დღეს საერთაშორისო ოლიმპიურიმა კომიტეტმა მსოფლიოს მნიშვნელოვანი გადაწყვეტილების შესახებ ამცნო.
ცნობილი გახდა, რომ 2028 წლის ზაფხულის ოლიმპიური თამაშები აშშ-ში, კონკრეტულად ლოს ანჯელესში გაიმართება. მისთვის 1.8-მილიარდიანი ბიუჯეტი გამოიყოფა. ასევე, გეტყვით, რომ 2024 წელს ამ მასშტაბური მოვლენის ადგილი საფრანგეთის დედაქალაქი პარიზი იქნება.
შეგახსენებთ, რომ 2020 წელს ოლიმპიურ თამაშებს იაპონიის დედაქალაქი ტოკიო უმასპინძლებს.
“მანჩესტერ იუნაიტედის” შვედ თავდამსხმელს, ზლატან იბრაჰიმოვიჩს MLS-ის ახალი კლუბი საკმაოდ სარფიან წინადადებას სთავაზობს.
როგორც ცნობილი ხდება, 35 წლის ფეხბურთელს, რომელიც ზაფხულში თავისუფალი აგენტი ხდება, ამერიკული კლუბი წელიწადში 5 მილიონ ფუნტს სთავაზობს ხელფასის სახით.
საუბარია ახალ კლუბ “ლოს-ანჯელესზე”, რომელიც ამერიკულ ჩემპიონატში თამაშს 2018 წლიდან დაიწყებს.
შეთანხმების მიღწევის შემთხვევაში, “ლოს-ანჯელესი” შვედ ფორვარდს 2017-18 წლების სეზონის პირველ ნახევარს ისევ “ოლდ ტრაფორდზე” გაატარებინებს, რათა მან ფორმა არ დაკარგოს.
აქვე გეტყვით, რომ ზლატანმა ინგლისის სადებიუტო სეზონში 28 გოლის გატანა შეძლო.
ESPN Los Angeles-ის ინფორმაციით, „ლეიკერსისა“ და „კლიპერსის“ ხელმძღვანელები ფორვარდ ლამარ ოდომის პროგრესს ადევნებენ თვალყურს და გამორიცხული არ არის, ცნობილ მოთამაშეს კონტრაქტი შესთავაზონ. თუმცა ეს იმ შემთხვევაში მოხდება, თუ ისინი დარწმუნებიან იმაში, რომ ამ უკანასკვნელს ნარკოტიკების პრობლემები აღარ აქვს.
ცნობისთვის, არც ისე დიდი ხნის წინ ოდომმა ვარჯიში განაახლა. თავისუფალი აგენტი კარიერის გაგრძელებას აპირებს და უახლოეს მომავალში მას ნაციონალური საკალათბურთო ასოციაციის ერთ-ერთი კლუბის რიგებში გადასვლა სურს.
გასულ სეზონში „კლიპერსის“ მაისურით 34 წლის კალათბურთელის საშუალო მონაგარმა ერთ მატჩში 4 ქულა და 5,9 მოხსნა შეადგინა.
ალექსანდრე მატევოსოვი
