ჭდე: ლივერპული

იურგენ კლოპი: “ფეხბურთის თამაშს თავი დავანებეთ”

Posted on by იაკობ კაპანაძე

ბრიტანული “ლივერპულის” მთავარმა მწვრთნელმა, იურგენ კლოპმა “ბორნმუთთან” განცდილ ძალზედ დასანან მატჩზე (4-3) ისაუბრა და აღნიშნა, რომ “ალუბლებმა” დამსახურებული გამარჯვება მოიპოვეს.

“პირველ რიგში, მინდა “ბორნმუთს” დამსახურებული გამარჯვება მივულოცო. ნამდვილად დიდი ბრძოლა გაგვიმართეს.

რაც შეეხება ჩვენს თამაშს, ბრძოლა გადამწყვეტ მომენტში დავთმეთ. უბრალოდ ფეხბურთის თამაში შევწყვიტეთ, კარი გავაღეთ, რომელშიც მეტოქეები თავისუფლად შევიდნენ და ბრწყინვალე გოლებიც გაიტანეს.

თამაში დავთმეთ, რადგანაც ფეხბურთის თამაში შევწყვიტეთ. არაუშავს, შეიძლება ამის დავიწყება, თუ გაკვეთილს კარგად ვისწავლით. 2-0-ზე ან 3-1-ზე თამაშის ბედი გადაწყვეტილი მაინც არ არის, ამიტომაც მოდუნება დაუშვებელია. ასეთი რაღაცეებიც ხდება.”

დრამა “დინ კორტზე”: “ბორნმუთმა” “ლივერპულთან” ორბურთიანი ჩამორჩენა აღმოფხვრა და ბოლოს მატჩიც მოიგო (ვიდეო)

Posted on by კახა ყიფიანი

დღეს ინგლისის პრემიერ ლიგის მე-14 ტურის შეხვედრები იმართება.

ერთ-ერთ მატჩში, “დინ კორტზე” “ბორნმუთმა” “ლივერპული” მიიღო. დაპირისპირება სტუმრების უპირატესობით დაიწყო, რაც მალე ანგარიშშიც აისახა. მე-20 წუთზე ჯერ სადიო მანემ გაიტანა, ხოლო 2 წუთში კი ბელგიელმა დივოკ ორიჯიმ ორამდე გაზარდა ანგარიში.

მეორე ნახევარში, 56-ე წუთზე უილსონმა პენალტის ნიშნულიდან გატანილი გოლით მინიმუმამდე შეამცირა სხვაობა. თუმცა, 8 წუთში ემრე ჩანმა “ლივერპულის” მესამე გოლი შეაგდო. თითქოს, მერსესაიდელებისთვის ყველაფერი კარგად მიდიოდა. ასე არ ფიქრობდნენ მასპინძლები. 76-ე წუთზე ჯერ ფრასერმა 3:2 გახადა ანგარიში, ხოლო 3 წუთში ქუკმა გაათანაბრა. “ბორნმუთი” “გათავხედდა” და მოგებაზეც დაიწყო თამაში. საბოლოოდ, მატჩის მესამე დამატებულ წუთზე ნათან აკემ გამარჯვების გოლის გატანა მოახერხა და “დინ კორტის” ბინადრებმა 4:3 იმარჯვეს!

14 ტურის შემდეგ “ბორნმუთი” 18 ქულით მეათე ადგილზეა, ხოლო “ლივერპულს” 30 ქულა აქვს და მე-3 პოზიციაზე იმყოფება.

 

 

 

იურგენ კლოპი: “ზამთრის სატარნსფერო ფანჯარას მომზადებული ვხვდები”

Posted on by იაკობ კაპანაძე

“ლივერპულის” მთავარი მწვრთნელი, იურგენ კლოპი ჟურნალისტების კითხვებმა შესაძლო ტრანსფერებთან დაკავშირებით ძალიან გააღიზიანა. გერმანელი სპეციალისტის თქმით, ზამთარში ის ძირითადის არცერთი ფეხბურთელის გაყიდვას არ აპირებს.

“ვფიქრობ, სწორედ თქვენ და თქვენი კოლეგები ქმნიან ისტორიებს, რომლებსაც სინამდვილესთან კავშირი არა აქვს და მეკითხებით იმ ამბების შესახებ, რომლებიც თავად შექმენით.

ძირითადის ფეხბურთელების გაყიდვას არავინ აპირებს, ამაზე არც კი ვფიქრობთ. არა მგონია, ამას რაიმე აზრი ჰქონდეს.

