ჭდე: ნაპოლი

“ბარსელონა” “ნაპოლის” მცველის ტრანსფერს უმიზნებს

Posted on by იაკობ კაპანაძე

იტალიის “სერია ა”-ში დაწინაურებული “ნაპოლის” მცველს, კალიდუ კულიბალს თვალი კატალონიის “ბარსელონას” ხელმძღვანელებმა დაადგეს. ამ ინფორმაციას ესპანური გამოცემა, Mundo Deportivo ავრცელებს.

როგორც ცნობილი ხდება, “ბლაუგრანას” უფროსები კულიბალს ხავიერ მაშერანოს პოტენციურ შემცვლელად განიხილავენ, რომელმაც შესაძლოა, კლუბი მსოფლიოს 2018 წლის ჩემპიონატის დასრულების შემდეგ დატოვოს.

შეგახსენებთ, იმასაც, რომ გასულ ზაფხულს კულიბალის ტრანსფერით რამდენიმე ევროპული გრანდი იყო დაინტერესებული, მათ შორის “ჩელსიც”. თუმცა, “ნეაპოლელები” მის სანაცვლოდ 60 მილიონ ევროს ითხოვდნენ, რისი გადახდაც არცერთმა გუნდმა არ ისურვა.

26 წლის სენეგალელი ფეხბურთელი იტალიაში ოთხი წლის წინ გამოჩნდა და საკმაოდ მალე, “ნეაპოლიტანური” კლუბის ძირითადის ფეხბურთელი გახდა.

გვარდიოლა: “ნაპოლის” ჩვენი დამარცხება შეუძლია”

Posted on by იაკობ კაპანაძე

“მანჩესტერ სიტის” მთავარმა მწვრთნელმა, პეპ გვარიოლამ ჩემპიონთა ლიგაზე, “ნაპოლისთან” გასამართ მატჩამდე პრესასთან ისაუბრა და აღნიშნა, რომ ამ მატჩს დიდი სიფრთხილითა და ყურადღებით ეკიდება.

“ჩემს ფეხბურთელებს ვაჩვენე და კიდევ ვაჩვენებ “ნაპოლის” მატჩების ამსახველ ვიდეოებს. მათ უნდა იცოდნენ, რა ელით წინ. იგივე გავაკეთე “შახტართან” მატჩამდე, რითიც ისინი დავარწმუნე, რომ ადვილი გასეირნება არ ელოდათ. იმედია, ეს ამჯერადაც იმუშავებს.

შეიძლება ითქვას, რომ “ნაპოლი” “შახტარს” ჰგავს, ერთნაირი სტილის თამაშს აჩვენებენ, მაგრამ განსხვავებაც საგრძნობია: “შახტარი” ყოველთვის ლოდინს ამჯობინებს, “ნეაპოლელები” კი გიჟური ზეწოლის ხარჯზე ცდილობენ სასურველი შედეგის დადებას. სისწრაფის ხარჯზე მათ ჩვენი დამარცხება შეუძლიათ,” – აცხადებს ესპანელი სპეციალისტი.

ცნობისთვის გეტყვით, რომ “ნაპოლისა” და “მანჩესტერ სიტის” შორის გასამართი მატჩი სტარტს 17 ოქტომბერს, თბილისის დროით 22:45 საათზე, “ეტიჰად სტედიუმზე” აიღებს.

“ვალენსია” რაულ ალბიოლის დაბრუნებას გეგმავს

Posted on by იაკობ კაპანაძე

უცხოურ პრესაში ესპანური “ვალენსიას” ხელმძღვანელებს კიდევ ერთხელ აკავშირებენ “ნაპოლის” მცველთან, რაულ ალბიოლთან, რომელიც მადრიდის “რეალში” გადასვლამზე (2009) სწორედ “ღამურების” რიგებში გამოდიოდა.

Calciomercato.it-ის მიერ გავრცელებულ ცნობებს თუ ვენდობით, 32 წლის ფეხბურთელი მზადაა, თავის მშობლიურ კლუბს 2018 წლის ზამთარში დაუბრუნდეს.

