ჭდე: მილანი

აკინფეევი „მილანში“?

Posted on by Alix

მოსკოვის ცსკა-ს გოლკიპერი იგორ აკინფეევი შესაძლოა, შემდეგი სეზონიდან „მილანის“ შემადგენლობაში ვიხილოთ.

რუსეთის ეროვნული ნაკრების მეკარეს „არმიელებთან“ მოქმედი კონტრაქტი მიმდინარე სეზონის ბოლოს ეწურება, შესაბამისად, უკვე ზამთრიდან მას ნებისმიერ კლუბთან მოლაპარაკებების წარმოების საშუალება ექნება.

მოგეხსენებთ, „როსონერის“ ხელმძღვანელობა 36 წლის კრისტიან აბიატის შემცვლელის ძებნას ცდილობს.

ცნობისთვის, დიდი ალბათობით, ზამთარს იტალიურ კლუბს თავისუფალი აგენტის სტატუსით მოსკოვური კლუბის იაპონელი ნახევარმცველი კეისუკე ჰონდა შეუერთდება.

ალექსანდრე მატევოსოვი

„მილანში“ მალდინების დინასტია გრძელდება

Posted on by ბექა დოგრაშვილი

უეფას ჩემპიონთა ლიგის ჯგუფურ ეტაპზე, ამსტერდამის „აიაქსის“ წინააღმდეგ გამართული მატჩის (1:1) შემდეგ, „მილანი“ საწვრთნელ ბაზას დაუბრუნდა.

პირველ გუნდთან ერთად პირველად ივარჯიშა პაოლო მალდინის 17 წლის ვაჟმა კრისტიანმა, რომელიც კლუბში მალდინების დინასტიის მესამე თაობას წარმოადგენს.

შეგახსენებთ, რომ თავდაპირველად „მილანის“ ღირსებას ჩეზარე მალდინი იცავდა, რომელმაც კლუბთან ერთად 1963 წელს კაპიტნის რანგში ევროპის ჩემპიონთა თასი მოიგო. შემდეგ „როსონერიში“ მისი შვილი პაოლო გამოდიოდა. რაც შეეხება კრისტიან მალდინის, მისთვის ეს „მილანის“ პირველ გუნდში ჩატარებული პირველი ვარჯიში გახლავთ. ის ფლანგის მცველის პოზიციაზე თამაშობს.

ბექა დოგრაშვილი

ალეგრი: “მილანი” მოგებას იმსახურებდა”

Posted on by -

იტალიური “მილანის” მთავარმა მწვრთნელმა, მასიმილიანო ალეგრიმ ჰოლანდიური “აიაქსის” წინააღმდეგ გამართული შეხვედრის შემდეგ განაცხადა, რომ “როსონერი” გამარჯვებას იმსახურებდა.

შეგახსენებთ, რომ ამსტერდამში გამართული მატჩი, ფრედ, 1:1 დასრულდა.

“პირველ ტაიმში, ვცდილობდით, რომ თამაშის ტემპი დაგვეგდო, თავსაც კარგად ვიცავდით. მეორე ნახევარი უკეთ დავიწყეთ და გამარჯვებას ვიმსახურებდით. სამწუხაროდ, საკუთარ კარში მოულოდნელი გოლი მივიღეთ, თუმცა საბოლოოდ, ანგარიში მაინც გავათანაბრეთ”, – ამბობს ალეგრი.

გალიანი: „ბალოტელიმ თავის შეკავება უნდა ისწავლოს“

Posted on by Alix

„მილანის“ ვიცე-პრეზიდენტმა ადრიანო გალიანიმ განაცხადა, რომ მისი გუნდის თავდამსხმელმა მარიო ბალოტელიმ მოედანზე თავისი ემოციები უნდა აკონტროლოს.

შეგახსენებთ, რომ ორი კვირის წინ, „ნაპოლისთან“ წაგებული შეხვედრის შემდეგ, მარიომ მსაჯთან კამათის შედეგად მეორე ყვითელი ბარათი მიიღო, რასაც სამმატჩიანი დისკვალიფკაციო მოჰყვა.

„ჩვენ ბალოტელისთან ამ თემაზე არაერთხელ გვისაუბრია. მარიო ასე არ უნდა იქცეოდეს, მან კონცენტრაცია მხოლოდ თამაშზე უნდა მოახდინოს. დროა, ბალოტელიმ თავის შეკავება ისწავლოს. თუმცა ხშირად მარიო უკმაყოფილო მას შემდეგ არის, რაც მსაჯები არც ისე სწორ გადაწყვეტილებებს იღებენ“, – განაცხადა გალიანიმ.

