ჭდე: „იუვენტუსი“

ტურინის „იუვენტუსის“ ყოფილი გენერალური დირექტორი ლუჩანო მოჯი კვლავ საინტერესო განცხადებით გამოირჩა. ამჯერად მოჯიმ „ბებერი ქალბატონისა“ და „რომას“ წინა ტურის მატჩს შეეხო, რომელსაც ტურინელთა სასარგებლოდ დანიშნული პენალტების გამო უამრავი საუბარი მოჰყვა.

„რომას“ წარმომადგენლების სიტყვები მაფიქრებენ, რომ ისინი იმ ტაქტიკას იყენებენ, რომელიც „კალჩოპოლის“ დროს პოპულარული იყო. მაგალითად, მათ მსაჯებისთვის შეეძლოთ ეთქვათ, რომ „იუვენტუსის“ სასარგებლოდ საკამათო გადაწყვეტილება მიეღოთ. ამ შემთხვევაში, ისინი ეჭვს აიცილებდნენ. ამით მსაჯების შეშინება შესაძლებელია.

ნებისმიერს სტატისტიკის გადახედვა შეუძლია. 1998 წლიდან 2006 წლამდე ყველაზე მეტი პენალტი (70) „მილანის“ სასარგებლოდ დაინიშნა. მეორე ადგილზე ამ მაჩვენებლით 57 პენალტით „რომა“ გავიდა, მესამეზე 55 პენალტით „ლაციო“ აღმოჩნდა, მეოთხეზე – „ნაპოლი“ (54). „იუვენტუსი“ და „ინტერი“ კი, მხოლოდ ამ კლუბების შემდეგ მოდიან – ორივემ 53 პენალტი შეასრულა.

თუ ამ გუნდების კარში დანიშნული პენალტების სტატისტიკას გადავხედავთ, იგი ასე გამოიყურება: „მილანი“ (25), „იუვენტუსი“ (26), „ლაციო“ (30), „ინტერი“, „რომა“ და „ნაპოლი“ – 39.

ორივე შემთხვევაში, ყველაზე საინტერესო, „მილანის“ სტატისტიკაა“, – განაცხადა მოჯიმ.