ესპანური პრიმერას 32-ე ტურში მადრიდის “რეალმა” “მალაგას” საკუთარ მოედანზე სძლია.
“სამეფო კლუბმა” პირველი ტაიმის მინიმალური ანგარიშით, სერხიო რამოსის მიერ 24-ე წუთზე გატანილი გოლით მოიგო. მეორე ნახევარში მასპინძელთა უპირატესობა ორამდე ხამეს როდრიგესმა გაზარდა, თუმცა მალევე სხვაობა ხუანმიმ შემაცირა. საბოლოო ანგარიში მსაჯის მიერ კომპენსირებულ წუთებზე კრიშტიანუ რონალდუმ დააფიქსირა – 3:1
რეალი 3-1 მალაგა
გოლები: რამოსი 24′ (1:0); ხამესი 69′ (2:0); ხუანმი 71′ (2:1); რონალდუ 90′ (3:1)
ესპანური პრიმერას 29-ე ტურის შეხვედრაში მადრიდის “რეალმა” “გრანადას” უმასპინძლა და მეტოქე 9:1 გაანადგურა.
სტუმართა კარში გოლები ბეილმა, რონალდუმ (5) და ბენზემემ (2) გაიტანეს. ერთი გოლი გრანადელმა მაინცმა საკუთარ კარში გაიტანა. სტუმართა მხრიდან პრესტიჟის გოლის ავტორი კი რობერტ იბანიესი გახდა.
21 თებერვალს, ესპანეთის პრიმერა დივიზიონში “ბარსელონამ” საკუთარ მოედანზე “მალაგა” მიიღო და მეტოქესთან ანგარიშით 0:1 დამარცხდა.
შეხვედრის მიმდინარეობისას, ერთ-ერთ მომენტში კამერებმა გაბრაზებული ლიონელ მესი დააფიქსირეს.
„ბარსელონას“ ნახევარმცველმა სერხიო ბუსკეტსმა „მალაგასთან“ წაგებულ მატჩზე ისაუბრა.
„სწრაფი გოლი გავუშვით, რის შემდეგაც მეტოქე ჩაიკეტა, ჩვენ კი პროდუქტიულად შეტევის შესაძლებლობა არ გვქონია. ასეთი მარცხით გულდაწყვეტილი ვარ. დიახ, მესის საუკეთესო მატჩი არ ჩაუტარებია, ისევე, როგორც გუნდის დანარჩენ მოთამაშებს“, – განაცხადა ბუსკეტსმა.
„ბარსელონას“ მთავარმა მწვრთნელმა ლუის ენრიკემ თავისი გუნდის ფეხბურთელებს „მანჩესტერ სიტისთან“ უეფა-ს ჩემპიონთა ლიგის მატჩის დროებით დავიწყება და ყურადღების „მალაგასთან“ ესპანეთის ჩემპიონატის უახლოესი ტურის შეხვედრაზე გადატანა ურჩია.
„ყველა ტიტულის მოგება და ყველა მატჩში გამარჯვება გვსურს. ჩვენი სამუშაოს შესრულებას ვცდილობთ, რომელიც სწორედ ამაში გამოიხატება. ამ მომენტისთვის ყურადღებას მხოლოდ „მალაგასთან“ შეხვედრაზე ვამახვილებ. „მანჩესტერ სიტი“ გასული სეზონიდან მახსოვს. წელს ამ გუნდის თამაშებს ვუყურებ, თუმცა დროებით ყურადღებას სხვა შეხვედრაზე გადავიტან. ახლა იმ მდგომარეობაში არ ვართ, რომ პრიმერა უყურადღებოდ დავტოვოთ. ასეთი შეცდომის დაშვება არ შეგვიძლია.
დავამატებ, რომ მოგებების სერიამ ბიჭებს მოვიტაცია და თავდაჯერებულობა მისცა. გადამწყვეტი თვეები ახლოვდება. წინ ჩემპიონთა ლიგისა და ესპანეთის თასის პლეიოფი გველის. სეზონის ამ ნაწილს კარგი ფორმით ვხვდებით“, – განაცხადა „ბარსას“ დამრიგებელმა.
29 იანვარს, ესპანეთის თასზე ბილბაოს “ატლეტიკსა” და “მალაგას” შორის გამართულ მატჩში გილერმო ოჩოამ შესანიშნავი სეივი განახორციელა.
„Express“-ის ინფორმაციით, „ლივერპულის“ ხელმძღვანელობა „მალაგას“ მექსიკის ნაკრების მეკარის გილერმო ოჩას ტრანსფერის თაობაზე შეუთანხმდა.
გარიგების ფასი სამ მილიონ ფუნტს შეადგენს. ოჩოა „ლივერპულში“ ზამთრის სატრანსფერო ფანჯრის გახსნის შემდეგ გადაბარგდება. წყაროს მტკიცებით, „წითლების“ მენეჯერებმა ახალი მეკარის დამატება სიმონ მინოლეს არც თუ ისე დამაჯერებელი თამაშის გამო გადაწყვიტეს. გარდა ამისა, გუნდის თავკაცის ბრენდან როჯერსის იმედი ვერც მეორე მეკარე ბრედ ჯონსმა გაამართლა.