შეგახსენებთ, რომ “რეალის” ექს-ფეხბურთელი “ნაპოლიში” 2013 წელს გადაბარგდა, ნეაპოლურ კლუბთან კი კონტრაქტი 2020 წლამდე აკავშირებს. “ღამურების” საბედნიეროდ, მისი გამოსასყიდი თანხა სულ რაღაც 8 მილიონი ევროა.

თუმცა საკითხავი ისაა, რამდენად მოინდომებს ალბიოლი “ნაპოლის” შუა სეზონში დატოვებას, განსაკუთრებით კი მაშინ, თუ იტალიელები კვლავაც იქნებიან “სკუდეტოსთვის” ბრძოლის მთავარი ფავორიტები.

“მანჩესტერ იუნაიტედის” ახალი სამიზნე

Posted on by ცოტნე შაორშაძე

ჟოზე მოურინიოს გუნდი ბოლო პერიოდში საკმაოდ აქტიურ სატრანსფერო პოლიტიკას ატარებს და ამჟამად, მათი ინტერესის სფეროს ბელგიის ნაკრების შემტევი წარმოადგენს.

საქმე ეხება დრის მერტენს, რომელმაც მოახერხა და მიმდინარე სერია A-ში 7 გოლი გაიტანა. მას “ნაპოლისთან” კონტრაქტი 2020 წლამდე აკავშირებს, მაგრამ “მანჩესტერ იუნაიტედი” მის შეძენას მაინც შეეცდება. ბელგიელის სატრანსფერო ფასი 28 მილიონი ევროა, რაც არც თუ ისე ბევრია მერტენსის მსგავსი ფეხბურთელისათვის.

ნაპოლის ყოფილმა დირექტორმა, მარინომ განაცხადა: “მერტენსის შეძენით “მანჩესტერ იუნაიტედია” დაინტერესებული. მიუხედავად იმისა, რომ ის უკვე 30 წლისაა, როგორც ჩანს ეს თანხა სულაც არ არის ძვირი. მას შემდეგ, რაც მერტენსი ნომინალური “ცხრიანის” პოზიციაზე თამაშობს, დიდი გუნდების ყურადღება მიიპყრო.” -განაცხადა მარინომ.

ინსინიე: “სიმაღლის პრობლემის გამო ფეხბურთიდან წასვლა მინდოდა”

Posted on by იაკობ კაპანაძე

“ნაპოლისა” და იტალიის საფეხბურთო ნაკრების თავდამსხმელი, ლორენცო ინსინიე პრესასთან საკმაოდ გულახდილად საუბრობს და აღიარებს, რომ ადრეულ წლებში სიმაღლის პრობლემის გამო ბევრი კარგ მომავალს არ უწინასწარმეტყვეელბდა.

“სულ იმას მეუბნებოდნენ, რომ ძალიან ნიჭიერი ვიყავი, მაგრამ დაბალი. იმ დროს ფეხბურთიდან წასვლაზე სერიოზულად ვფიქრობდი. სკაუტებიც იგივეს მეუბნებოდნენ და მეგონა, რომ ეს ყველაფერის წინსვლის უფლებას არ მომცემდა.

შემდეგ “ნაპოლიმ” სინჯებზე ამიყვანა და მოვლენები ჩემს სასარგებლოდ წარიმართა. ახლა კი ერთადერთი ნეაპოლელი ვარ გუნდში, რასაც ბუნებრივია, დიდი სირთულეებიც ახლავს თან,” – აცხადებს ინსინიე.

შეგახსენებთ, რომ ინსინიე იტალიურ ფეხბურთში 2011-12 წლების სეზონის შემდეგ გამოჩნდა, როდესაც “პესკარაში” საკმაოდ კარგი სეზონის ჩატარება შეძლო.

სარი: “სერია ა-სთვის შეუფერებელ მოედანზე მოგვიწია თამაში”

Posted on by იაკობ კაპანაძე

მაურისიო სარი კმაყოფილია, რომ საკმაოდ ცუდ მდგომარეობაში მყოფ მოედანზე თამაშის მიუხედავად მისმა ბიჭებმა სასურველ შედეგს მაინც მიაღწიეს და ნეაპოლში სამი ქულა წაიღეს (“სპალი” 3-2 “ნაპოლი”).

