20 იანვარს, საფრანგეთის ჩემპიონატში, “ბასტიამ” საკუთარ მოედანზე “ნიცა” მიიღო და ფრედ 1:1 ითამაშა. მატჩის დაწყებამდე, იმ დროს როცა ფეხბურთელები “მოთელვის” პროცესში იყვნენ, მასპინძელთა ფანებმა მარიო ბალოტელის რასისტული შეურაცხყოფა მიაყენეს.
იხილეთ ვიდეო
იტალიელი თავდამსხმელი, მარიო ბალოტელი შესანიშნავად გამოდის ფრანგულ “ნიცაში”. იგი სეზონის დასაწყისში შეუერთდა გუნდს, მალევე იქცა ლიდერად და ყველა ტურნირზე 14 შეხვედრაში 10 გოლიც გაიტანა.
ასეთი ასპარეზობა არ გამორჩენიათ პრემიერ ლიგის გუნდებს. 26 წლის სპორტსმენის აგენტი, მინო რაიოლა აცხადებს, რომ ინგლისის ჩემპიონატში მოთამაშე რამდენიმე გრანდი ფეხბურთელთან აწარმოებს მოლაპარაკებებს: “რამდენიმე კლუბის წარმომადგენლებს ვესაუბრებით და მათი შემოთავაზების დეტალების შესახებ ვიცით, თუმცა ამაზე ჯერ ადრეა საუბარი. ყოველთვის ვიცოდი, რომ მარიოს პრემიერ ლიგაში დაბრუნების დრო აუცილებლად მოვიდოდა.”
აქვე გეტყვით, რომ ბალოტელის ინგლისის ჩემპიონატში 4 სეზონი აქვს გატარებული. იგი 2010-2013 წლებში “მანჩესტერ სიტიში” ასპარეზობდა. ხოლო, 2014-2015 წლებში კი “ლივერპულის” ღირსებას იცავდა.
იტალიელმა ფეხბურთელმა, მარიო ბალოტელიმ ჟურნალისტებთან ისაუბრა და განაცხადა, მას აქვს ისეთი შესაძლებლობები, რომ თავისუფლად შეუძლია ოქროს ბურთის მოგება. მისი აზრით, ეს წარსულშიც შესაძლებელი იყო, მომხდარიყო.
“რონალდუ და მესი მსოფლიოს საუკეთესო მოთამაშეები არიან. ამ წამს შეუძლებელია, ვინმე მათ აღემატებოდეს.”
“მაგრამ, რომ მქონოდა ერთი ისეთი წელი მაინც, რომელშიც ტრავმას არ მივიღებდი, აუცილებლად მოვიგებდი ოქროს ბურთს. მე ამის შესაძლებლობა გამაჩნია. თუმცა, ამ ჯილდოს მოპოვების შემდეგაც ჩავთვლიდი, რომ ეს ორი სპორტსმენი მაინც ყველაზე მაღლა დგას, რადგან მათ 4 და 5 ოქროს ბურთი აქვთ.”
“მჯერა, რომ მომავალში ოქროს ბურთს დავისაკუთრებ,” – განაცხადა მარიო ბალოტელიმ.
ფრანგული “ნიცას” ოფიციალური ვებ-გვერდი ადასტურებს ინფორმაციას, რომლის თანახმადაც გუნდის იტალიელს ფორვარდს, მარიო ბალოტელის ლაზარეთში 10 დღის გატარება მოუწევს.
შედეგად, 26 წლის თავდამსხმელი საფრანგეთის ჩემპიონატის ამჟამინდელ ლიდერს შემდეგ გუნდებთან გასამართ მატჩებში ვერ დაეხმარება: “ბასტია”, “გენგამი” და “ტულუზა”.
ცნობისთვის გეტყვით იმასაც, რომ “ნიცა” ლიგა 1-ის სატურნირო ცხრილს 32 ქულით ლიდერობს და 3-3 ქულით უსწრებს “მონაკოსა” და “პარის სენ-ჟერმენს”, რომლებიც თავის მხრივ მეორე-მესამე ადგილებს ინაწილებენ.
რაც შეეხება მარიოს უშუალო სტატისტიკას, მას ლიგა ერთის მიმდინარე სეზონში 6 გოლი დაუგროვდა.
იტალიელი თავდამსხმელი, მარიო ბალოტელი გასულ ზაფხულზე ფრანგულ “ნიცას” შეუერთდა და გუნდის ლიდერად მალევე ჩამოყალიბდა. არა მარტო მას, არამედ, ზოგადად, გუნდს შესანიშნავი პერიოდი უდგას. ლიგა 1-ის ბინადარ კლუბს 12 ტურის შემდეგ 29 ქულა აქვს და პირველ ადგილზე იმყოფება.
