ინგლისური გრანდი, “მანჩესტერ სიტი” მიმდინარე სატრანფსერო ფანჯარაზე მოთამაშეების შეძენას განაგრძობს.
სულ ცოტა ხნის წინ, ოფიციალურად დადასტურდა, რომ “ქალაქელებმა” “ევერტონის” უკვე ყოფილი ცენტრალური მცველი, ჯონ სთოუნსი გადაიბირეს. ინგლისელმა სპორტსმენმა “სიტისთან” 6 წლიან კონტრაქტს მოაწერა ხელი.
გვარდიოლას მოსვლის შემდეგ, ესპანელი სპეციალისტისთვის სასურველ მოთამაშეთა სიაში სთოუნსიც იყო. მოკლედ, პეპმა კიდევ ერთ მიზანს მიაღწია და ახალგაზრდა ფეხბურთელი მისი გუნდის რიგებში გადმოიყვანა.
დღეს, ჩინეთში, “2008 წლის ოლიმიურ სტადიონზე” უნდა გამართულიყო ამხანაგური შეხვედრა “მანჩესტერ იუნაიტედსა” და “მანჩესტერ სიტის” შორის. ეს იქნებოდა ჟოზე მოურინიოსა და პეპ გვარდიოლას ძალიან საინტერესო დაპირისპირება.
როგორც გაირკვა, გუშინ ბეიჯინგში ძალიან წვიმდა, რამაც მოედნის საფარი დააზიანა. შედეგად, ორივე მხარე შეთანხმდა, რომ შეხვედრა გაუქმებულიყო. მატჩი სხვა სტადიონზე ან სხვა დროს აღარ ჩატარდება.
აქვე გეტყვით, რომ პირველი მანჩესტერული დერბი ამ სეზონში “პრემიერ ლიგაში” 10 სექტემბერს შედგება.
ფრანგმა ფეხბურთელმა, ფრენკ რიბერიმ მის ახლანდელ მწვრთნელზე, კარლო ანჩელოტიზე და ყოფილ დამრიგებელზე, პეპ გვარდიოლაზე ისაუბრა და განაცხადა, რომ იტალიელი სპეციალისტისგან უფროო მეტ ნდობას გრძნობს, ვიდრე ამას წარსულში ესპანელისგან გრძნობდა.
აღსანიშნავია, რომ პეპ გვარდიოლას სამ წლიან ეპოქაში, რომელიც მას “რეკორდმაისტერში” ჰქონდა, რიბერიმ “ბუნდესლიგის” მხოლოდ 50 მატჩში მიიღო მონაწილეობა. რაც შეეხება ანჩელოტის, მის ხელში გერმანულმა კლუბმა სამი ამხანაგური შეხვედრა ჩაატარა, ყველა მათგანში რიბერი ძირითადში იყო და “ლიპსტადტთან” და “ლანდშუტთან” გოლების გატანა შეძლო.
“მე ძალიან თავისუფლად და მოტივირებულად ვგრძნობ თავს. კარლო ჩვენი გუნდისთვის ნამდვილი საჩუქარია. მას შემდეგ, რაც ის მოვიდა, მე დიდი ნდობა და მხარდაჭერა მაქვს.”
“ის შესანიშნავი მწვრთნელია. მჭირდება სწორედ მისი, ჰაინკესის და ჰიცფელდის მსგავსი პიროვნებები, რათა ჩემი თავის ვირწმუნო და რთული პერიოდის შემდეგ, ძალების აღდგენა შევძლო.”
“იმ დროის შემდეგ, რაც მე მქონდა, გაძლიერება დამოკიდებულია ნდობაზე, პატავისცემასა და პოზიტიურ ატმოსფეროზე. თუ ეს ყველაფერი მექნება, მაშინ, გპირდებით, ჩემი შესაძლებლობების ასს კი არა, ას ორმოცდაათ პროცენტს გამოვავლენ,” – განაცხადა 33 წლის ფეხბურთელმა.
