ლოს ანჯელეს კლიპერსი – გვერდი 2 – Fanebi.Com – ფეხბურთი, კალათბურთი, რაგბი, სხვა

გრიფინი: „ლოს-ანჯელესში პატიოსანი გოგოს პოვნა რთულია“

Posted on ივლისი 25, 2015 by Alix

„ლოს-ანჯელეს კლიპერსის“ ფორვარდმა ბლეიკ გრიფინმა მდედრობით სქესთან ურთიერთობის შესახებ ისაუბრა.

„რა თქმა უნდა, ეს ჩემი ცხოვრების ის ნაიწლია, რომელშიც ყველაფერი იდეალურად მქონდა. თუმცა, ვერ ვიტყვი, რომ ამჟამად საქმე კარგადაა. მაგრამ ბედნიერი ვიყავი. რამდენიმე წლის განმავლობაში ერთ გოგოს ვხვდებოდი, ყველაფერი კარგად იყო. ერთმანეთს ვუგებდით. ყველაფერი უკვე დასრულდა.

ხალხი ფიქრობს, რომ ლოს-ანჯელესში ბევრი ლამაზი ქალბატონია. აქ პატიოსანი გერლფრენდის პოვნა რთულია. სიმართე რომ გითხრათ, დასავლეთში მცხოვრებ გოგოებს შევეჩვიე. სერიოზული ურთიერთობა დიდი ხნის განმავლობაში არ მქონია“, – განაცხადა გრიფინმა GQ-სთან ინტერვიუში.

„კლიპერსმა“ სმიტი დაიმატა

Posted on ივლისი 20, 2015 by Alix

„ლოს-ანჯელეს კლიპერსმა“ ფორვარდ ჯოშ სმიტთან კონტრაქტი გააფორმა, რის შესახებაც კალიფორნიული კლუბის ოფიციალური ვებსაიტი წერს.

განვლილ სეზონში 29 წლის კალათბურთელმა ეროვნულ საკალათბურთო ასოციაციაში 83 მატჩი ჩაატარა, აქედან 55 შეხვედრაში მან „ჰიუსტონ როკეტსის“ მაისურით ითამაშა, 28 შეხვედრა კი „დეტროიტის“ შემადგენლობაში ჩაატარა. მისმა საშუალო მაჩვენებელმა 12,4 ქულა, 6,4 მოხსნა, 3,3 გადაცემა და 1,4 ბლოქშოთი შეადგინა.

არაოფიციალური ინფორმაციით, ერთ სეზონში ჯოშის ხელფასი 1,5 მილიონ დოლარს შეადგენს.

დოკ რივერსის ქალიშვილის დახმარებით დეანდრე ჯორდანი „კლიპერსიდან“ არ წავა

Posted on ივლისი 14, 2015ივლისი 14, 2015 by Alix

ცენტრი დეანდრე ჯორდანი „ლოს-ანჯელეს კლიპერსში“ დარჩენაში საბოლოოდ კალიფორნიული კლუბის მთავარი მწვრთნელის დოკ რივერსის 25 წლის ქალიშვილმა კოლიმ დაარწმუნა. ამის შესახებ თავისი „ტვიტერის“ გვერდზე „Forth Worth Star-Telegram“-ის ჟურნალისტმა დუენ პრაისმა დაწერა.

შეგახსენებთ, რომ თავისუფალი აგენტის ბარის დახურვისთანავე ჯორდანი „დალას მავერიკსს“ შეუთანხმდა, თუმცა შემდგომ მასთან „კლიპერსის“ წარმომადგენელთა დელეგაცია მივიდა, რომელიც სტივ ბალმერის, დოკ რივერს, კრის პოლის, ბლეიკ გრიფინისა და პოლ პირსისგან შედგებოდა, რის შემდეგაც ცენტრმა თავისი გადაწყვეტილება შეცვალა.

ცნობისთვის, 2008 წელს დრაფტზე არჩევის შემდეგ ჯორდანს სხვა კლუბში აქამდე ჯერჯერობით არ უთამაშია.

სად გააგრძელებს კარიერას პოლ პირსი?

Posted on ივნისი 21, 2015 by Alix

„ვაშინგტონ უიზარდსის“ 37 წლის ფორვარდი პოლ პირსი შემდეგ სეზონში კარიერის გაგრძელებას გეგმავს, თუმცა ეს იმას არ ნიშნავს, რომ ის „ვაშინგტონში“ დარჩება.

ამჟამად ვეტერანს ორი ვარიანტი აქვს – მას პირველ ივლისამდე ან კონტრაქტში არსებული ერთ-ერთი ფუნქტის გამოყენება და ხელშეკრულების გახანგრძლივება შეუძლია ან თავისუფალი აგენტების ბაზარზე გადასვლის შესაძლებლობა აქვს.

