დღეს, გამთენიისას, „დალას მავერიკსმა“ „მილუოკი ბაქსს“ უმასპინძლა და ანგარიშით 103:93 დაამარცხა.
ყოფილ გუნდთან შეხვედრა ქართველმა ცენტრმა ზაზა ფაჩულიამ პირველი წუთებიდან დაიწყო. ჯამში, ზაზამ 36 წუთი ითამაშა და ამ პერიოდში მისმა მონაგარმა 17 ქულა, 8 მოხსნა, 2 პასი და 2 ჩაჭრა შეადგინა.
ამჟამად „დალასი“ დასავლეთ კონფერენციის მეხუთე პოზიციას იკავებს. შემდეგ მატჩს „მავსი“ შინ 31 დეკემბერს მოქმედი ჩემპიონის „გოლდენ სტიეტ უორიორსის“ წინააღმდეგ გამართავს.
საქართველოის ნაკრების ცენტრის ზაზა ფაჩულიას „მილუოკი ბაქსიდან“ „დალას მავერიკსში“ გადასვლა ჯერ კიდევ ერთ კვირის წინ გადაწყდა, თუმცა მხარეებმა აღნუშნული გაცვლა მხოლოდ დღეს დაადასტურეს.
„მილუოკის“ ცენტრის სანაცვლოდ „დალასმა“ შემდეგი დრაფტის მეორე რაუნდში არჩევანის უფლება დათმო. „მავერიკსმა“ ქართველ მოთამაშეს ყურადღება მას შემდეგ მაიქცია, რაც დეანდრე ჯორდანისგან უარი მიიღო – ამ მოთამაშემ „ლოს-ანჯელეს კლიპერსში“ დარჩენა გადაწყვიტა.
განვლილი სეზონის რეგულარულ ჩემპიონატში ზაზამ 73 მატჩი ჩაატარა, აქედან 45 მან სასტარტო შემადგენლობაში დაიწყო. მისმა საშუალო მონაგარმა 8,3 ქულა, 6,8 მოხსნა და 2,4 გადაცემა შეადგინა. რაც შეეხება პლეიოფს, აქ ექვს მატჩში მისი საშუალო მაჩვენებელი შემდეგია: 6,7 ქულა, 6,7 მოხსნა, 1,5 გადაცემა და 1,7 ჩაჭრა.
შეგახსენებთ, რომ აქამდე ზაზა ფაჩულია „მილუოკის“ წერილით დაემშვიდობა.
ეროვნული საკალათბურთო ასოციაციის პლეიოფის პირველი რაუნდის მეექვსე მატჩში „მილუოკი ბაქსი“ „ჩიკაგო ბულზთან“ შინ გამანადგურებელი ანგარიშით 66:120 დამარცხდა, რითაც სერიაში მეოთხე მატჩი დათმო (4:2) და, შესაბამისად, მიმდინარე სეზონში ასპარეზობას გამოეთიშა.
ხსენებულ შეხვედრაში ქართველი ცენტრი ზაზა ფაჩულია „ირმების“ მხრიდან ყველაზე გამორჩეული აღმოჩნდა. 17 წუთში ფაჩულიას მონაგარმა 8 ქულა, 3 მოხსნა და 2 პასი შეადგინა.
რაც შეეხება „ჩიკაგოს“, მისი რიგებიდან 20 ქულით, 4 მოხსნითა და 3 პასით მაიკლ დანლივი-უმცროსი გამოირჩა.
ღამით „მილუოკი ბაქსსა“ და „ჩიკაგო ბულზს“ შორის ეროვნული საკალათბურთო ასოციაციის პლეიოფის სერიის მეხუთე მატჩი გაიმართა. ამჯერად „ირმები“ „ხარებთან“ ჩავიდნენ. შეხვედრა კვლავ საინტერესო გამოდგა და „მილუოკის“ გამარჯვებით 94:88 დასრულდა.
რაც შეეხება „ბაქსის“ ქართველ ცენტრს ზაზა ფაჩულიას, საქართველოს ნაკრების კაპიტანმა ამ შეხვედრაში 9 ქულა და 10 მოხსნა მიითვალა, რითაც ორმაგ დუბლამდე მხოლოდ ერთი ქულა დააკლდა. ამრიგად, სერიაში ანგარიში მინიმუმამდე შემცირდა, არადა, ჩიკაგოელები მას ანგარიშით 3:0 იგებდნენ.
„ბაქსის“ რიგებში საუკეთესო 22 ქულით, 8 მოხსნიდა და 9 პასით მაიკლ კარტერ-უილიამსი იყო. „ხარების“ მხრიდან კი 25 ქულითა და 10 მოხსნით პაუ გასოლი გამოირჩა.
