ტურინის “იუვენტუსის” კარის დარაჯი, ჯანლუიჯი ბუფონი აცხადებს, რომ ახალგაზრდა ნახევარმცველი, პოლ ბოგბა “ბიანკონერისთან” კონტრაქტს გაახანგძლივებს.
შეგახსენებთ, რომ პოგბა “იუვენტუსში” 2012 წელს, თავისუფალი აგენტის სახით მივიდა. ფრანგმა ფეხბურთელმა ტურინელთა ძირითად შემადგენლობაში თავი მალევე დაიმკვიდრა, რამდენიმე თვის წინ კი, პრესამ ის მადრიდის “რეალთან” დააკავშირა.
“პოგბა? ის ძალიან კარგი ფეხბურთელია. მალე, ყველანი ერთად ვნახავთ, რომ ის “იუვენტუსთან” კონტრაქტს გაახანგძლივებს”, – ამბობს ბუფონი.
ტურინის “იუვენტუსის” ცენტრალური მცველი, ანდრეა ბარძალია აცხადებს, რომ “ბიანკონერის” კარგად თამაში “იუვენტუსის” გარეშეც შეუძლია.
შეგახსენებთ, რომ ვეტერანმა ნახევარმცველმა მუხლზე დაზიანება მიიღო, რის გამოც, დაახლოებით ექვსი კვირით იუქმებს.
“ანდრეა ჩვენთვის ძალიან მნიშვნელოვანი ფიგურაა. ჩემი აზრით, ის მსოფლიოს ერთ-ერთი საუკეთესო ფეხბურთელია. სამწუხაროა, რომ პირლომ ტრავმა მიიღო, მაგრამ მიმაჩნია, რომ ჩვენ კარგად თამაში მის გარეშეც შეგვიძლია”, – ამბობს პირლო.
ტურინის “იუვენტუსის” ნახევარმცველმა, არტურო ვიდალმა კლუბთან კონტრაქტი 2017 წლამდე გაახანგძლივა.
“იუვენტუსს” სურს გაცნობოთ, რომ კლუბსა და არტურო ვიდალს შორის კონტრაქტი 2017 წლამდე გახანგძლივდა.
მას შემდეგ, რაც ჩილელი “ბიანკონერის” რიგებში ჩაირიცხა, მან გუნდის გულშემატკივრებს თავი შეაყვარა და რაც მთავარია, კლუბის წარმატებაში უდიდესი წვლილი დაიდო”, – ვკითხულობთ “იუვენტუსის” ოფიციალურ განცხადებაში.
Fanebi.com გთავაზობთ იტალიური სერია A-ს უკანასკნელი ტურის მიმოხილვას.
30/11/13/
21:00 “პარმა” 1-1 “ბოლონია”
გოლები: კონე 0-1, 10’ – კასანო 1-1, 23’
პარმა-ბოლონიას შეხვედრა უკომპრომისო ბრძოლაში გაიმართა, და საბოლოო ჯამში ფრედ დასრულდა. მეათე წუთზე სტუმრები დაწინაურდნენ. გოლი კონეს ანგარიშზეა. თუმცა 13 წუთში ანტონიო კასანომ შესანიშნავი დარტყმით ანგარიში გაათანაბრა და სერია A-ში თავისი მეასე გოლი გაიტანა. აღსანიშნავია, რომ მატჩი საკმაოდ უხეში გამოვიდა. არბიტრმს ათჯერ მოუწია ყვითელი ბარათის ამოღება. 54-ე წუთზე კი, ბოლონიას შემადგენლობაში სორენსენი გააძევა მინდვრიდან. მაგრამ პარმელებმა რიცხობრივი უპირატესობა ანგარიშში ვერ ასახეს.
23:45 “ჯენოა” 1-1 “ტორინო”
გოლები: ფერნერუდი 7′ (0:1) ‘ ბიონდინი 69’ (1:1).
ტურის პირველი სათამაშო დღის მეორე შეხვედრაც ფრედ, 1-1 დასრულდა. აქაც სტუმრები დაწინაურდნენ მატჩის დებიუტში. ტურინელები შვედმა ლეგიონრემა, ალექსანდერ ფარნერუდმა დააწინაურა მატჩის მეშვიდე წუთზე. გენუელებმა წონასწორობის აღდგენა 69-ზე, ბიონდინის ძალისხმევით შესძლეს.
01/12/13
15:30 “კატანია” 1-3 “მილანი”
გოლები: კასტრო 0-1, 13’ ; მონტოლივო 1-1, 19’, ბალოტელი 1-2, 63’ , კაკა 1-3, 81.