გავრცელებული ინფორმაციით, პოლს „ლოს-ანჯელეს კლიპერსში“ გადასვლა შეუძლია, რომელსაც მჟამად„ბოსტონ სელტიკსის“ ყოფილი მთავარი მწვრთნელი დოკ რივერსი თავკაცობს.

მეჯიკ ჯონსონი: „კლიპერსი“ „კლიპერსად“ დარჩა“

Posted on მაისი 18, 2015 by Alix

ლეგენდარულმა მეჯიკ ჯონსონმა „კლიპერსი“ – „ჰიუსტონის“ სერიის მეშვიდე მატჩის შედეგი შეაფასა. ცნობისთვის, „ჰიუსტონმა“ ანგარიშით 100:113 მოიგო, რითაც სერიაში 4:3 გაიმარჯვა და დასავლეთ კოფნერენციის ფინალში აღმოჩნდა.

„მეგონა, რომ „სან-ანტონიომ“ „კლიპერსს“ გადამწყვეტი მატჩის მოგება ასწავლა. როგორც ჩანს, შევცდი. „კლიპერსი“ „კლიპერსად“ დარჩა.

ამ მარცს კრის პოლს ვერ დავაბრალებ. წარმატების მისაღწევად მან ბევრი ძალა დახარჯა“, – დაწერა ჯონსონმა თავისი „ტვიტერის“ გვერდზე.

კრის პოლი: „ჰიუსტონთან“ მეოთხე მატჩში ზუსტად ვითამაშებ“

Posted on მაისი 10, 2015 by Alix

„ლოს-ანჯელეს კლიპერსის“ გამათაშებლის კრის პოლის თქმით, ის „ჰოიუსტონ როკეტსთან“ პლეიოფის სერიის მეოთხე მატჩში აუცილებლად ითამაშებს.

„თავს ნორმალურად ვგრძნობ, ხვალინდელი მატჩსთვის მზად ვიქნები. არანაირი ეჭვი არ მაქვს. ვიცი, რომ ზუსტად ვითამაშებ“, – განაცხადა პოლმა.

უკანახაზელმა „ჰიუსტონთან“ სერიის პირველი ორი მატჩი ფეხის ტრავმის გამო გამოტოვა. მესამე შეხვედრაში მან 23 წუთი ითამაშა და ამ პერიოდში 12 ქულა, 7 ასისტი და 3 მოხსნა მიითვალა, მისმა გუნდმა კი ანგარიშით 124:99 მოიგო.

გრიფინმა სეზონის პირადი რეკორდი დაამყარა (ვიდეო)

Posted on მაისი 7, 2015 by Alix

ღამით ეროვნული საკალათბურთო ასოციაციის პლეიოფის მეორე რაუნდის ორი სერიის მეორე შეხვედრა შედგა. ჰიუსტონში „როკეტსმა“ „ლოს-ანჯელეს კლიპერსი“ მიიღო და ანგარიშით 115:109 დაამარცხა.

აღსანიშნავია, რომ „კლიპერსის“ ლიდერმა ბლეიკ გრიფინმა ხსენებულ შეხვედრაში 34 ქულა დააგროვა – აქედან 26 ქულა მან ჯერ კიდევ შესვენებამდე მიითვალა, რაც მიმდინარე სეზონში, რეგულარული ჩემპიონატის ჩათვლით, მის პირად რეკორდად ჩაითვალა.

გრიფინმა პლეიოფში ზედიზედ მეორე ტრიპ-დაბლი გაიფორმა (ვიდეო)

Posted on მაისი 5, 2015 by Alix

„ლოს-ანჯელეს კლიპერსის“ ფორვარდი ბლეიკ გრიფინი „ჰიუსტონ როკეტსთან“ პლეიოფის მეორე რაუნდის პირველი მატჩის გმირი გახდა. ხსენებულ შეხვედრაში გრიფინმა 26 ქულა, 14 მოხსნა და 13 ასისტი მიითვალა.

აღსანიშნავია, რომ ეს ტრიპლ-დაბლი გრიფინისთვის ზედიზედ მეორე გამოდგა – მსგავს მაჩვენებელს მან „სან-ანტონიო სპურსთან“ წინა რაუნდის სერიის ბოლო მატჩშიც მიაღწია.

