ჭდე: ევერტონი

რამდენიმე დღის წინ “კამფეტების” მთავარი მწვრთნელის პოსტი რონალდ კუმანმა დატოვა და ეს პოზიცია დღემდე ვაკანტურია. როგორც წესი, ბრიტანელებმა ბევრი მაღალი დონის სპეციალისტი დაუკავშირეს “ევერტონს”, თუმცა, ბოლოს არჩევანი მაინც ტომას ტუჰელზე შეაჩერეს.

ერთ-ერთი ყველაზე ავტორიტეტული ბრიტანული გამოცემა, Daily Mirror ირწმუნება, რომ “ევერტონის” ხელმძღვანელები სერიოზულ მოლაპარაკებებს აწარმოებენ დორტმუნდის “ბორუსიას” ექს-თავკაცთან, ტომას ტუჰელთან. წყაროს ცნობით, მოლაპარაკებები გადამწყვეტ ფაზაშია შესული.

გეტყვით იმასაც, რომ ამ ტრანსფერის ჩაშლის შემთხვევაში “ევერტონის” ხელმძღვანელები, შონ დაიჩის (“ბარნლი”), დევიდ მოიესის, ლეონარდუ ჟარდიმისა (“მონაკო”) და რაიან გიგზის ვარიანტების განხილვას გეგმავენ.

ამ მომენტისთვის, “ევერტონი” 9 მატჩში დაგროვებული 8 ქულით მე-18 პოზიციას იკავებს პრემიერ ლიგის სატურნირო ცხრილში.

მიმდინარე სეზონში “ევერტონი” არც თუ ისე კარგად გამოიყურება, ამიტომაც გუნდის ხელმძღვანელობა რონალდ კუმანის დათხოვნაზე ფიქრობს.

ცნობილი გამოცემა The Mirror-ი ავრცელებს ინფორმაციას, რომ ლივერპულელები დევიდ მოიესის კანდიდატურას განიხილავენ, ის თერთმეტი წლის განმავლობაში წვრთნიდა “ევერტონს” და სწორედ მოიესის ხელში მიაღწია ამ გუნდმა წარმატებას, ამის შემდეგ მან “მანჩესტერ იუნაიტედს” მიაშურა, სადაც ლეგენდარული ალექს ფერგიუსონი ჩაანაცვლა, მაგრამ “იუნაიტედმა” მის ხელში რეგრესი განიცადა.

მოიესის სამწვრთნელო კარიერა არც “სოსიედადსა” და “სანდერლენში” გამოდგა წარმატებული, სწორედ ამ უკანასკნელის ჩემპიონშიპში დაქვეითების შემდეგ დარჩა ის უგუნდოდ. მისი სახელს ბოლო პერიოდში მშობლიურ შოტლანდიის ნაკრებსაც უკავშირდებოდა, საინტერესოა თუ სად იმუშავებს გამოცდილი სპეციალისტი.