ლოს ანჯელეს კლიპერსი – Fanebi.Com – ფეხბურთი, კალათბურთი, რაგბი, სხვა

კავაი ლეონარდის ახალი კლუბი ცნობილია!

Posted on ივლისი 6, 2019 by -

ამერიკის საკალათბურთო ასოციაციის ერთ-ერთი საუკეთესო მოთამაშე, კავაი ლეონარდი უახლოეს ხანებში “ლოს ანჯელეს კლიპერსის” კალათბურთელი გახდება.

კავაი “კლიპერსთან” 4-წლიან ხელშეკრულებას გააფორმებს, ხელფასის სახით კი 142 მილიონ დოლარს მიიღებს.

როგორც იცით, ლეონარდი “ტორონტოს” რიგებში NBA-ს გასული სეზონის გამარჯვებული გახდა. სეზონის დასრულების შემდეგ მან თავისუფალი აგენტის სტატუსი მიიღო. მისი დამატების სურვილი “ლოს ანჯელეს ლეიკერსსაც” ჰქონდა.

ასევე, “კლიპერსის” რიგებში ჩაირიცხება “ოკლაჰომას” კალათბურთელი პოლ ჯორჯი. გავრცელებული ინფორმაციით, მიმდინარე კვირის დასაწყისში ჯორჯი და კავაი ლეონარდი ლოს ანჯელესში ერთმანეთს შეხვდნენ და სამომავლო გეგმებზე ისაუბრეს.

„კლიპერსმა“ სტივენსონი ჯეფ გრინზე გაცვალა

Posted on თებერვალი 19, 2016თებერვალი 19, 2016 by Alix

როგორც „ტვიტერზე“ „იაჰუ სპროტსის“ მიმომხილველმა მარკ სპირსმა დაწერა, „ლოს-ანჯელეს კლიპერსმა“ უკანახაზელი ლენს სტივენსონი „მემფის გრიზლისში“ გაცვალა და, კომპენსაციის სახით, უნივერსალური ფორვარდი ჯეფ გრინი მიიღო.

შეგახსენებთ, რომ სტივენსონი კალიფორნიაში „შარლოტ ჰორნეტსიდან“ გადაბარდგდა, თუმცა დოკ რივერსის გუნდში ადგილი ვერ დაიმკვირდა – საშუალოდ, 15,8 წუთში მისმა მონაგარმა 4,7 ქულა და 2,5 მოხსნა შეადგინა.

გრინმა, რომელიც აქამდე რივერსთან „ბოსტონ სელტიკსში“ მუშაობდა, მიმდინარე რეგულარულ ჩემპიონატში 53 მატჩი ჩაატარა, რომელშიც მისი საშუალო მაჩვენებელი 29,1 წუთში 12,2 ქულა და 4,5 მოხსნაა.

დოკ რივერსი: „ვიმეორებ, „კლიპერსი“ გრიფინს არ გაცვლის“

Posted on თებერვალი 17, 2016 by Alix

„ლოს-ანჯელეს კლიპერსის“ მთავარმა მწვრთნელმა დოკ რივერსმა განაცხადა, რომ არაერთი წინადადების მიუხედავად, ფორვარდი ბლეიკ გრიფინი გუნდში დარჩება.

„კლიპერსი“ ბლეიკს არ გაცვლის. კიდევ ერთხელ ვიმეორებ – არ გაცვლის. მესმის, რომ ყველას მოვლენების ასეთ განვითარების განხილვა სურს“, – ციტირებს რივერსს „Orange County Register“.

ამ დროისთვის გრიფინი ხელის მოტეხილობის შემდეგ მკურნალობს. შეგახსენებთ, რომ გრიფინმა ხელი კლუბის თანამშრომელთან ჩხუბის შემდეგ მოიტეხა.

დოკ რივერსი: „კარის თამაში მაიკლ ჯორდანის თამაშზე უფრო სასიამოვნოა“

Posted on თებერვალი 9, 2016 by Alix

„ლოს-ანჯელეს კლიპერსის“ მთავარმა მწვრთნელმა დოკ რივერსმა „გოლდენ სტეიტ უორიორსის“ ლიდერის სტეფ კარის თამაში შეაფასა.