ჩაბი ალონსომ მის ყოფილ მწვრთნელზე, პეპ გვარდიოლაზე ისაუბრა…
“ეჭვიც არ მეპარება, რომ პეპი მანჩესტერულ კლუბში დიდ წარმატებას მიაღწევს. იგი უძლიერესი მწვრთნელია. მას შეუძლია გუნდის თამაშიდან სწორი დასკვნები გამოიტანოს და ოპტიმალური გადაწყვეტილებები მიიღოს. იგი “სიტის” სწორ გზაზე დააყენებს, უბრალოდ ამისთვის დროა საჭირო”.
“არავის დაავიწყდეს, რომ “პრემიერ ლიგა” “ბუნდესლიგისგან” რადიკალურად განსხვავდება. აქ უფრო ხშირია ფიზიკური ორთაბრძოლები და, შესაბამისად, რთულია მეტოქის კარის აღება. სწორედ ამიტომ, პეპს ახალ ჩემპიონატთან ადაპტაცია სჭირდება. დარწმუნებული ვარ, ის გაამართლებს,” – განაცხადა ესპანელმა მოთამაშემ.
გვარდიოლა “მანჩესტერ სიტით” მის ყოფილ გუნდს, მიუნხენის “ბაიერნს” უპირისპირდება. Fanebi.Com-ი გთავაზობთ ამ მატჩის პირდაპირ რეპორტაჟს.
“ევრო 2016”-ის დასრულების შემდეგ ვისენტე დელ ბოსკემ ესპანეთის ნაკრების თავკაცის პოსტი დატოვა. მან “ფურია როხასთან” ერთად 2010 წელს მსოფლიოს, ხოლო 2012 წელს ევროპის ჩემპიონატი მოიგო. 65 წლის სპეციალისტმა ჟურნალისტებთან ისაუბრა და განაცხადა, რომ ძალიან უნდა, მისი ადგილი მომავალში პეპ გვარდიოლამ დაიკავოს.
“პეპი მსოფლიოში ერთ-ერთი საუკეთესო მწვრთნელია. ამაში ეჭვი არავის უნდა შეეპაროს. მას ძალიან დიდი განათლება და გამოცდილება აქვს ფებხურთში.”
“ადრე ესპანური გუნდების გასაწვრთნელად მწვრთნელები საზღვარგარეთიდან მოგვყავდა. ახლა კი, ჩვენი ეროვნების სპეციალისტები მიდიან უცხოეთში, რათა იქაურ კლუბებს უხელმძღვანელონ. ამით უნდა ვიამაყოთ. ამას ცოტა თუ წარმოიდგენდა რამდენიმე წლის წინ.”
“გვარდიოლა ის მწვრთნელია, რომელიც “მანჩესტერ სიტიში” სამუშაოდ სულ ახლახანს წავიდა და იმედი მაქვს, იქედან მალე დაბრუნდება ნაკრების დასახმარებლად. ვერ ვხვდები, რა უნდა იყოს ამ პოსტზე მისი არდანიშვნის მიზეზი. ის, რომ კატალონიელია? არა! ესპანეთი ერთიანი ქვეყანაა და ის უნდა ჩაუდგეს ნაკრებს სათავეში, ვინც საუკეთესოა ამ საქმეში,” – განაცხადა დელ ბოსკემ.
გავლენიანი ინგლისური გამოცემა, “Daily Mail”-ი იტყობინება, რომ “მანჩესტერ სიტის” ახალი ხელმძღვანელი, პეპ გვარდიოლა სერიოზულად არის დაინტერესებული მიუნხენის “ბაიერნის” მოთამაშის, ჯოშუა კიმიხის შეძენით. როგორც ცნობილია, “ქალაქელები” ნახსენებ ფეხბურთელში 20 მილიონ ფუნტს იხდიან.