სერიის შემდეგ შეხვედრას გუნდები 30 აპრილს მილუოკიში გამართავენ.
ხსენებულ მატჩში ზაზა ფაჩულიამ 8 ქულა, 6 მოხსნა, 6 ჩაჭრა და 1 პასი მიითვალა. აღსანიშნავია, რომ საქართველოს ნაკრების კაპიტანმა NBA-ში ჩაჭრების რაოდენობით პირადი რეკორდი დაამყარა. აქამდე ზაზას ერთ შეხვედრაში 6 ჩაჭრა არასდროს ჰქონია.
შეგახსენებთ, რომ სერიის შემდეგი მატჩი 27 აპრილს ჩიკაგოში გაიმართება.
„მილუოკი ბაქსთან“ პლეიოფის სერიის მეოთხე მატჩში მარცხი „ჩიკაგო ბულზის“ ლიდერმა დერიკ როუზმა საკუთარ თავზე აიღო.
„მარცხს საკთარ თავზე ვიღებ. მეოტქის ბოლო შეტევის დროს ბურთს სათანადოდ არ ვუყურებდი. ყველამ ნახა, თუ რა შედეგი მოიტანა ასეთმა თამაშმა“, – ციტირებს როუზს ESPN-.
ცნობისთვის, „მილუოკის“ ბოლო შეტევამდე დერიკს „ბულზისთვის“ გამარჯვების მოტანა შეეძლო, თუმცა მას კრის მიდლტონმა აჯობა.
შეგახსენებთ, რომ „ხარები“ სერიას ანგარიშით 3:1 იგებენ. შემდეგი შეხვედრა 27 აპრილს ჩიკაგოში შედგება.
„ჩიკაგო ბულზთან“ ეროვნული საკალათბურთო ასოციაციის პლეიოფის პირველი რაუნდის სერიის სამი მატჩის წაგების შემდეგ „მილუოკი ბაქსმა“ სხვაობის შემცირება შეძლო. დაძაბულ შეხვედრაში „ირმებმა“ „ხარებს“ შინ ორი ქულით – 92:90 სძლიეს.
პირველ მეოთხედში „ბულზმა“ 4 ქულით – 19:23 გაიმარჯვა, თუმცა მასპინძლებმა მეორე მეოთხედში წონასწორობა აღადგინეს – დიდი შესვენების წინ ტაბლოზე ანგარიში 50:50 დაფიქსირდა. მესამე მეოთხედში „მილუოკი“ წინ ორი ქულით გავიდა, რამაც შეხვედრის შედეგზე გავლენა იქონია – ბოლო თორმეტმა წუთმა კვლავ თანაბრად ჩაიარა.
რაც შეეხება „მილუოკის“ ქართველ ლეგიონერ ზაზა ფაჩულიას, ცენტრმა 8 ქულა, 6 მოხსნა, 6 ჩაჭრა და 1 პასი მიითვალა.
სერიის შემდეგი მატჩში 27 აპრილს ჩიკაგოში შედგება.
„მილუოკი“ – „ჩიკაგო“ 92:90 (19:23, 31:27, 23:21, 19:19)
„მილუოკი“: მეიო (18 ქ. 4 ჩ.), დადლი (!3 ქ. 5 პ.), ებილისი (10 ქ. 5 პ.), ადეტოკუნბო (10 ქ. 8 მ.), მიდლტონი (10 ქ.), ფაჩულია (8 ქ. 6 მ. 6 ჩ. 1 პ.)
„ჩიკაგო“: ბატლერი (33 ქ. 7 მ. 3 ჩ.), გასოლი (16 ქ. 10 მ. 5 დ.), როუზი (14 ქ. 6 პ. 5 მ. 8 დ.), დანლივი (10 ქ. 5 მ.)
ანგარიში სერიაში: 1:3
სხვა მატჩების შედეგები:
„ბრუკლინ ნეთსი“ – „ატლანტა ჰოუქსი“ – 91:83 (31:16, 16:24, 20:22, 24:21)
ანგარიში სერიაში: 1:2
„ნიუ-ორლეან პელიკანსი“ – „გოლდენ სტეიტ უორიორსი“ 98:109 (24:31, 30:36, 13:21, 31:21)
ანგარიში სერიაში: 0:4
„პორტლენდ ტრეილ ბლეიზერსი“ – „მემფის გრიზლისი“ 109:115 (19:24, 30:38, 26:23, 34:30)
ანგარიში სერიაში: 0:3
„მილუოკიოსთან“ პლეიოფის სერიის მესამე მატჩში „ჩიკაგოს“ ლიდერი დერიკ როუზი სამ მეტოქეს გასცდა, რის შემდეგაც ბურთი ერთი ხელიდან მეორეში გადაიტანა და მეტოქის ფარში ჩააგდო.
