ჭდე: Jose Mourinho

ლონდონის „ჩელსის“ მთავარმა მწვრთნელმა ჟოზე მოურინიომ თავისი ფეხბურთელები კვერცხებს შეადარა, რომელთაც ზრუნვა სჭირდებათ, რათა ევროპულ ფეხბურთში დომინანტებად დაბრუნდნენ. ფეხბურთის პორტუგალიელი სპეციალისტისგან ამგვარი შედარებები გასაკვირი სულაც არ არის. 2007 წელს, სანამ მოურინიო „სტემფორდ ბრიჯს“ დატოვებდა, მან კლუბის მფლობელი რომან აბრამოვიჩი საყიდლებზე მოსიარულე პიროვნებას შეადარა, რომელიც ფეხბურთელებს ისე ყიდულობს, როგორც ჩვეულებრივი ადამიანი – კვერცხებს.

„ჩემი ფეხბურთელები ახალგაზრდა კვერცხები არიან, რომელთაც დედა სჭირდებათ, ამ შემთხვევაში კი – მამა. მათ მიხედვა უნდათ, ზამთარში თბილად უნდა იყვნენ, პირსახოცებში უნდა გავახვიოთ. მათთან უნდა ვიმუშაოთ, რადგან როდესაც ამინდი შეიცვლება და მზე ამოვა, კვერცხებს გავტეხავთ. ამ დროს ისინი ცხოვრებისთვის უკვე უმაღლეს დონეზე უნდა იყვნენ მზად“, – ციტირებს მოურინიოს სიტყვებს Goal-ი.

ბექა დოგრაშვილი