მიმდინარე სეზონში ოჩამ „მალაგას“ რიგებში მხოლოდ ერთი მატჩი ჩაატარა, რადგან გუნდის მთავარი მწვრთნელი ხავი გარსია მეკარე კარლოს კამენის ენდობა.
29 ნოემბერს, “მალაგასა” და “რეალს” შორის გამართულ შეხვედრაში, 86-ე წუთზე ისკომ წითელი ბარათი მიიღო, “მალაგას” გულშემატკივრებმა კი ის მოედნიდან ტაშით გააცილეს.
ესპანეთის პრიმერა დივიზიონის მეცამეტე ტურში „მალაგამ“ მადრიდის „რეალს“ უმასპინძლა და ანგარიშით 1:2 დამარცხდა.
უკვე მე-17 წუთზე კრიშტიანუ რონალდუ მეტოქის მარცხენა ფლანგიდან სწრაფად დაიძრა და ქარიმ ბენზემას მიმართულებით პასი გააკეთა, რომელმაც ველინგტონი მოიშორა და ზუსტი დარყმის შესრულებაც შეძლო – 0:1. შემდგომ, მადრიდელთა უდავო უპირატესობის მიუხედავად, მასპინძლებმა რამდენიმე მომენტის შექმნა მაინც მოახერხეს. სახიფათო მომენტებით სტუმრებიც გამოირჩეოდნენ, რომელთაც მეორე ნახევარში თავისი უპირატესობის გაზრდის არაერთი შანსი ჰქონდათ. ერთ-ერთი ასეთი შანსი „სამეფო კლუბმა“ 82-ე წუთზე მიიღო, როდესაც თავი გარეთ ბეილმა გამოიჩნა – 0:2. ოთხ წუთში ისკომ მეორე ყვითელი ბარათი მიიღო, შესაბამისად, თავისი გუნდი დარჩენილ დროში უმცირესობაში დატოვა, რითაც „მალაგამ“ ისარგებლა. დამატებითი დროის მეორე წუთზე როკი სანტა კრუზმა მარცხენა ფლანგიდან ჩაწოდება გამოიყენა და ანგარიში მინიმუმამდე შეამცირა.
საბოლოოდ, 1:2 და პრიმერა დივიზიონის ლიდერმა 33 ქულა დააგროვა.
„მალაგა“ – „რეალი“ 1:2
გოლები: სანტა კრუზი 90+2 – ბენზემა 17′, ბეილი 82′
„მალაგა“: კამენი, როსალესი, სერხიო სანჩესი (ანხელერი 66′), ველიგტონი, ბოკა, დარდერი, რასიო (ხუანპი 77′), სამუელ სანჩესი, დუდა (ორტა 64′), სამუ კასტილიეხო, სანტა კრუზი
„რეალი“: კასილიასი, კარვახალი (ვარანი 84′), პეპე, სერხიო რამოსი, მარსელო, კროოსი, ისკო, როდრიგესი, ბეილი (ჩიჩარიტო 89′), რონალდუ, ბენზემა (ილიარამენდი 72′)
გაფრთხილებები: დარდერი, ველინგტონი – კროოსი, მარსელი, ისკო
გაძევება: ისკო 86′
ესპანეთის პრიმერადივიზიონის V ტურში “მალაგასა” და “ბარსელონას” შორის გამართული შეხვედრა უგოლოდ დასრულდა. მატჩის მიწურულს უსიამოვნო ინციდენტი მოხდა: მასპინძელთა მცველმა ველინგტონმა ლეო მესის ხელი ჰკრა და წააქცია. “მალაგას” ბრაზილიელმა ფეხბურთელმა ახსნა, რატომ მოიქცა ასე.
“ამ ინციდენტამდე მე მას შემთხვევით სახეზე შევეხე. ეს სრულიად შემთხვევით მოხდა. მესიმ ამის გამო ნაბიჭვარი მიწოდა, რის შემდეგაც სახეზე ხელი წავავლე. ეს ამბავი მოედანზევე დარჩა. რაც შეეხება მედიიდან წამოსულ კრიტიკას, მე ეს არ მაინტერესებს. ხალხი კარგად მიცნობს, იციან, როგორიც ვარ, დანარჩენი არ მაღელვებს”, – ციტირებს ველინგტონის სიტყვებს “ასი”.
ესპანეთის პრიმერადივიზიონის V ტურში “ბარსელონა” სტუმრად “მალაგასთან” უგოლოდ დაზავდა. მატჩის მიწურულს ერთი უსიამოვნო ინციდენტიც მოხდა: მასპინძელთა მცველმა ველინგტონმა ლეო მესის ხელი ჰკრა და წააქცია.
სპორტულმა პორტალმა Bleacher Report-მა დაასახელა ხუთი საუკეთესო მეკარე, რომელთაც მიმდინარე სეზონში სათადარიგოთა რიგებში მოუწევთ ყოფნა.
5) მარკ-ანდრე ტერ შტეგენი (“ბარსელონა”)
4) კეილორ ნავასი (მადრიდის “რეალი”)
3) გილერმო ოჩოა (“მალაგა”)
2) პეპე რეინა (მიუნხენის “ბაიერნი”)
1) პეტრ ჩეხი (ლონდონის “ჩელსი”)
