ჩემპიონთა ლიგის მერვედფინალის განმეორებით შეხვედრაში ლიონელ მესიმ ტიბო კურტუას ორჯერ გაუძვრინა ბურთი ფეხებს შორის.
აღნიშნულ თემაზე ომარ მომანი კარიკატურას გვთავაზობს.
ჭდე: კურტუა
ტიბო კურტუას ბრწყინვალე გოლი ვარჯიშზე (ვიდეო)
ლონდონის “ჩელსის” მეკარემ, ტიბო კურტუამ სოციალურ ქსელ Instagram-ში ვიდეო ატვირთა, რომელშიც მის მიერ ვარჯიშზე გატანილი ლამაზი გოლია აღბეჭდილი.
მსოფლიოს ექვსი საუკეთესო მეკარე
თანამედროვე ფეხბურთში ხშირად მიდის კამათი იმაზე, თუ რომელი მეკარეა მსოფლიოში საუკეთესო. აზრები სხვადასხვანაირად იყოფა. ჩვენ კი წარმოგიდგენთ დღეისათვის მსოფლიოს ექვს საუკეთესო მეკარეს.
6. კეილორ ნავასი
კოსტა რიკელმა კარის დარაჯმა სახელი ”ლევანტეში” თამაშით გაითქვა. საშუალოზე დაბალი დონის პრიმერა დივიზიონის კლუბის კარში საიმედო მეკარე იდგა. 29 წლის ნავასმა განსაკუთრებულად კარგად თავი 2014 წლის მსოფლიო ჩემპიონატზე წარმოაჩინა, რის შემდეგაც მადრიდის ”რეალში” გადაბაგრდა. ”სამეფო კლუბის” რიგებში თავდაპირველად იგი სათადარიგოთა სკამზე იჯდა, თუმცა მიმდინადრე სეზონის დასაწყისში იკერ კასილასის წასვლის შემდეგ ბერნაბეუს ბინადართა ძირითად მეკარედ იქცა. კოსტა რიკელი ზაფხულში ”მანჩესტერში” გადასვლასთან ძალიან ახლოს იყო, თუმცა კურიოზული ფაქტის გამო იგი კვლავ ”რეალში” დარჩა.
5. პეტრ ჩეხი
33 წლის კარის დარაჯი დიდი ხნის განმავლობაში ”ჩელსის” ძირითადი მეკარე იყო, თუმცა გუნდში ტიბო კურტუას მოსვლის შემდეგ მისთვის ყველაფერი ცუდად წავიდა. ჩეხმა გოლკიპერმა ერთი სეზონი სათადარიგოთა სკამზე გაატარა, მიმდინარე სეზონის დასაწყისში კი ლონდონის ”არსენალში” გადაბარგდა. არსენ ვენგერმა მას ”მეთოფეთა” კარის დაცვა ანდო და შედეგმაც არ დააყოვნა. ”არსენალი” პრემიერ ლიგის მოგების ერთ-ერთი ფავორიტია. ჩეხი კი თანამედროვე ფეხბურთში ერთ-ერთ საუკეთესო მეკარედაა მიჩნეული.
4. ჯანლუიჯი ბუფონი
37 წლის იტალიელი მეკარე ბევრის აზრით მსოფლიოში ერთ-ერთი საუკეთესოა. ბუფონი, რომელმაც ”იუვენტუსს” უერთგულა და კალჩოპოლის სკანდალის დროს სერბია ბ-შიც გაყვა, გუნდის ნამდვილი ლეგენდაა. მას ”ბებერი ქალბატონის” რიგებში არაერთი ტიტული აქვს მოგებული. ჯიჯი იტალიის ნაკრებში კვლავ ასპარეზობს და ”სკუადრა აძურას” კარს 2016 წლის ევროპის ჩემპიონატზეც დაიცავს.
3. ტიბო კურტუა
”გენკში” აღმოჩენილი ტალანტი ”ჩელსიმ” 2011 წელს შეიძინა და მადრიდის ”ატლეტიკოში” გაანათხოვრა. კურტუამ ”როხიბლანკოს” რიგებში თავი შესანიშნავად წარმოაჩინა და გუნდის ერთ-ერთ ლიდერადაც იქცა. მან ყოფილ კლუბში ჩემპიონთა ლიგის ფინალშიც ითამაშა, სადაც მადრიდის ”რეალთან” დამარცხდა. ”ჩელსიში” იგი ჟოზე მოურინიომ დააბრუნა და ძირითადი მეკარის სტატუსი მიანიჭა. 23 წლის ბელგიელი საკუთარი ქვეყნის საფეხბურთო ნაკრების კარსაც იცავს.
2. დავიდ დე ხეა
”მანჩესტერში” კურიოზულად დარჩენილმა დე ხეამ თავი ”ატლეტიკოში” თამაშით გაითქვა, რის შემდეგადაც ”წითელი ეშმაკების” რიგებში გადაბარგდა. სერ ალექს ფერგიუსონმა იგი ძირითად მეკარედ აქცია და ედვინ ვან დერ საარის წასვლის შემდეგ ”ოლდ ტრაფორდის” ბინადრებს მისი ღირსეული შემცვლელიც გამოუჩნდა. ზაფხულის სატრანსფერო ფანჯრის დროს კი 25 წლის ესპანელი მადრიდის ”რეალში” თითქმის გადასული იყო, თუმცა კურიოზული ფაქტის გამო იგი ”მანჩესტერში” დარჩა.
