დღეს, ინგლისის პრემიერ ლიგის მერვე ტურში მერსესაიდის “ლივერპული” საკუთარ მოედანზე “მანჩესტერ იუნაიტედს” მიიღებს.
გთავაზობთ გუნდების სასტარტო შემადგენლობებს.
“ლივერპული”: მინოლე, გომესი, მატიპი, ლოვრენი, მორენო, ვეინალდუმი, ჰენდერსონი, ჩანი, სალაჰი, ფირმინო, კოუნტინიო.
“მანჩესტერ იუნაიტედი”: დე ხეა, ვალენსია, სმოლინგი, ჯონსი, დარმიანი, ერერა, მატიჩი, იანგი, მხითარიანი, მარსიალი, ლუკაკუ.
დღეს პრემიერ ლიგის მეცხრე ტურში მერსესაიდის “ლივერპული” “ენფილდზე” “მანჩესტერ იუნაიტედს” მიიღებს.
“წითელი ეშმაკების” მთავარი მწვრთნელი, ჟოზე მოურინიო მატჩამდე ჟურნალისტებს ესაუბრა.
“ჩემთვის სასაცილოა ხალხის საუბარი, როცა ამბობენ, რომ დიდი ატმოსფერო ჩვენ არ მოგვწონს. თითქოს, ისინი ფიქრობენ,რთულია ჩავიდეთ განსაკუთრებულ ადგილზე და მოწინააღმდეგის გულშემატკივრების მიერ შექმნილ საოცარ ატმოსფეროს დავუპირისპრიდეთ. ზოგჯერ, ასე ფიქრობენ გამორჩეული, ვეტერანი ფეხბურთელები. პირიქით! ეს ის გარემოა, რომელიც ჩვენ გვსურს, რადგან ის დამატებითი მოტივატორია.”
“როცა “ბარსელონა” “ლას პალმასს” ცარიელ სტადიონზე ეთამაშა, თქვენი აზრით ფეხბურთელები ბედნიერნი იყვნენ ამით? მართლა ფიქრობთ, რომ “ლას პალმასის” მოთამაშეები ასეთ გარემოში ასპარეზობას ამჯობინებდნენ?”
“ჩვენ ხვალ უმნიშვნელოვანეს შეხვედრას ტრადიციული გუნდის წინააღდეგ გამორჩეულ სტადიონზე ჩავატარებთ. ვიცით, რომ ფანებს “მანჩესტერ იუნაიტედი” ძალიან არ უყვართ.. თუმცა, ეს ისაა, რაც ჩვენ გვსურს. “ლივერპულს” კარგი მოთამაშეები ჰყავს. ამ გუნდს დიდი პოტენციალი აქვს. რთულია, მათ გავუტოლდეთ. იმედი მაქვს, ისინიც იმავეს ფიქრობენ ჩვენზე,” – ამბობს სეუ ჟოზე.
მერსესაიდის “ლივერპულის” მთავარი მწვრთნელი, იურგენ კლოპი თვლის, რომ ახლა “ლივერპულს” სწორედ მისნაირი სპეციალისტი სჭირდება და რომ ის მდგომარეობის სასიკეთოდ შეცვლას შეძლებს.
“ცხრილის სათავეში მყოფ გუნდებს დიდად არ ჩამოვრჩებით, მიუხედავად იმისა, რომ სატურნირო ცხრილი ცოტა უფრო განსხვავებულ ინფორმაციას გვაწვდის.
საუბედუროდ, თუ ისინი ახლა განმათავისუფლებენ, ბევრი არაა ისეთი, ვინც ამ საქმის ჩემზე უკეთ გაკეთებას შეძლებს. არ ვამბობ, რომ უნაკლო ვარ, მაგრამ ამ მომენტში უკეთესი ვარიანტის პოვნა ძალიან რთულია.
