„ბარსელონას“ მთავარმა მწვრთნელმა ლუის ენრიკემ მიუნხენის „ბაიერნის“ მთავარი მწვრთნელი ხოსეპ გვარდიოლა შეაქო.
„გვარდიოლას კვლავ მსოფლიოს საუკეთესო მწვრთნელად ვთვლი. მისი ტიტულების რაოდენობასაც კი არ ვითვალისწინებ. ის უბრალოდ შემტევ თამაშს ჩინებულად აწყობს. მას ასეთი თამაშის ჩვენება მსოფლიოს ნებისმიერ გუნდთან შეუძლია“, – განაცხადა ლუის ენრიკემ.
მიუნხენის “ბაიერნის” მთავარმა მწვრთნელმა ხოსეპ გვარდიოლამ გუნდიდან სამედიცინო შტაბის წასვლის შესახებ ისაუბრა, რომელსაც სათავეში 72 წლის ჰანს-ვილჰემ მიულერ-ვოლფარტი ედგა.
“ეს ამბავი არაფერს არ ცვლის. მე “ბაიერნში” დავრჩები და მომდევნო სეზონშიც მე ვუთავკაცებ გუნდს. აქ ყველაფერი მომწონს.
მიულერ-ვოლფარტის გადაწყვეტილებას პატივს ვცემ, მეტს ვერაფერს ვიტყვი. როდესაც ფეხბურთელი ტრავმას იღებს, ეს ექიმის ბრალი არ არის. ტრავმა ტრავმაა. შეიძლება “პორტუსთან” იმ შემთხვევაშიც წაგვეგო (1:3), თუ მოედანზე ტრავმირებული ფეხბურთელები იქნებოდნენ. ვერავინ იტყვის, რომ ჩვენი საუკეთესო თერთმეტეულით იმ შეხვედრას მოვიგებდით.
ჩემ გამო დავმარცხდით, მორჩა და გათავდა. მარცხი ჩემი ბრალია და არა კლუბის ხელმძღვანელობის ან სამედიცინო შტაბის. ჩემი ბრალია, მხოლოდ ჩემი.
ლევერკუზენის “ბაიერთან” გამართულ მატჩში ჩემი მხრიდან სარკასტული აპლოდისმენტის მიზეზი იმედგაცრუება გახლდათ. მიულერ-ვოლფარტი არაფერ შუაშია”, – გვარდიოლას კომენტარი “გარდიანმა” გამოაქვეყნა.
მიუნხენის „ბაიერნის“ მთავარმა მწვრთნელმა ხოსეპ გვარდიოლამ ფრანკფურტის „აინტრახტთან“ მოგებული შეხვედრა შეაფასა.
„ძალიან ამაყი ვარ. „ლევერკუზენთან“ მატჩის შემდეგ სამ დღეში ბუნდესლიგის ერთ-ერთ ყველაზე შედეგიან გუნდს შევხვდით.
თამაშს ვაკონტროლებდით და მეოდანზეც ვდომინირებდით. ძალიან კარგად ვითამაშეთ, რასაც გუნდს ვულოცავ. ჩემპიონის ტიტულის დასაცავად კიდევ სამი შეხვედრის მოგებაა საჭირო.
ახლა უნდა დავისვენოთ, რის შემდეგაც ჩემპიონთა ლიგისთვის მოვემზადებით. იმედია, „პორტუსთან“ შეხვედრამდე არავინ გამოგვაკლდება“, – განაცხადა ფეხბურთის ესპანელმა სპეციალისტმა.
მიუნხენის “ბაიერნის” თავკაცი, პეპ გვარდიოლა იმედოვნებს, რომ გუნდს ლიდერები მალე დაუბრუნდებიან.
ფრენკ რიბერი ვერ ითამაშებს ბუნდესლიგის 24-ე ტურში, ხოლო რობენი 26-მდე. ჰოლანდიელ-ფრანგი შემტევი დუეტის გარეშე, “ბაიერნს” თავდასხმაში პრობლემები აქვს. მათ ბოლო სამ მატჩში მხოლოდ ერთი გოლი გაიტანეს.
