მადრიდის “რეალის” ნახევარმცველი ლუკა მოდრიჩი დარწმუნებულია, რომ ზინედინ ზიდანი “სამეფო კლუბის” მთავარი მწვრთნელის პოსტზე მუშაობის პერიოდში წარმატებას მიაღწევს.
“იგი დიდებული მოთამაშე იყო და მჯერა, რომ ასეთივე მწვრთნელი იქნება. ზიდანი ფეხბურთის ისტორიაში ერთ-ერთი საუკეთესო ფეხბურთელია. რა თქმა უნდა, ეს მას ეხმარება, როდესაც გასახდელში ამდენ ვარსკვლავთან შემოდის. იმედი მაქვს, რომ უკეთ და უკეთ ავთამაშდებით. ჩვენთან ბევრი მაღალი დონის შემსრულებელი თამაშობს. ზიდანი ბევრ მოთამაშეს იცნობს, ვინაიდან ორი წლის წინათ კარლო ანჩელოტის შტაბში მუშაობდა. ჩვენ მაშინ მართლაც საოცარი სეზონი ჩავატარეთ. დარწმუნებული ვარ, რომ იგივეს გავიმეორებთ. როდესაც ზიდანი საუბრობს, რა თქმა უნდა, ყველანი ყურადღებით ვუსმენთ”, – მოდრიჩის კომენტარი “ასმა” გამოაქვეყნა.