ბალოტელიმ ჟურნალისტებთან ისაუბრა და განაცხადა, რომ თუ ისინი საფრანგეთის ჩემპიონატს მოიგებენ, ნიცას ცაზე ვერტმფრენით იფრენს.
“ჯერ ძალიან ადრე ამაზე საუბარი, მაგრამ თუ ასე გავარგრძელეთ წარმატებული სვლა და მთავარ მიზანს – ჩემპიონობას მივაღწიეთ, პირადად მე ნიცას თავზე ვერტმფრენით ვიფრენ.”
“ძალიან ბედნიერი ვარ. ამ საოცარ ადგილზე უცებ აღმოვჩნდი და ადაპტაციაც ძალაინ სწრაფად გავიარე. გუნდი ძალიან ბერვი ახალგაზრდა ფეხბურთელითა და საინტერესო ხედვების მქონე მწვრთნელითაა დაკომპლექტებული. აქაურობა მომწონს და მჯერა წარმატების!” – გაანაცხადა “სუპერ მარიომ”.
ფრანგული “ნიცას” იტალიელმა ფორვარდმა, მარიო ბალოტელიმ საკმაოდ ხმაურიანი განაცხადი გააკეთა, რომლის თანახმადაც “ნიცას” უკეთესი გულშემატკივრები ჰყავს, ვიდრე “ლივერპულს”, “მილანს”, “მანჩესტერ სიტის” ან “ინტერს”.
“გულწრფელად რომ ვთქვა, ეს გულშემატკივრები უფრო კარგ ატმოსფეროს ქმნიან მოედანზე, ვიდრე სხვა იმ კლუბის ფანები, რომელთა რიგებშიც ოდესმე მითამაშია.
დიდებული რამაა. ძალიან ბედნიერი ვარ, ხალხს რომ ვუყვარვარ.” – დაამატა მან.
ცნობისთვის გეტყვით, რომ “ნიცას”, რომელმაც ლიგა 1-ში პირველად “კაენთან”, კვირას გამართულ მატჩში იგემა მარცხი, საშინაო არენაზე გამართულ მატჩებში დასწრება საშუალოდ 22 700-ს შეადგენს.
ფრანგული “ნიცას” იტალიელი თავდამსხმელი, მარიო ბალოტელი, რომელიც ლიგა 1-ში წელს, “ლივერპულიდან” გადაბარგდა, აცხადებს, რომ ამ ნაბიჯის გადადგმა მას მამადუ სახომ ურჩია.
“სახომ ყველაფრის შესახებ მომიყვა, მითხრა, რომ “ნიცა” ძალიან კარგი კლუბია. ახლა კი მე გავესაუბრე მას და ვურჩიე “ლივერპული” დაეტოვებინა და “ნიცაში” გადმობარგებულიყო.” – განუცხადა იტალიელმა Telefoot-ის ჟურნალისტს.
ცნობისთვის გეტყვით, რომ მერსესაიდელთა 26 წლის ფრანგი ნახევარმცველი ერთხელაც არ მოხვედრილა გუნდის სასტარტო შემადგენლობაში.
ნაკლებად სავარაუოდოა, მარიო ბალოტელის კვლავ მოუწიოს დისკვალიფიკაციის მოხდა მას შემდეგ, რაც “ნიცასა” და “ლორიენს” შორის გამართული მატჩის მთავარმა არბიტრმა აღიარა, რომ იტალიელი შემტევისთვის წითელი ბარათი არ უნდა ეჩვენებინა.
შეგახსენებთ, რომ ბალოტელი საფრანგეთში გადასვლის შემდეგ ძალიან კარგად გამოიყურება – “ნიცას” მაისურით ჩატარებულ 5 მატჩში “ლივერპულის” ყოფილმა ფეხბურთელმა 6 გოლის გატანა მოახერხა.
“ლორიენთან” მატჩში მარიომ გამარჯვების მომტანი გოლი გაიტანა, რის შემდეგაც დამსახურებულად მიიღო ყვითელი ბარათი მაისურის გახდისთვის. თუმცა მეორე ყვითელი ბარათი, რომელიც მსაჯმა მას უჩვენა (მორეირასთან ჩხუბისთვის), სრულიად უსაფუძვლო იყო.
“ოლივერმა (მსაჯმა) მატჩს ხელმეორედ უყურა და განაცხადა, რომ მარიოსთვის წითელი ბარათის მიცემა შეცდომა იყო. ის ამას სადისციპლინო კომიტეტის წინაშეც განაცხადებს, დანარჩენი კი მათზეა.” – განაცხადა ფარნგ მსაჯთა კოლეგიის უფროსმა.