“სპალმა” ბრწყინვალე თამაში შემოგვთავაზა, ისინი მაქსიმალურად ცდილობდნენ ჩვენი ნახევარმცველების ბლოკირებას. სამწუხაროდ, მათი მოედანი სერია ა-სთვის შეუფერებელი იყო და ეს პირველი შემთხვევა არაა, როცა ასეთ მდგომარეობაში გვიწევს თამაში.

ჩვენი თამაშის სტილიდან გამომდინარე, ეს ფაქტორი დიდ პრობლემას გვიქმნიდა გამომდინარე იქიდან, რომ ყოველ ჯერზე დამატებითი გარჯა გვიწევდა ბურთის დასამორჩილებლად, კიდევ ერთი შეხება.

ყველაფერთან ერთად, მეტოქე ძალიან მოტივირებული იყო და მოედანზე ყველაფერი დადო. მეორე ტაიმში ძალიან კარგად უნდა გვეთამაშა გამარჯვებისათვის და ასეც მოვიქეცით,” – აცხადებს სარი.

დეულოფეუმ შესაძლოა, “ბარსელონა” სატრანსფერო ფანჯრის დახურვამდე დატოვოს

Posted on by იაკობ კაპანაძე

Corriere dello Sport საკმაოდ საინტერესო ინფორმაციას ავრცელებს, რომლის მიხედვითაც, “ნაპოლის” მესვეურები ჩემპიონთა ლიგაზე გასვლის შემთხვევაში ჟერარდ დეულოფეუს ტრანსფერის განხორციელებას გეგმავენ.

როგორც იცით, ჩემპიონთა ლიგის ჯგუფური ეტაპის საგზურის მოსაპოვებლად ნეაპოლელებმა “ნიცას” ბარიერი უნდა გაიარონ. იტალიაში გამართული პირველი მატჩი მასპინძელთა გამარჯვებით, 2-0 დასრულდა. განმეორებითი მატჩი კი სამშაბათს გაიმართება.

დეულოფეუს “ნაპოლიში” გადასვლა კი თავის მხრივ, ფილიპე კოუტინიოსა და უსმან დემბელეს ტრანსფერებზეა დამოკიდებული,რაც დეუოფეუს მნიშვნელოვნად შეუზღუდავს სათამაშო დროს.

“ბაიერნი” “ნაპოლისთანაც” დამარცხდა (ვიდეო)

Posted on by იაკობ კაპანაძე

მიუნხენის “ბაიერნმა” წინასასეზონო მზადება გეგმის მიხედვით ნამდვილად არ მიმდინარეობს. კარლო ანჩელოტის გუნდმა “ნაპოლისთანაც” წააგო და აუდის თასის გათამაშება ბოლო, მეოთხე ადგილზე დაასრულა.

“ლივერპულთან” სამბურთიანი სხვაობით განადგურების შემდეგ, “რეკორდმაისტერმა” “ნეაპოლელთაგან” ორი უპასუხო ბურთი მიიღო. გოლების ავტორები კულიბალი (16′) და ჯაკერინი არიან (55′).

“ნაპოლი”: ზეპე; გულამი, კულიბალი, მაქსიმოვიჩი, მაჯო; ჰამშიკი, დიავარა, ზელინსკი; ინსინე, მერტენსი, კალეხონი

მთავარი მწვრთნელი: მაურისიო სარი

“ბაიერნი”: ფრუჰტლი; კიმიხი, სულე (ავუდია 78′), მაი, ფრედლი; რუდი (ფაინი 77′), ვიდალი (ტოლისო 64′); კუმანი, სანჩეში, ტილმანი; ვინტცაიმერი

მთავარი მწვრთნელი: კარლო ანჩელოტი

აგენტი ადასტურებს: მარიო რუი “ნაპოლიში” ითამაშებს

Posted on by იაკობ კაპანაძე

“რომას” ცენტრალური მცველის, მარიო რუის აგენტი ადასტურებს ინფორმაციას, რომ “ნაპოლის” ხელმძღვანელებმა დედაქალაქურ გრანდთან მარიო რუის ტრანსფერი შეათანხმა.

“ყველაფერი კარგადაა, მხარეებმა ტრანსფერის ყველა საკითხი შეათანხმეს,” – აცხადებს მარიო ჯუფრედი LaRoma24-თან საუბრისას.

