პრიმერა დივიზიონის 38-ე ტური, შესაძლოა იკერ კასილიასისთვის გუნდთან გამოსამშვიდობებელი იყოს.
ამის შესახებ Marca იტყობინება. პრესა აქტიურად იტყობინება იმის შესახებ, რომ ზაფხულში დავიდ დე ხეა “რეალს” შეუერთდება და იკერ კასილიასი მთავარ შემადგენლობაში ადგილს დაკარგავს. ეს ყველაფერი ლეგენდარულ მეკარეს გუნდის დატოვებისკენ მოუწოდებს.
“სამეფო გუნდი” მატჩს ხეტაფეს წინააღმდეგ 23 მაისს გამართავს. მადრიდულმა გრანდმა საჩემპიონოდ ყველანაირი შანსი დაკარგა.
მადრიდის „რეალის“ მეკარემ იკერ კასილიასმა ის ტიტული დაასახელა, რომლის მოგებასაც მიმდინარე სეზონში ყველაზე მეტად ისურვებდა.
„ჩემპიონატში „ბარსელონასგან“ ვართ დამოკიდებულები. ჩემპიონთა ლიგაზე კი ყველაფერს ჩვენ ვწყვეტთ. თუ ჩემპიონთა ლიგისა და ესპანეთის პირველობას შორის არჩევანის გაკეთება მომიწევდა, ჩემპიონთა ლიგას ავირჩევდი. ნახევარფინალში ყოველ გუნდს 25-პროცენტიანი შანსი აქვს.
წინ საინტერესო ნახევარფინალები გველის. გულშემატკივრებს ბუფონისა და პირლოს თამაშის ნახვის საშუალება ექნებათ. ეს ორი ფეხბურთელი „იუვენტუსსა“ და იტალიის ნაკრებში ყოველთვის გამორჩეული იყო“, – განაცხადა იკერმა.
მადრიდის „რეალის“ მთავარმა მწვრთნელმა კარლო ანჩელოტიმ იკერ კასილიასის მოამვლის შესახებ ისაუბრა.
„შემდეგ სეზონში ჩემს თავს „რეალში“ კასილიასთან ერთად ვხედავ. ახლა ეს საკითხი ნაკლებად მნიშვნელოვანია. ამ მომენტისთვის მხოლოდ სეზონის დარჩენილ ნაწილზე ვფიქრობთ.
რაც შეეხება ისკოს, არამგონია, რომ მან შემადგენლობაში ადგილი დაკარგა. ის ჩემპიონატის ყველა მატჩში თამაშობს. „რეალი“ ორივე ტურნირზე იბრძვის, შესაბამისად, ჩვენთვის ყოველი შეხვედრა მნიშვნელოვანია“, – განაცხადა ანჩელოტიმ.
იკერ კასილიასმა ჭორებს უპასუხა, რომელიც მის შესაძლო ტრანსფერს უკავშირდება, სხვა გუნდში.
მიუხედავად კეილორ ნავასის მუნდიალზე კარგი თამაშისა, მიმდინარე სეზონში კასილიასი პირველი მეკარეა. პრესის ცნობით, არაა გადაწყვეტილი დაიწყებს თუ არა, იკერი ახალ წელს “სანტიაგო ბერნაბეუზე”.
ჩემპიონთა ლიგაზე 1/4 ფინალურ მატჩის შემდეგ(0-0), ცნობილი გახდა, რომ კარიერას ლეგენდარული მეკარე კვლავ ესპანეთში გააგრძელებს.
“მინდა დარჩენა(რეალში) 2017 წლამდე. კონტრაქტი ამ გუნდთან სწორედ აქამდე მაქვს. კარიერის დასრულება “სამეფო გუნდში” მსურს,”-განაცხადა კასილიასმა.
„მილანის“ მეკარემ დიეგო ლოპესმა „Canal Plus“-ის ეთერში 2013 წელი გაიხსენა, როდესაც „სევილიარან“ მადრიდის „რეალში“ გადავიდა და „სამეფო კლუბის“ ძირითად შემადგენლობაში აღმოჩნდა.