იტალიური “პალერმოს” პრეზიდენტი, მაურისიო სამპარინი ადასტურებს, რომ ზაფხულში ის “ლივერპულისა” და “მილანის” აწ უკვე ყოფილი შემტევის, მარიო ბალოტელის გადაბირებას ცდილობდა.
“მინდოდა თუ არა ბალოტელის გადაბირება? დიახ.
ძალიან მსიამოვნებს, რომ ბალოტელი “ნიცაში” კარგად იქცევა, მშვენივრად გამოიყურება. დარწმუნებული ვარ, რომ მარიო კვლავ ის ოქროს ბიჭუნაა.
“პალერმოს” ფასი ძალიან მაღალი იყო, ვერ გეტყვით კონკრეტულად რა ციფრებზეა საუბარი, მაგრამ ამას ვერ გავასაჯაროებ. შესაძლოა, “ნიცამ” გაასაჯარავოს. მე ბალოტელის მხარეზე ვარ!”.
მარიო ბალოტელიმ ფრანგულ “ნიცაში” დებიუტისა და სადებიუტო გოლის (პენალტით) გატანის შემდეგ, პრესასთან “ლივერპულში” გადასვლის მიზეზებსა და შედეგებზე ისაუბრა.
“ლივერპულში” გადასვლის გადაწყვეტილება ყველაზე ცუდი გადაწყვეტილებაა ჩემს ცხოვრებაში. რა თქმა უნდა, ამაში არ ვგულისხმობ ფანტასტიკურ გულშემატკივრებსა და იმ ფეხბურთელებს, რომელთანაც მშვენიერი ურთიერთობა მქონდა. უბრალოდ ის კლუბი ძალიან არ მომწონს.
“ლივერპულში” ორი მწვრთნელი მყავდა, როჯერსი და კლოპი, თუმცა ცოტა ხნით. მათი არც მეთოდები მომწონდა და არც ხასიათი. იქ თავი კარგად არასდროს მიგრძვნია.
მე ზლატანს არაფრით არ ვგავარ. ზლატანი ლომებთან ერთადაც რომ ამყოფო, ის მაინც შეინარჩუნებს სიმშვიდეს. მე კი სხვანაირი მყავს. გარშემო ისეთი ხალხი მჭირდება, რომლებთან ერთადაც მუშაობას შევძლებ.”
მარიო ბალოტელიმ ჯეიმი კარაგერს, რომელმაც თავიდანვე აითვალწუნა იტალიელი ფორვარდი, სათანადო პასუხი გასცა – “ჯეიმი ცუდი ფეხბურთელი და ბრწყინვალე მოძულეა” – დაპოსტა მან.
შეგახსენებთ, რომ ბალოტელის “ლივერპულში” გამოჩენას ჯეიმიმ თავიდანვე ბოროტად უპასუხა: “არ მჯერა, რომ ბალოტელი დავიმატეთ. ზოგი ამბობს ნიჭიერიაო, მაგრამ მის მიერ ჩატარებული კარგი მატჩი პირადად მე ნამდვილად არ მახსოვს.”
ბალოტელის “ნიცაში” გადასვლას კი “ლივერპულელი” ლეგენდის მხრიდან ასეთი გამოხმაურება მოჰყვა: “უფასოდ შეძენილი ბალოტელიშიც ზედმეტი არის გადახდილი”.
Jamie Carragher, bad player, wonderful hater @Carra23 ,who cares. pic.twitter.com/onbY0WUgOc
— Mario Balotelli (@FinallyMario) September 3, 2016
“ნიცას” ოფიციალური ვებ-გვერდი ადასტურებს ინფორმაციას, რომლის თანახმადაც “ლივერპულის” აწ უკვე ყოფილი ფორვარდი, მარიო ბალოტელი კარიერას საფრანგეთში გააგრძელებს. კლუბებმა აღნიშნულ შეთანხმებას სატრანსფერო ფანჯრის დახურვამდე რამოდენიმე საათით ადრე მიაღწიეს.
“ძალიან ბედნიერები ვართ მარიოს მოსვლით. იმედი გვაქვს, რომ “ნიცაში” არსებული ოჯახური ატმოსფერო ბალოტელის ძველი დიდების დაბრუნებაში შეუწყობს ხელს.
ჩვენ ვიცით მისი და ჩვენი შესაძლებლობები და ისიც, რომ ეს ადვილი არ იქნება. გვჯერა, რომ ფანების მხარდაჭერის მეშვეობით, ბალოტელი საკუთარი ნიჭის გუნდის სასარგებლოდ გამოყენებას შეძლებს.” – აცხადებს ფრანგული კლუბის პრეზიდენტი, ჟან-პიერ რივერი.
აქვე გეტყვით იმასაც, რომ ბალოტელის პრეზენტაცია პარასკევს არის დაგეგმილი.