საუბედუროდ, დანიელი ვარჯიშებში მონაწილეობას კვლავ ვერ იღებს, რაც უფრო მეტად მაღელვებს, ვიდრე ეს სატრანსფერო ჭორები.

იანვრისთვის მომზადებული ვარ და ყველაფერი, რასაც შემეკითხებით უბრალოდ სასაცილო იქნება ჩემთვის. ამაში დარწმუნებული ვარ.”

იურგენ კლოპი: “კოუტინიო იანვრის თვეში დაბრუნდება”

Posted on by იაკობ კაპანაძე

მერსესაიდული “ლივერპულის” გერმანელმა თავკაცმა, იურგენ კლოპმა პრესასთან ფილიპე კოუტინიოს ტრავმაზე ისაუბრა, რომლის გამოც “ლივერპულს” მის გარეშე მოუწევს მომავალ მატჩებში წარმატებისთვის ბრძოლა.

“ფილს გამოსაჯანმრთელებლად ხუთი ან მეტი კვირა სჭირდება. ჩვენ ის ძალიან გვჭირდება. ვნახოთ, როგორ განვითარდება მოვლენები. ის ვერც დღევანდელ მატჩში და ვერც მომავალ რამდენიმე მატჩში ვერ დაგვეხმარება.

ფილ კოუტინიო ნამდვილად დიდებული ფეხბურთელია. არა მარტო ჩვენ, არამედ მსოფლიოს ნებისმიერი გუნდი იგრძნობს მის დანაკლისს, ფეხბურთი ასეთია.

მაგრამ, რა თქმა უნდა ვხვდები, რომ ამით თავს ვერ გავიმართლებთ. მართალია, მას მატჩის ბედის გადაწყვეტა შეუძლია, მაგრამ გუნდურად თამაშის შემთხვევაში ყველაფერი კარგად იქნება.” – განაცხადა მან.

ბრიტანული პრესა: “ბაიერნმა” იურგენ კლოპს დაუმიზნა

Posted on by იაკობ კაპანაძე

ბრიტანულ გამოცემას, Sunday Mirror-ს თუ დავუჯერებთ, მიუნხენის “ბაიერნის” მთავარი სამიზნე ზამთრის სატრანსფერო ფანჯარაზე არა რომელიმე ფეხბურთელი, არამედ იურგენ კლოპი იქნება.

წყაროს ცნობით, “რეკორდმაისტერის” ხელმძღვანელები იტალიელი “პაპა კარლოს” მუშაობით უკმაყოფილონი არიან და მის ჩანაცვლებას უახლოეს მომავალში აპირებენ.

ასე რომ, გერმანიის მოქმედი ჩემპიონები კლოპისთვის, რომელმაც “ბორუსია დორტმუნდის” თავკაცის რანგში შვიდი სეზონი გაატარა და ორჯერ ქვეყნის ჩემპიონიც გახდა, საკმაოდ სარფიანი წინადადების შეთავაზებას აპირებენ.

ცნობისთვის გეტყვით, რომ ბავარიელები ამ დროისთვის მეორე პოზიციას იკავებენ ბუნდესლიგის სატურნირო ცხრილში და სამი ქულით ჩამორჩებიან ლიდერ “ლაიფციგს”.

იურგენ კლოპი “ლივერპულის” გულშემატკივართა ქმედებამ ძალიან განარისხა ( ვიდეო)

Posted on by იაკობ კაპანაძე

ნამდვილად რთულია დაასახელო მწვრთნელი, რომელსაც შეუძლია მთელი თავისი ბრაზი გულწრფელად გამოხატოს ისე, როგორც ამას იურგენ კლოპი აკეთებს.

გერმანელი მწვრთნელი “სანდერლენდთან” მატჩში იმ ფაქტმა განარისხა, რომ კლუბის ფანები ნაცვლად გამხნევებისა, უსტვენდნენ ფეხბურთელებს მაშინ, როდესაც ანგარიში ჯერ კიდევ 0-0 იყო.

იურგენ კლოპი: “არამგონია, კოუტინიოს ტრავმა ძალიან სერიოზული იყოს”

Posted on by იაკობ კაპანაძე

მერსესაიდული “ლივერპულის” მთავარმა მწვრთნელმა, იურგენ კლოპმა დღევანდელ მატჩსა (“ლივერპული” 2-0 “სანდერლენდი”) და ფილიპე კოუტინიოს ტრავმაზე ისაუბრა.

