტს“.
კარიკატურაზე აღბეჭდილია გონსალოს კორონაცია, მარადონა მას მეფის გვირგვინს ადგამს და არც არის წინააღმდეგი, რომ მისი მიღწევები გაიმეოროს. განზე დგანან „ნაპოლის“ მთავარი მწვრთნელი რაფა ბენიტესი და პრეზიდენტი აურელიო დე ლაურენტისი. მსხვილი ხედით კი გამოსახულია გახარებული მარეკ ჰამშიკი.
ბექა დოგრაშვილი
ჟურნალი Fanebi.com
„მანჩესტერ იუნაიტედის“ ფეხბურთელები მარადონას შეხვდნენ
„მანჩესტერ იუნაიტედი“ დუბაიში მოკლევადიან შეკრებას გადის. გუნდის დღევანდელ ვარჯიშს ლეგენდარული არგენტინელი ფეხბურთელი დიეგო მარადონა დაესწრო. „ფეხბურთის ღმერთის“ სტუმრობამ დიდი აჟიოტაჟი გამოიწვია, კლუბის მოთამაშეებმა მასთან ფოტოსესიაც მოაწყვეს.
„ძალიან მაგარია, როცა შენს კერპს ხვდები. დიეგო მარადონა მსოფლიოს საუკეთესო მოთამაშეა“, – დაწერა სოციალურ ქსელში რობინ ვან პერსიმ.
„ქალბატონებო და ბატონებო, ისტორიაში საუკეთესო მარცხენა ფეხი. ელ დიეგო!“ – ეს სიტყვები ხუან მატას ეკუთვნის.
„სასიამოვნოა ფეხბურთის ისტორიაში საუკეთესო „ათიანთან“ ერთად ყოფნა“, – აღნიშნა დავიდ დე ხეამ.
აქვე გთავაზობთ ფოტომასალას.
ბექა დოგრაშვილი
მარადონა: „მუნდიალის ვერმოგებას მესის ნუ დავაბრალებთ”
მსოფლიო ფეხბურთის ლეგენდარული ფიგურა დიეგო მარადონა თვლის, რომ უსამართლობა იქნება, თუ არგენტინის ნაკრების მიერ მსოფლიოს ჩემპიონატის ვერმოგების შემთხვევაში, ყველაფერი ლიონელ მესის გადაბრალდება. „ბარსელონას“ თავდამსხმელს კრიტიკოსები ხშირად ახსენებენ, რომ ის ნაკრებში ისეთივე ლაღ ფეხბურთს ვერ უჩვენებს, როგორც კატალონიურ გუნდში.
„ერთ რამეში ღრმად ვარ დარწმუნებული: თუ არგენტინის ნაკრები მსოფლიოს ჩემპიონატს ვერ მოიგებს, მაშინვე ყველაფერი მესის არ უნდა გადავაბრალოთ. ამასთანავე, იმაშიც დარწმუნებული ვარ, რომ ის მუნდიალზე ძალიან კარგად ითამაშებს, თუმცა მთელი გუნდის პასუხისმგებლობას საკუთარ თავზე ვერ აიღებს“, – განაცხადა მარადონამ ერთ-ერთი არგენტინული ტელევიზიის ეთერში.
ბექა დოგრაშვილი
მარადონა: „ჩემს დროს იკარდის კარგად მიბეგვავდნენ“
ლეგენდარულმა ფეხბურთელმა დიეგო მარადონამ მილანის „ინტერის“ 20 წლის არგენტინელი თავდამსხმელი მაურო იკარდი გააკრიტიკა. მარადონას თქმით, იკარდიმ „კატანიას“ კიდევ ერთ არგენტინელ ფორვარდ მაქსი ლოპესს მეუღლე წაართვა.
არგენტინის ერთ-ერთი ტელევიზიის 27 წლის წამყვანი და მოდელი ვანდა ნარა დიდი ხნის განავლობაში მეგობრობდა იკარდისთან, ბოლოს კი, მის გამო ქმარიც მიატოვა, რომლისგანაც სამი შვილი ჰყავს. ეს ფაქტი მარადონას ყურადღების არეალში მოექცა, რომელმაც ყველაფერში იკარდი დაადანაშაულა.
„იკარდი მოღალატეა. ის სტუმრად დადიოდა მაქსი ლოპესთან, მეგობრულად ესაუბრებოდა მას, ბოლოს კი ცოლი წაართვა. იცით, რას უზამდნენ ასეთ ადამიანს ჩემს დროს? ალყას შემოარტყამდნენ და კარგადაც მიბეგვავდნენ“, – ციტირებს მარადონას სიტყვებს არგენტინული პრესა.
ბექა დოგრაშვილი