თურქი გარემარბი, რომელიც “ბარსელონაში” გადავიდა, “ატლეტიკოს” ქომაგებს დაემშვიდობა.
გუშინ ცნობილი გახდა, რომ 34 მილიონისა და ბონუსების სანაცვლოდ, არდა თურანი კატალონიური გრანდის წევრი გახდა.
“ეს იყო საოცარი ოთხი წელი. “ატლეტიკოში” ბევრი დიდებული მომენტი მქონდა”.
“მე არასდროს დამავწყდება ჩემი თანაგუნდელები, ბრწყინვალე გულშემატკივრები და კლუბში მომუშავე არცერთი პერსონალი,”-ციტირებს “ატლეტიკოს” ოფიციალური ვებ-გვერდი თურქის სიტყვებს.
“ლეიბებისთვის” არდამ 178 მატჩში 22-ჯერ გაიტანა.
რამდენიმე წუთის წინ, “ბარსელონას” და არდა თურანის ოფიციალურმა სოციალურმა ქსელმა დაადასტურა, რომ მხარეები ტრანსფერის თაობაზე შეთანხმდნენ.
სატრანსფერო ფასის დეტალები არ ხმაურდება, მაგრამ თუ ტრანსფერმარკეტს დავუჯერებთ, გარიგება 29 მილიონი დაჯდა.
შეგახსენებთ, რომ “გალათასარაის” აღზრდილი “ლეიბებში” 2011 წლიდან ირიცხებოდა.
ევროპული პრესის ინფორმაციით, “ბარსელონამ” შეიძლება, ორი საქმე ერთდროულად მოაგვაროს.
კლუბის პრეზიდენტმა, ხოსე მარიამ ბართომეუმ გამოთქვა სურვილი, გუნდმა “ატლეტიკოსა” და თურქეთის ნახევარმცველის დამატების.
“ლუის ენრიკემ თურანის დამატება გვსთხოვა. მისი ზაფხულის პრიორიტეტი ალეიშს ვიდალი და არდაა. დირექტორთა საბჭომ ახლა სწრაფად უნდა იმუშაოს იმაზე, რომ წინასასეზონო წვრთნების დაწყებამდე, თურქი გაურკვევლობაში არ მოხვდეს,”-განუცხადა ბართომეუმ Cadena SER-ს.
შეგახსენებთ რომ თურანი “ბარსელონას” გარდა “ჩელსისაც” სურს. თუ ფეხბურთელს არჩევნის გაკეთება მოუწია, ლონდონელები უფრო მეტ სათამაშო დროს სთავაზობენ.
თავის მხრივ, კატალონიური გუნდი არა მხოლოდ ყიდვისთვის, არამედ გაყიდვისთვისაც მზადაა. ბრიტანული გამოცემა The Telegraph-ის ინფორმაციით, თუ “ბლაუგრანა” 28 წლის წინახაზელს დაიმატებს, პედრო როდრიგესს “არსენალში” გაუშვებს.
“ლეიბები” აგრძელებენ მუშაობას ნახევარდაცვის გასაძლიერებლად.
შეგახსენებთ, რომ უახლოეს დღეებში 28 წლის შემტევი “ატლეტიკოს” დატოვებს. მისი გაფორმება “მილანს”, “მანჩესტერს” და “ბარსელონას” სურს.
მადრიდელთა ხელმძღვანელებმა გადაწყვიტეს, არ დაელოდონ თურანის გადაწყვეტილებას და უკვე მიაგნეს მის შემცვლელს “არსენალში”, არდა თურანის სახით.
ტრანსფერის მთავარი ინიციატორი დიეგო სიმეონეა. არსენ ვენგერი მზადაა მისი გუნდის ერთ-ერთ ყველაზე გამოცდილ ფეხბურთელს, კარგი შეთავაზების ხარჯზე შეელიოს.