1. მანუელ ნოიერი
გელზერკირხენის ”შალკეს” აღზრდილი ნოიერი თანამედროვე გერმანულ ფეხბურთის ერთ-ერთი ვარსკვლავია. ლევან კობიაშვილის ყოფილი თანაგუნდელი 2011 წელს მიუნხენის ”ბაიერნში” გადაბარგდა და მას შემდეგ ძირითადი მეკარის სტატუსს არ კარგავს. ნოიერს ”რეკორდმაისტერის” რიგებში არაერთი ტიტული აქვს მოგებული, მათ შორის კი გამოსარჩევი ჩემპიონთა ლიგაა. 29 წლის კარის დარაჯი გერმანიის ნაკრების ძირითადი მეკარეცაა. 2014 წელს მან მსოფლიო ჩემპიონატის ოქროს მედალიც მოიპოვა.
როგორ მოიგერია ტიბო კურტუამ პენალტი “ვესტ ბრომვიჩთან” მატჩში (ვიდეო)
23 აგვისოტს, ინგლისის პრემიერ ლიგაში, “ვესტ ბრომვიჩმა” საკუთარ მოედანზე “ჩელსი” მიიღო და ანგარიშით 2:3 დამარცხდა.
შეხვედრის მე-14 წუთზე, ტიბო კურტუამ მორისონს პენალტი არ გაატანინა.
ტიბო კურტუა ედენ აზარს თავზე გადაახტა (ვიდეო)
ინტერნეტ-სივრცეში გავრცელდა ვიდეო, რომელშიც აღბეჭდილია, თუ რა გაუკეთა ტიბო კურტუამ ედენ აზარს ბელგიის ნაკრების ვარჯიშზე.
20 საუკეთესო მეკარე თანამედროვე ფეხბურთში
საფეხბურთო პორტალმა 101GreatGoals-მა თანამედროვე ფეხბურთის ოცი საუკეთესო მეკარე დაასახელა.
10 საუკეთესო მეკარე ინგლისის პრემიერ ლიგაში
საფეხბურთო პორტალმა 90min-მა ინგლისის პრემიერ ლიგის ათი საუკეთესო მეკარე დაასახელა.
10. ტომ ჰიტონი (“ბარნლი”)
9. ბენ ფოსტერი (“ვესტ ბრომვიჩი”)
8. ჯო ჰარტი (“მანჩესტერ სიტი”)
7. რობერტ გრინი (“ქუინს პარკ რეინჯერსი”)
6. ადრიანი (“ვესტ ჰემი”)
5. პეტრ ჩეხი (“ჩელსი”)
4. ფრეიზერ ფოსტერი (“საუთჰემპტონი”)
3. უგო ლორისი (“ტოტენჰემი”)
2. დავიდ დე ხეა (“მანჩესტერ იუნაიტედი”)
1. ტიბო კურტუა (“ჩელსი”)
TOP 10: 2014 წლის ათი საუკეთესო მეკარე
სპორტულმა პორტალმა Sportkeeda-მ 2014 წლის ათი საუკეთესო მეკარე დაასახელა.
10. სამირ ჰანდანოვიჩი
გუნდები: მილანის “ინტერი” და სლოვენიის ნაკრები
მატჩების რაოდენობა – 52
9. კეილორ ნავასი
გუნდები: “ლევანტე”, მადრიდის “რეალი” და კოსტა რიკის ნაკრები
მატჩების რაოდენობა – 45
8. უგო ლორისი
გუნდები: “ტოტენჰემი” და საფრანგეთის ნაკრები
მატჩების რაოდენობა – 66
7. ჯო ჰარტი
გუნდები: “მანჩესტერ სიტი” და ინგლისის ნაკრები
მატჩების რაოდენობა – 59
6. სალვატორე სირიგუ
გუნდები: “პარი სენ-ჟერმენი” და იტალიის ნაკრები
მატჩების რაოდენობა – 69
5. ჯანლუიჯი ბუფონი
გუნდები: “იუვენტუსი” და იტალიის ნაკრები
მატჩების რაოდენობა – 67
4. დიეგო ლოპესი
გუნდები: მადრიდის “რეალი”, “მილანი”
მატჩების რაოდენობა – 44
3. დავიდ დე ხეა
გუნდები: “მანჩესტერ იუნაიტედი
მატჩების რაოდენობა – 62
2. ტიბო კურტუა
გუნდები: მადრიდის “ატლეტიკო”, ლონდონის “ჩელსი” და ბელგიის ნაკრები
მატჩების რაოდენობა – 72
1. მანუელ ნოიერი
გუნდები: მიუნხენის “ბაიერნი” და გერმანიის ნაკრები
მატჩების რაოდენობა – 69
TOP 11: ცაცია ფეხბურთელების სიმბოლური ნაკრები
#1 ტიბო კურტუა (მეკარე)
#2 დავიდ ალაბა (მარჯვენა მცველი)
#3 ჯორჯო კიელინი (ცენტრალური მცველი)
#4 იან ვერტონგენი (ცენტრალური მცველი)
#5 მარსელო (მარცხენა მცველი)
#6 ბლეზ მატუიდი (ცენტრალური ნახევარმცველი)
#7 არიენ რობენი (მარჯვენა ნახევარმცველი)
#8 ანხელ დი მარია (ცენტრალური შემტევი ნახევარმცველი)
#9 გარეტ ბეილი (მარცხენა ნახევარმცველი)
#10 რობინ ვან პერსი (ცენტრალური თავდამსხმელი)
#11 ლიონელ მესი (თავდამსხმელი)
მოურინიო კურტუას ძირითად მეკარედ მოიაზრებს
ინგლისური პრესოს ცნობით “ჩელსის” მთავარი მწვრთნელი ჟოზე მოურინიო მადრიდის “ატლეტიკოში” იჯარის წესით მყოფი მეკარის, ტიბო კურტუას ლონდონში დაბრუნებას აპირებს.