“ეჭვიც არ მეპარებოდა, რომ ამ მატჩის მოგებას შევძლებდით. უბრალოდ ვცდილობდი რაღაცეები შემეცვალა, სივრცეები უკეთ რომ გამოგვეყენებინა. ძალიან დაძაბული მატჩი იყო, თუმცა მოგება ნამდვილად დავიმსახურეთ.

რაც შეეხება კოუტინიოს ტრავმას, ამ დროისთვის მხოლოდ იმის თქმა შემიძლია, რომ მან კოჭი დაიზიანა. დანარჩენს დამატებითი გამოკვლევების შედეგები გვეტყვიან. თუმცა, არამგონია ტრავმა ისეთი სერიოზული იყოს, როგორიც ერთი შეხედვით ჩანდა.

ძალიან ბევრი რამ გვაქვს გასაანალიზებელი. მეტოქემ დაცვითი ფეხბურთი შემოგვთავაზა, დაცვაში ასე ჩამჯდარ გუნდთან ადრე არასდროს მითამაშია. ეს “სანდერლენდის” სტილია და ამიტომაც, მისაღებიც არის. ჩვენ ვაიძულეთ ასე ეთამაშათ. კარგი თამაშის საფუძველზე გამარჯვება მოვიპოვეთ, რაც სასიხარულო რამ არის.”

“ლივერპულის” მეკარისათვის მიმდინარე სეზონი უკვე დასრულებულია

Posted on by იაკობ კაპანაძე

მერსესაიდული “ლივერპულის” კარის დარაჯი, ადამ ბოგდანი ტრავმირებულია. უნგრელი მეკარის მიერ დადასტურებული ინფორმაციის თანახმად, ადამმა წინა ჯვარედინი იოგი დაიზიანა.

29 წლის მეკარე, რომელიც “უიგან ატლეტიკში” იყო განათხოვრებული, მშობლიურ კლუბს ამ კვირაში დაუბრუნდება, სადაც ის რეაბილიტაციის პროცესს დაიწყებს, რომელიც 9 თვეზეა გაწერილი.

ცნობისთვის გეტყვით, რომ ბოგდანმა ტრავმა ჩემფიონშიპის მატჩში მიიღო, სადაც ის “უიგანის” კარის დაცვას “ბარნსლის” შეტევებისაგან ცდილობდა. ბოგდანმა ჩემფიონშიპში გადასვლის შემდეგ, ლიგის 17 მატჩში მიიღო მონაწილეობა.

“ახლახან მივიღე სამედიცინო გამოკვლევების შედეგები, რომლის თანახმადაც მუხლის მყესი მაქვს დაზიანებული. რეაბილიტაციის პროცესი დიდ დროს მოითხოვს. დარწმუნებული ვარ, რომ უფრო ძლიერი დავბრუნდები.” – განაცხადა უნგრელმა.

“ლივერპული” ჯანო ანანიძის თანაგუნდელს აკვირდება

Posted on by იაკობ კაპანაძე

ბრიტანული პრესის, Mirror-ის მიერ გავრცელებული ინფორმაციის თანახმად, მერსესაიდული “ლივერპულის” მთავარი მწვრთნელის ყურადღება ჯანო ანანიძის თანაგუნდელმა და მოსკოვური “სპარტაკის” ვინგერმა, ქვინსი პრომესმა მიიქცია.

24 წლის ფეხბურთელმა რუსული კლუბის მაისურით ჩატარებულ 69 მატჩში 36 გოლის გატანა მოახერხა მას შემდეგ, რაც “ტვენტე” დატოვა (2014 წელს). ამ უკანასკნელს “ლივერპულის” გარდა კიდევ რამდენიმე ევროპული კლუბიც აკვირდება.

შეგახსენებთ, რომ “წითლებს” გარკვეული დროის განმავლობაში სადიო მანეს გარეშე მოუწევთ თამაში, რომელიც აფრიკაში მიემგზავრება, რათა საკუთარი ქვეყნის ღირსება დაიცვას, მისი ადგილი კი ცარიელი რჩება. ამ ყველაფერს დენი ინგსის ტრავმაც ემატება.

რუსული პრემიერ ლიგის მიმდინარე სეზონში პრომესმა 11 მატჩში ხუთი გოლის ჩაწერა მოახერხა აქტივში. დღევანდელ ბაზარზე კი ასეთი შესაძლებლობების მქონე ფეხბურთელი 25 მილიონ ფუნტად ფასობს.

იურგენ კლოპი: “შედეგით კმაყოფილი ვარ”

Posted on by იაკობ კაპანაძე

ბრიტანული “ლივერპულის” მთავარმა მწვრთნელმა, იურგენ კლოპმა “საუთჰემპტონთან” ფრედ დასრულებული მატჩი დადებითად შეაფასა.

