ჭდე: ლივერპული

“ლივერპულმა” “ნიუკასლი” დაამარცხა და მეორე ადგილზე გადაინაცვლა (ვიდეო)

Posted on by იაკობ კაპანაძე

პრემიერ ლიგის 29-ე ტურში მერსესაიდულმა “ლივერპულმა” საკუთარ სტადიონზე რაფაელ ბენიტესის “ნიუკასლი” მიიღო და დამაჯერებელი ანგარიშით, 2:0 დაამარცხა. მოპოვებული სამი ქულის წყალობით “წითლებმა” მეორე ადგილზე გადაინაცვლეს და ახლა “მანჩესტერ იუნაიტედის” შედეგს ელოდებიან.

მატჩი თავიდან ბოლომდე მასპინძელთა უპირატესობით მიმდინარეობდა. იურგენ კლოპის ბიჭები დიდებულად გაისარჯნენ ისევე როგორც დაცვაში, ასევე შეტევაში და სასურველ მიზანსაც მიაღწიეს.

ანგარიში შეხვედრის მე-40 წუთზე, მიმდინარე სეზონის ერთ-ერთმა მთავარმა ვარსკვლავმა, მუჰამედ სალაჰმა გახსნა. 55-ე წუთზე კი სადიო მანემ შეძლო სხვაობის გაზრდა. მატჩში მეტი გოლი არ გასულა 2-0.

29 მატჩში მოპოვებული 60 ქულით “ლივერპული” ამჟამად მეორეა და 15 ქულით ჩამორჩება ლიდერ “სიტის”, “ნიუკასლი” კი 29 ქულით მე-16 პოზიციას იკავებს. მომდევნო ტურში “ლივერი” “იუნაიტედს” ეწვევა, “ნიუკასლი” კი “საუთჰემპტონს” მიიღებს.

“ლივერპული”: ლორის კარიუსი; რობერტსონი, ვან დეიკი, ლოვრენი, ალექსანდერ-არნოლდი; ემრე ჯანი, ჰენდერსონი, ოქსლეიდ-ჩემბერლინი (ჯეიმს მილნერი 79′); სადიო მანე (ლალანა 74′), ფირმინო (მატიპი 88′), მუჰამედ სალაჰი

მთავარი მწვრთნელი: იურგენ კლოპი

“ნიუკასლი”: დუბრავკა; ლეუნე, ლასკელესი, დუმეტი; იედლინი, დიამე, მერინო (ჰეიდენი 73′), კენედი; აცუ, მერფი; გეილი ( ჰოსელუ 66′)

მთავარი მწვრთნელი: რაფაელ ბენიტესი

იურგენ კლოპის “მფრინავმა ლივერპულმა” “პორტუ” არ დაინდო (ვიდეო)

Posted on by იაკობ კაპანაძე

დიდი ხნის პაუზის შემდეგ ჩემპიონთა ლიგის პლეი-ოფს მერსესაიდული “ლივერპული” დაუბრუნდა და ეს დაბრუნება შესაფერისად აღნიშნა – იურგენ კლოპის ბიჭებმა პორტუგალიური “პორტუ” გაანადგურეს.

ინგლისელების თამაში, როგორც გერმანელმა სპეციალისტმა აღნიშნა, ძალიან ახლოს იყო უნაკლო პერფრომანსთან. ფეხბურთელები ზედმიწევნით ასრულებდნენ მწვრთნელის დავალებებს და შედეგიც მიიღეს – 0:5.

ანგარიში შეხვედრის 25-ე წუთზე გაიხსნა, რასაც ჯორჯინიო ვეინალდუმის საგოლე გადაცემასა და სადიო მანეს ბრწყინვალე დარტყმას უნდა ვუმადლოდეთ. მუჰამედ სალაჰმა მალევე მოახერხა ძალიან ლამაზი გოლის გატანა და ანგარიშში სხვაობა ორამდე გაზარდა. მეორე ნახევარში სენეგალელმა მანემ ჰეთ-ტრიკი გაიფორმა (53′ 85′). თავისი და ამავდროულად საკმაოდ მნიშვნელოვანი გოლი გაიტანა რობერტო ფირმინომაც (69′).

ასე რომ, “ენფილდელებს” მეოთხედფინალამდე ერთი ფორმალური მატჩი აშორებთ. ფორმალური მატჩი, რომელშიც კიდევ ერთხელ შესრულდება ლეგენდარული “YNWA”.

იურგენ კლოპი: “დიახ, ეს უნაკლო შესრულება იყო “ლივერპულის” მხრიდან”

Posted on by იაკობ კაპანაძე

“ლივერპულის” მთავარმა მწვრთნელმა, იურგენ კლოპმა “პორტუსთან” მოგებული მატჩი (0:5) ბრწყინვალედ შეაფასა და თავისი ფეხბურთელებს კარგი თამაშისთვის შეაქო.