The Sunday Times იუწყება, რომ პორტუგალიელი სპეციალისტი მეკარის თამაშით ჩემპიონთა ლიგის ნახევარფინალში მოიხიბლა და ბელგიელ კიპერს “ჩელსის” პირველ ნომრად მოიაზრებს.
მოვლენათა ასეთი განვითარება რეალური პეტარ ჩეხის ტრავმის ფონზე ხდება. ჩეხეთის ნაკრების მეკარე მალე ოპერაციას გაიკეთებს და მომდევნო სეზონის სტარტს ფორმაში ვერ შეხვდება, რაც კურტუასთვის დამატებითი შანსი იქნება.
სერესო: “თუ შეთანხმებას მივაღწევთ, კურტუა “ჩელსის” წინააღმდეგ ითამაშებს”
მადრიდის “ატლეტიკოს” პრეზიდენტი ენრიკე სერესო აცხადებს, რომ ტიბო კურტუა ლონდონის “ჩელსის” წინააღმდეგ იმ შემთხვევაში ითამაშებს, თუ კლუბები ერთმანეთთან შეთანხმებას მიაღწევენ.
შეგახსენებთ, რომ კურტუა “ჩელსის” კუთვნილებაა და როგორც გასულ კვირაში განაცხადეს, მას ლონდონელების წინააღმდეგ თამაში იმ შემთხვევაში შეეძლება, თუ მადრიდელები “ჩელსის” თითო მატჩზე სამ მილიონ ევროს გადაუხდიან.
ამ თემასთან დაკავშირებით კომენტარი უეფას წარმომადგენლებაც გააკეთეს. მათი თქმით, კურტუამ “ჩელსის” წინააღმდეგ ნამდვილად უნდა ითამაშოს. თუმცა, როგორც “ატლეტიკოს” პრეზიდენტი ამბობს, მთავარი კლუბებს შორის მიღწეული შეთანხმება იქნება.
“ტიბო კურტუა “ჩელსის” წინააღმდეგ იმ შემთხვევაში ითამაშებს, თუ კლუბები ერთმანეთთან შეთანხმებას მივაღწევთ. ჩვენ ჯენტლმენები ვართ და ცხადია, შეთანხმებას ვერ დავარღვევთ. თუ ტიბო თამაშს ვერ შეძლებს, მაშინ ჩვენს კარს დანიელ არანსუბია დაიცავს”, – აცხადებს სერესო.
დიტო ჭიჭინაძე
კურტუას “ჩელსის” წინააღმდეგ თამაშის უფლება არ აქვს
მადრიდის “ატლეტიკოს” ბელგიელი კარის დარაჯი ტიბო კურტუა უხერხულ სიტუაციაში აღმოჩნდა, რადგან თუ მისი გუნდი ჩემპიონთა ლიგის ნახევარფინალში ლონდონის “ჩელსის” დაუპირისპირდება, ის თამაშს ვერ შეძლებს.
შეგახსენებთ, რომ 21 წლის მეკარე “ჩელსის” კუთვნილებაა და მადრიდულ კლუბში იჯარით იმყოფება.
გუშინ “ატლეტიკოს” პრეზიდენტმა ენრიკე სერესომ განაცხადა, რომ კურტუას ლონდონელთა წინააღმდეგ თამაში მხოლოდ იმ შემთხვევაში შეეძლება, თუ მადრიდელები “ჩელსის” საკმაოდ დიდ თანხას გადაუხდიან, რისი შესაძლებლობაც კლუბს არ გააჩნია. გავრცელებული ინფორმაციის თანახმად, საუბარი თითო მატჩში სამი მილიონი ევროს გადახდაზეა.
სავარაუდოდ, კურტუა “ჩელსისთან” ახალ კონტრაქტს უახლოეს მომავალში გააფორმებს.
დიტო ჭიჭინაძე