„მოურინიო გამესაუბრა და „რეალში“ გადასვლაში დამარწმუნა. მან მითხრა, რომ ჩემთან კონტრაქტის გაფორმება ერთი წლით ადრეც სურდა.
შემდეგ ჟოზემ ისიც ახსენა, რომ კარში საუკეთესო მეკარეს დააყენებდა. მთავარია, ვარჯიშზე თავი გამოგვეჩინა. იკერის წინააღმდეგ მას არაფერი ჰქონდა და მისი საყვარელი ფეხბურთელი არც ვყოფილვარ“, – განაცხადა ლოპესმა.
ბოლო პერიოდში იკერ კასილიასის ტრანსფერის შესახებ ესპანურ პრესაში სულ უფრო და უფრო ხშირად ჩნდება გარკვეული ცნობები. ცნობილია იმ გუნდების ვინაობაც, რომლებსაც გამოცდილი ესპანელი კიპერის ხილვა საკუთარ რიგებში სურთ.
ცნობილია იმ ფეხბურთელების ვინაობაც, რომლებიც კასილიასის სავარაუდო შემცვლელებად მოიაზრებიან. საუბარი დავიდ დე ხეასა და ბერნდ ლენოზეა.
ამავდროულად Cadena Cope-ს ცნობით, “რეალი” და კასილიასი შეთანხმდნენ, რომ ფეხბურთელი გუნდში კონტრაქტის ბოლომდე, ანუ 2017 წლის ზაფხუალდმე დარჩება, რის შემდეგაც კარიერის გასაგრძელებლად აშშ-ში გაემგზავრება.
Fanebi.com დღის გამორჩეულ სატრანსფერო ამბებს წარმოგიდგენთ
“ტოტენჰემი” სერხი რობერტოს გადაბირებას ეცდება
„ტოტენჰემის“ ინტერესთა სფეროში „ბარსელონას“ ნახევარმცველი, სერხი რობერტო მოხვდა. თუმცა, კატალონიელებს ამ ეტაპზე მოთამაშესთან განშორება არ სურთ.
ჩეხი “არსენალში” გადავა
ლონდონის „ჩელსის“ მეკარე, პეტრ ჩეხი, შესაძლოა, სეზონის დასრულების შემდეგ „არსენალში“ გადაბარგდეს. საქმე იმაშია, რომ ფეხბურთელის ოჯახს ლონდონში სურს დარჩენა.
ლიორენტე “იუვენტუსს” ტოვებს
იტალიური პრესის ცნობით, მიმდინარე სეზონის დასრულების შემდეგ ფერნანდო ლიორენტემ, შესაძლოა, „იუვენტუსი“ დატოვოს. ფოვარდის გადაბირებით „ვალენსია“, „სევილია“, „ლივერპული“ და „ტოტენჰემი“ არიან დაინტერესებულები.
“ბარსელონა” “ოსასუნას” მეკარეს გადაიბირებს
„ბარსელონა“ „ოსასუნადან“ 18 წლის მეკარეს, იოკინ ესკიეტას გადაიბირებს. ესპანურ წყაროებზე დაყრდნობით ცნობილი ხდება, რომ ახალგაზრდა მოთამაშე კატალონიურ კლუბთან 4 წლიან ხელშეკრულებას მოაწერს ხელს.
კასილიასი “რეალს” ტოვებს?
მადრიდის „რეალის“ კარის დარაჯმა, იკერ კასილიასმა, შესაძლოა, კლუბი უახლოესი სატრანსფერო ფანჯრის დროს გამოიცვალოს. მის შეცვლელად კი მადრიდში კვლავ დავიდ დე ხეას მოიაზრებენ.
მადრიდის „რეალის“ მეკარის იკერ კასილიასის აზრით, თანამედროვე ფეხბურთში ყველა პოზიციის ფეხბურთელს ერთნაირად არ აფასებენ.