კიმიხმა მსოფლიოს თავი განსაკუთრებით “ევრო 2016”-ზე დაამახსოვრა. მან აღნიშნულ ტურნირზე პირველი ორი შეხვედრის გარდა, ყველა მატჩი ძირითადში დაიწყო და საკმაოდ კარგად გამოიყურებოდა. ვარაუდობენ, რომ გვარდიოლას მარჯვენა მცველის პოზიციაზე უნდა კიმიხის დაყენება.
ჟოზე მოურინიომ “მანჩესტერ იუნაიტედში” ოფიციალურად მუშაობა ორშაბათიდან დაიწყო. მან გუშინ ჟურნალისტებთან მის სამომავლო გეგმებზე ისაუბრა. ასევე, დასახელდა ის გუნდი, რომელთანაც მოურინიოს “მანჩესტერი” სეზონის პირველ ამხანაგურ შეხვედრას ჩაატარებს. “განსაკუთრებულის” შეგირდები 16 ივლისს “ჩემპიონშიფის” ბინადარ “უიგან ატლეტიკს” გაეჯიბრებიან.
აღნიშნულ შეხვედრასთან დაკავშირებით მოურინიომ შემდეგი კომენტარი გააკეთა:”უიგანთან” თამაში ძალიან პროდუქტიული უნდა გამოდგეს პირადად ჩემთვის. გუნდში ბევრი ფეხბურთელია. ზოგიერთი მათგანის შესაძლებლობების შესახებ ძალიან ცოტა ვიცი და ამის გარკევაში სწორედ ეს ამხანაგური დამეხმარება.”
აქვე გეტყვით იმასაც, რომ “წითელ ეშმაკებს” ჩინეთის ტურნეში 22 ივლისს დორტმუნდის “ბორუსიასთან”, ხოლო 25-ში პეპ გვარდიოლას “მანჩესტერ სიტისთან” აქვს მატჩები დაგეგმილი. ხოლო, 30 ივლისს კი “მანჩესტერი” “გალათასარაის” გოტენბერგში შეხვდება.
როგორც ბრიტანული გამოცემა “Daily Mirror” იტყობინება, “მანჩესტერ სიტის” თავკაცი, პეპ გვარდიოლა ნახევარდაცვისა და თავდასხმის გაძლიერებას ესპანური გრანდების ორი ფეხბურთელით შეეცდება. პირველი მათგანი ლუის სუარესია, რომელშიც “ქალაქელები” 85 მილიონ ფუნტს ჩამოდიან.
გარდა ზემოთ ნახსენებისა, პეპს ტონი კროოსიც სურს. ამ უკანასკნელს შედარებით იაფად აფასებენ ინლგისელები და მის სანაცვლოდ მადრიდული გუნდისთვის 63 მილიონი ფუნტის შეთავაზებას აპირებენ.
როგორც იცით, უკვე ცნობილია განრიგი, რომლის მიხედვითაც პრემიერ ლიგის 2016/17 წლების მატჩები ჩატარდება. მომავალი სეზონში მრავლად არის ისეთი მატჩი, რომელიც უდიდეს სიამოვნებას მოგანიჭებთ.
ბოლო დროს ინგლისში ბევრი სასიხარულო რამ მოხდა ინგლისური ფეხბურთისათვის – ჟოზე დაბრუნდა, მოვიდა პეპ გვარდიოლა, “ვესტ ჰემი” ახალ მოედანზე გადავიდა და ა.შ.
გთავაზობთ პრემიერ ლიგის 10 მატჩს, რომელიც წიგნაკში აუცილებლად უნდა მოინიშნოთ…
“ლესტერ სიტი” – “არსენალი”, 20 აგვისტო
20 აგვისტოს დიდხნიანი პაუზის შემდეგ “ლესტერ სიტი” კვლავ გამართავს პრემიერ ლიგის მატჩს “კინგ პაუერ სატიონზე”, ოღონდ ამჯერად ჩემპიონის სტატუსით. საინტერესოა, იმ დიდებული “ლესტერიდან” რამდენი ვარსკვლავი მიიღებს მონაწილეობას ამ მატჩში? რომელი კლუბის ღირსებას დაიცავს ჯეიმი ვარდი ამ მატჩში? მიუხედავად იმისა, რამდენი ფეხბურთელი წავა, ან დარჩება, “მელიები” მაინც ეცდებიან “მეთოფეების” დამარცხებას.
