ჩემპიონთა ლიგაზე “ბარსელონა” საკუთარ მოედანზე “სელტიკს” უპირისპირდება.
ნახსენებ შეხვედრაში ანგარიში ლიონელ მესიმ მესამე წუთზე გახსნა. აღსანიშნავია, რომ ეს არგენტინელი ფეხბურთელის მიერ გატანილი ყველაზე სწრაფი გოლია ჩემპიონთა ლიგაზე.
ამ თამაშში უკვე მესიმ დუბლი შეასრულა. მან მეორე გოლის გატანა, ლამაზი კომბინაციის შემდეგ, 27-ე წუთზე შეძლო.
ლიონელ მესიმ სოციალურ ქსელში გამოაქვეყნა ფოტო, სადაც მის ძაღლთან ერთად არის. მისი მეგობარი არც თუ ისე პატარაა. ამასთან დაკავშირებით ომარ მომანიმ სახალისო კარიკატურა შემოგვთავაზა.
საინტერესო განცხადებას აკეთებს მსოფლიო ფეხბურთის სუპერვარსკვლავი, ლიონელ მესი… მან ის გუნდი დაასახელა, რომელში თამაშიც კატალონიური გრანდიდან წასვლის შემდეგ სურს.
“ბარსელონამ” ძალიან ბევრი რამ მომცა. თუმცა, ქედან რომ წავალ, მინდა, მშობლიურ გუნდში, “ნიუელს ოლდ ბოიზში” დავბრუნდე და ჩემი ქალაქის გუნდს წარმატების მიღწევაში დავეხმარო.”
“ბავშვობაში ძალიან მინდოდა, “ნიუელსში” მეთამაშა. ჩემი ცხოვრება სხვა გზით წავიდა და ეს კლუბი 13 წლისამ დავტოვე. მაგრამ იქ აუცილებლად დავბრუნდები,” – განაცხადა არგენტინელმა ფეხბურთელმა.
ცნობილი გახდა ინფორმაცია იმის შესახებ, თუ რა ნომრებით ითამაშებენ კატალონიის “ბარსელონას” მოთამაშეები ახალ სეზონში…
მარკ ანდრე ტერ შტეგენი – # 1
ხერარდ პიკე – # 3
ივან რაკიტიჩი – # 4
სერხიო ბუსკეცი – # 5
დენის სუარესი – # 6
არდა თურანი – # 7
ანდრეს ინიესტა – # 8
ლუის სუარესი – # 9
ლიონელ მესი – # 10
ნეიმარი – # 11
რაფინია – # 12
იასპერ სილესენი – # 13
ხავიერ მასკერანო – # 14
პაკო ალკასერი – # 17
ხორდი ალბა – # 18
ლუკას დინიე – # 19
სერხი რობერტო – # 20
ანდრე გომეში – # 21
ალეიქს ვიდალი – # 22
სამუელ უმტიტი – # 23
ჟერემი მატიე – # 24
ხორდი მასიპი – # 25
არგენტინის ნაკრებში დაბრუნების შემდეგ, პირველი მატჩის ჩატარებისა და პირველი გოლის გატანით გახარებულმა ლეო მესიმ (არგენტინა 1-0 ურუგვაი) პრესასთან საუბრისას აღნიშნა, რომ მას არავინ არ მოუტყუებია.
“დიდად მადლობელი ვარ, რომ ნაკრებში დაბრუნება შევძელი. როდესაც სანაკრებო კარიერის დასრულების გადაწყვეტილება მივიღე, არავინ მომიტყუებია. მე ასე ვთვლიდი.
მომხდარით ძალიან იმედგაცრუებულები ვიყავით. თუმცა, შემდეგ ამაზე ბევრი ვიფიქრე, მწვრთნელსაც გავესაუბრე და გულშემატკივრების აზრიც გავითვალისწინე.”
არგენტინის ნაკრებმა 2016 წლის “კოპა ამერიკის” ფინალში ჩილესთან წააგო. ეს იყო ამ გუნდისთვის მესამე წაგებული საფინალო მატჩი ბოლო 3 წლის მანძილზე. ამის შემდეგ ნაკრები ბევრმა მოთამაშემ დატოვა. ყველაზე მეტად, ეს იყო გასაკვირი ლიონელ მესისგან. მისმა გადაწყვეტილებამ მსოფლიო შოკში ჩააგდო.
