ჭდე: მონაკო

ფრანგულ “მონაკოსა” და იტალიურ “იუვენტუსს” შორის გამართული ჩემპიონთა ლიგის ნახევარფინალური მატჩი ჯანლუიჯი ბუფონისათვის განსაკუთრებული აღმოჩნდა.

39 წლის ლეგენდარული მეკარისათვის ეს ჩემპიონთა ლიგაზე ჩატარებული რიგით მეასე მატჩი იყო. ის მეორე იტალიელია, რომელმაც ამ ნიშნულს მიაღწია პაულო მალდინის შორის (ერთი კლუბის მაისურით ჩატარებული 100 მატჩი ამ ტურნირზე).

როგორც იცით, იტალიელი მეკარე “ბებერ ქალბატონს” 2001 წელს შეუერთდა და მას შემდეგ 7-ჯერ გახდა იტალიის ჩემპიონი, თუმცა მას ევროპის ყველაზე პრესტიჟული საკლუბო ტურნირი ჯერაც არ მოუგია.

100 – Gianluigi Buffon is only the 2nd Italian player to reach 100 #UCL appearances for the same team after Paolo Maldini. Captains.

— OptaPaolo (@OptaPaolo) May 3, 2017

ტურინის “იუვენტუსის” იტალიელმა მეკარემ, ჯანლუიჯი ბუფონმა პრესასთან ფრანგულ “მონაკოზე” ისაუბრა, რომელიც “ბებერ ქალბატონს” ჩემპიონთა ლიგის ფინალური საგზურისთვის ეჯიბრება.

“ერთ პატარა საიდუმლოს გაგიმხელთ, “მონაკოსა” და “მანჩესტერ სიტის” თამაშის 30 წუთიც კი საკმარისი აღმოჩნდა, რომ დირექტორისათვის შეტყობინება გამეგზავნა: “ბრწყინვალე გუნდია, ფინალში აუცილებლად გავლენ”.

ეს კიდევ ერთხელ ამტკიცებს, რომ მათ და მათ შესაძლებლობებს დიდ პატივს ვცემთ. ეს გუნდი აქამდე მხოლოდ იღბლიანობის გამო არ მოსულა.

“მონაკო” ძალიან კარგ, შემტევ ფეხბურთს თამაშობს. შესაძლოა, “მონაკო” “ბარსელონას” დონის გუნდად არ მიიჩნევა, მაგრამ ის რასაც მოედანზე ვხედავთ, სულ სხვა რამეზე მეტყველებს,” – აცხადებს ლეგენდარული ჯიჯი ბუფონი.