ელ კლასიკო – გვერდი 2 – Fanebi.Com – ფეხბურთი, კალათბურთი, რაგბი, სხვა

დემბელე შესაძლოა ელ კლასიკოსთვის დაბრუნდეს

Posted on ნოემბერი 6, 2017ნოემბერი 6, 2017 by ცოტნე შაორშაძე

23 დეკემბერს ლა ლიგაში და არა მარტო ესპანეთის ჩემპიონატში, არამედ მთელ მსოფლიოში ერთ-ერთი გამორჩეული შეხვედრა გაიმართება. კატალონიის “ბარსელონა” სტუმრად მადრიდის “რეალს” დაუპირისპირდება.

ორივე გუნდს განვლილი თერთმეტი ტურის განმავლობაში საკადრო პრობლემები აწუხებდა, მადრიდში ბეილის დაბრუნება ჯერ კიდევ ვერ ხერხდება, თავის მხრივ არც კატალონიელებს აქვთ საქმე კარგად. 2017 წლის ზაფხულის სატრანსფერო ფანჯრის დროს “დორტმუნდიდან” დამატებული დემბელე სექტემბერში დაიმტვრა და მას შემდეგ, ფრანგი რეაბილიტაციის პროცესს გადის. მედიკოსთა ცნობით, უსმანი ვარჯიშს ერთ თვეში დაიწყებს.

თუ ყველაფერი ისე წარიმართა, როგორც კატალონიაში აქვთ დაგეგმილი, ფრანგი სწორედ კლასიკოსთვის უნდა დაბრუნდეს. ამის შემდეგ ვალვერდეს გადასაწყვეტი იქნება, დაეხმარება თუ არა ფრანგი “ბარსელონას”, ასევე დიდი მნიშვნელობა აქვს თუ რამდენად შევა დემბელე ფორმაში ასეთი მძიმე ტრავმის შემდეგ.

ელ კლასიკო: რა ღირს საუკეთესო ბილეთები?

Posted on ივლისი 30, 2017 by იაკობ კაპანაძე

30 ივლისს, გამთენიისას ისტორიაში პირველი “ელ კლასიკო” გაიმართება, რომელსაც არაევროპული მიწა უმასპინძლებს – ევროპის უდიდესი გრანდები ერთმანეთს ამერიკის შეერთებულ შტატებში, მაიამიში დაუპირისპირდებიან.

გასაკვირი არაა, რომ მატჩზე დასასწრები ბილეთები რამდენიმე დღეში გაიყიდა. “ჰარდ როკ სტედიუმზე” 65,326 ადამიანი ეტევა, ბილეთის მინიმალური ფასი კი 200 ევროს შეადგენს.

რაც შეეხება თანხის მაქსიმალურ ოდენობას, რომელიც ბილეთებში იქნა გადახდილი, ის 6678.50 ამერიკული დოლარით განისაზღვრება.

A fan paid $13,358.60 for the two front row seats to El Clasico tonight, the highest price paid on StubHub.

— Darren Rovell (@darrenrovell) July 29, 2017

“რეალის” მხრიდან, ვის აქვს ჩატარებული ლა ლიგაში ყველაზე მეტი “ელ კლასიკო”?

Posted on აპრილი 23, 2017აპრილი 23, 2017 by კახა ყიფიანი

დღეს მადრდში “ელ კლასიკო” გაიმართება. ლა ლიგის 34-ე ტურში ერთმანეთს მადრიდის “რეალი” და კატალონიის “ბარსელონა” უპრინციპულეს, უმნიშვნელოვანეს და ძალიან სანახაობრივ შეხვედრაში დაუპრისპირდებიან.

საინტერესოა, “რეალის” მხრიდან ესპანეთის ჩემპიონატში ვის აქვს ყველაზე მეტი “ელ კლასიკო” ჩატარებული.

1.რაული და ხენტო – 31

2.სანჩისი – 29

3.სანტილიანა – 28

4.კასილასი და პირრი – 27

5.ამანსიო – 26

6.იერო და კამაჩო – 25

7.რამოსი და მიჩელი – 23

8.ბუტრაგენიო – 22

9.ჩენდო, სოკო, ბენიტო – 21

ბოლო ამხანაგური “ელ კლასიკოდან” 25 წელი გავიდა

Posted on თებერვალი 11, 2017თებერვალი 11, 2017 by იაკობ კაპანაძე

“ბარსელონასა” და “რეალს” შორის გამართული ბოლო ამხანაგური დაპირისპირება 1991 წლით თარიღდება. მატჩი ფრედ, 1-1 დასრულდა. აღნიშნული “ელ კლასიკოდან” 25 წელი გავიდა და მას შემდეგ ეს გუნდები ერთმანეთს 37-ჯერ დაუპირისპირდნენ.

ეს გუნდები ერთმანეთს ესპანეთის საზღვრებს გარეთ ერთადერთხელ დაუპირისპირდნენ (ამხანაგური მატჩის ეგიდით) – 1982 წელს, ვენესუელაში, სადაც ამხანაგური ტურნირი ტარდებოდა. იმ მატჩში დელ ბოსკემ “ლურჯ-ბროწეულისფერთა” კარის აღება მოახერხა, “რეალმა” – ტურნირის მოგება.