“დიახ, ეს სრულყოფილი შესრულება იყო ჩვენი მხრიდან. ჩვენი გუნდი ძალიან პროფესიონალურად მიუდგა ამ საქმეს და თითქმის ყოველ ასპექტში სწორ გადაწყვეტილებას ვიღებდით – კარგად ვიცავდით თავს, აგრესიულად ვთამაშობდით, ბურთსაც ვინარჩუნებდით და სივრცეებსაც ვითვისებდით.

ჩემმა ფეხბურთელებმა ფანტასტიკურად ითამაშეს. გამოვარჩევდი ენდრიუ რობერტსონის შესრულებას, რომელმაც, როგორც იქნა, იპოვა თავისი თამაში. საუკეთესო კი, რა თქმა უნდა, სადიო მანე იყო რობერტო ფირმინოსთან ერთად.

ხვალინდელი გასეირნება? არა, ალკოჰოლს არ ეკარებიან. ეს სულ სხვა თაობაა და ამის პრობელმა არ გვაქვს. შეუძლიათ უფრო დიდი ხანი დარჩნენ საღამოს, მაგრამ, ვფიქრობ, ახლა ყველაფერს ძილი ურჩევნიათ,” – აცხადებს კლოპი.

მანე ჰეთ-ტრიკის გაფორმების შემდეგ: “გუნდურობის გარეშე არაფერს წარმოვადგენთ”

Posted on by იაკობ კაპანაძე

“ლივერპულმა” ჩემპიონთა ლიგის პლეი-ოფი ბრწყინვალედ დაიწყო – “წითლები” “პორტუს” ეწვივნენ და პორტუგალიელები გამანადგურებელი ანგარიშით, 0-5 დაამარცხეს.

მატჩის გმირი სადიო მანე გახლდათ, რომელმაც ჰეთ-ტრიკი გაიფორმა:”სიმართლე გითხრათ, ადვილი თამაში ნამდვილად არ ყოფილა. გამარჯვება ნამდვილად დავიმსახურეთ, რადგანაც პირველივე წუთებიდან სწორი დამოკიდებულება გამოვიჩინეთ მეტოქის მიმართ.

ყველაზე მეტად, ალბათ, მესამე გოლი მომეწონა, ძალიან ლამაზი იყო. თუმცა რომ არა თანაგუნდელები და გუნდური თამაში, არაფერი გამოგვივიდოდა. გუნდურობის გარეშე არაფერი ვართ,” – აცხადებს მანე.

ფირმინომ ჩემპიონთა ლიგაზე ჯერარდის რეკორდი გაიმეორა

Posted on by იაკობ კაპანაძე

მერსესაიდის “ლივერპულმა” ჩემპიონთა ლიგის მერვედფინალური ეტაპის პირველ მატჩში “პორტუს” განადგურება შეძლო (0:5). ამ მატჩში ერთ-ერთი გოლი რობერტო ფირმინომ გაიტანა, რომელიც მისთვის გამორჩეული აღმოჩნდა.

ამ გოლის წყალობით, 26 წლის ფეხბურთელი ჩემპიონთა ლიგის ერთ სეზონში “ლივერპულის” მაისურით გატანილი გოლების რაოდენობით სტივენ ჯერარდს გაუთანაბრდა – ფირმინოს ანგარიშზე 2017/18 წლების ჩემპიონთა ლიგის გათამაშებაში გატანილი 7 გოლია.

ვან დეიკი “საუთჰემპტონის” ფანების სტვენაზე: “უსამართლობაა, მათ არ იციან”

Posted on by იაკობ კაპანაძე

მერსესაიდის “ლივერპულსა” და “საუთჰემპტონს” შორის გამართული მატჩი (0-2) ვირჯილ ვან დეიკისთვის მნიშვნელოვანი აღმოჩნდა, რომელიც “ენფილდზე” გადასვლის შემდეგ პირველად დაუბრუნდა “სენტ მერის სტედიუმს”.

ჰოლანდიელ მცველს “წმინდანების” ფანებმა ობსტრუქცია მოუწყვეს. ვან დეიკმა ამაზე პრესასთან ისაუბრა:”უბრალოდ უნდა ისიამოვნო მომენტით – ეს ერთადერთია, რაც შემიძლია.

ვფიქრობ, ეს მათი მხრიდან უსამართლობაა, რადგანაც არავინ იცის, რა ხდებოდა ბოლო თვეების მანძილზე. პასუხის გაცემას არაავისთვის ვაპირებ, უბრალოდ თავს დავხრი და სიამოვნებას მივიღებ.

