„კლივლენდ კავალიერსის“ გენერალურმა მენეჯერმა დევიდ გრიფინმა განაცხადა, რომ კლუბმა შემტევ უკანახაზელთან ჯეი არ სმიტთან ახალი კონტრაქტი გააფორმა. არაოფიციალური ინფორმაციით, მხარეებმა ორწლიანი ხელშეკრულება გააფორმეს, რომლის მიხედვით, კალათბურთელის ხელფასი, ჯამში, ათ მილიონ დოლარს შეადგენს.
გასული სეზონის პლეიოფის შემდეგ, შეგახსენებთ, სმიტმა კონტრაქტის ერთ-ერთი პუნქტი გამოიყენა და შეთანხმება გაწყვიტა, თუმცვა სხვა კლუბებისგან უეკთესი წინადადება არ მიუღია.
„კლივლენდ კავალიერსის“ შემტევმა უკანახაზელმა ჯეი არ სმიტმა, შესაძლოა, კლუბთან კონტრაქტის გახანგრძლივება იუაროს, რის შესახებაც თავისი „ტვიტერის“ გვერდზე ESPN-ის მიმომხილველმა კრის ბრუსარდმა დაწერა.
დარჩენის შემთხვევაში, სმიტის ხელფასი უახლოეს სეზონში 6,4 მილიონ დოლარს შეადგენს.
29 წლის სმიტი იმან შამპერტთან ერთად „კავალიერსში“ სეზონის მიმდიანრეობისას „ნიუ-იორკ ნიქსდაინ“ გადავიდა. პლეიოფში მისმა საშალო მონაგარმა 12,8 ქულა და 4,7 მოხსნა შეადგინა.
„კლივლენდი კავალიერსის“ უკანახაზელი ჯეი არ სმიტი იმედოვნებს, რომ ფინალურ სერიაში „გოლდენს სტეიტ უორიორსის“ მოთამაშეები მისი გუნდის ლიდერს ლებრონ ჯეიმსს ორმაგ ყურადღებას მიაქცევენ.
„უორიორსს“ ლებრონ ჯეიმსის გაჩერება მოუწევს. ამაში მეტოქეს წარმატებას ვუსურვებ. თუ ლებრონის შესაჩერებლად ისინი ორმაგ ძალებს დახარჯავენ, მე თამაში ძალიან გამიადვილდება“, – განაცხადა ჯეი არ სმიტმა.
„მილუოკი ბაქსთან“ მატჩის ერთ-ერთ ეპიზოდში ჯეი არ სმიტმა ლებრონ ჯეიმსის მიამრთულებით ჩინებული პასი გააკეთა, ამ უკანასკნელმა კი ბურთი მეტოქის ფარში ჩატენა.
წარმოგიდგენთ მომენტის ამსახველ ვიდეოს:
„ნიუ-იორკ ნიქსის“ ხელმძღვანელობა შემტევი უკანახაზელის ჯეი არ სმიტის გაცვლის ვარიანტზე ფიქრს აგრძელებს. ამის შესახებ ESPNNewYork.com-ი წერს.
მიმდინარე სეზონში, კონტრაქტის მიხედვით, სმიტი, ხელფასის სახით, ექვს მილიონ დოლარს მიიღებს. გარდა ამისა, ხელშეკრულების თანახმად, კალათბურთელს ბონუსის ეკუთვნის, რომელიც 400 ათას დოლარს შეადგენს.
წარმოგიდგენთ გასულ კვირას ეროვნულ საკალათბურთო ასოციაციაში გამართული მატჩების საუკეთესო ასისტების ამსახველ ვიდეოს.
„ნიქსის“ უკანახაზელმა ჯეი არ სმიტმა „კლივლენდ კავალიერსთან“ სტუმრად აააგრიშით 95:90 მოგებულ მატჩში თავისი ზურგის ტრავმა გაიუარესა, რის შესახებაც „Rotoworld“-ი წერს.
ჯერჯერობით, უცნობია, მოახერხებს თუ არა ნიუ-იორკელთა ერთ-ერთი ლიდერი შემდეგ მატჩში მეოდანზე გამოსვლას.
ცნობისთვის, „კლივლენდთან“ ხსენებულ მატჩში სმიტმა სათამაშო დროის 25 წუთში 11 ქულა, 7 ასისტი და 2 ჩაჭრა მიითვალა.
„ნიუ-იორკის“ უკანახაზელი ჯეი არ სმიტი თვლის, რომ მისი მეგობარი კარმელო ენტონი „ნიქსში“ დარჩება.
„გულით მჯერა, რომ იგი ნიუ-იორკში იქნება. ყველაფერი მელოს გადაწყვეტილებაზე იქნება დამოკიდებული. რაც არ უნდა იყოს, მეგობრებად სამუდამოდ დავრჩებით.