ცნობისთვის, მიმდინარე სეზონის შვიდ ოფიციალურ შეხვედრაში „როსონერის“ მაისურით სუპერმარიომ მეტოქეთა კარი ოთხჯერ აიღო.

ალექსანდრე მატევოსოვი

ბირსა: “მიხარია, რომ ჩემი სადებიუტო გოლით “მილანმა” თამაში მოიგო”

Posted on by -

იტალიური “მილანის” სლოვენიელი ფეხბურთელი, ვალტერ ბირსა გახარებულია, რომ მისი სადებიუტო გოლით, “როსონერიმ” “სამპდორიას” დამარცხება მოახერხა.

“მიხარია, რომ “მილანში” სადებიუტო გოლი გავიტანე, რომელმაც გუნდს გამარჯვება მოუტანა. მიუხედავად იმისა, რომ არ ვიმსახურებდით, გასულ ტურებში ბევრი ქულა დავკარგეთ. რთული პერიოდი გვედგა, ამიტომ “სამპდორიასთან” მატჩს ძალიან დიდი მნიშვნელობა ენიჭებოდა. გამარჯვებამ კი, რწმენა შეგვმატა და ვფიქრობ, მომდევნო შეხვედრებში უფრო კარგად ვითამაშებთ. მართალია, ერთადერთი გოლი მე გავიტანე, მაგრამ მოგება მთელი გუნდის დამსახურებაა”, – ამბობს ბირსა.

რობინიო თავის შვილს “მილანის” ბაზაზე ველოსიპედით “დააკატავებს”

Posted on by -

ინტერნეტ-სივრცეში საკმაოდ სახალისო ვიდეო გავრცელდა, რომელშიც აღბეჭდილია, თუ როგორ “დააკატავებს” ველოსიპედით “მილანის” ბრაზილიელი თავდამსხმელი, რობინიო თავის შვილს კლუბის ბაზაზე.

ალეგრი: “მილანს” “სამპდორიას” დამარცხება ესაჭიროებოდა”

Posted on by -

იტალიური “მილანის” მთავარი მწვრთნელი, მასიმილიანო ალეგრი აცხადებს, რომ “როსონერის” “სამპდორიას” დამარცხება ესაჭიროებოდა.

შეგახსენებთ, რომ იტალიის სერია A-ს მეექვსე ტურის მატჩში, “მილანმა” “სამპდორიას” ვალტერ ბირსას ერთადერთი გოლის წყალობით მოუგო.

“ძალიან რთულ და მნიშვნელოვან მატჩში ვიმარჯვეთ. მოგება ძალიან გვჭირდებოდა. კარგია, რომ გოლი არ გავუშვით. მეტოქე გუნდის ფეხბურთელები საჰაერო ორთაბრძოლებში კარგად გამოიყურებოდნენ. მეორე ტაიმი კარგად დავიწყეთ. შეგვეძლო, მეორე გოლიც გაგვეტანა”, – ამბობს ალეგრი.

“მილანმა” მინიმალური სხვაობით მოიგო

Posted on by სანდრო საპანაძე

იტალიის ჩემპიონატის მორიგ ტურში, “როსონერიმ” “სან სიროზე” “სამპდორიას” უმასპინძლა და ერთადერთი გატანილი ბურთის წყალობით სამი ქულის მოპოვება შეძლო.

მატჩის 46-ე წუთზე, მასპინძლებმა მშვენიერი კომბინაცია გაითამაშეს და ვალტერ ბირსამ არცთუისე ცუდი ბურთის გატანა შეძლო. ამრიგად, “მილანმა” ამ შეხვედრაში გამარჯვება შეძლო.

“მილანი” 1-0 “სამპდორია”

გოლი: ბირსა, 46.

“მილანი”: აბიატი, ძაკარდო, ზაპატა, მექსესი, კონსტანტი, პოლი (ნოჩერინო, 75), დე იონგი, მუნტარი (ემანუელსონი, 46), ბირსა (ნიანგი, 67), მატრი, რობინიო.

“სამპდორია”: დე კოსტა, დე სილვესტრი, მუსტაფი, რეჯინი, კოსტა, გავაცი, მბა ობიანგი, პალომბო (კრსტიჩიჩი, 61), ვშოლეკი (სორიანი, 52), სანსონე, გაბიადინი (პეტანია, 67).

გაფრთხილებები: ა. კოსტა, გავაცი, კრსტიჩიჩი.