რა თქმა უნდა, მტკივნეულია, როდესაც “საუთჰემპტონს” ასეთ დღეში ვხედავ. იქ ძალიან ბევრი კარგი მეგობარი მყავს და ამ კლუბის ვითარება ნამდვილად მადარდებს. მჯერა, რომ ისინი გასავარდნ ზონას თავს დააღწევენ,” – აცხადებს ვან დეიკი.

“ლივერპულმა” გასვლაზე “საუთჰემპტონი” დამაჯერებლად დაამარცხა (ვიდეო)

Posted on by იაკობ კაპანაძე

პრემიერ ლიგის 27-ე ტურში იურგენ კლოპის “ლივერპული” სამი ქულის წამოსაღებად “საუთჰემპტონს” ეწვია და თავისი მისია წარმატებითაც შეასრულა.

მატჩის სტუმართა სრული უპირატესობით მიმდინარეობდა. ანგარიში შეხვედრის მე-6 წუთზე რობერტო ფირმინოს გოლით გაიხსნა, 42-ე წუთზე კი ფირმინოსა და სალაჰის მიერ გათამაშებული ბრწყინვალე კომბინაცია თავად ეგვიპტელმა ვარსკვლავმა დააგვირგვინა. თამაშის დარჩენილ ნაწილში მნიშვნელოვანი არაფერი მომხდარა.

ასე რომ, 27 ტურის შემდეგ “ენფილდელები” დაგროვებული 54 ქულით მესამე პოზიციას იკავებენ სატურნირო ცხრილში, “წმინდანები” კი 26 ქულით მე-18 საფეხურზე იმყოფებიან.

“საუთჰემპტონი”: მაკკარტი; ბერტრანდი, ჰოიდტი, სტეფანსი, სედრიკი; ლემინა (ბუფალი 57′), რომეუ (დეივისი 80′); ტადიჩი, ჰოიბიერგი, ვორდ-პრაუზი (შეინ ლონგი 71′) ; კარილო

მთავარი მწვრთნელი: პელეგრინი

“ლივერპული”: კარიუსი; ალექსანდერ-არნოლდი, მატიპი, ვან დეიკი, რობერტსონი; ოქსლეიდ-ჩემბერლინი, ემრე ჯანი, ვეინალდუმი; მუჰამედ სალაჰი (ლოვრენი 89′), ფირმინო (ლალანა 79′), სადიო მანე

მთავარი მწვრთნელი: იურგენ კლოპი

ლემარმა “მონაკოსთან” კონტრაქტის გახანგრძლივებაზე უარი განაცხადა

Posted on by იაკობ კაპანაძე

“მონაკოს” შემტევმა ნახევარმცველმა, ტომას ლემარმა კლუბთან კონტრაქტის გახანგრძლივებაზე უარი განაცხადა. ამ ინფორმაციას ავტორიტეტული ბრიტანული გამოცემა, The Independent ავრცელებს.

როგორც ცნობილი ხდება, 22 წლის ლემარი კარიერის გაგრძელებას მერსესაიდული “ლივერპულის” რიგებში გეგმავს. შეგახსენებთ, რომ გასულ ზაფხულს ინგლისელებმა 78 მილიონი ფუნტი შესთავაზეს საფრანგეთის ჩემპიონს, თუმცა უარი მიიღეს.

მიმდინარე სეზონში “მონაკოს” ჰავბეკის ანგარიშზე საფრანგეთის ლიგა 1-ში ჩატარებულ 16 მატჩში გატანილი ორი გოლი და გაკეთებული ექვსი საგოლე გადაცემაა.

“ლივერპულისა” და “ტოტენჰემის” მატჩის დრამატული ფინალი “ენფილდზე” (ვიდეო)

Posted on by იაკობ კაპანაძე

პრემიერ ლიგის 26-ე ტურის ცენტრალურ მატჩს “ენფილდმა” უმასპინძლა, სადაც “ლივერპული” ლონდონის “ტოტენჰემს” დაუპირისპირდა. მატჩი ძალიან დაძაბული აღმოჩნდა და ინტრიგა შეხვედრის ბოლო წუთამდე შენარჩუნდა.

ანგარიში შეხვედრის მესამე წუთზე გატანილი გოლით მუჰამედ სალაჰმა გახსნა, რასაც “სპურსის” მხრიდან ვანიამამ, თამაშის მე-80 წუთზე გაათანაბრა. 91′-ე წუთზე სალაჰმა დუბლი გაიფორმა და თითქოს მატჩის ბედიც გადაწყვიტა, მაგრამ დარჩენილ დროში კეინმა თერთმეტმეტრიანი ზუსტად გამოიყენა და საბოლოო ანგარიშიც დააფიქსირა – 2:2.