როგორც იცით, მეოცე საუკუნის პირველ ნახევარში ამ კლუბებს შორის ამხანაგური მატჩები საკმაოდ ხშირად ტარდებოდა, განსაკუთრებით ლა ლიგის შექმნამდე. თუმცა, რაც დრო გადიოდა, ესპანეთში ამ დაპირისპირებისთვის ამხანაგური ხასიათის მიცემას მით უფრო ერიდებოდნენ.

ამ გუნდებს შორის გამართული პირველი ამხანაგური მატჩი (1906 წელი) კი კატალონიელთა კომფორტული გამარჯვებით, ანგარიშით 5-2 დასრულდა.

“ელ კლასიკო”: Goal.Com-მა ფეხბურთელები შეაფასა

Posted on დეკემბერი 3, 2016დეკემბერი 3, 2016 by კახა ყიფიანი

სულ ცოტა ხნის წინ დასრულდა პრიმერა დივიზიონის ერთ-ერთი შეხვედრა კატალონიის “ბარსელონასა” და მადრიდის “რეალს” შორის. მოსისხლე მტრები ერთმანეთს ფრეზე (1-1) გაეყარნენ.

ინგლისურმა გამოცემამ, Goal.Com-მა ხუთქულიანი სისტემით ფეხბურთელები შეაფასა.

“ბარსელონა”: ტერ შტეგენი (2.5), პიკე (3), ხორდი ალბა (3), მასკერანო (2.5), ბუსკეცი (3.5), რაკიტიჩი (3), ანდრე გომეში (3), სერხი რობერტო (3), სუარესი (3), ნეიმარი (3), მესი (3.5), დენის სუარესი (3), თურანი (3), ინიესტა (3.5).

“რეალი”: ნავასი (2.5), ვარანი (3), მარსელო (3), რამოსი (3.5), კარვახალი (3), ისკო (3), მოდრიჩი (3.5), კოვაჩიჩი (3), ბენზემა (2.5), რონალდუ (3), ვასკესი (3), ასენსიო (2.5), კაზემირო (3), დიასი (2.5).

სად ვუყუროთ “ელ კლასიკოს”?

Posted on დეკემბერი 3, 2016 by კახა ყიფიანი

მოგეხსენებათ, Silk Tv-მ ცოტა ხნის წინ გაავრცელა ინფორმაცია, რომლის თანახმადაც, ქართველ გულშემატკივრებს დღეს (19:15 საათი) გასამართი ელ კლასიკოს ყურება Silk Sport 1-ის ეთერში შეეძლებოდათ. ამან გულშემატკივრებში დიდი უკმაყოფილება გამოიწვია.

სულ რამდენიმე ხნის წინ კი ნახსენებმა მედიაკომპანიამ სოციალურგვერდზე ახალი ოფიციალური განცხადება გაავრცელა

“სილქ მედია” ითვალისწინებს მაყურებელთა თხოვნასა და დიდ ინტერესს

გვინდა გახაროთ, რომ ბარსელონა-რეალის მატჩს “სილქ უნივერსალზე” იხილავთ

ასე რომ, ერთად ვისიამოვნოთ “ელ კლასიკოთი.”

“ელ კლასიკო”: გუნდების სიმბოლური შერეული შემადგენლობა (ფოტო)

Posted on დეკემბერი 2, 2016დეკემბერი 2, 2016 by კახა ყიფიანი

3 დეკემბერს, თბილისის დროით 19:15 საათზე მილიონობით ადამიანის თვალი “კამპ ნოუსკენ” იქნება მიპყრობილი. პრიმერა დივიზიონის მე-17 ტურში კატალონიის “ბარსელონა” მადრიდის “რეალს” უმასპინძლებს.

ინგლისური გამოცემა, Goal.Com-ი გუნდების სიმბოლურ შერეულ შემადგენლობას გვთავაზობს.

ანჩელოტი: “ბაიერნი” თუ წააგებს, ტირილს დავიწყებ და “კლასიკოს” არც კი ვუყურებ”

Posted on დეკემბერი 1, 2016დეკემბერი 2, 2016 by იაკობ კაპანაძე

კარლო ანჩელოტი აპირებს, იმ მილიონობით გულშემატკივართა რიგებში გაერიოს, რომლებიც შაბათს, “კამპ ნოუზე” გასამართ “ელ კლასიკოს” თვალს მიადევნებენ, თუმცა ეს მხოლოდ იმ შემთხვევაში მოხდება, თუ “ბაიერნი” თავისი მატჩის მოგებას მაოხერხებს.

როგორც იცით, იტალიელი სპეციალისტი მადრიდში ორი წლის მანძილზე მუშაობდა, ამ დროის მანძილზე კი მან ჩემპიონთა ლიგის მოგებაც მოახერხა – 2014 წელს.