ჰარდენი: „კლიპერსთან“ მეტოქის დაუფასებლობის გამო არ წაგვიგია“

Posted on მაისი 5, 2015 by Alix

„ლოს-ანჯელეს კლიპერსთან“ ეროვნული საკალათბურთო ასოციაციის პლეიოფის მეორე რაუნდის პირველ მატჩში ანგარიშთ 101:107 მარცხის შემდეგ „ჰიუსტონ როკეტსის“ უკანახაზელმა ჯეიმს ჰარდენმა განაცხადა, რომ ეს მარცხი მეტოქის დაუფასებლობასთან დაკავშირებული არ არის.

„ვერ ვიტყვი, რომ „კლიპერსი“ არ დავაფასეთ და მატჩზე სათანადო განწყობით არ გამოვედით. მომეჩვენა, რომ უბრალოდ ენერგია და ძალა არ გვეყო“, – განაცხადა გარდენმა.

ცნობისთვის, ხსენებულ შეხვედრაში ჰარდენმა ოცი ქულა დააგროვა და ბურთ ცხრაჯერ დაკარგა.

„კლიპერსთან“ მარცხის შემდეგ „სან-ანტონიოს“ მოთამაშეები ღამის კლუბში დათვრნენ (ვიდეო)

Posted on მაისი 4, 2015 by Alix

„სან-ანტონიო სპურსის“ მოთამაშეებმა „კლიპერსთან“ პლეიოფის პირველი რაუნდის მეშვიდე მატჩში მარცხის შემდეგ ლოს-ანჯელესის ერთ-ერთი ღამის კლუბი „Project Club“-ი მოინახულეს, რის შესახებაც TMZ იტყობინება.

აღსანიშნავია, რომ „სპურსის“ ცენტრემა არონ ბეინსმა იმდენი ალკოჰოლი მიიღო, რომ ავტობუსამდე ის ტიმ დანკანმა გააცილა.

„ჯანდაბა, მოკეტე“, – ურჩე დანკანმა ბეინსს, როდესაც ეს უკანასკნელი გულშემატკივრებთან საუბარს ცდილობდა.

დოკ რივერსი: „ძალიან ძლიერი გუნდი გვყავს“

Posted on მაისი 1, 2015 by Alix

„ლოს-ანჯელეს კლიპერსის“ მთავარმა მწვრთნელმა დოკ რივერსმა „სან-ანტონიო სპურსთან“ სერიის მეექვსე მოგებული მატჩის შემდეგ თავისი გუნდი შეაქო.

„ჩვენი მორალურად და ფიზიკურად ძალიან ძლიერი გუნდი გვყავს, რასაც მთელი სეზონის განმავლობაში ვამბობ. ამ გუნდის შესახებ ყველგან გაიგებთ. ასე თამაში უნდა გავაგრძელოთ“, – განუცხადა რივერსმა ESPN.com-ს.

„სან-ანტონიო“ – „კლიპერსის“ სერიის ბედი მეშვიდე მატჩში გაირკვევა

Posted on მაისი 1, 2015მაისი 1, 2015 by Alix

„მილუოკი ბაქსი“ – „ჩიკაგო ბულზის“ მატჩის დასრულების შემდეგ პლეიოფის პირველი რაუნდის სერიის მეექვსე მატჩი დასავლეთ კონფერენციაშიც შედგა, სადაც ერთმანეთს „სან-ანტონიო სპურსი“ და „ლოს-ანჯელეს კლიპერსი“ დაუპირისპირდნენ. ამჯერად შეხვედრა გრეგ პოპოვიჩის გუნდის დარბაზში შედგა და კალიფორნიელთა გამარჯვებით 102:96 დასრულდა.

ყველაზე შედეგიანი „კლიპერსის“ შემადგენლობაში 26 ქულით, 12 მოხსნით, 6 პასითა და 4 ბლოკშოთით ბლეიკ გრიფინი აღმოჩნდა. რაც შეეეხება „სპურსს“, მასპინძელთა რიგებიდან 23 ქულით ბელინელი გამოირჩა.

„სან-ანტონიო სპურსი“ – „ლოს-ანჯელეს კლიპერსი“ 96:102 (26:26, 25:25, 21:25, 24:26)

„სპურსი“: ბელინელსი (23 ქ.), დიაო (17 ქ. 5 პ.), დანკანი (12 ქ. 13 მ.), ლეონარდი (12 ქ. 7 მ.), სპლიტერი (9 ქ. 10 მ.)

„კლიპერსი“: გრიფინი (26 ქ. 12 მ. 6 პ. 4 ბ.), პოლი (19 ქ. 15 პ. 4 ჩ.), რედიკი (19 ქ.), ჯორდანი (15 ქ. 14 მ. 3 ბ.), კროუფორდი (10 ქ.)

ანგარიში სერიაში: 3-3

სერიის მეშვიდე და გადამწყვეტი მატჩი სამ აპრილს ლოს-ანჯელესში გაიმართება.