ვფიქრობ, “ლივერპულელების” 98 პროცენტს სჯერა, რომ სწორ გზას ვადგავართ და წარმატებებსაც მივაღწევთ. მართალია, ეს რთული იქნება, მაგრამ ვეცდებით ძველი დიდება დავიბრუნოთ,” – აცხადებს იურგენ კლოპი.
კატალონიის “ბარსელონას” აღმასრულებელი დირექტორი, ოსკარ გრაუ კლუბის გულშემატკივრებისთვის საინტერესო განცხადებას აკეთებს და აღნიშნავს, რომ ზამთარში მათგან ტრანსფერებს უნდა ველოდოთ.
“მზად ვართ ზამთარში კოუტინიო დავიმატოთ და ყველა ის ფეხბურთელი, რომლის მოყვანის სურვილიც ტექნიკურ პერსონალს გაუჩნდება. თუმცა, თუ ფეხბურთელების დამატებას გადავწყვეტთ, რამდენიმე უნდა გავუშვათ კიდეც.
უნდა დავივიწყოთ ნეიმარის ტრანსფერისგან მიღებული თანხა. გადასახადების წყალობით, ჩვენი შემოსავალი მხოლოდ 188 მილიონი ევროა, საერთო ჯამში კი კლუბის ანგარიშზე 144 მილიონი ევროს მოგება აისახა,” – აცხადებს “ლურჯ-ბროწეულისფერთა” დირექტორი.
25 წლის ბრაზილიელი ფეხბურთელის ტრანსფერი, რომლის ანგარიშზეც მიმდინარე სეზონში გატანილი 3 გოლი და ერთი საგოლე გადაცემაა (“ლივერპულში”), “ბარსელონას” დაახლოებით 115 მილიონი უნდა დაუჯდეს.
“ლივერპულის” შემტევი სადიო მანე სანაკრებო პაუზის დროს დაიმტვრა. როგორც გაირკვა, სენეგალელ ფეხბურთელს საკმაოდ დიდი ხანი გაუცდება.
თავდაპირველი დასკვნის შემდეგ გაირკვა, რომ მანეს ექვსი კვირა გაუცდება. სანაკრებო პაუზის დროს, მისი გუნდი კაპე ვერდეს უპირისპირდებოდა, “ლივერპულის” ფეხბურთელის შეცვლა კი აუცილებელი 89-ე წუთზე გახდა.
მანე ექვსი კვირის განმავლობაში საკმაოდ მნიშვნელოვან მატჩებს გამოტოვებს, განსაკუთრებით აღსაღნიშნია შაბათს “მანჩესტერ იუნაიტედის” წინააღმდეგ გასამართი მატჩი.
სტეფან ანშომ, “ლივერპულის” ყოფილმა ფეხბურთელმა, რომელიც “ენფილდზე” 1999-2005 წლების მანძილზე გამოდიოდა, პრესასთან ინგლისური კლუბის ამჟამინდელ მდგომარეობასა და პრობლემებზე ისაუბრა.
“დაცვა გასულ სეზონშიც დიდ პრობლემას წარმოადგენდა მათთვის და ყველას იმედი ჰქონდა, რომ ზაფხულში ამ პრობლემის მოგვარებას შეძლებდნენ. მართალია, ვან დეიკის გადაბირება სცადეს, მაგრამ არაფერი გამოუვიდათ. იმედია, ახლა მაინც დაიმატებენ მინიმუმ ორ ცენტრალურ მცველს.
დღევანდელ მდგომარეობას თუ გავითვალისწინებთ, “ლივერპულს” ტიტულის მოგების არანაირი შანსი არ აქვს. ისინი მუდამ ერთნაირ შეცდომებს უშვებენ, ასე წარმატების მიღწევა შეუძლებელია.
ვფიქრობ, მათთვის ოთხეულში მოხვედრაც დამაკმაყოფილებელი იქნება. მაგრამ, თუ ასეთი გოლების გაშვებას გააგრძელებენ, ამ შედეგსაც ვერ მიაღწევენ,”- აცხადებს “წითლების” ექს-ფეხბურთელი.