„ჩემთვის ამჟამინდელი კალათბურთელების შეფასება ადვილი არაა. ყოველთვის ვამბობ: „ჯერ მათ კარიერა უნდა დაასრულონ“. თუმცა, თუ ვნახავთ, თუ სად და როგორ თამაშობს ის, შეგვიძლია ვთქვათ, რომ მას ტოპ-5-ში მოხვედრა შეუძია. აქამდე ასე არავის უთამაშია. ვფიქრობ, მისი სროლების ხილვა უფრო სასიამოვნოა, ვიდრე მაიკლ ჯორდანის თამაშის ნახვა“, – ციტირებს რივერსს ESPN.com.

დოკ რივერსი: „ბლეიკ გრიფინს უნდა ვაპატიოთ“

Posted on იანვარი 30, 2016 by Alix

„ლოს-ანჯელეს კლიპერსის“ მთავარმა მწვრთნელმა დოკ რივერსმა განაცხადა, რომ კალიფორნიელები ფორვარდ ბლეიკ გრიფინზე გაბრაზებულები არ უნდა იყვნენ. ცნობისთვის, კალათბურთელმა კლუბის ერთ-ერთ თანამშრომელთან შელაპარარაკების შემგდეგ მოტეხილობა მიიღო.

„ბლეიკი მომხმდარის გამო ძალიან წუხს, ამის შესახებ ყველამ იცის. ეს ყველაფერია, რისი გაკეთებაც შეიძლება. რაღაც მომენტში ადამიანებს უნდა ვაპატიოთ. ამის მჯერა. აშშ-ში რიჩარდ ნიქსონის საპატივსაცემოდ ბიბლიოთეკა აშენდა. საჭიროა, ყველაფრის თავიდან აწყობა“, – ციტირებს რივერსს ESPN.com.

გრიფინის ჩინებული თამაში – დღის TOP 10 (ვიდეო)

Posted on ნოემბერი 10, 2015 by Alix

წარმოგიდგენთ ეროვნული საკალათბურთო ასოციაციის მორიგი სათამაშო დღის ათი საუკეთესო ეპიზოდის ამსახველ ვიდეოს.

NBA-მ „კლიპერსი“ – „როკეტსის“ მატჩის ბოლოს მსაჯების შეცდომა აღიარა

Posted on ნოემბერი 9, 2015ნოემბერი 9, 2015 by Alix

ეროვნულმა საკალათბურთო ახოციაციამ აღიარა, რომ „ლოს-ანჯელეს კლიპერსისა“ და „ჰიუსტონ როკეტსის“ მატჩის ბოლოს მსაჯებმა ერთ-ერთ გადამწყვეტ ეპიზოდში შეცდომა დაუშვეს, იტყობინება ESPN-ი. ბოლო მეოთხედის დასრულებამდე 19 წამით ადრე, როდესაც „როკეტსი“ 107:015 იგებდა, მსაჯებმა დუაიტ ჰოვარდის მხრიდან თამაშის წესის დარღვევა არ დააფიქსირეს. წესების მიხედვით, ბლეიკ გრიფინის შემდეგ „კლიპერსისთვის“ ორი ქულა უდნა დაემატებინათ და ანგარიშიც გათანაბრდებოდა.

ცნობისთვის, „ჰიუსტონმა“ ანგარიშით 109:105 მოიგო.

გრიფინი: „დარწმუნებული ვარ, მსაჯები სპეციალურად არ შეცდნენ“

Posted on ნოემბერი 9, 2015 by Alix

„ჰიუსტონ როკეტსთან“ მატჩის ბოლოს შეცდომის გამო „ლოს-ანჯელს კლიპერსის“ ფორვარდმა ბლეიკ გრიფინმა მსაჯების კრიტიკა არ დაიწყო.

„ეს კლასიკური თამაშის წესის დარღვევა იყო. ვიცი, რომ მსაჯობა ძალიან რთლია. ზაფხულში ჩემი თავი საბავშვო გუნდების მატჩი გამოვცადე, რაც არც ისე კარგად გამომივიდა. თამაში სწრაფად ვითარდება. დარწმუნებული ვარ, შეცდომა მსაჯებს სპეციალურად არ დაუშვიათ“, – ციტირებს გრიფინს „ლოს-ანჯელეს ტაიმსი“.

