არ არის გამორციხული, ზაფხულის სატრანსფერო ფანჯრის პერიოდში “მილანმა” მადრიდის “რეალის” ფეხბურთელი, ისკო შეიძინოს. Football Italia-ს ცნობით, ვიჩენცო მონტელას ესპანელი მოთამაშე ძალიან მოსწონს.
24 წლის შემტევ ნახევარმცველს გასულ სეზონში, “სამეფო კლუბის” ძირითად შემადგენლობაში თამაში იშვიათად უწევდა, ამიტომ მისი სხვა გუნდში ხილვის შანსი კიდევ უფრო რეალურია.
შეგახსენებთ, რომ რამდენიმე დღის წინ სილვიო ბერლუსკონიმ “მილანის” 99.93 პროცენტი ჩინელ ინვესტორებს მიჰყიდა.
„რეალის“ ნახევარმცველმა ისკომ „ატლეტიკოსთან“ პენალტების სერიაში მოგებული ჩემპიონთა ლიგის ფინალის შემდეგ „ბლანკოსში“ დარჩენის სურვილი გამოთქვა.
„გუნდით ძალიან ვამაყობ. ეს მძიმე სეზონი იყო, თუმცა ტრიუმფი დავიმსახურეთ. „რეალში“ დარჩენას ვიმედოვნებ. თუ კლუბს სურს, აქ სიამოვნებით დავრჩები. ჩვენს კლუბთან ერთად ტიტულების მოგების გაგრძელება მსურს. „რეალის“ დნმ-ში ბოლომდე ბრძოლის უნარია ჩადებული. ეს ლა ლიგაში, ახლა კი ჩემპიონთა ლიგაზეც დავამტკიცეთ. „ატლეტიკო“ ძალიან სერიოზული მეტოქეა, მაგრამ თასის „ბერნაბეუზე“ ჩატანა მაინც შევძელით“, – ციტირებს ისკოს Goal.com.
ისკო ალარკონი თვლის, რომ მადრიდის “რეალის” ზოგიერთი გულშემატკივარი უსამართლოდ ადანაშაულებს მას და ხამესს მადრიდის “რეალის” არასახარბიელო ასპარეზობაში.
“მართლაც რომ ძალიან მძიმე სეზონი გამოგვივიდა, თუმც არამგონია ყველაფერი ცუდი, რაც “რეალს” მოსდის ჩემი და ხამესის ბრალი იყოს.” – განაცხადა ესპანელმა ნახევარმცველმა.
როგორც იცით, “ლას პალმასთან” ზინედინ ზიდანმა ისკო შეცვალა, რამაც ფეხბურთელი ძალზედ გააცხადა. ამ ყველაფერმა კი მედიას საშუალება მისცა ეფიქრა, რომ ის “ბლანკოსში” თავს ბედნიერად არ გრძნობდა.
თუმცა “მალაგას” ექს-ფეხბურთელმა ყველაფერი უარყო:” გაბრაზებული ჩემს საკუთარ თავზე ვიყავი და არა სხვა ვინმეზე. არამგონია პირველი ადამიანი ვიყო, ვინც მსგავს სიტუაციაში ასე მოიქცა.”
როგორც „Football Espana“ წერს, ჭორების მიუხედავად, მადრიდის „რეალის“ ნახევარმცველი ისკო კლუბის დატოვებას არ აპირებს. წყაროს ინფორმაციით, ნახევარმცველი კლუბის წარმომადგენლებსაც შეხვედრია და აღნიშნა, რომ კლუბთან კონტრაქტის ვადის ამოწურვამდე მუშაობას აპირებს. 23 წლის ფეხბურთელი დარწმუენბულია, რომ კარგი ფორმის მიღებასა და გუნდისთვის თავისი აუცილებლობის დამტკიცებას შეძლებს.
მხარეებს მოქმედი კონტრაქტი კიდევ ორი წლის განმავლოობაში აკავშირებთ.
ესპანური გამოცემა, AS გვამცნობს, რომ მადრიდის “რეალის” ხელმძღვანელობა ედენ აზარს სიტყვიერად შეუთანხმდა.
წყაროს ცნობით, ზინედინ ზიდანს ბელგიელი ფეხბურთელის “სანტიაგო ბერნაბეუზე” გადმობირება 2010 წლიდან სურდა, თუმცა ეხლა მადრიდელებს ყველაზე კარგი შანსი ეძლევათ და აზარი მათთვის ყველაზე პრიორიტეტული სამიზნეა.
ასევე აცხადებენ იმასაც, რომ ედენ აზარი დიდი ალბათობით ხამეს როდრიგეს ან ისკო ალარკონს ჩაანაცვლებს, რაც დამოკიდებული იქნება იმაზე, თუ რამდენად კარგ წინადადებებს მიიღებენ მადრიდელები ევროპული კლუბებისაგან.
AS-მა ისიც გაარკვია, რომ “არისტოკრატებმა” ბელგიელ ნახევარმცველს 100 მილიონ ევროიანი იარლიყი მიაკრეს. მისი კონტრაქტი 2020 წელს იწურება “ჩელსისთან”.
ესპანურ, ავტორიტეტულ გამოცემა As-ს თუ დავუჯერებთ, მადრიდის “რეალის” ხელმძღვანელობამ ხამეს როდრიგესი და ისკო სატრანსფერო ბაზარზე გასაყიდად გაიყვანა.