გასულ სეზონში, სანტიმ პრემიერ ლიგაში 36 მატჩი ჩაატარა. გაიტანა შვიდჯერ და ათჯერ საგოლე პასი გააკეთა.
მადრიდის “ატლეტიკოს” მცველი, ჟოაო მირანდა მილანში სავალდებული წესით ჩაფრინდა.
“ინტერის” თვითერის ოფიციალურმა გვერდმა დაადასტურა, რომ ბრაზილიელმა მცველმა “ინტერში” წარმატებით ჩააბარა სამედიცინო შემოწმება.
ჟოაო მაშინ მოაწერს ხელს “ნერაძურისთან” პირად კონტრაქტს, როცა ის იტალიური გრანდის სრულფასოვანი წევრი გახდება.
ამ სეზონში, მირანდამ ლა ლიგაში 23 მატჩი ჩაატარა და სამი გოლი გაიტანა.
კოლუმბიელმა თავდამსხმელმა, ჯექსონ მარტინესმა დაადასტურა, რომ კარიერას მადრიდულ გუნდში გააგრძელებს.
28 წლის წინახაზელი “პორტუს” ტოვებს და უკვე ნათელია, რომ მისი მომდევნო კლუბი “ატლეტიკო” იქნება.
მიმდინარე სატრანსფერო ფანჯარაზე ჯექსონს “არსენალი”, “მილანი” და “ატლეტიკო” ეპატიჟებოდა და საბოლოოდ მარტინესმა ესპანეთს მიაშურა.
“შემიძლია დავადასტურო, რომ ჩემი მომდევნო გუნდი “ატლეტიკოა”. ჩემი კონტრაქტი ოთხწლიანია. ოფიციალური წარდგენა კოპა ამერიკის შემდეგ მოხდება,”-განაცხადა კოლუმბიელმა.
შესაძლოა, მალე მადრიდის “ატლეტიკომ” ხელი მოაწეროს საფრანგეთის ჩემპიონთან.
ტიაგო მოტამ იცის, რომ გუნდში ელიან არდა თურანის შემცვლელად, რომელიც ზაფხულში პრემიერ ლიგაში გადავა. “ლეიბებს” იტალიელი ვეტერანის გაფორმება უფასოდ შეუძლიათ.
მოტა, რომელმაც “ატლეტიკოში” ერთი სეზონი იასპარეზა(2006-2007), შეხვდება მადრიდელთა წარმომადგენლებს და თავის მოთხოვნებს წარუდგენს.
უახლოეს მომავალში, არდა თურანი იტალიაში გადასვლას არ აპირებს.
“მას სურს დატოვოს ესპანეთი და ითამაშოს პრემიერ ლიგაში. “მილანი” და “პსჟ” არის ორი გუნდი იმ ექვსიდან, რომელიც მისით ინტერესდება. “როსონერში” ტრანსფერი არ იქნება, რადგან ისინი არ გამოდიან ჩემპიონთა ლიგაზე,”-განაცხადა ფეხბურთელის წარმომადგენელმა აჰმედ ბულუთმა.
“მილანის” ახალ მწვრთნელს, სინიშა მიჰაილოვიჩს თურქის დამატება ძალიან სურს, რადგან სწორედ მას მიიჩნევს მისი ბიჭების მომავალ ლიდერად. “ლეიბები” არდა თურანის სანაცვლოდ 41 მილიონ ევროს ითხოვენ.
“გალათასარაის” აღზრდილი მადრიდში 2011 წლიდან ასპარზობს. ყველა ტურნირზე არდამ 178 მატჩი ჩაატარა და 22-ჯერ გაიტანა.
საფრანგეთის ჩემპიონები ანტუან გრიზმანს სამშობლოში დაბრუნებას უპირებენ.
ბრიტანული მედიის ინფორმაციით, “პარის სენ-ჟერმენმა” დაიწყო მოლაპარაკება მადრიდის “ატლეტიკოს” ლიდერთან, რომელმაც უამრავი ევროპული გიგანტის ყურადღება მიიპყრო.