“ვუყურებ თუ არა თამაშს? ეს ჩვენი მატჩის შედეგზეა დამოკიდებული. თუ წავაგებთ, ტირილს დავიწყებ და “კლასიკოს” არც კი ვუყურებ.” – განაცხადა “პაპა კარლომ” (ხუმრობით) ხუთშაბათის პრესკონფერენციაზე.

ცნობისთვის გეტყვით, რომ “ბაიერნი”, რომელიც ბუნდესლიგის სატურნირო ცხრილში მეორე პოზიციას იკავებს, მომდევნო მატჩს “მაინცის” წინააღმდეგ, შაბათს გამართავს.

კარიკატურა: როგორი სიტუაციაა “ელ კლასიკოს” წინ? (ფოტო)

Posted on ნოემბერი 3, 2016 by კახა ყიფიანი

ცნობილმა კარიკატურისტმა, ომარ მომანიმ ასე აღწერა “ბარსელონასა” და “რეალს” შორის გასამართი დაპირისპირების (3 დეკემბერი, 19:15 საათი) წინ არსებული სიტუაცია.

როდის გაიმართება პირველი “ელ კლასიკო”?

Posted on ივლისი 15, 2016ივლისი 15, 2016 by იაკობ კაპანაძე

ესპანეთის ფეხბურთის ფედერაციამ ლა ლიგის 2016/17 წლების სეზონის კალენდარი უკვე დაადგინა.

მადრიდული და კატალონიური გრანდები ერთმანეთს მე-14 და 33-ე ტურებში დაუპირისპირდებიან.

პირველი “ელ კლასიკო” “ბლაუგრანას” საშინაო არენაზე, “კამპ ნოუზე” გაიმართება. აღნიშნული მატჩი 3 ან 4 დეკემბერს უნდა ჩატარდეს.

რაც შეეხება რიგით მეორე “ელ კლასიკოს”, რომელიც “სანტიაგო ბერნაბეუზე” უნდა გაიმართოს, ის 23 ან 24 აპრილს ჩატარდება.

ლაუდრუპმა სერხიო რამოსი მკაცრად გააკრიტიკა: “4 ყვითელი ბარათი უნდა მიეღო”

Posted on აპრილი 3, 2016 by იაკობ კაპანაძე

როგორც იცით, ახლახან დასრულდა მადრიდის “რეალისა” და “ბარსელონას” დაპირისპირება, რომელშიც გამარჯვებული მადრიდის “რეალი” გამოვიდა. აღნიშნულ მატჩთან დაკავშირებით კომენტარი მიკაელ ლაუდრუპმა გააკეთა, რომელსაც ორივე კლუბის მაისურით აქვს ნათამაშები.

“დღეს მატ გამარჯვება დაიმსახურეს. მეორე ნახევარში ისინი უკეთესები იყვნენ. მიუხედავად იმისა, რომ 1-0-ს აგებდნენ, მათ მაინც მოახერხეს წამოდგომა და გათანაბრება. რის შემდეგაც რამოსის სულელური ყვითელი ბარათის შედეგად 10 კაცით დარჩნენ. გულწრფელად ვამბობ, რომ მათ ეს დაიმსახურეს. ამის გარდა მათ ორი-სამი კარგი შანსი კიდევ ჰქონდათ.

რამოსმა ეს 20 წლის ასაკშიც გააკეთა. მაშინ ამაზე თვალის დახუჭვა შეიძლებოდა, იტყოდი – გამოუცდელიაო. ახლა კი 30 წლისაა და ისევ იგივეს აკეთებს. მისთვის 4 ყვითელი ბარათის მიღება შეიძლებოდა!

მატჩის დაწყებიდან 17 წუთის შემდეგ ის გასახდელში უნდა ყოფილიყო. არადა ის ერთ-ერთი ყველაზე გამოცდილი და ერთ-ერთი საუკეთესო მცველია მსოფლიოში. ამას არაფერი ეშველება.”

ჰიდინკი განსაკუთრებულ ‘ელ კლასიკოს’ ელის

Posted on აპრილი 2, 2016 by იაკობ კაპანაძე

ლონდონის “ჩელსის” დროებითმა თავკაცმა, გუუს ჰიდინკმა მოსალოდნელ ‘ელ კლასიკოზე’ საუბრისას აღნიშნა, რომ ის განსაკუთრებულ მატჩს მოელის.

“უზარმაზარი რამ არის. ზოგჯერ, როგორც მწვრთნელი ამ ყველაფერს ისეთი ზეგავლენა აქვს, რომ ყველანაირ სადავეებს უშვებ ხელიდან.

“ბარსელონასა” და “რეალის” დაპირისპირებას, მხოლოდ სპორტული ინტერესი არ სდევს თან, არამედ – პოლიტიკური და კულტურული ინტერესებიც.

რამოდენიმეჯერ გამოვცადე ეს მომენტი და მინდა გითხრათ, რომ ამის აღწერა შეუძლებელია. ქვეყანაში მართლაც რომ გასაოცარი ატმოსფეროა.”