“ვიცოდით, რომ წინ რთული მატჩი გველოდა. მატჩის პირველი ნახევარი ცუდი არ ყოფილა, მაგრამ საკმარისად კარგი მაინც არ იყო. მეორე ნახევარში გარკვეული ცვლილებები განვახორციელეთ, შედეგად კი საგოლე მომენტები მივიღეთ. მაგრამ, მეტოქე გუნდი საკმაოდ კარგად იყო ორგანიზებული, რამაც თავისი გააკეთა.

ფრისა და ერთი ქულის მოპოვება ადვილი არ არის, ჩვენ კი ეს შევძელით. ასეთ მატჩში ძალიან ადვილია კონტროლის დაკარგვა, თუმცა ჩვენ ეს პრობლემა არ შეგვქმნია, რითიც ბედნიერი ვარ. დიახ, “საუთჰემპტონთან” – საკმაოდ ძლიერ გუნდთან – კარის მშრალად შენახვა და კარგად თამაში ნამდვილად მახარებს.

რაც შეეხება სატურნირო მდგომარეობას, ყველაფერი ძალიან დაძაბულადაა, რაც ერთი მხრივ კარგიცაა. ძლიერ ჩემპიონატში ვიღებთ მონაწილეობას, რაც თავიდანვე ვიცოდით. დავალებას თავი სათანადოდ უნდა გავართვათ.” – განაცხადა კლოპმა, რომელიც ამ მატჩის შემდეგ კვლავ პირველ ადგილზე იმყოფება (სანამ “ჩელსი” არ ჩაატარებს თავის მატჩს).

ლოურენსონი: “ლივერპული” კოუტინიოს ვეღარ შეინარჩუნებს”

Posted on by იაკობ კაპანაძე

მარკ ლოურენსონმა “ლივერპულელების” ბრაზილიელ ვარსკვლავზე, ფილიპე კოუტინიოზე საუბრისას აღნიშნა, რომ “ლივერპული” მის შენარჩუნებას ვერ შეძლებს, როდესაც საქმეში ტოპ-დონის კლუბები ჩაერთვებიან, რომელთაგანაც ამ დროისთვის ყველაზე მეტად “ბარსელონა” აქტიურობს.

“ისეთი კლუბები, როგორებიც არიან “ბარსელონა”, “რეალ მადრიდი”, “ატლეტიკო მადრიდი”, “პარის სენ-ჟერმენი” და “ბაიერნ მიუნხენი” ევროპაში მუდმივად წარმატებით ასპარეზობენ.

რთულია კოუტინიო შეინარჩუნო, როდესაც საქმეში ასეთი დონის კლუბები ერთვებიან. მე ასე ვფიქრობ, ისინი მას ვეღარ შეაჩერებენ.

ყველაზე ჭკვიანური რამ იქნება ფიქრი იმაზე, თუ რა უნდა გააკეთოს კლუბმა შემდეგში. “კოუტინიო მიდის, რა უნდა მოვიმოქმედოთ?” – სწორედ ამ კითხვას უნდა უპასუხონ მერსესაიდელებმა.”

კლოპი: “ფეხბურთზე ფიქრს ძილშიც არ ვწყვეტ”

Posted on by იაკობ კაპანაძე

“ლივერპულის” გერმანელმა მწვრთნელმა, იურგენ კლოპმა Goal.Com-თან მიცემულ ინტერვიუში მის ცხოვრებაში ფეხბურთის როლზე ისაუბრა.

“ფეხბურთზე ძალიან ბევრს ვფიქრობ, ამის გამოთვლა შეუძლებელია – იმაშიც არ ვარ დარწმუნებული, ოდესმე თუ ვწყვეტ ამ თემაზე ფიქრს.

ზუსტად ვერ გეტყვით, ძილში მაინც თუ ვწყეტ ფეხბურთზე ფიქრს! ძალიან დიდ დროს ვუთმობ საფეხბურთო მატჩების ყურებასა და განხილვას.

ეს ყველაფერი არც ისე ადვილია. ინგლისში პრემიერ ლიგის ყურება უფრო რთულია, ვიდრე სხვა ნებისმიერ ქვეყანაში. პრემიერ ლიგასთან ერთად ჩემპიონშიპსა და საერთაშორისო დონის მატჩებსაც ვადევნებ თვალს. რა თქმა უნდა, ბუნდესლიგასაც ვუყურებ, მართალია, არც ისე დიდ დროს ვუთმობ ამ ლიგას, მაგრამ ვცდილობ გამოვასწორო.”