“ლივერპულმა” გუნდის სამედიცინო შტაბის კიდევ ერთი მნიშვნელოვანი წევრი, მთავარი ფიზიოთერაპერტი, ენდი რენშოუ დაითხოვა. ამ ინფორმაციას ბრიტანული The Telegraph ავრცელებს.
რენშოუ ამ თანამდებობაზე სულ რაღაც 15 თვის წინ დაინიშნა, როდესაც მან “ლივერპულის” ერთგული ქრის მორგანი შეცვალა. მაგრამ, როგორც ჩანს, ამ პერიოდში ენდიმ იურგენის ნდობის მოპოვება ვერ შეძლო.
გეტყვით იმასაც, რომ რენშოუ “ლივერპულში” 2009 წლიდან მუშაობს. მორგანის წასვლამდე (ახლა “კრისტალ პალასში” მუშაობს), ის “წითლების” აკადემიის წევრებთან თანამშრომლობდა.
პრემიერ ლიგის მეშვიდე ტური “ნიუკასლისა” და მერსესაიდის “ლივერპულის” ძალიან საინტერესო დაპირისპირებამ დახურა, რომელიც ფრედ, ანგარიშით 1-1 დასრულდა.
ამ მატჩში ანგარიში “წითლების” ბრაზილიელმა “ჯადოქარმა”, ფილიპე კოუტინიომ გახსნა 29-ე წუთზე, შვიდი წუთის შემდეგ კი ჰოსელუმ ჯონჯო შელვის პასი გამოიყენა და ანგარიშში წონასწორობა აღადგინა.
შვიდი ტურის შემდეგ “ლივერპულის” ანგარიშზე სამი მოგება, სამი ფრე და ერთი წაგებაა. შესაბამისად იურგენ კლოპის ბიჭები 12 ქულით მეშვიდე ადგილზე არიან, რაფა ბენიტესის შეგირდები კი – მეცხრეზე 10 ქულით.
მომდევნო ტურში “ლივერპული” “მანჩესტერ იუნაიტედს” დაუხვდება, “ნიუკასლი” კი “საუთჰემპტონს” ეწვევა.
მერსესაიდის “ლივერპულის” მთავარი მწვრთნელი, იურგენ კლოპი კარლო ანჩელოტის მიუნხენის “ბაიერნის” მთავარი მწვრთნელის პოსტიდან წასვლას გამოეხმაურა. შეგახსენებთ, რომ იტალიელმა “პაპა კარლომ” ეს გადაწყვეტილება “პსჟ”-სთან დამარცხების შემდეგ (3:0) მიიღო.
“სიმართლე გითხრათ, ფეხბურთში უკვე ვეღარაფერი გამაკვირვებს. “პარი სენ-ჟერმენთან” მათი თამაში ვნახე. ფეხბურთი ასეთია – ხშირად სწორედ ინდივიდუალისტები წყვეტენ მატჩის ბედს.
საბოლოო ჯამში, ეს მხოლოდ ერთი მატჩი იყო. ბუნებრივია, რომ ასეთი შედეგი “ბაიერნის” უფროსებისთვის მისაღები არ იყო და ამიტომაც მიიღეს მსგავსი გადაწყვეტილება. პირადად მე, სხვა რეალურ მიზეზს ვერ ვხედავ.
კარლო ძალიან, ძალიან გამოცდილი სპეციალისტია. დარწმუნებული ვარ, რომ ერთ ღამეში ყველანაირი ცოდნა არ დაუკარგავს. უბრალოდ ხდება ხოლმე, როდესაც ორი მხარე ერთმანეთს ვერ უგებს. მჯერა, რომ კარლო ფანტასტიკურ კლუბში გააგრძელებს მუშაობას, “ბაიერნი” კი ახალ მწვრთნელთან ერთად უფრო ძლიერი იქნება,” -აცხადებს კლოპი.