არგენტინის ეროვნულ გუნდს მწვრთნელი შეეცვალა. ედგარდო ბაუზას მოსვლის შემდეგ, ეს უკანასაკნელი მესისთან ჩავიდა ესპანეთში და მას გადაწყვეტილება შეაცვლევინა. ლეო ნაკრებში დაბრუნდა და გუშინ მსოფლიო ჩემპიონატის შესარჩევი ეტაპის პირველ შეხვედრაში მისი ერთადერთი გოლის წყალობით არგენტინამ ურუგვაის სძლია.
“ბარსელონას” ლიდერმა შეხვედრის შემდეგ საინტერესოდ ისაუბრა…
“დღევანდელი დღით ძალიან ბედნიერი ვარ. ზოგს ჰგონია, რომ მოვიტყუე, ნაკრებიდან წასვლის შესახებ რომ განვაცხადე. ეს სიცრუეა. ჩილესთან მარცხის შემდეგ საშინლად ვგრძნობდი თავს და ეროვნულ გუნდში ასპარეზობა საერთოდ აღარ მინდოდა. დრო გავიდა, რაღაცები შეიცვალა, ბევრი ადამიანი მესაუბრა და, საბოლოოდ, გადაწყვეტილება შევცვალე.”
მესიმ ურიგვაისთან შეხვედრაში ტრავმა მიიღო: “შემდეგი შეხვედრა ვენესუელასთან გვაქვს. არ ვიცი, ვითამაშებ თუ არა ამ ნაკრების წინააღმდეგ. საზარდული ძალიან მტკივა. როგორცვე ტრავმას მოვიშუშებ, მაშინცე დიდი შემართებით გამოვალ ჩემი ქვეყნისა და ნაკრების ღირსების დასაცავად!” – განაცხადა 29 წლის ფეხბურთელმა.
არგენტინის საფეხბურთო ნაკრების ახალი თავკაცი, ედგარდო ბაუსა დღეს ბარსელონაში ჩავა. ოთხშაბათს კი ის ნაკრების ფეხბურთელებთან, ლიონელ მესისთან და ხავიერ მაშერანოსთან გამართავს შეხვედრას.
ბაუსას სურს გაიგოს ის მიზეზები, რის გამოც მესიმ ეროვნული ნაკრები დატოვა და მას დაბრუნებისაკენ მოუწოდოს. ედგარდო არგენტინაში პარასკევს დაბრუნდება იმ იმედით, რომ მესი ნაკრებში დაბრუნდება.
ცნობისათვის გეტყვით, რომ არგენტინელთა თავკაცმა 15 აგვისტოსთვის უნდა წარმოადგინოს გიმ ფეხბურთელთა განაცხადი, რომლის გამოყენებასაც ის ურუგვაისა და ვენესუელას ნაკრებებთან გასამართი მატჩებისთვის აპირებს.
კატალონიური გრანდის მიერ გავრცელებული ინფორმაციის თანახმად, ლიონელ მესი და ანდრეს ინიესტა თურქეთში აღარ გაემგზავრებიან. აღნიშნული გადაწყვეტილება ფეხბურთელებმა თურქეთში მიმდინარე არეულობის გამო მიიღეს.
შეგახსენებთ, რომ თურქეთში, კერძოდ კი ანტალიაში, უნდა ჩატარებულიყო საქველმოქმედო საფეხბურთო მატჩი, რომელიც სამუელ ეტოს მიერ იყო ორგანიზებული.
“ბარსელონა” ადასტურებს იმ ინფორმაციასაც, რომ ამ დროისთვის თურქეთში იმყოფებიან: კარლეს პუიოლი, ერიკ აბიდალი, დეკუ და არდა თურანი. თუმცა, ისინი მოვლენების ეპიცენტრისგან შორს იმყოფებიან და მათ საფრთხე არ ემუქრებათ.
Official announcement pic.twitter.com/snFyiWLmH8
— FC Barcelona (@FCBarcelona) July 15, 2016
ლა ლიგის პრეზიდენტი, ხავიერ ტებასი თვლის, რომ ლეონელ მესი უდანაშაულოა. თუმცა, სხვაგვარად ფიქრობს სასამართლო, რომელმაც არგენტინელს 21-თვიანი თავისუფლების აღკვეთა მიუსაჯა.