მილანმა როგორც იქნა მოიგო და ხუთმატჩიანი მოუგებელი სერია დაასრულა. თუმცა, შეხვედრაში პირველი გოლი მასპინძლებმა გაიტანეს. მეცამეტე წუთზე კატანია კასტრომ დააწინაურა. მასპინძელთა სიხარული ხანგრძლივი არ აღმოჩნდა. ექვს წუთში წონასწორობა მონტოლივომ აღადგინა. მეორე ტაიმში კი ბალოტელიმ და კაკამ საბოლოო ანგარიში დააფიქსირეს.
18:00 „ატალანტა“ – „რომა“ 1:1
გოლები: ბრივიო 51′ – სტროოტმანი 90′
რომაელების მორიგი ფრე. ტოტის გარეშე მოთამაშე დედაქალაქელები თამაშებს ვეღარ იგებენ. თუმცა, არც წაუგებელ სერიას ასრულებენ. გასული ტურის შეხვედრაში ანგარიში მასპინძლებმა გახსნეს, მაგრამ რომამ ბოლო წუთზე შესძლო მატჩის გადარჩენა.
18:00 “კალიარი” 2-2 “სასულო”
გოლები: მარზორატი 0-1, 14’ ; ზაზა 0-2, 19’ – ნენე 1-2, 73’ ; საუ 2-2, 87’
აუტსაიდერების საინტერესო შეხვედრამ გამარჯვებული ვერ გამოავლინა. მატჩის დებიუტში სტუმრები დაწინაურდნენ და უკვე მეცხრამეტე წუთისთვის ორურთიანი სხვაობით იგებდნენ. თუმცა, შეხვედრის უკანასკნელი ოცწუთეული მასპინძლების იყო. საბოლოო ჯამში, საბრძოლო ფრე 2-2 და ორივე გუნდი სახიფათო ზონაში რჩება.
18:00 “კიევო” 3-0 “ლივორნო”
გოლები: რიგონი 1-0, 36’ , თერაუ 2-0, 56’, პალოსკი 3-0, 79’
ცხრილის ქვედა ნაწილში მყოფი გუნდების მეორე დაპირისპირება კი, მასპინძლების დონიმირებით წარიმართა. ვერონელებმა “ლივორნოს“ შანსი არ დაუტოვეს და დიდი ანგარიშით დაამარცხეს.
18:00 “ინტერი” 1-1 “სამპდორია”
გოლები: გუარინი 1-0, 18’ – რენანი 1-1, 89’
სან სიროზე “ინტერმა“ “სამპდორიას“ ვერ აჯობა. მილანელები მთელი შეხვედრის განმავლობაში იგებდნენ აუტსაიდერთან. მაგრამ, 89 წუთზე რენანმა მასპინძებს ორი ქულა წაართვა.
21:30 “იუვენტუსი” 1-0 “უდინეზე”
გოლი: ლიორენტე 91′
ტურინელებმს ბოლო წამებამდე ბრძოლა დაუფასდათ და 91-ე წუთზე ლიორენტეს გოლით მოიპოვეს სამი ქულა. ამ გამარჯვებით “იუვენტუსმა” პირველი ადგილი განიმტკიცა. “ბებერი სენიორა” უკვე სამი ქულით უსწრებს “რომას”
02/12/13
22:00 “ფიორენტინა” 4-3 “ჰელას ვერონა”
გოლები: ბორხა ვალერო 5′ (1:0) ; რომულო 6′ (1:1) ; იტურბე 13′ (1:2) ; ბორხა ვალერო 14′ (2:2) ; ვარგასი 43′ (3:2) ; როსი 54′ (4:2) ; ჯორჯინიო 72′ (4:3)
“არტემიო ფრანკიზე” მნიშვნელოვანი გამარჯვება მოიპოვა “ფიორენტინამ”. უშუალო კონკრენტების შეხვედრა საკმაოდ კარგი სანახავი გამოდგა. დაძაბულობა, კარგი ფეხბურთი და რაც მთავარია ბევრი გოლი. აღსანიშნავია, რომ სტუმრები 53-ე წუთიდან რიცხობრივ უმცირესობაში იყვნენ. წითელი ბარათი იანკოვიჩმა მიიღო.
03/12/13
00:00 “ლაციო” 2-4 “ნაპოლი”
გოლები: იგუაინი 24′ (0:1) ; ბეჰრამი 26′ (1:1) ს.კ. ; პანდევი 50′ (1:2) ; იგუაინი 72′ (1:3) ; კეიტა 88′ (2:3) ; კალიეხონი 90+1 (2:4).