რივერსი: „სონდერსის სიკვდილის შემდეგ საკალათბურთო სამყარომ დიდი მწვრთნელი დაკარგა“

Posted on ოქტომბერი 26, 2015 by Alix

„ლოს-ანჯელეს კლიპერსის“ მთავარმა მწვრთნელმა დოკ რივერსმა „მინესოტა ტიმბერვულვზის“ მთავარი მწვრთნელის, 60 წლის ასაკში გარდაცვლილი ფლიპ სონდერსის ოჯახს მიუსამძიმრა.

„ეს ძალიან სევდიანი დღეა. ჩემი გული და ლოცვები სონდერსის ოჯახთანაა. მომხდარის გამო მწუხარებას გამოვთქვამ. ფლიპი მეგობარზე მეტი იყო – ის სანდო ადამიანი და ჩინებული მწვრთნელი გახლდათ. საკალათბურთო სამყარომ მწვრთნელთა შორის მწვრთნელი დაკარგა, მე კი ახლო მეგობარი აღარ მყავს“, – ციტირებს რივერსის სიტყვებს ESPN-ი.

„კლიპერსის“ ლიდერებმა ოდომი საავადმყოფოში მოინახულეს

Posted on ოქტომბერი 18, 2015 by Alix

„ლოს-ანჯელეს კლიპერსის“ მოთამაშეებმა კრის პოლმა, ბლეიკ გრიფინმა და დეანდრე ჯორდანმა ჩინეთის ტურნედან დაბრუნების შემდეგ ლას-ვეგასის საავადმყოფოში ლამარ ოდომი მოინახულეს, რის შესახებას „ლოს-ანჯელეს თაიმსი“ წერს.

შეგახსენებთ, რომ ყოფილი ფორვარდი ნევადის ერთ-ერთ ბორდელში გონებადაკარგული იპოვეს და რამდენიმე დღე კომაში იმყოფებოდა.

ოდომი პოლთან, გრიფინთან და ჯორდანთან ერთად 2012/13 წლების სეზონში თამაშობდა. იქამდე ლამარი, 1999 წელს, „ლოს-ანჯელეს კლიპერსმა“ დრაფტზე მეოთხე ნომრად აირჩია. თავისი კარიერის პირველი ოთხი წელიწადი ოდომმა სწორედ ამ კლუბში ჩაატარა.

თუ „კლიპერსი“ ჩემპიონი გახდება, პირსი კარიერას დაასრულებს

Posted on სექტემბერი 26, 2015 by Alix

„ლოს-ანჯელეს კლიპერსის“ ფორვარდმა პოლ პირსმა განაცხადა, რომ კარიერას დაასრულებს, თუ მისი გუნდი ახალ სეზონში საჩემპიონო ტიტულის მოგებას მოახერხებს. ამის შესახებ თავისი „ტვიტერის“ მიკრობლოგზე ამერიკელმა ჟურნალისტმა ერიკ პინკუსმა დაწერა.

აქამდე გავრცელებული ინფორმაციით, პირსი „ბოსტონ სელტიკსში“ დასაბრუნებლად მზად იყო, რომელშიც მან თავისი პროფესიონალური კარიერის საუკეთესო ნაწილი გაატარა.

დონალდ სტერლინგი არ ნებდება – დისკვალიფიცირებული მილიარდერი კვლავ სასამართლოში მიდის

Posted on აგვისტო 11, 2015 by Alix

„ლოს-ანჯელეს კლიპერსის“ ყოფილი მფლობელი დონალდ სტერლიგი პირადი საუბრის გავრცელებისთვის გამოცემა TMZ-ს სასამართლოში უჩივლებს. სტერლინგის აზრით, TMZ მის პირად ცხოვრებაში ჩაერია.

შეგახსენებთ, რომ 2014 წლის ზაფხულში გავრცელებული აუდიოჩანაწერის შემდეგ, რომელშიც სტერლინგი აფროამერიკელებს შეურაცხყოფას აყენებს, ის ვალდებული გახდა, „კლიპერსი“ გაეყიდა. გარდა ამისა, ეროვნულმა საკალათბურთო ასოციაციამ ის სამუდამო დისკვლიფიკაციითა და კომპენსაციით სახით, 2,5 მილიონი დოლარის გადახდით დასაჯა.

სათქმელია, რომ გასულ წელს სტერლინგმა ეროვნულ საკალათბურთო ასოციაციასთან არაერთი სასამართლო დავაც წააგო.