სანდრო საპანაძე

ელ შაარავი: “ბალოტელიმ შეცდომა დაუშვა”

Posted on by -

იტალიური “მილანის” ახალგაზრდა შემტევი, სტეფან ელ შაარავი აცხადებს, რომ მარიო ბალოტელიმ შეცდომა დაუშვა.

შეგახსენეთ, რომ ბალოტელი, “ნაპოლისთან” წაგებული მატჩის შემდეგ, მსაჯს მოკვლით დაემუქრა, რის გამოც, ის სამმატჩიანი დისკვალიფიკაციით დაისაჯა.

“ბალოტელიმ შეცდომა დაუშვა და ეს მან კარგად იცის. იმედი მაქვს, მარიო მომავალში იგივეს არ გაიმეორებს, რადგან ეს “მილანზე” ცუდად მოქმედებს”, – ამბობს ელ შაარავი.

ალეგრი: „წინ კიდევ უამრავი მატჩი გველის“

Posted on by Alix

მოგეხსენებათ, იტალიის სერია ა-ს პირველი ხუთ ტურში „მილანმა“ მხოლოდ ხუთი ქულის მოპოვება შეძლო. ხვალ, „როსონერი“ ჩემპიონატის მორიგ შეხვედრას გამართავს – შავ-წითლების მეტოქე გენუის „სამპდორია“ იქნება. აღნიშნულ  შეხვედრასთან დაკავშირებით კომენტარი გუნდის მთავარმა მწვრთვნელმა მასიმილიანო ალეგრიმ გააკეთა.

„წინ რთული მატჩი გველის. „სამპდორიას“ კარგი მწვრთვნელი ჰყავს, თანაც, გუნდი „რომასთან“ ჩატარებულ შეხვედრაში ცუდად არ გამოიყურება. ამის მიუხედავად, აუცილებლად უნდა მოვიგოთ. რაც შეეხება სატურნირო ცხრილს, სჯობს, მასში შობის დღესასწაულამდე რამოდენიმე დღით ადრე ჩავიხედოთ, რაგდან კიდევ უამრავი მატჩის ჩატარება მოგვიწევს“, – განაცხადა 46 წლის სპეციალისტმა.

ალექსანდრე მატევოსოვი

ბალოტელიმ ბოდიში მოიხადა

Posted on by Alix

„მილანის“ თავდამსხმელმა მარიო ბალოტელიმ გულშემატკივრებსა და თანაგუნდელებს „ნაპოლისთან“ წინა ტურის შეხვედრის დასრულებისთანავე წითელი ბარათის მიღების გამო ბოდიში მოუხადა.

„მსურს, მოვუბოდიშო თანაგუნდელებს, რომლებიც ყოველდღე თავდაუზოგავად ვარჯიშობენ. გარდა ამისა, ბოდიშს არბიტრსაც ვუხდი. ვაცნობიერებ, რომ არასწორად მოვიქეცი, როდესაც თავი ვერ შევიკავე. მომავალში, შევეცდები, გავაკეთო ყველაფერი, რათა მსგავსი რამ არ განმეორდეს“, – განაცხადა სუპერმარიომ.

შეგახსენებთ, რომ ბალოტელის მიღებული წითელი ბარათისთვის 3-მატჩიანი დისკვალიფიკაცია მიესაჯა.

ალექსანდრე მატევოსოვი

აბატე: “მილანი” არასოდეს ნებდება”

Posted on by -

იტალიური “მილანის” მარჯვენა მცველი, იგნასიო აბატე “ბოლონიასთან” გამართულ შეხვედრას გამოეხმაურა და თქვა, რომ “როსონერი” არასოდეს ნებდება.

შეგახსენებთ, რომ 25 სექტემბერს, “ბოლონიამ” “მილანი” საკუთარ მოედანზე მიიღო და მეტოქეს ორბურთიანი სხვაობითაც ამარცხებდა, თუმცა 89-ე და 92-ე წუთებზე, რობინიოსა და აბატეს გოლების წყალობით, სტუმრებმა ანგარიში საყაიმო გახადეს.

“მილანს” უზარმაზარი გული აქვს. ჩვენ მწვრთნელის დავალებებს ვასრულებთ და კარგად ვთამაშობთ. კარგად გამოჩნდა, რომ არასოდეს ვნებდებით. გუნდში ძალიან მაღალი დონის ფეხბურთელები არიან, ამიტომ არაფრის გვეშინია”, – აცხადებს აბატე.