“ლივერპული”: კარიუსი; რობერტსონი, ლოვრენი, ვან დეიკი, ალექსანდერ -არნოლდი; მილნერი (მატიპი 78′), ჰენდერსონი (ვეინალდუმი 65′), ემრე ჯანი; სადიო მანე (ოქსლეიდ-ჩემბერლინი 65′), ფირმინო, სალაჰი

მთავარი მწვრთნელი: იურგენ კლოპი

“ტოტენჰემი”: ლორისი; ტრიპიერი, სანჩესი (ლამელა 72′), ვერტონგენი, დეივისი; დაიერი, დემბელე (ვანიამა 78′); ერიქსენი, ალი, სონი; ჰარი კეინი

მთავარი მწვრთნელი: მაურისიო პოჩეტინო

სტარიჯისთვის “ვესტ ბრომი” და “ნიუკასლი” ეცილებიან ერთმანეთს

Posted on by იაკობ კაპანაძე

ბოლო საათებში უცხოური გამოცემები აქტიურად იწერებიან სტარიჯის “ვესტ ბრომვიჩში” ან “ნიუკასლში” გადასვლის შესახებ, თუმცა ჯერ ამ საკითხთან დაკავშირებით ოფიციალური განცხადება არ გაკეთებულა.

The Telegraph-ის ცნობით, ორივე ინგლისური კლუბი უპირატესობას 28 წლის ფეხბურთელის არენდის წესით აყვანას ანიჭებს. Daily Mail-ის ინფორმაციას თუ დავუჯერებთ, სტარიჯის გადაბირებასთან ყველაზე ახლოს “ვესტ ბრომვიჩია”.

როგორც იცით, იურგენ კლოპი დანიელ სტარიჯს დიდად არ ენდობა და შესაბამისად, ინგლისელ შემტევს სათამაშო პრაქტიკის ნაკლებობა აქვს – მიმდინარე სეზონში მან პრემიერ ლიგის მხოლოდ 9 მატჩში მიიღო მონაწილეობა და მოედანზე თითო შეხვედრაში საშუალოდ 48 წუთი გაატარა.

ეგვიპტის ფეხბურთის ფედერაციის პრეზიდენტი: “რეალი” სალაჰის გადაბირებას ზაფხულში შეეცდება”

Posted on by იაკობ კაპანაძე

ეგვიპტის ფეხბურთის ფედერაციის პრეზიდენტი, ჰანი აბო რიდა საკმაოდ საინტერესო განცხადებას აკეთებს, რომლის მიხედვითაც, მადრიდის “რეალის” ხელმძღვანელები ზაფხულში მუჰამედ სალაჰის გადაბირებას შეეცდებიან.

“რეალი” სალაჰს ოფიციალურ წინადადებას ზაფხულში გაუკეთებს. თუმცა, სალაჰი ამჟამად მხოლოდ საკუთარი შესაძლებლობების განვითარებაზეა კონცენტრირებული.

რა თქმა უნდა, თუ ეგვიპტელი ფეხბურთელი ისეთი დონის კლუბში ითამაშებს, როგორიც მადრიდის “რეალია”, ეს ეგვიპტურ ფეხბურთზე უდიდეს გავლენას იქონიებს,” – აცხადებს აბო რიდა.

როგორც იცით, “ლივერპულში” გადასვლის შემდეგ 25 წლის მუჰამედ სალაჰი შეუჩერებელია და ამ დროისთვის მის ანგარიშზე გაკეთებულ 7 საგოლე გადაცემასთან ერთად 24 გატანილი გოლია.

სტარიჯმა არჩევანი “სევილიასა” და “ინტერს” შორის უნდა გააკეთოს

Posted on by იაკობ კაპანაძე

იტალიურ პრესაში გავრცელებული ბოლოდროინდელი ცნობების თანახმად, მილანის “ინტერის” ხელმძღვანელები “სევილიასთან” დანიელ სტარიჯის ტრანსფერისთვის გამართულ ბრძოლაში მარცხდებიან.

როგორც იცით, დანიელ სტარიჯს “ენფილდზე” სათამაშო დროს საერთოდ არ აძლევენ, ამ უკანასკნელს კი მსოფლიო ჩემპიონატზე მოხვედრის დიდი ამბიციები გააჩნია. სწორედ ამიტომაც, სტარიჯი მზადაა, “ლივერპული” იანვარშივე დატოვოს.

გეტყვით იმასაც, რომ თავდაპირველად სტარიჯი “ნერაძურის” შესთავაზეს, თუმცა მილანელები მხოლოდ მისი იჯარის წესით აყვანაზე არიან თანახმანი. “სევილიელები” კი მზად არიან ამ ტრანსფერში 32 მილიონი ევრო გადაიხადონ, ზუსტად იმდენი, რამდენსაც “წითლები” ითხოვენ.