“მესის შესახებ უკვე ვისაუბრე – არ ვთვლი, რომ ის დამნაშავეა და ბედნიერი ვარ იმით, რომ ის კვლავ ლა ლიგაში გააგრძელებს კარიერას.” – განაცხადა მან ერთ-ერთ ღონისძიებაზე ყოფნისას.
“ფეხბურთელს ჯერ კიდევ აქვს რამდენიმე ვარიანტი, ჩვენ კი საბოლოო გადაწყვეტილებას ველოდებით.” – დაამატა მან.
შეგახსენებთ, რომ მესის გადასახადების დამალვაში ადანაშაულებენ – საუბარია დაახლოებით 4 მილიონ ევროზე. სასამართლომ მას 21-თვიან სასჯელთან ერთად 2 მილიონი ევროს გადახდაც დააკისრა. თუმცა, “ბლაუგრანას” ლიდერი ციხეში არ ჩაჯდება, ნაცვლად ამისა ის საკმაოდ დიდი რაოდენობის თანხას გადაიხდის.
კატალონიურმა “ბარსელონამ” ლიონელ მესის მხარდასაჭერად სოციალურ ქსელში ახალი კამპანია წამოიწყო.
როგორც იცით, არგენტინელ ფეხბურთელს გადასახადებთან დაკავშირებული პრობლემების გამო 21-თვიანი თავისუფლების აღკვეთა მიუსაჯეს. თუმცა მესი ამ სასჯელს არაპირდაპირი გზით მოიხდის.
“მესის უსამართლოდ ექცევიან. ჩვენი კლუბი კი მის დაცვას აპირებს. ჩვენი განზრახვა ყველასათვის ნათელია და უკან დახევარს არ ვაპირებთ.
ჩვენ ვსაუბრობთ მესიზე, ადამიანზე, რომელიც 19 წლის იყო, როდესაც ეს კონტრაქტები გაფორმდა. ის ფეხბურთის თამაშზეა კონცენტრირებული და არა ფინანსურ საკითხებზე.
მესის უსამართლოდ ექცევიან. ასეთ სიტუაციაში ბევრი სხვა ცნობილი პიროვნებაც ყოფილა, თუმცა არცერთი მათგანისთვის არ მიუსჯიათ მსგავსი ტიპის სასჯელი.
1- ????
2- ????
3- #WeAreAllLeoMessi pic.twitter.com/PCXa6rXQI4— FC Barcelona (@FCBarcelona) July 10, 2016
ამ ყველაფრიდან გამომდინარე, ჩვენ წამოვიწყეთ ახალი კამპანია და ამიერიდან ასეთი გზით გამოვუცხადებთ მხარდაჭერას მესის. ჩვენ მისი გვჯერა.” – განაცხადა “ბარსელონას” “ორატორმა”, ხოსეპ ვივესმა.
გთავაზობთ ვიდეოს, რომელშიც ლიონელ მესის მიერ 2015-16 წლების სეზონში გატანილი ათი საუკეთესო გოლია ნაჩვენები.
„ბარსელონას“ თავდამსხმელმა ლიონელ მესიმ თავისი „ინსტაგრამის“ გვერდზე ბრაზილიური კონკურსის „Miss BumBum-2015“-ის გამარჯვებული, მოდელი სიუზი კორტეზი დაბლოკა. მესის პროფილზე თავისი ინტიმური სურათები განათავსა. მოდელი ვარაუდობს, რომ ეს ფაქტი ლიონელის მეუღლეს ანტონელე როკუცოს არ მოეწონა.
სათქმელია, რომ კორტეზი არამხოლოდ მესის, არამედ „ბარსელონას“ გულშემატკივარიცაა.
„გამიკვირდა, როდესაც მან დამბლოკა. რომ შემეძლოს, მის ცოლს ვეტყოდი, სადარდებელი არაფერი აქვს, რადგან უბრალოდ გულშემატკივარი ვარ. გასაკვირია, რომ ის საკუთარ ტავში დარწმუნებული არაა. ეს გადამეტებული რეაქციაა. ხელი სულ 11 ადამიანის პროფილზე მაქვს მოწერილი, ერთ-ერთი მათგანი ისაა. ასე რომ, როდესაც ვნახე, რომ მან დამბლოკა, ვიფიქრე, ეს ეჭვიანობის ბრალია“, – განაცხადა მოდელმა.