როგორც იცით, ნეაპოლიტანელებმა უკვე დაიწყეს ახალი სეზონისთვის მზადება და ახლა დიმაროში იმყოფებიან. მარიო რუი კი მაურისიო სარის გუნდს უახლოეს მომავალში უნდა შეუერთდეს.

რაც შეეხება ამ ტრანსფერის ფასს, ჯანლუკა დი მარციოს ცნობით, ეს ტრანსფერი “ნაპოლის” 9.25 ევრო დაუჯდება.

ალვეშის აგენტი: “დიეგო “ნაპოლის” მშვენივრად მოერგება”

Posted on by კახა ყიფიანი

 

“ვალენსიას” მეკარის, დიეგო ალვეშის აგენტი აცხადებს, რომ მისი კლიენტი ახალი კლუბის ძიებაშია.

“დიეგოს სხვა, გაცილებით მაღალი დონის გუნდში თამაში სურს. ვფიქრობ, იგი “ნაპოლის” მოერგება. ჩვენ ახლა რამდენიმე ვარიანტს განვიხილავთ და საუკეთესოს ავარჩევთ. ბრაზილიელს გაცილებით დიდ დონეზე თამაში უნდა. მას ახალი მოტივიაცია და ადრენალინი სჭირდება.”

“ჯერ ადრეა იმის თქმა, რომ “ნაპოლი” ყველაფერს აკეთებს ალვეშის შესაძენად. თუმცა, თუ რეინა, ასაკიდან და კონდიციებითან გამომდინარე, კლუბს დატოვებს, დიეგო მისი შესანიშნავი შემცვლელი იქნება!” – აცხადებს გრაციანო ბატისტინი.

დრის მერტენსი: “ბარსელონა” და “ჩელსი” უარით გავისტუმრე”

Posted on by იაკობ კაპანაძე

“ნაპოლის” ერთ-ერთი ლიდერი, ბელგიელი დრის მერტენსი აღიარებს, რომ “ბარსელონასა” და “ჩელსის” მაისურის მორგების საკმაოდ კარგი შანსები ჰქონდა, თუმცა მან ნეაპოლიტანურ კლუბში დარჩენა გადაწყვიტა.

“მართალია, “ბარსელონა” ჩემს გარშემო არსებულ სიტუაციას ახლოდან აკვირდებოდა და ამ ტრანსფერითაც იყო დაინტერესებული, მაგრამ ყოველთვის ვამბობდი, რომ აქ ბედნიერი ვიყავი.

იქ რომ წავსულიყავი, ლეო მესის, ნეიმარისა და სუარესის შემცვლელის როლი უნდა მომერგო, მე კი თამაში მინდოდა. რა თქმა უნდა, კარგი იქნებოდა “ბარსაში” თამაში, მაგრამ ჩემი პრიორიტეტი მოედანზე მაქსიმალურად დიდი დროის გატარებაა.

ჩემი გადაბირების სურვილი ბევრმა კლუბმა გამოთქვა, განსაკუთრებით უცხოურმა კლუბებმა. “ჩელსისაც” სურდა ჩემი შესყიდვა, მაგრამ კონტე ერთხელაც არ შემხმიანებია,” – აცხადებს მერტენსი.

სპალეტი: “ნაპოლი” ღვთაებრივ ფეხბურთს თამაშობს”

Posted on by იაკობ კაპანაძე

“რომას” მთავარმა მწვრთნელმა, ლუჩიანო სპალეტიმ თავისი გუნდის უშუალო მეტოქეზე, “ნაპოლიზე” საუბრისას ნეაპოლელთა სათამაშო სტილის მაღალ ხარისხს სგაუსვა ხაზი.

“ისინი ღვთაებრივ ფეხბურთს თამაშობენ.

მათი ასეთი ტექნიკა, სისწრაფე და სისხარტე გადაწყვეტილების მიღების, ბურთის გადანაწილების დროს მართლაც რომ გასაოცრად ლამაზი საყურებელია.

მესმის სარის იმედგაცრუების. რა თქმა უნდა, ასეთი სეზონის შემდეგ მესამე ადგილი მათთვის დამაკმაყოფილებელი არ უნდა იყოს. თუმცა, მეორე ადგილი არანაკლებ დაიმსახურა “რომამაც”, – აცხადებს სპალეტი.