„მეკარეებს ისე არ აფასებენ, როგორც სხვა მოთმააშეებს. იმისთვის, რომ გოლკიპერი წლის საუკეთესოთა შორის მოხვდეს, მას ფენომენალური სეზონი და უამრავი ტიტული უნდა ჰქონდეს. სხვა პოზიციის მოთამაშეებს, ამ მხვრივ, საქმე უფრო უადვილდებათ. მსურს, რომ მეკარეები სხვებისთვის ისეთივე მნიშვნელოვან როლს ვასრულებდეთ“, – განაცხადა იკერმა.
მადრიდის „რეალის“ ყოფილმა მეკარემ ეჟი დუდეკმა იკერ კასილიასის არც ისე კარგ ფორმაში ყოფნის მიზეზებზე ისაუბრა.
„კასილიასს რუთლი პერიოდი ჰქონდა – ის მამა გახდა. ყოველი მოთამაშე ცხოვრებაში ერთხელ მამა ხდება, რაც კონცენტრაციაზე მოქმედებს. მთელი ყურადღების გადატანა შვილზეა საჭირო, რაც ყველანაირ მაჩვენებელზე მაღლა დგას. თუმცა, კასილიასმა მოითმინა და კვლავ ისეთი გახდა, როგორიც აქამდე იყო“, – განაცხადა დუდეკმა.
მადრიდის „რეალის“ მეკარემ იკერ კასილიასმა ჩემპიონთა ლიგის მიმდინარე სეზონის გათამაშებაში თავისი გუნდის შანსები შეაფასა.
„ვიცით, რომ ჩემპიონთა ლიგის მოგება ზედიზედ მეორედ რთული იქნება, მაგრამ ამის გაკეთებას მაინც შევეცდებით. ბერლინში გასასვლელად ყველაფერს გავაკეთებთ.
გამარჯვება გვწყურია, რამაც, შესაძლოა, ბევრი რამ გადაწყვიტოს. ჩვენ უკეთესი გუნდი გავხდით. თუ „ბერნაბეუზე“ დაუამრცხებლები ვიქნებით, შორს გავალთ“, – განაცხადა მადრიდელთა კარის დარაჯმა.
იკერ კასილიასმა და ხესე როდრიგესმა მიმდინარე სეზონის დასრულების შემდეგ, შესაძლოა, მადრიდის “რეალი” დატოვონ. ინფორმაციას El Mundo Deportivo ავრცელებს.
ესპანეთის ნაკრების კიპერს არაერთხელ უთქვამს, რომ კარიერის დასრულება მადრიდულ კლუბში სურს, თუმცა ბოლო დროს მის მიმართ კრიტიკის გაძლიერებამ და გულშემატკივართ უარყოფითმა დამოკიდებულებამ, შესაძლოა, კასილიასის გეგმები შეცვლასო.
ხესე კი დარწმუნებულია, რომ გუნდის გამოცვლა სურს. ახალგაზრდა ფეხბურთელი სათამაშო პრაქტიკის ნაკლებობით უკმაყოფილოა, რაც ანჩელოტის თანაშემწეს, ფერნანდო იეროსაც უთხრა. “ელჩესთან” მატჩში ხესეს მხოლოდ 25 წამი მიეცა.
„ელჩესთან“ გამართული მატჩი მადრიდის „რეალის“ მეკარე იკერ კასილიასისთვისა და მთავარ მწვრთნელ კარლო ანჩელოტისთვის საიუბილეო გამოდგა.
იტალიელმა სპეციალისტმა მადრიდელებს მე-100 მატჩში უთავკაცა. რაც შეეხება იკერს, მისთვის ესპანეთის პრიმერა დივიზიონში ხსენებული შეხვედრა მე-500 გამოდგა. ამ მაჩვენებლით კასილიასი ისტორიაში მეშვიდე ადგილზე აღმოჩნდა. მასზე წინ სოლერი (504 მატჩი), სანჩსი (523), ბუიო (542), ეუსებიო (543), რაული (550) და სუბისარეტა (622) არიან.