განვიცდი თუ არა იმას, რომ, შესაძლოა, ენტონისთან ერთ გუნდში ბოლო მატჩი ჩავატარე? არა, არც ისე“, – განუცხადა ჯეი არ სმიტმა „ESPN New York“-ს.
ალექსანდრე მატევოსოვი
„მაიამი ჰიტთან“ ანგარიშით 102:92 მოგებული მატჩის შემდეგ „ნიქსის“ უკანახაზელმა ჯეი არ სმიტმა აღიარა, რომ ნიუ-იორკში დარჩენაში იგი დარწმუნებული არ არის.
შეგახსენებთ, რომ ზემოხსენებულ შეხვედრაში სმიტი სათადარიგოთა სკამზე იჯდა.
„სიმართლე რომ გითხრათ, არ ვიცი, თუ რა მელის. ერთ მომენტში ჩემს მომავალში დარწმუნებული ვიყავი, თუმცა შემდეგ ყველაფერი შეიცვალა. ეს ბიზნესია, რასაც უნდა შევეგუო.
არავის უთქვამს, რომ ჩემი სათადარიგოთა სკამზე დასმას აპირებენ. ასეა თუ ისე, „ნიქსმა“ მოიგო, რაც ძალიან მახარებს. ჩემთვის ყველაზე მნიშვნელოვანი გუნდის შედეგია. სანამ ჩვენ ვიგებთ, მე ყველაფერი მაწყობს“, – განუცხადა სმიტმა ESPNNewYork.com-ს.
ალექსანდრე მატევოსოვი
„ნიუ-იორკ ნიქსის“ უკანახაზელმა ჯეი არ სმიტმა განაცხადა, რომ ახალ სეზონში მას თავისი გუნდის სასტარტო ხუთეულში სურს თამაში.
„სტარტში ყოფნა ყოვეთვის მსურდა, ამის შესახებ ყველამ იცის. გასულ სეზონში საუკეთესო „მეექვსე მოთამაშედ“ მაღიარეს. აქედან გამომდინარე, ვთვლი, რომ მთავარი სათადარიგო კალათბურთელის სახით დასამტკიცებელი არაფერი მაქვს. ასეა თუ ისე, იმას გავაკეთებ, რაც გუნდს სარგებელს მოუტანს. თუ მწვრთვნელი სკამზე დამტოვებს, მაშინ ეს ასე იქნება. ყველაფერი ვუდსონის გადაწყვეტილებაზე იქნება დამოკიდებული“, – განუცხადა სმიტმა ESPN New York-ს.
ალექსანდრე მატევოსოვი
ეროვნული საკალათბურთო ასოციაციის მოთამაშეები ”ინტერნეტ ომს” აგრძელებენ. როგორც არც ისე დიდი ხნის წინ გაცნობეთ, ”ნიუ-იორკ ნიქსის” უკანახაზელმა ჯეი არ სმიტმა თავის ერთ-ერთ ინტერვიუში განაცხადა, რომ იგი 100%-თ დარწმუნებულია იმაში, რომ მისი გუნდი ახალ სეზონში პლანეტის საუკეთესო საკალათბურთო ლიგის გამარჯვებული გახდება. აღნიშნულ განცხადებას კი დღეს ”ბრუკლინ ნეტსის” ფორვარდი რეჯი ევანსი გამოეხმაურა, რომელმაც თავისი აზრი აღნიშნულ საკითხთან დაკავშირებით მხოლოდ ერთი ირონიული სიტყვით გამოხატა.
”ლოლ”, – გამოაქვეყნა თავისი ტვიტერის გვერდზე 33 წლის კალათბურთელმა.
ალექსანდრე მატევოსოვი
”ნიუ-იორკ ნიქსის” უკანახაზელი ჯეი არ სმიტი ”ბრუკლინ ნეტსის” ახალწვეულის პოლ პირსის განცხადებას გამოეხმაურა. შეგახსენებთ, რომ ”სელტიკსის” ყოფილმა კალათბურთელმა არც ისე დიდი ხნის წინ განაცხადა, რომ მისი ახალი გუნდი ნიუ-იორკში ყოველთვის ყველაზე პოპულარული იყო, რაც მომავალშიც გაგრძელდება.
”პოლ პირსი არც თუ ისე სასიამოვნო ადამიანია, რომელმაც ბოსტონი სულ ცოტა ხნის წინ დატოვა. ნიუ-იორკის შესახებ მან ჯერჯერობით არაფერი იცის. მთელი კარიერის განმალობაში იგი ”სელტიკსში” თამაშობდა. მან იცის, რომ მის სიტყვებს პასუხი გაეცემა, ასე რომ, იგი ყველაფრისთვის პასუხს აგებს”, – განუცხადა სმიტმა ESPN New York-ს.
ალექსანდრე მატევოსოვი