“რიბერი-რობენის გარეშე პრობლემები გვაქვს. ჩვენ ბიჭებს ისე ოსტატურად აღარ შეუძლიათ თავიანთ თავზე ინდივიდუალურად თამაშის აღება, როგორც ისინი აკეთებდნენ, მაგრამ ასეთ პირობებში თამაშს უნდა შევეჩვიოთ,-განაცხადა გვარდიოლამ.
რობენმა ამ სეზონში გაიტანა 17 გოლი და გააკეთა 7 საგოლე გადაცემა, ხოლო რიბერიმ 5 გოლი და შვიდი პასი.
მიუნხენის „ბაიერნის“ მთავარმა მწვრთბელმა ხოსეპ გვარდიოლამ უეფას ჩემპიონთა ლიგის 1/4 ფინალის წილისწყრის შედეგი შეაფასა. ცნობისთვის, გერმანელთა მეტოქე 1/4 ფინალში „პორტუ“ იქნება.
„წილისყრა წილისყრად რჩება. ყველა გუნდს თავისი ძლიერი მხარე გააჩნია. „პორტუ“ და „შახტარი“ ერთ ჯგუფში თამაშობდნენ. „პორტუ“ ჩინებული გუნდია, რომელსაც ძალიან კარგი სტადიონი აქვს. გუნდი ფიზიკურად ძლიერია და მის რიგებში სწრაფი თავდამსხმელები თამაშობენ. 1/4 ფინალში ადვილი მატჩებს არასდროს ელოდოთ“, – განაცხადა გვარდიოლამ.
„ბარსელონას“ ყოფილმა მთავარმა მწვრთნელმა ხოსეპ გვარდიოლამ, რომელიც გუშინ კატალონიური კლუბის „მანჩესტერ სიტისთან“ უეფა-ს ჩემპიონთა ლიგის 1/8-ფინალური ეტაპის მატჩს დაესწრო, ლიონელ მესის შესახებ ისაუბრა.
„მესი ძალიან კარგია. მისი თამაშის ხილვა ნამდვილი სიამოვნებაა.
„ბარსას“ მოთამაშეებს ჩინებული სეზონი აქვთ. მათ კარგად ითამაშეს და ბევრი მომენტი შექმნეს. ვნახოთ, როგორ მორჩება კენჭისყრა“, – განაცხადა მიუნხენის „ბაიერნის“ დამრიგებელმა.
მიუნხენის „ბაიერნის“ მთავარი მწვრთნელი ხოსეპ გვარდიოლა რამდენიმე დღის სამშობლოში გაემგზავრა. როგორც ცნობილია, ფეხბურთს ესპანელი სპეციალისტი უეფა-ს ჩემპიონთა ლიგის 1/8-ფინალური ეტაპის განმეორებით მატჩებს დაესწრება, რომლებშიც ერთმანეთს „ატლეტიკო“ – „ბაიერნი“ და „ბარსელონა“ – „მანჩესტერ სიტი“ დაუპირისპირდებიან.
მადრიდში ჩასატარებელი შეხვედრა დღეს გაიმართება, ხოლო კატალონიაში – ხვალ. შეგახსენებთ, რომ პირველ მატჩში „ატლეტიკომ“ ლევერკუზენის „ბაიერნთან“ გასვლაზე ანგარიშით 0:1 წააგო, ხოლო „ბარსამ“ სტურმად „მანჩესტერ სიტის“ 2:1 სძლია.
სპორტულმა ბრენდმა „ადიდასმა“ მიუნხენის „ბიაერნის“ მთავარ მწვრთნელს ხოსეპ გვარდიოლას საინტერესო ვიდეო მიუძღვნა.
მიუნხენის „ბაიერნის“ ნახევარმცველმა ხოსეპ გვარდიოლამ განაცხადა, რომ ამჟამად მხოლოდ „ჰანოვერთან“ გერმანიის ბუნდესლიგის 24-ე ტურის მატჩზე ფიქრობს.
„შეტევაზე უნდა ვიფიქროთ. დაცვაში სოლიდურად გამოვიყურებით, მეტოქეებს ჩვენთან ცოტა მომენტი აქვთ.
დიახ, ბოლო დროს ბევრს ვიტანთ, თუმცა ეს იმიტომ, რომ „ბაიერნის“ მოთამაშე დონე საკმაოდ მაღალია. ჯამში კი, შეტევა გასაუმჯობესელი გვაქვს.
