ჭდე: მილუოკი ბაქსი

ზაზა ფაჩულიას მორიგი ორმაგი დუბლი. „მილუოკი ბაქსის“ ქართველმა ცენტრმა მძლავრი მატჩი ჩაატარა თანაკონფერენციელ ერთ-ერთ ლიდერ „კლივლენდთან“, თუმცა სამწუხარო ისაა, რომ ქებული გარჯა გამარჯვებით არ დაუფასდა. მასპინძელმა მილუოკელებმა ლებრონ ჯეიმსის გუნდთან დააბულ ბრძოლაში – 99:104 წააგეს.

ზაზა ფაჩულია ტრადიციულად სასტარტო ხუთეულში იყო და მოედანზე 31 წუთი დაჰყო. რომ არა მაიკლ კარტერ-უილიამსის შესანიშნავი თამაში, ქართველი ცენტრი მილუოკელთაგან საუკეთესო გახდებოდა. ზაზამ 13-დან 8 ორქულიანი და 5-დან 3 საჯარიმო ჩააგდო. 19 ქულასთან ერთად ფაჩულიამ 10 ქულა, 5 ჩაჭრა, 2 პასი და 1 დაფარება მიითვალა, ბურთი კი 2-ჯერ დაკარგა. კარტერ-უილიამსმა პირად ანგარიშზე 30 ქულა და 8 პასი ჩაიწერა.

„კლივლენდში“ ფაჩულიას უშუალო ოპონენტმა ტიმოფეი მოზგოვმა 5 ქულა და 4 მოხსნა მოაგროვა, კევინ ლავმა თავი 16 ქულასა და 11 მოხსნას მოუყარა, საუკეთესო კი კაირ ირვინი გახდა 27 ქულა-9 პასით. ლებრონ ჯეიმსმა შეხვედრა 21 ქულით, 9 მოხსნით და 8 პასით დაასრულა.

38 მოგებითა და 40 მარცხით მილუოკელები აღმოსავლეთ კონფერენციაში მე-6 ადგილზე არიან. 10 აპრილს ფაჩულიას გუნდი მედისონ სკვერ გარდენში „ნიუ იორკს“ შეხვდება.

GBF.GE

ღამით „მილუოკი ბაქსმა“ ეროვნული საკალათბურთო ასოციაციის რეგულარული ჩემპიონატის მორიგი მატჩი ჩაატარა – ირმებმა „ინდიანა პეისერსს“ უმასპინძლეს და მეტოქე 4 ქულით, ანგარიშით 111:107 დაამარცხეს.

ხსენებულ შეხვედრაში „მილუოკის“ ქართველმა ლეგიონერმა ზაზა ფაჩულიამ 32 წუთის განმავლობაში ითამაშა. ამ პერიოდში ზაზას მონაგარმა 12 ქულა, 6 მოხსნა, 3 პასი და 2 ჩაჭრა შეადგინა. საუკეთესო მასპინძელთა რიგებიდან კი ილიასოვა იყო, რომელმაც 34 ქულა დააგროვა და 6 მოხსნაც მიითვალა.

„მილუოკი“ – „ინდიანა“ 111:107 (34:15, 25:32, 26:27, 26:33)

„მილუოკი“: ილიასოვა (34 ქ. 6 მ.), მილდტონი (17 ქ.), ადეტოკუნბო (16 ქ.), კარტერ-უილიამსი (13 ქ. 5 მ. 8 პ. 4 ჩ.), ფაჩულია (12 ქ. 6 მ. 3 პ. 2 ჩ.)

„ინდიანა“: მაილზი (26 ქ.), ჰილი (24 ქ. 5 პ. 5 დ.), უოტსონი (23 ქ. 7 პ. 7 მ.), სკოლა (15 ქქ. 9 მ.), ჰიბერტი (10 ქ.)

შემდეგ მატჩს „ბაქსი“ კვლავ საკუთარ მოედანზე ჩაატარებს. ამჯერად ირმების მეტოქე „გოლდენ სტეიტ უორიორსი“ იქნება. მატჩი 28 მარტს გაიმართება.

„მილუოკი” სადაც არ უნდა თამაშობდეს, ბოლომდე იბრძვის და იოლად არც ერთ მატჩს არ თმობს. ასე იყო მემფისშიც, სადაც დასავლეთისა და სრულიად ლიგის ერთ-ერთ საუკეთესო კლუბ „გრიზლისს” ზაზა ფაჩულიას გუნდი ღირსეულად ებრძოლა, თუმცა საბოლოოდ მაინც წააგო – 83:96.

„ჩვენ ვიბრძოლეთ და მეტოქეს წინ არ ვუშვებდით. ბოლო მეოთხედში ჩამორჩენა 10 ქულას ჩამოვაცილეთ, მაგრამ ძალები არ გვეყო” – განაცხდა ზაზა ფაჩულიამ ამერიკულ მედიასთან მატჩისშემდგონ კომენტარში.

ქართველმა ცენტრმა შედეგიანად ითამაშა. ის სასტარტო ხუთეულში იყო და მოედანზე გატარებულ 27 წუთში 14 ქულა, 4 მოხსნა, 1 პასი და 1 დაფარება მიითვალა, ბურთი კი 2-ჯერ დაკარგა. ზაზამ 8-დან 5 ორქულიანი და 4-დან 4 საჯარიმო ჩააგდო. მილუოკელთაგან მასზე მეტი ქულა გიანის ანტეტოკოუმპომ (19) და კრის მიდლტონმა (17) ჩააგდეს. მოედანზე ფაჩულიას ოპონენტმა მარკ გასოლმა შეხვედრა 12 ქულით, 7 მოხსნით და 7 პასით დაასრულა.

34 მოგებითა და 32 მარცხით „მილუოკი” აღმოსავლეთ კონფერენციაში მყარად მე-6 ადგილზეა. მომდევნო მატჩს ფაჩულიას გუნდი 17 მარტს, ნიუ ორლეანში „პელიკანსთან” გამართავს.

GBF.GE