ზიდანი: “ნეიმარის არყოფნა არაფერს ნიშნავს – მათ დი მარია ჰყავთ!”

დღეს ჩემპიონთა ლიგის მერვედფინალური ეტაპის განმეორებითი შეხვედრებია. ერთ-ერთ მატჩში მადრიდის “რეალი” საფრანგეთს ესტუმრება და “პარი სენ-ჟერმენს” შეხვდება.

“ბლანკოსის” მთავარმა მწვრთნელმა, ზინედინ ზიდანმა წინასამატჩო პრესკონფერენცია გამართა.

“აქ ვიმყოფებით იმისთვის, რომ კარგი შეხვედრა ჩავატაროთ. კონცენტრაცია არ გვაკლია და ყველანაირად ფოკუზირებულნი ვართ იმაზე, რომ მეტოქე შევაწუხოთ და სასურველ შედეგს ასე მივღწიოთ. გასული მატჩის რეზულტატზე ბევრს არ ვფიქრობთ, რადგან ეს ახალი გამოწვევაა და წინ შეიძლება მოულოდნელობა შეგვხვდეს. შესაძლოა, მოგვიწიოს 90 წუთი ან უფრო მეტი თამაში. წინ ცეცხლოვანი ატმოსფერო გველის. თუმცა, ეს ყოველთვის ასეა, როცა “რეალის” მსგავს გუნდს ხვდები.”

“ნეიმარის არყოფნა არაფერს ცვლის. მათ ჰყავთ სხვა ფეხბურთელი, რომელიც დამატებითი მოტივაციით გამოვა მოედანზე. მაგალითად, ასეთია დი მარია, რომელსაც ბევრ პოზიციაზე შეუძლია ასპარეზობა. მას აქვს კარგი დრიბლინგი და დარტყმა მარცხენათი. ამიტომ, ნეიმარის ტრავმამ არ უნდა მოგვადუნოს,” – ამბობს “ზიზუ”.

კილიან მბაპე “ტროასთან” დაისვენებს და “რეალისთვის” მოემზადება

ნეიმარის შემდეგ, “პსჟ”-ს კიდევ ერთმა ვარსკვლავმა, კილიან მბაპემ ტრავმა მიიღო. 19 წლის ფრანგს 61-ე წუთზე მოუწია მოედნის დატოვება. კილიანს გამოკვლევა ჩაუტარდა და, როგორც ცნობილი გახდა, ეს დაზიანება არც ისე სერიოზულია.

ფრანგული გამოცემა, L’Equipe იტყობინება, რომ უნაი ემერისა და ექიმიების ერთობლივი გადაწყვეტილებით, მბაპე ლიგა 1-ის 28-ე ტურის შეხვედრაში, “ტროას” წინააღმდეგ სამ მარტს არ ითამაშებს. იგი შეეცდება აღდგენითი პროცედურით, რაც შეიძლება, სწრაფად გამოჯანმრთელდეს. შესაბამისად, ფეხბურთელი, მადრიდის “რეალის” წინააღმდეგ, დიდი აბათობით, მზად იქნება.

გეტყვით, რომ ჩემპიონთა ლიგის განმეორებითი მატჩი ექვს მარტს, პარიზში, თბილისის დროით, 23:45 წუთზე გაიმართება. წინა დაპირისპირებაში მადრიდელებმა ანგარიშით, 3:1 იმარჯვეს.

კროოსი: “პსჟ”-სთან წარსულის გამოცდილება და ამჟამინდელი ძალა დაგვეხმარება!”

ჩემპიონთა ლიგის მერვედფინალში მადრიდის “რეალი” და “პარი სენ-ჟერმენი” ერთმანეთს დაუპირისპირდებიან. პირველი თამაში 14 თებერვალს, “სანტიაგო ბერნაბეუზე” შედგება.

მნიშვნელოვანი მატჩის წინ “ბლანკოსის” ნახევარმცველმა, ტონი კროოსმა ჟურნალისტებთან ისაუბრა.

“ჩვენს მიმართ იგივე შეკითხვები და ეჭვებია, რაც შარშან იყო. წინა წელსაც ჩემპიონთა ლიგის მოქმედი გამარჯვებულები ვიყავით და ბევრს არ სჯეროდა, იმავეს ზედიზედ მეორედ მოვახერხებდით. ეს ძალიან რთულია. კარგად მახსოვს ურთულესი დაპირისპირებები მიუნხენის “ბაიერნთან”, მადრიდის “ატლეტიკოსთან” და ტურინის “იუვენტუსთან”. ეს არ იყო ადვილი და ვფიქრობ.