ტურის უკანასკნელ შეხვედრა რომის “სტადიო ოლიმპიკომ” უმასპინძლა. “ლაციოს” “ნაპოლი” სტუმრობდა. შეხვედრზე შეკრებილმა 30 000 მაყურებელმა უხვგოლიანი მატჩი იხილა. რაფაელ ბენიტესის შეგირდებმა “ლაციოს” ორ გატანილ გოლს ოთხით უპასუხეს და დამაჯარებელი გამარჯვებაც მოიპოვეს.
იტალიური “იუვენტუსის” ნახევარმცველი ანდრეა პირლო მოედანს გაურკვეველი ვადით დაემშვიდობა. საქმე იმაშია, რომ ვეტერანმა ნახევარმცველმა მუხლის ტრავმა იტალიის სერია А-ს მეთოთხმეტე ტურში მიიღო. შეგახსენებთ, რომ ტურინელები “უდინეზეს” ხვდებოდნენ და მინიმალური ანგარიშით შესძლეს მოწინააღმდეგის დამარცხება.
“იუვენტუსის” ოფიციალურ ვებ-გვერდზე გამოქვეყნებული ინფორმაციის საფუძველზე ცნობილია, რომ პირლო წელს ვეღარ ითამაშებს.
უეფას ჩემპიონთა ლიგის ჯგუფში სიტუაციის გამოსწორების შემდეგ ტურინის „იუვენტუსს“ სერია ა-ში თავისი უპირატესობა უნდა გაემყარებინა, რისთვისაც ანტონიო კონტეს შეგირდებს „უდინეზე“ უნდა დაემარცხებინათ.
შეხვედრა ისე დაიწყო, როგორც მოსალოდნელი იყო – მასპინძლები მეტოქის კარს უტევდნენ. შორეული დისტანციიდან დე ჩელიემ რამდენიმე კარგი გადაცემა გააკეთა, თუმცა, საბოლოო ჯამში, სტუმართა მცველები ზუსტად თამაშობდნენ. იყო მომენტებიც, როდესაც თამაშში მეკარე ბრკიჩიც ერთვებოდა. „უდინეზეს“ კარის დარაჯმა კარლოს ტევესის დარტყმულის მოგერიება შეძლო. ტურინელები მეტოქის საჯარიმოში ხშირად კომბინირებდნენ, თუმცა შეტევის ბოლო ფაზაში გვიდოლინის შეგირდები თავის შესაძლებლობებს ამჟღავნებდნენ.
„იუვენტუსს“ გოლის გაშვებაც შეეძლო – ერთ ეპიზოდში შეცდომა ლეონარდო ბონუჩიმ დაუშვა, თუმცა ბუფონმა დი ნატალეს გოლის გატანის საშუალება არ მისცა. თამაშის ნამდვილ გმირად ჯიჯი მეორე ნახევრის დასაწყისში იქცა, როდესაც კვლავ დი ნატალეს ურთულესი დარტყმა მოიგერია. ამის შემდეგ უდინელები შორიდან ურტყამდნენ, თუმცა პრობლემა ბუფონისთვის არც ეს აღმოჩნდა.
რაც შეეხება ტურინელებს, ისინი ნელ-ნელა სულ უფრო და უფრო სახიფათოდ მიდიოდნენ წინ. აქტიურობით ტევესი და ცვლილებაზე გამოსული ლიხშტაინერი გამოირჩეოდნენ, თუმცა ერთი შეხედვით ჩანდა, რომ ამ მატჩში თავისი გუნდისთვის 3 ქულის მოტანას ისინი უკვე ვერ შეძლებდნენ. ასეა თუ ისე, კომპენსირებულ დროში „ბებერმა ქალბატონმა“ გოლი მაინც გაიტანა – ლიხშტაინერის ჩაწოდებას ფერნანდო ლორენტეს თავური დარტყმა მოჰყვა, რომელიც ზუსტი აღმოჩნდა.
შედეგად, ბუფონის კარგი თამაშისა და ზემოხსენებული ზუსტი დარტყმის წყალობით, „იუვემ“ თავის აქტივში მორიგი 3 ქულა ჩაიწერა.
„იუვენტუსი“ – „უდინეზე“ 1:0
გოლი: ლიორენტე 90+1′
„იუვენტუსი“: ბუფონი, ბარძალი, ბონუჩი, კიელინი, პადოინი, ვიდალი, პირლო (პოგბა 15′), მარკიზიო, დე ჩელიე (კვალიარელა 76′), ტევესი, ლიორენტე
„უდინეზე“: ბრკიჩი, ერტო, დანილო, დომიცი, სილვა, ლაცარი, ალანი, ფერნანდეში (ბადუ 61′), პერეირა (მაიკოსუელი 88′), ბასტა, დი ნატალე
გაფრთხილებები: ლიორენტე, კვალიარელა – ერტო
ამ გამარჯვებით „იუვენტუსმა“ 37 ქულა დააგროვა და მეორე ადგილზე მყოფ „რომას“ უკვე 3 ქულით გაუსწრო. რაც შეეხება „უდინეზეს“, გვიდოლინის გუნდი ამჟამად 16 ქულით მე-13 ადგილზე იმყოფება.