“ვესტ ჰემი” – “ბორნმუთი”, 20 აგვისტო
112-წლიანი თანამშრომლობის შემდეგ “ვესტ ჰემი” “ბოლეინ გრაუნდს” გამოემშვიდობა, თანაც ძალზედ ემოციურად. ამავდროულად საფუძველი ჩაეყარა ახალ ერას, “ოლიმპიკ სტადიონის” ერას. აღსანიშნავია, რომ დღეისათვის უკვე 50, 000-ზე მეტი სეზონური აბონიმენტი არის გაყიდული – რაც ამ მოვლენის მნიშვნელობას კიდევ ერთხელ ადასტურებს. ახალ სტადიონზე “ჩაქუჩები” პირველად “ბორნმუთს” დაუპირისპირდებიან. ბილიჩის გუნდი მაქსიმალურად ეცდება, რომ პირველი მატჩი ყველას დაამახსოვრდეს.
“მანჩესტერ იუნაიტედი” – “მანჩესტერ სიტი”, 10 სექტემბერი
მანჩესტერულ დერბის მარილი არასდროს არ აკლდა, თუმცა 2016/17 წლების სეზონში ეს დერბი განსაკუთრებულად დაძაბული იქნება, რამეთუ საქმეში ჟოზე მოურინიო და პეპ გვარდიოლა ერთვება, რომლებიც შესაძლოა ერთმანეთის “მოსისხლე მტრებადაც” მივიჩნიოთ. ყველას უნდა გაიგოს … გაიგოს, თუ რა მოხდება ამ მატჩში.
“ლივერპული” – “მანჩესტერ იუნაიტედი”, 15 ოქტომბერი
ინგლისის ორი ყველაზე წარმატებული კლუბი ჩემპიონთა ლიგის გარეშეა დარჩენილი, რაც ნიშნავს იმას, რომ ისინი მთელი ძალებით იქნებიან პრემიერ ლიგაზე გადართულნი. ესეც რომ არ იყოს, როგორ შეიძლება “ლივერპულისა” და “მანჩესტერის” თამაშის გამოტოვება, თანაც მაშინ, როცა მათ ორი დიდებული სპეციალისტი უდგათ სათავეში.
“ჩელსი” – “მანჩესტერ იუნაიტედი”, 22 ოქტომბერი
მოურინიოს წასვლის შემდეგ “სტემფორდზე” გამართულ პირველ მატჩში ფანები რამოდენიმე ფეხბურთელს სტვენით მიესალმენ, თამაშის მიმდინარეობისას კი აქტიურად გაყვიროდნენ პორტუგალიელის სახელს. როგორი იქნება მათი რეაქცია, როდესაც დაინახავენ მოუს მტერის რანგში? ამას 22 ოქტომბერს ვნახავთ.
“არსენალი” – “ტოტენჰემი”, 5 ნოემბერი
გასული სეზონიდან მოყოლებული ახლაც ბევრი თვლის, რომ 2016/17 წლების სეზონი “ტოტენჰემის” გაბრწყინების შანსია. იმ დამცირებისთვის, რაც “სპურსმა” “მეთოფეებისაგან” მიიღო, როცა ბოლო ტურში მეორე ადგილი აწაპნეს, პოჩეტინოს გუნდი შურს აუცილებლად იძიებს, თუმცა ეს ადვილი ნამდვილად არ იქნება.