“ახლა, წარსულის გამოცდილებიდან და ამჟამინდელი ძალიდან გამომდინარე, მატჩებს ოპტიმისტურად ვხვდებით. ეს არ იქნება იოლი, რადგან “პსჟ” მშვენიერი გუნდია. თუმცა, ჩვენც არ ვართ ნაკლები. ერთი სული მაქვს, როდის მოვა დაპირისპირების დრო. ჩვენ ვხვდებით ერთ-ერთ საუკეთესო მეკარეს, ოთხ შესანიშნავ მცველს, სამ გამორჩეულ ნახევარმცველსა და სამ საოცარ თავდამსმხელს. ამით ყველაფერი ნათქვამია. ისინი ერთიანნი არიან, კარგად ითვისებენ სივრცეებს და სწრაფად უტევენ. მთავარია, ჩვენი თავის და მოთამაშეების ვირწმუნოთ. ეს უმთავრეის რამაა,” – აცხადებს კროოსი.

კარიკატურა: მესისა და რონალდუს ბრძოლა ჩემპიონთა ლიგაზე

11 დეკემბერს ჩემპიონთა ლიგის კენჭისყრა გაიმართა. გაირკვა, რომ მადრიდის “რეალი” “პსჟ”-ს, ხოლო კატალონიის “ბარსელონა” ლონდონის “ჩელსის” დაუპირისპირდება.

ომარ მომანი კრიშტიანუ რონალდუსა და ლიონელ მესიზე ასეთ კარიკატურას გვთავაზობს.

 

ბუტრაგენიო: “რეალის” “პსჟ”-სთან შეხვედრა ცოტათი ადრეა”

გუშინ ჩემპიონთა ლიგის კენჭისყრა შედგა, რის შემდეგაც გაირკვა, რომ ერთ-ერთი მერვედფინალური წყვილი მადრიდის “რეალი” და “პსჟ” იქნება.

მეტოქის ვინაობის გაგების შემდეგ, “ბლანკოსის” დირექტორმა, ემილიო ბუტრაგენიომ კომენტარი გააკეთა.

“ჩემი აზრით, ეს დაპირისპირება ნაადრევი იყო. ორივე გუნდი ტიტულის მოგების კანდიდატები არიან. შესაძლებელია, ეს წყვილი ფინალშიც კი შეხვედროდა ერთმანეთს. თუმცა, ესაა რეალობა. ჩვენ საბრძოლველად მზად ვართ.”

“ყოველ წელს “პსჟ” ძლიერდება. მათ ჯგუფურ ეტაპზე შეუცდომლად იაპსარეზეს და ძალიან დიდი პოტენციალი გააჩნიათ. არ ვფიქრობ, რომ ჩვენ მათთვის სასურველი მოწინააღმდეგე ვართ. ამ ეტაპზე მნიშვნელოვანი ისაა, რისი გვჯერა. თუ გუნდი თავის საუკეთესოს აჩვენებს, მას ნებისმიერი მეტოქის წინააღმდეგ შეეძლება ღირსეული თამაში,” – აცხადებს ბუტრაგენიო.

“პსჟ”-მ “ტროა” ორბურთიანი სხვაობით დაამარცხა (ვიდეო)

დღეს საფრანგეთის ლიგა 1-ში მე-15 ტურის შეხვერდები შედგა.

პარიზში, “პარკ დე პრენსზე” “პარი სენ-ჟერმენმა” “ტროა” მიიღო. მატჩი მასპინძელთა უპირატესობით წარიმართა და მათივე გამარჯვებით დასრულდა. დასამახსოვრებელი იყო 41-ე წუთი, როცა ედინსონ კავანიმ თერთეტმეტრიანი ვერ გამოიყენა.

პარიზელებმა მეორე ნახევარში შეძლეს ტროელთა კარის აღება. ჯერ ნეიმარმა 73-ე წუთზე ანგარიში გახსნა. 90-ე წუთზე ბრაზილიელმა საგოლე გადაცემა გააკეთა და ედინსონ კავანის გაატანინა. საბოლოოდ, “პარი სენ-ჟერმენმა” ანგარიშით, 2-0 მოიგო.

ამჟამად დედაქალაქური გუნდი 41 ქულით პირველ ადგილზეა. ხოლო, “ტროას” 18 ქულა აქვს და მე-18 პოზიციას იკავებს.