შემდეგ ტურში კონტეს გუნდი „ბოლონიას“ ესტუმრება, ხოლო „უდინეზე“ – „ნაპოლის“.
მე-14 ტურის დარჩენილი ორი მატჩი კი ხვალ და ზეგ შედგება. ხვალ „ფიორენტინა“ „ვერონას“ მიიღებს, ხოლო ზეგ „ლაციო“ „ნაპოლის“ დაუპირისპირდება.
ალექსანდრე მატევოსოვი
იტალიურ პრესაში გავრცელებული ინფორმაციის თანახმად, ფრანგულმა “მონაკომ” იტალიაში, ტურინის “იუვენტუსის” ცენტრალურ მცველზე, ლეონარდო ბონუჩიზე დასაკვირვებლად სკაუტები გააგზავნა.
Tuttosport-ის ცნობით, “მონაკოს” წარმომადგენლები ჩემპიონთა ლიგის გათამაშებაში, “იუვენტუსისა” და “კოპენჰაგენის” დაპირისპირებასაც ესწრებოდნენ.
გასულ ზაფხულს სანქტ-პეტერბურგის “ზენიტმა” “ბიანკონერის” ფეხბურთელში 16 მილიონი ევრო შეთავაზა, თუმცა ტურინელებმა ის ამ ფასად არ დათმეს. შესაბამისად, “მონაკოს” ბონუჩიში უფრო მეტი თანხის შეთავაზება მოუწევს.
ტურინის “იუვენტუსის” ცენტრალურმა მცველმა, ლეონარდო ბონუჩიმ დანიურ “კოპენჰაგენთან” გამართული შეხვედრის შემდეგ განაცხადა, რომ გუნდის თავდამსხმელი, ფერნანდო ლორენტე “ბიანკონერის” იარაღია.
შეგახსენებთ, რომ 27 ნოემბერს, ჩემპიონთა ლიგის გათამაშებაში, ტურინელებმა დანიელები საკუთარ მოედანზე მიიღეს და მეტოქეს ანგარიშით 3:1 ძლიეს.
“კოპენჰაგენი” თავს დიდი ძალებით იცავდა, თუმცა გამარჯვება მაინც მოვახერხეთ. როდესაც ბრძოლა მაღალ ბურთებზე მიდის, მაშინ ჩვენი იარაღი ფერნანდო ლორენტეა”, – თქვა ბონუჩიმ.
გოლების ცვენა ლივერპულში, ბუფონის იუბილე, “ბორუსიას” ფიასკო და სხვა მნიშვნელოვანი საფეხბურთო მოვლენები.
1. ექვსი გოლი ლივერპულურ დერბიში
“ევერტონის” და “ლივერპულის” დაპირისპირება, პრემიერლიგის მეთორმეტე ტურის ნამდვილი მშვენება იყო. მატჩი შედეგიანი გამოდგა და 3:3 დასრულდა. თავიდან ორჯერ “ლივერპული” დაწინაურდა, მაგრამ “ევერტონმა” ანგარიშის გათანაბრება ორივეჯერ მოახერხა და დაწინაურებაც კი შესძლო. მაგრამ 89-ე წუთზე სტარიჯმა საბოლოო ანგარიში დააფიქსირა.
2. რონალდუ უგო სანჩესს დაეწია
პრიმერას მე-14 ტურის მატჩში, “ალმერიას” წინააღმდეგ, კრიშტიანო რონალდუმ თავისი 164-ე გოლი გაიტანა მადრიდის “რეალის” შემადგენლობაში. ამ მაჩვენებლით, პორტუგალიელი უგო სანჩესს გაუთანაბრდა. რონალდუს, რეალის შემადგენლობაში გატანილი გოლების რაოდენობით მხოლოდ სამი ფეხბურთელი უსწრებს: სანტილიანა (186), ალფრედო დი სტეფანო (216) და რაული (228). შეგასხენებთ, რომ რონალდუ 17 გოლით 14 მატჩში წლევანდელი პრიმერას საუკეთესო ბომბარდირია.