“მანჩესტერ იუნაიტედი” – “არსენალი”, 19 ნოემბერი
ბევრი წელია, რაც ეს დაპირისპირება საკმაოდ პრინციპულად მიიჩნევა, თუმცა 2016/17 წლების სეზონში ამ გუნდების ურთიერთდაპირისპირება გამორჩეულად სანახაობრივი იქნება, რამეთუ ერთმანეთს კვლავ დაუპირისპირდება ორი განსხვავებული ტიპის მწვრთნელი – არსენ ვენგერი და ჟოზე მოურინიო.
“ჩელსი” – “ტოტენჰემი”, 26 ნოემბერი
ამ გუნდებს შორის შუღლი ყოველთვის იყო, თუმცა მაისში მომხდარმა მოვლენებმა სიტუაცია კიდევ უფრო დაძაბა. შეგახსენებთ, რომ სწორედ “ლურჯებმა” დააკარგვინეს “სპურს” ქულები, რამაც პოჩეტინოს ყველანაირი შანსი მოუსპო. იქნებ 26 ნოემბრისთვის ჭრილობებმა ბოლომდე შეხორცება ვერ მოახერხონ…
“საუთჰემპტონი” – “ევერტონი”, 26 ნოემბერი
რონალდ კუმანის გადაწყვეტილება “საუთჰემპტონის” “ევერტონში” გაცვლისა ბევრ “წმინდანს” არ მოეწონა. აქვე გეტყვით, რომ “საუთჰემპტონმა” გასულ სეზონში 5 ადგილით უფრო მაღლა დაასრულა ასპარეზობა, ვიდრე კუმანის ახალმა კლუბმა. ამ მატჩში “წმინდანებს” შანსი ექნებათ დაუმტკიცონ რონალდს, რომ მცდარი გადაწყვეტილება მიიღო.
“მიდლსბრო” – “სანდერლენდი”, 11 მარტი
“ნიუკასლის” გავარდნამ ინგლისელ გულშემატკივარს ერთ-ერთი საუკეთესო დერბის ყურების საშუალება ხელიდან წაართვა, თუმცა არანაკლებ დაძაბული და სასიამოვნო საყურებელი იქნება ახლადგადმოსული “მიდლსბროსა” და გადარჩენილი “სანდერლენდის” დაპირისპირება.
პეპ გვარდიოლა “მანჩესტერ სიტის” მწვრთნელის რანგში პირველ მატჩს გერმანული “ბაიერნის” წინააღმდეგ გამართავს, რაც პრე-სეზონის პირველი ეტაპი იქნება.
ესპანელი სპეციალისტი მის ყოფილ კლუბს “ალიანს არენაზე”, 20 ივლისს დაუპირისპირდება, კლუბის დატოვებიდან დაახლოებით 2 თვის შემდეგ.
აღნიშნული მატჩი სადებიუტო იქნება კარლო ანჩელოტისთვისაც, რომელიც “ბაიერნს” ჩაუდგა სათავეში.
“სიტი” მოსამზადებელი პერიოდის განმავლობაში ასევე დაუპირისპირდება “მანჩესტერ იუნაიტედსა” და დორტმუნდის “ბორუსიას.
ბრიტანულ პრესაში გავრცელებული ინფორმაციის თანახმად, პეპ გვარდიოლას “მანჩესტერ სიტიში” ტიაგო ალკანტარას წაყვანა სურს.
24 წლის ფეხბურთელი “ბაიერნს” 2013 წელს შეუერთდა, როცა გუნდის მთავარ მწვრთნელად პეპ გვარდიოლა დაინიშნა. ბავარიელებმა მასში 17 მილიონი გადაიხადეს.
როგორც ირკვევა, 45 წლის სპეციალისტს “სიტიში” ნახევარმცველის დამატება აქვს განზრახული, პირველი კანდიდატი კი სწორედ ალკანტარაა, რომელმაც მიმდინარე სეზონში ჩატარებულ 31 მატჩში ოთხი გოლი გაიტანა.