დაცვაში თამაშით „ჰანოვერი“ და დონეცკის „შახტარი“ ერთმანეთს ჰგვანან. ასე რომ, სხვადასხვა ტაქტიკას გამოვიყენებთ. პირველ რიგში, ბუნდესლიგის მატჩშზე უნდა ვიფიქროთ. მაქსიმუმ კიდევ 33 ქულის მოპოვება შეგვიძლია.
„ვოლფსბურგი“ 8 ქულით ჩამოგვრჩება. მოსამზადებლად „ჰანოვერზე“ ნაკლები დრო გვაქვს. მაქსიმალურად კონცენტრირებულები უნდა ვიყოთ. ამ შეხვედრაში თერთმეტ საუკეთესო ფეხბურთელს ვათამაშებ“, – განაცხადა ფეხბურთის ესპანელმა სპეციალისტმა.
მიუნხენის “ბაიერნის” მთავარმა მწვრთნელმა ხოსეპ გვარდიოლამ განაცხადა, რომ მისი მუშაობის მეთოდი მასთან ადრე მომუშავე ბევრ ფეხბურთელს არ მოსწონს.
“მწვრთნელებს იმ ფეხბურთელებთან უფრო უადვილდებათ მუშაობა, რომლებიც რეგულარულად თამაშობენ, თუმცა ეს ჩვენ არ გვეხება. უნდა ითამაშოს იმან, ვინც უკეთეს ფორმაშია. ჩემთან ადრე მომუშავე ფეხბურთელებიდან ბევრი ჩემზე ახლა ცუდად ლაპარაკობს, თუმცა მე ყოველთვის მაქსიმუმს ვცდილობდი გუნდისთვის”, – ციტირებს გვარდიოლას სიტყვებს Goal.com-ი.
შეგახსენებთ, რომ პეპ გვარდიოლა ზლატან იბრაჰიმოვიჩმა და მარკო მანჯუკიჩმა გააკრიტიკეს.
მიუნხენის „ბაიერნის“ მთავარმა მწვრთნელმა ხოსეპ გვარდიოლამ დორტმუნდის „ბორუსიასა“ და მარკო როისს შორის კონტრაქტის გახანგრძლივებაზე ისაუბრა.
„მარკოსა და „ბორუსიას“, შემიძლია, მხოლოდ მივულოცო. ეს მოთამაშის გადაწყვეტილება იყო.
როისი ჩინებული ფეხბურთელია და, იმედია, იგი სეზონს ტრავმების გარეშე დაასრულებს. მინდა, რომ ჩვენ წინააღმდეგ ძლიერებმა ითამაშონ“, – განაცხადა გვარდიოლამ.
შეგახსენებთ, რომ „ბაიერნი“ როისის შეძენის მთავარ კანდიდატად სახელდებოდა. ზაფხულში მარკოს მიუნხენელთა რიგებში გადასვლა შეეძლო.
ავტორიტეტული ესპანური გამოცემა „მარკა“ მადრიდის „რეალის“ მცველის რაფაელ ვარანის მიუნხენის „ბაიერნში“ შესაძლო ტრანსფერის შესახებ წერს.
შეგახსენებთ, რომ ვარანმა თავი ჯერ კიდევ რამდენიმე სეზონის წინ გამოიჩნა, როდესაც იგი 19 წლის იყო. მაშინ ფრანგი მსოფლიოს ერთ-ერთ საუკეთესო ახალგაზრდა ფეხბურთელებს შორის იყო, თუმცა ტრავმებმა მისი პროგრესი შეაჩერეს. ამჟამად ფრანს მადრიდელთა ძირითად შემადგენლობაში რეგულარული ადგილი არ აქვს.
აღნიშნული სიტუაციის გამოყენებას ხოსეპ გვარდიოლა შეეცდება. მიუნხენელთა მთავარ მწვრთნელს ვარანის დამატება იმდენად სურს, რომ დეკემბერში იგი მის აგენტ ჟორჟე მენდეშსაც კი შეხვდა.
გუშინ „ბაიერნის“ სპორტულმა დირექტორმა როტენ მატიას ზამეამ განაცხადა, რომ დეკემბერში იგი ახალი ფეხბურთელების დამატებას არ აპირებს, ამიტომაც ვარანის გერმანიაში გადასვლას ზაფხულში უნდა ველოდოთ.