 

გაირკვა: სად გაიმართება 2024 და 2028 წლების ოლიმპიური თამაშები?

დღეს საერთაშორისო ოლიმპიურიმა კომიტეტმა მსოფლიოს მნიშვნელოვანი გადაწყვეტილების შესახებ ამცნო.

ცნობილი გახდა, რომ 2028 წლის ზაფხულის ოლიმპიური თამაშები აშშ-ში, კონკრეტულად ლოს ანჯელესში გაიმართება. მისთვის 1.8-მილიარდიანი ბიუჯეტი გამოიყოფა. ასევე, გეტყვით, რომ 2024 წელს ამ მასშტაბური მოვლენის ადგილი საფრანგეთის დედაქალაქი პარიზი იქნება.

შეგახსენებთ, რომ 2020 წელს ოლიმპიურ თამაშებს იაპონიის დედაქალაქი ტოკიო უმასპინძლებს.

“პსჟ” – “არსენალი” (სასტარტო შემადგენლობები)

დღეს თბილისის დროით 22:45 საათზე ჩემპიონთა ლიგის ჯგუფური ეტაპის პირველი ტურის რვა შეხვედრა გაიმართება. ერთ-ერთ მათგნაში “პსჟ” საკუთარ მოედანზე “არსენალს” უმასპინძლებს. Fanebi .Com გთავაზობთ გუნდების სასტარტო თერთმეტეულს.

“პსჟ”: არეოლა, ტიაგო სილვა, კრიხოვიაკი, მარკინიოსი, ვერატი, კავანი, დი მარია, მატუიდი, მაქსველი, ორიე, რაბიო.

“არსენალი”: ოსპინა, კოშელნი, სანჩესი, ოზილი, ოქსლეიდ-ჩემბერლენი, აიობი, მონრეალი, სანტი კასორლა, მუსტაფი, ბელერინი, კოკლინი.

“პსჟ”-ის ფეხბურთელები უახლოეს მატჩებში სპეციალური მაისურებით ითამაშებენ

“პარი სენ-ჟერმენის” ფეხბურთელები უახლოეს ორ მატჩში მოედანზე სპეციალური მაისურებით გამოვლენ, რითაც პატივს მიაგებენ 13 ნოემბერს, საფრანგეთის დედაქალაქში მომხდარი ტერორისტული აქტის შედეგად დაღუპულებს.

უეფას ჩემპიონთა ლიგის ჯგუფური ეტაპის V ტურში “მალმიოსა” და საფრანგეთის ჩემპიონატის XV ტურში “ტრუას” წინააღმდეგ გასამართ შეხვედრებში “პარი სენ-ჟერმენის” ფეხბურთელებს მაისურზე სატიტულო სპონსორის გერბის ნაცვლად გამოსახული ექნებათ წარწერა: “JE SUIS PARIS” (“მე ვარ პარიზი”).

კლუბის ხელმძღვანელობა მადლობას უხდის სპონსორებს, რომლებიც ამ გადაწყვეტილებას დათანხმდნენ.

 

ზლატანი: “იქნებ ეიფელის კოშკი იბრაჰიმოვიჩის ქანდაკებით შევცვალოთ”

პარიზში მდებარე გრევენის მუზეუმში “პარი სენ-ჟერმენის” თავდამსხმელის, ზლატან იბრაჰიმოვიჩის ცვილის ფიგურა დადგეს. შვედმა ფეხბურთელმა აღნიშნული ფაქტის შესახებ კომენტრი გააკეთა.

“როდესაც შენ პატივსაცემად გრევენის მუზეუმში ქანდაკებას დგამენ, საოცარი გრძნობა გეუფლება. ჩემი ფიგურა ძალზედ ფოკუსირებული იცქირება. ზუსტად ისე იყურება, როგორც – მე მოედანზე ყოფნისას. ამ ფანტასტიური ნაშრომის მადლიერი ვარ. ვამაყობ, რომ ეს პატივი მე მხვდა წილად, მით უფრო იმას თუ გავითვალისწინებთ, რომ მე უცხოელი ვარ.

ძალიან ბედნიერი ვარ, რომ გრევენის მუზეუმში ფიგურა დამიდგეს. რა იქნება შემდეგი ნაბიჯი? არ ვიცი… იქნებ ეიფელის კოშკი იბრაჰიმოვიჩის ქანდაკებით შევცვალოთ?!” – ზლატანის სიტყვები Yahoo-მ გამოაქვეყნა.