ღამით ეროვნული საკალათბურთო ასოციაციის პლეიოფის პირველი რაუნდის სერიის მესამე მატჩში „მილუკი ბაქსი“ „ჩიკაგო ბულზს“ სახლში შეხვდა და ამჯერად ორ ოვერტაიმში ანგარიშით 106:113 დამარცხდა.
რაც შეეხება ზაზა ფაჩულიას, მან 19 წუთი ითამაშა და მხოლოდ 2 ქულა, 6 მოხსნა და 2 დაფარება მიითვალა.
ამრიგად, „მილულკი“ სერიას ანგარიშით 0:3 აგებს. სერიის შემდეგი მატჩი 26 აპრილს, კვლავ „ბაქსის“ დარბაზში შედგება.
„ჩიკაგო ბულზთან“ ეროვნული საკალათბურთო ასოციაციის პლეიოფის სერიის მეორე მატჩის ბოლო მეოთხედში ზაზა ფაჩულიას მეტოქე ნიკოლა მიროტიჩთან შეჯახების შემდეგ შელაპარაკება მოუვიდა.
წარმოგიდგენთ ეპიზოდის ამსახველ ვიდეოს:
ეროვნული საკალათბურთო ასოციაციის პლეიოფის პირველი ეტაპის სერიის მეორე მატჩი „მილუოკი ბაქსმა“ „ჩიკაგო ბულზთან“ კვლავ გასვლაზე ჩაატარა და ამჯერადაც დამარცხდა- „ირმებმა“ ანგარიშით 82:91 დათმეს. „მილუოკის“ ქართველმა ლეგიონერმა ზაზა ფაჩულიამ 23 წუთის განმავლობაში ითამაშა და ამ პერიოდში 7 ქულის გარდა, 6 მოხსნა, 3 პასი, 2 დაფარება და 1 ჩაჭრა მიითვალა.
სერიის შემდეგი ორი მატჩი მილუოკიში 23 და 25 აპრილს შედგება.
„ჩიკაგო“ – „მილუოკი“ – 91:82 (11:16, 28:22. 32:30, 20:14)
ანგარიში სერიაში: 2:0
დღის მეორე შეხვედრა კი „გოლდენ სტეიტში“ გაიმართა, სადაც „უორიორსმა“ „ნიუ-ორლეან პელიკანსი“ ასევე მეორედ დაამარცხა, რითაც „ჩიკაგოს“ მსგავსად სერიაში ანგარიშით 2:0 დაწინაურდა.
„გოლდენ სტეიტი“ – „ნიუ-ორლეან პელიკანსი“ – 97:87 (17:28, 38:24, 16:19, 26:16)
გუშინ საღამოს და დღეს ღამით ეროვნული საკალათბურთო ასოციაციის პლეიოფი დაიწყო.
ზაზა ფაჩულიას „მილულკი ბაქსი“ გასვლაზე „ჩიკაგო ბულზს“ შეხვდა და, სამწუხაროდ, ანგარიშით 103:91 დამარცხდა. ქართველმა ლეგიონერმა მატჩი სასტარტო ხუთეულში დაიწყო. ჯამში ზაზამ 22 წუთის განმავლობაში ითამაშა და ამ დროში 6 ქულა და 10 მოხსნა მიითვალა.
სერიის მეორე შეხვედრა ოც აპრილს, კვლავ ჩიკაგოში გაიმართება.
„ჩიკაგო“ – „მილუოკი“ 103:91 (30:29, 30:22, 26:24, 17:16)
„ჩიკაგო“: ბატლერი (25 ქ. 6 პ.), როუზი (23 ქ. 7 პ.), ბრუკსი (13 ქ.), გასოლი (10 ქ. 13 მ. 3 ბ.), გიბსონი (8 ქ. 11 მ.), ნოა (6 ქ. 11 მ. 3 ჩ.)
„მილუოკი“: მიდლტონი (18 ქ. 4 ჩ.), ილიასოვა (15 ქ.), ადეტოკუნბო (12 ქ. 5 მ.), ჰენსონი (12 ქ. 7 მ.), ბეილისი (11 ქ. 5 პ.), ფაჩულია (6 ქ. 10 მ.)
სხვა მატჩების შედეგები:
„ტორონტო რეპტორსი“ – „ვაშინგტონ უიზარდსი“ 86:93 ოვერტაიმი (23:19, 19:27, 14:19, 26:17, 4:11)
„გოლდენ სტიეტ უორიორსი“ – „ნიუ-ორლეან პელიკანსი“ 106:99 (28:13, 31:28, 25:25, 22:33)
„ჰიუსტონი“ – „დალასი“ 118:108 (32:19, 27:36, 25:22, 34:31)