მოსკოვის “სპარტაკთან”, ჩემპიონთა ლიგის ჯგუფური ეტაპის მეორე ტურში ქულების დაკარგვის (1:1) შემდეგ, “ლივერპულის” კაპიტანმა, ჯორდან ჰენდერსონმა პრესასთან საუბრისას თავისი იმედგაცრუება გამოხადა.
“ყველანი ძალიან იმედგაცრუებულები ვართ. მთელი დროის მანძილზე მატჩს ვაკონტროლებდით, თავიდან ბოლომდე. ძალიან მარტივი და კომფორტული გამარჯვება უნდა გვეზეიმა.
თუმცა, სანამ გოლების გატანაზე ვიფიქრებთ, უნდა ვიპოვოთ გზა, რომ პირველი ჩვენ არ გავუშვათ.
სხვა დროს, ასეთი თამაშით 3-4 გოლს გავიტანდით. საერთო ჯამში, გუნდის პერფორმანსი კარგი იყო, მაგრამ არა საკმარისი. უფრო ხისტად უნდა ვითამაშოთ და სასურველი შედეგის მისაღწევად ყველაფერი გავაკეთოთ,”- აცხადებს ინგლისელი ფეხბურთელი.
მერსესაიდის “ლივერპულის” მარჯვენა მცველი, ტრენტ ალექსანდერ-არნოლდი იურგენ კლოპმა ჩემპიონთა ლიგაზე, მოსკოვის “სპარტაკთან” გამართული მატჩის სასტარტო შემადგენლობაზე შეიყვანა.
ამის წყალობით, ალექსანდერ-არნოლდი “წითლების” ყველაზე ახალგაზრდა ფეხბურთელი გახდა, რომელმაც ევროპის ყველაზე პრესტიჟულ ტურნირზე, ჩემპიონთა ლიგაზე მიიღო მონაწილეობა.
დღეს ტრენტი 18 წლისა და 354 დღის გახლავთ და ამ ასაკში მან უკვე მოახერხა იურგენ კლოპის ნდობის მოპოვება – პრემიერ ლიგის წლევანდელ სეზონში ის სამჯერ გამოიყვანეს მოედანზე. ინგლისის ჩემპიონატში გატარებულ 90 წუთში ამ უკანასკნელმა თავი მხოლოდ 2 ყვითელი ბარათითა და კარგი თამაშით დაგვამახსოვრა.
მერსესაიდის “ლივერპულის” სენეგალელი თავდამსხმელი, სადიო მანე პრესასთან საუბრისას საკმაოდ ხმაურიან განცხადებას აკეთებს, რომლის თანახმადაც იურგენ კლოპის გუნდს ნებისმიერ მეტოქესთან შეუძლია სასურველი შედეგის მიღწევა.
“დარწმუნებული ვართ, რომ ყველა გუნდის დამარცხება შეგვიძლია ისევე როგორც პრემიერ ლიგაში, ასევე ევროპაშიც. ჯერ ძალიან ადრეა იმის თქმა, რომ ჩემპიონთა ლიგის მეექვსე ტიტულის მოგებას შევძლებთ, მაგრამ აქ სწორედ ამისთვის ვართ.
გვჯერა, რომ კარგი დაცვა გვყავს. მატჩის შედეგზე მთელი გუნდია პასუხისმგებელი, რადგანაც დავალება ყველასთვის ერთია – მეტოქეზე მეტი გოლი უნდა გავიტანოთ.
ძალიან ბედნეირი გუნდი ვართ, ერთად ყოფნა დიდ სიამოვნებას გვანიჭებს და მაქსიმალურად ვცდილობთ, რაიმე ღირებულს მივაღწიოთ. ჩვენ წინსვლის სურვილი გვაქვს და ეს მუდამ ასე იქნება,” – აცხადებს მანე.
