იტალიაში ხმა დაირხა, რომ შესაძლოა, მასიმილიანო ალეგრი ტურინის “იუვენტუსის” მთავარი მწვრთნელის პოსტზე დაბრუნდეს. მეტიც, “ტუტოსპორტი” წერს, რომ იტალიელი სპეციალისტი კლუბის პრეზიდენტ ანდრეა ანიელის შეხვდა.
წყაროს თანახმად, ალეგრის “ბიანკონერიში” დაბრუნების სურვილი აქვს, თუმცა ამის გაკეთება სეზონის მიმდინარეობისას არ უნდა. “იუვენტუსში” ალეგრის შესაძლო დაბრუნების ხელის შემშლელი ფაქტორი ის კონფლიქტია, რომელიც მასსა და კლუბის ვიცე-პრეზიდენტ პაველ ნედვედს, ასევე სპორტულ დირექტორ ფაბიო პარატიჩის შორის არსებობს.
შეგახსენებთ, რომ მასიმილიანო ალეგრის თავკაცობით “იუვენტუსი” იტალიის ჩემპიონი ხუთჯერ გახდა, გუნდმა ოთხჯერ მოიგო ქვეყნის თასი, ორჯერ კი – სუპერთასი. მისი ხელმძღვანელობით “ბებერი სინიორა” ჩემპიონთა ლიგის ფინალში ორჯერ გავიდა.
როგორც მოგეხსენებათ, ანდრეა პირლოს მიერ დამოძღვრილი “იუვენტუსი” ჩემპიონთა ლიგის მიმდინარე გათამაშებას ტურნირის მერვედფინალურ ეტაპზე გამოეთიშა, გუნდს იტალიის სერია A-ს სატურნირო ცხრილში მესამე ადგილი უკავია და ლიდერ მილანის “ინტერს” ათი ქულით ჩამორჩება.