თავად უგო სანჩესმა კი შემდეგი კომენტარი გააკეთა: “რონალდუ ფეხბურთის გიგანტია, ისევე როგორც მესი. თუ კრიშტიანო სერიოზულ ტრავმებს თავს აარიდებს, მას შეუძლია კლუბის ყველა რეკორდი გააუმჯობესოს”.
“რეალის” და “ალმერიას” შეხვედრა, მადრიდელების გამარჯვებით დასრულდა – 5-0.
3. ბუფონის 500
“ლივორნოს” წინააღმდეგ სტუმრად ჩატარებული შეხვედრა, ჯანლუიჯი ბუფონისთვის საიუბილეო გამოდგა. ეს იყო მისი მე-500 მატჩი სერია-A-ში. ტურინელებმა შეხვედრა დამაჯერებლად მოიგეს, იუბილარს კი გოლი არ გაუშვია – 0-2. შედეგიანი დარტყმებით თავი ტევესმა და ლიორენტემ გამოიჩინეს.
4. “ტოტენჰემის” კრახი “ეტიჰადზე”
“სიტიმ” კიდევ ერთხელ დაამტკიცა, რომ საშინაო არენაზე სულ სხვა გუნდია. ამჯერად “ეტიჰადზე” ქალაქელების მსხვერპლი “ტოტენჰემი” გახდა”. შეხვედრა მანჩესტერელების გამარჯვებით, 6:0 დასრულდა. დუბლი გაიფორმეს ნავასმა და აგუერომ, ასევე თავი ალვარო ნეგრედომ გამოიჩინა. ხოლო ერთი შედეგიანი დარტყმა ლონდონელების ანგარიშზეა. ავტოგოლი სანდრომ შეასრულა.
5. ჭორები მესის ირგვლივ
Punto Pelota-ს ჟურნალისტ, ფრანსუა გალიარდოს თქმით, ლიონელ მესი სეზონის ბოლოს “ბარსელონას” რიგებს დატოვებს.
“მესის მიაჩნია, რომ მას ურალატეს. მას უკვე აქვს ზეპირი შეთანხმება ერთ-ერთ კლუბთან და თებერვალში აქტიური მოლაპარაკებაც დაიწყება. სექტემბრის ბოლოს, ფეხბურთელმა თავის წარმომადგენლებთან ერთად შეხვედრა გამართეს “ბარსელონას” მმართველებთან, სადაც ხელფასის გაზრდასაც დაპირდნენ. მაგრამ, ერთ თვეში მას დაურეკეს, და შეატყობინეს რომ შეთანხმება ვეღარ შესრულდება” – აცხადებს გალიარდო.
ტურინის “იუვენტუსის” მთავარი მწვრთნელი, ანტონიო კონტე აცხადებს, რომ მისი ნება რომ იყოს, ის ოქროს ბურთს ანდრეა პირლოს გადაცემდა.
შეგახსენებთ, რომ ბოლო ოთხი სეზონის განმავლობაში, ოქროს ბურთს კატალონიის “ბარსელონას” არგენტინელი თავდამსხმელი, ლიონელ მესი იღებდა. თუმცა, ახლა, ექსპერტთა აზრით, ფავორიტი მადრიდის “რეალის” პორტუგალიელი ვარსკვლავი, კრიშტიანო რონალდუა.
“მესისა და რონალდუს შორის, რომელიმეს არჩევა რთულია. თუცმა, ჩემი ნება რომ იყოს, ოქროს ბურთს ანდრეა პირლოს გადავცემდი”, – ამბობს კონტე.
ლონდონის “არსენალის”, მილანის “ინტერისა” და საფრანგეთის ეროვნული ნაკრების ყოფილი ფეხბურთელი, პატრიკ ვიეირა, რომელიც ამჟამად, “მანჩესტერ სიტის” სარეზერვო გუნდის მწვრთნელია, აცხადებს, რომ კლუბმა შეცდომა დაუშვა, როდესაც პოლ პოგბა არ შეიძინა.
შეგახსენებთ, რომ პოგბა პოგბამ “მანჩესტერ იუნაიტედი” 2012 წელს დატოვა და შემდეგ ტურინის “იუვენტუსში” გადავიდა.
“ბევრი ადამიანი ამბობს, რომ პოგბა მე მგავს. ჩემი აზრით, ის უფრო ტექნიკურია და შეტევაში ჩემზე უკეთ თამაშობს.
პოგბა ძალიან მომწონს. ჩემი აზრით, “მანჩესტერ სიტიმ” შეცდომა დაუშვა, როდესაც ის “მანჩესტერ იუნაიტედიდან” წასვლის შემდეგ არ შეიძინა”, – ამბობს ვიეირა.
დიტო ჭიჭინაძე
