წარსულში ცნობილმა ფეხბურთელმა, კრისტიან პანუჩიმ იტალიაში გადაწყვიტა დაბრუნება. ბოლო დროს ის რუსეთში, ფაბიო კაპელოს შტაბში მუშაობდა, თუმცა “რომას”, “რეალის”, “ინტერის” და “მილანის” ყოფილმა მცველმა საკლუბო ფეხბურთში არჩია მუშაობა.
41 წლის პანუჩიმ კონტრაქტი სერია ბ-ს ბინადარ “ლივორნოსთან” გააფორმა. გუნდის მიზანი იტალიური ფეხბურთის ელიტაში დაბრუნებაა.
ახალ მწვრთნელთან კონტრაქტი 2017 წლის ზაფხულამდეა გათვლილი.
“ლივორნოს” ხელმძღვანელობამ “მილანთან” წაგებული მატჩის შემდეგ კლუბის მთავარი მწვრთნელი დომენიკო დი კარლო დაკავებული თანამდებობიდან გაათავისუფლა.
დროებით მწვრთნელად დავიდ ნიკოლა დაინიშნა.
“ლივორნომ” ბოლო 10 შეხვედრაში მხოლოდ ერთი გამარჯვების მოპოვება მოახერხა.
იტალიური “მილანის” თავდამსხმელი მარიო ბალოტელი აცხადებს, რომ მას სეზონში 40 გოლის გატანა სურს.
შეგახსენებთ, რომ 19 აპრილს, იტალიის სერია A-ში “მილანმა” საკუთარ მოედანზე “ლივორნო” მიიღო და მეტოქე ანგარიშით 3:0 დაამარცხა. აღნიშნულ შეხვედრაში ბალოტელიმ გოლი და საგოლე პასი მიითვალა.
“მიხარია, რომ წელს გოლების გატანაში ჩემი პირადი სტატისტიკა გავაუმჯობესე. თუმცა, ვფიქრობ, გასულ სეზონებში, მაგალითად, ინგლისში უფრო მეტი გოლის გატანა შემეძლო. მინდა, სეზონში 40 გოლის გატანა შევძლო.
ზეედორფი? რა თქმა უნდა, კლარენსმა გუნდს უდიდესი დახმარება გაუწია. ძალიან გვინდა, რომ ევროპის ლიგაზე მოვხვდეთ და იქ წარმატებით ვიასპარეზოთ”, – ამბობს ბალოტელი.
სერია A-ს 24-ე ტურის შეხვედრაში ერთმანეთს ,,კალიარი” და ,,ლივორნო” დაუპირისპირდნენ (1-2). აღნიშნულ შეხვედრაში ანგარიში 44-ე წუთზე ,,ლივორნოს” მცველმა რამოს ემერსონმა უძლიერისი დარტყმით გახსნა:
7 დეკემბერს, იტალიის ჩემპიონატში, “ლივრონომ” საკუთარ მოედანზე “მილანი” მიიღო და ფრედ, 2:2 ითამაშა.
აღნიშნულ შეხვედრაში, მილანელთა მხრიდან ორივე გოლი ბალოტელი გაიტანა. იტალიელი თავდამსხმელის მიერ გატანილი მეორე გოლი კი განსაკუთრებით ლამაზი გამოდგა.
იტალიის სერია A-ს მე-12 ტურში მილანის „ინტერმა“ „ლივორნოს“ უმასპინძლა და მეტოქე ანგარიშით 2:0 დაამარცხა. ანგარიში 30-ე წუთზე გაიხსნა, როდესაც სტუმარი გუნდის მეკარე უხეშად შეცდა და საკუთარ კარში ბურთი ჩაჭრა. დიდი ხნის განმავლობაში „ინტერი“ მინიმალური უპირატესონით იგებდა. აღსანიშნავია, რომ ექვსთვიანი პაუზის შემდეგ მოედანს დაუბრუნდა ხავიერ ძანეტი, რომელმაც 91-ე წუთზე მასპინძელთა მეორე საგოლე ეპიზოდი წამოიწყო, შეტევა მატეო კოვაჩიჩმა განავითარა, გოლით კი იუტო ნაგატომომ დააგვირგვინა.
„ინტერმა“ აქტივში 25 ქულა მოაგროვა და სატურნირო ცხრილის მეოთხე ადგილზე პოზიციები გაიმყარა. „ლივორნო“ 12 ქულით მე-14 ადგილს იკავებს.
სერია A
ტური XII
„ინტერი“-„ლივორნო“ 2:0 (1:0)
გოლები: ბარდი 30′ (ა.გ.), ნაგატომო 90+1′.
გაფრთხილებები: რანოკია 32′, სამუელი 33′, როლანდუ 90+4′ – დუნკანი 24′, პაულინიო 73′, შიატარელა 82′.
მილანის „ინტერის“ გოლკიპერი ფრანჩესკო ბარდი, რომელიც მიმდინარე სეზონში იჯარის წესით „ლივორნოში“ თამაშობს, „ბარსელონასა“ და „მანჩესტერ სიტის“ ყურადღების არეალში მოექცა. ამის შესახებ 21 წლის კიპერის აგენტმა ვინჩენცო რისპოლიმ განაცხადა.
„ბარდი ბედნიერია იმით, რომ „ინტერის“ მეკარედ ითვლება და სხვა კლუბებზე სულაც არ ფიქრობს. ის მთელ აქცენტს „ლივორნოში“ ასპარეზობაზე აკეთებს. ბარდის სურს, რომ კონტრაქტით „ინტერთან“ დარჩეს.
გიდასტურებთ ინფორმაციას, რომ მისით „ბარსელონა“ და „მანჩესტერ სიტი“ არიან დაინტერესებულნი, თუმცა ჩვენ ეს ფაქტი სულაც არ გვახარებს“, – აღნიშნა ბარდის აგენტმა.
ბექა დოგრაშვილი
Calciomerkato-სთვის მიცემულ ინტერვიუში ფრანჩესკო ბარდის აგენტი, ვინჩენცო რისპოლი მისი კლიენტის შესაძლო ტრანსფერის შესახებ საინტერესო კომენტარს აკეთებს და ამბობს, რომ “ბარსელონას” მხრიდან არსებული ინტერესის შესახებ სმენია, თუმცა მხოლოდ არაოფიციალური წყაროებით.
“ბარსელონასთან” პირადი კონტაქტი არ მქონია. ბარდი “ინტერის” ფეხბურთელია და მსგავს საკითხებს ჩვენ ყოველთვის ვითვალისწინებთ. “ბარსელონას”, ისევე როგორც კიდევ რამდენიმე ევროპული კლუბის მხრიდან ინტერესზე მეც გავიგე, მაგრამ კონკრეტული წინადადებით “ნერიაძურისთვის” ჯერ არავის მოუმართავს”.
“ფრანჩესკო “ლივორნოში” თავს კარგად გრძნობს და “ინტერის” ხელძღვანელობისთვის იმის დამტკიცება სურს, რომ გუნდისთვის საჭირო ფეხბურთელია. ის ძალიან მშვიდი პიროვნებაა და მიუხედავად იმისა, რომ ჯერ მხოლოდ 21 წლისაა, გაზეთების პირველ გვერდებზე მოხვედრა ნამდვილად არ აინტერესებს.