ცოტა ხნის წინ პრესაში დაიწერა ინფორმაცია, რომ 24 წლის ფეხბურთელით “ჩელსიც” და “ბაიერნიც” ინტერესდებიან, რომელიც არიენ რობენისა და ფრენკ რიბერის შემცვლელს ეძებს.
პარიზელებმა უკვე გამოყვეს თანხა ტრანსფერისთვის. ავტორიტეტული წყაროების ცნობით, ისინი ფრანგ ფეხბურთელში 40 მილიონ ევროს იხდიან.
შეგახსენებთ, რომ ანტუან გრიზმანი “ატლეტიკოში” გასულ ზაფხულს გადავიდა. ლა ლიგაში 37 მატჩი ჩაატარა და 22-ჯერ გაიტანა.
“ბებერი ქალბატონები” ახლოს არიან ხმაურიან ტრანსფერთან.
La Stampa , La Gazzetta dello Sport და ჯანლუკა დი მარჩო იუწყებიან, რომ “იუვენტუსმა” შეათანხმა ყველანაირი პირობა მარიო მანჯუკიჩის ტრანსფერზე და უახლოეს დღეებში, ტურინელები მის ტრანსფერს დაადასტურებენ.
29 წლის ფეხბურთელი “ლეიბებს” 18 მილიონის(ბონუსებით) სანაცვლოდ დატოვებს, იტალიელებს 15 მილონი გარდაუვლად მოუწევთ გადახდა. ხორვატი წელიწადში 3.5 მილიონს მიიღებს.
გასულ სეზონში, მარიო მანჯუკიჩმა ლა ლიგაში 28 მატჩი ჩაატარა და 12-ჯერ გაიტანა.
მადრიდის “ატლეტიკოს” მთავარმა მწვრთნელმა გუნდის სატრანსფერო სიახლეებზე ისაუბრა.
“ჩვენ იძულებულნი ვიყავით, გასული სეზონი დიეგო კოშტას, ტიბო კურტუას, ვილიას, სოსას და ფილიპე ლუისის გარეშე დაგვეწყო. ეს აღარ განმეორდება. იმედი მაქვს, სტაბილურ შემადგენლობას შევინარჩუნებთ და ახალ სეზონს გუნდი კარგ ფორმაში შეხვდება”.
“ვინ არ გაიყიდება? – კოკე და გოდინი, ეს გადაწყვეტილია. ასევე ველით ოლივერ ტორესს, რომელსაც “პორტოში” კარგი სეზონი ჰქონდა”.
“მანჯუკიჩი? – შემიძლია ვთქვა, რომ მისი მუშაობით კმაყოფილი ვარ,”-განაცხადა სიმეონემ.
ცოტა ხნის წინ გავრცელდა ინფორმაცია, რომ მარიო მანჯუკიჩი “იუვენტუსში”, ხოლო ჟოაო მირანდა “ინტერში” გადასვლასთან ახლოს არიან.
მადრიდის „ატლეტიკოს“ თავდამსხმელმა მარიო მანჯუკიჩმა, შესაძლოა, კარიერა რუსეთში განაგრძოს.
როგორც ცნობილი იტალიური გამოცემის „ლა გაძეტა დელო სპორის“ ჟურნალისტი კარლო პაუდიზა წერს, სანქტ-პეტერბურგის „ზენიტის“ ხელმძღვანელობა ხორვატის სანაცვლოდ ესპანურ კლუბს 28 მილიონ ევროს სთავაზობს. აღნიშნული წინადადება „ატლეტიკოსთვის“ ყველაზე მისაღები უნდა იყოს.
„ზენიტთან“ ერთად მანჯუკიჩისთვის „ლივერპული“, „მონაკო“, „მანჩესტერ იუნაიტედი“, „ვოლფსბურგი“ და „არსენალი“ იბრძოლებენ
