ტურინის „იუვენტუსის“ კიპერმა ჯანლუიჯი ბუფონმა განაცხადა, რომ „რომას“ თავდამსხმელ ფრანჩესკო ტოტის ყოლას ნებისმიერი გუნდისთვის უდიდესი მნიშვნელობა ექნებოდა. იტალიურ პრესაში გაჩნდა ინფორმაცია, რომლის მიხედვითაც, არ არის გამორიცხული, ტოტიმ 2014 წლის მსოფლიოს ჩემპიონატის საკვალიფიკაციო ეტაპის დარჩენილ ორ მატჩში ითამაშოს: 11 ოქტომბერს იტალიელები დანიაში ითამაშებენ, 15 ოქტომბერს კი სომხებს უმასპინძლებენ.
„ტოტი უკვდავი მოთამაშეა. ის შესანიშნავ ფორმაშია და შეუძლია, გუნდს დიდი სარგებელი მოუტანოს. ტოტი არის იმის მაგალითი, თუ როგორი უნდა იყოს ჩემპიონი“, – ბუფონის სიტყვებს Football Italia ციტირებს.
ბექა დოგრაშვილი