არასახარბიელო ასპარეზობიდან გამომდინარე “ლოს ბლანკოსი” ნახევარდაცვის შემტევი ნაწილის გამოცვლას აპირებს. დიდი ალბათობით პერესი მათ ჩანაცვლებას ედენ აზარით აპირებს.
იმ შემთხვევაში, თუ “ჩელსის” ბელგიელი ვინგერი, ედენ აზარი “სანტიაგო ბერნაბეუზე” გადაბარგდება, მაშინ ისკოსა და ხამესს კლუბის დატოვების უფლება მიეცემათ. ვარსკვლავური დუეტის გადაბირებით რამდენიმე ინგლისური კლუბია დაინტერესებული.
Sport-ის მიერ მოპოვებული ინფორმაციის თანახმად, ფლორენტინო პერესი მზადაა ზაფხულში გუნდიდან 10 ფეხბურთელი გაუშვას, მათ შორის ლიდერებიც.
წყაროს ცნობით, საუბარი ეხება კრიშტიანო რონალდოსა და სერხიო რამოსსაც, რომლებმაც უკვე მოითხოვეს სატრანსფერო ფანჯარაზე გასვლა. პორტუგალიელის შეძენა კლუბებს 60 მილიონ ევროდ შეეძლებათ, რამოსის კი – 20-25 მლნ. ევროდ.
აღნიშნულ სიაში მოხვდა ხამეს როდრიგესიც, ისევე როგორც მისი უშუალო კონკურენტი – ისკო. პერესის აზრით ვერც კროოსი ვერ გამოიყურება სათანადოდ, ამიტომაც შესაძლოა ის უკან, ბუნდესლიგაში გაუშვან.
კლუბის დატოვება მოუწევს პეპესა და ალვარო არბეოლასაც, ისევე როგორც კაზემიროს, ხესესა და დანილოსაც, რომელიც გასულ ზაფხულს შეუერთდა “ბლანკოსს”.
კატალონიის “ბარსელონა” იაპონიაში იმყოფება, სადაც მსოფლიოს საკლუბო ჩემპიონატის მატჩები უნდა გაიმართოს. იაპონიაში, “ბლაგაურნას” პირველი ვარჯიშზე ლიონელ მესიმ გულშემატკივრების აღფრთოვანება მოახერხა.
„ბარსელონასთან“ ანგარიშით 0:4 წაგებული მატჩის ბოლოს მადრიდის „რეალის“ ნახევარმცველმა ისკომ თამაშის წესის დარღვევისთვის ორმატჩიანი დისკვალიფიკაცია მიიღო. ხსენებულ ეპიზოდში ისკომ მეტოქის ნახევარმცველის ნეიმარის წინააღმდეგ უხეშად ითამაშა, რის გამოც მსაჯმა მას პირდაპირ წითელი ბარათი უჩვენა.
ამრიგად, ისკო „ეიბართან“ და „ხეტაფესთან“ ლა ლიგის მოახლოებულ შეხვედრებს გამოტოვებს.
მადრიდის „რეალის“ ნახევარმცველმა ისკომ, რომელიც ინგლისთან და ბელგიასთან მოსამზადებელი მატჩებისთვის ესპანეთის ნაკრებში გამოიძახეს, კლუბში დაბრუნდა.
როგორც გაირკვა, 23 წლის მოთამაშემ ერთ-ერთ ვარჯიშზე კუნთების ტრავმა მიიღო. ამის გამო ექიმებმა და მწვვრთნელებმა, რისკის თავიდან ასაცილებლად, ფეხბურთელის „რეალის“ ბაზაზე დაბრუნება გადაწყვიტეს.
მადრიდის “რეალის” ნახევარმცველმა ისკომ ანდალუსიის პირველ დივიზიონში (ესპანეთის რანგით მე-5 დივიზიონი) მოასპარეზე კლუბ “ატლეტიკო ბენამიელს” საჩუქარი გაუკეთა.
“ატლეტიკო ბენამიელი” ისკოს პირველი კლუბი გახლავთ და ფეხბურთელმაც გამზრდელი გუნდისთვის მადლობის გადახდა გადაწყვიტა.
ისკომ კლუბს საჩუქრად 450 ფორმა გადასცა.
მადრიდის „რეალის“ შემტევმა ნახევარმცველმა ისკომ დონეცკის „შახტართან“ ანგარიშით 4:0 მოგებული მატჩი შეაფასა.
„აქ თამაშით კმაყოფილი ვარ. ჩვენ ჩინებული გუნდი გვყავს. „რეალში“ ას მატჩზე მეტი ჩავატარე, რაც უკვე კარგი შედეგია, რომელიც საამაყოა.
შეტევაში ეფექტურად ვთამაშობთ და ბოლო მატჩებში გოლებს არ ვუშვებთ. სულ უფრო და უფრო უკეთესი ფეხბურთის ჩვენება გამომგვდის. ერთადერთი ნეგატიური მომენტი გარეთ ბეილის ტრავმაა, მაგრამ ვიმედოვნებთ, რომ სერიოზული არაფერია და მოედანზე ის მალე დაბრუნდება“, – განაცხადა ისკომ.
