ჭდე: მაურისიო სარი

იტალიური პრესის, კერძოდ Corriere dello Sport-ის, მიერ გავრცელებული ცნობების მიხედვით, “ნაპოლის” მომავალი სეზონიდან კარლო ანჩელოტი გაწვრთნის.

როგორც იცით, 58 წლის იტალიელ სპეციალისტს მაურისიო სარის შეცვლა დაევალება, რომლის მიმართაც ინტერესს “ჩელსისა” და “ზენიტის” მესვეურები იჩენენ.

საიდუმლო არავისთვის არაა, რომ “ნაპოლის” ჩაბარების შემთხვევაში კლუბის პრეზიდენტი, აურელიო დე ლაურენტისი, მას ერთ ნათელ მიზანს დაუსახავს – სერია ა-ს მოგება.

კარლო ანჩელოტის ბოლო კლუბი მიუნხენის “ბაიერნი” იყო, საიდანაც ზამთარში დაითხოვეს. “პაპა კარლოს” “არსენალშიც” შესთავაზეს სამუშაო, მაგრამ ლონდონში გადაბარგება იუარა.

მაურისიო სარის “ნაპოლიმ” მიმდინარე სეზონში ჩემპიონობისთვის ბოლომდე იბრძოლა, თუმცა გადამწყვეტ მომენტში უფრო ძლიერი მაინც ტურინის “იუვენტუსი” აღმოჩნდა. მაურისიომ ეს ყოველივე პრესასთან შეაფასა.

“ყველა იმას ამბობს, რომ “იუვენტუსი” უფრო ძლიერია. მათი ყველა თამაში არ მინახავს, რომ განვსაზღვრო, რამდენად შეესაბამება სიმართლეს ეს მოსაზრება,” – აცხადებს სარი.

მას ჰკითხეს, თუ რას შეცვლიდა იმ ღამეს, როდესაც “იუვემ” “ინტერს” ქამბექი შეუსრულა (3-2), რის შემდეგაც “პარტენოპეი” “ფიორენტინასთან” განადგურდა (3-0).

“ფლორენციაში, სასტუმროში ყოფნისას თამაშის ყურების ნაცვლად, ადრე უნდა დაგვეძინა. იმ ღამეს დიდი ფსიქოლოგიური დარტყმა მივიღეთ. ერთადერთი რასაც ვნანობ არის ის, რომ “სკუდეტო” სასტუმროში წავაგეთ და არა მოედანზე,” – დაამატა 59 წლის იტალიელმა სპეციალისტმა.

„ნაპოლის“ მთავარი მწვრთნელი მაურსიო სარი თავის პოსტზე დარჩება, წერს „Football-Italia“.

კლუბთან მოქმედი კონტრაქტი სპეციალისტს მიმდინარე წლის ზაფხულამდე აკავშირებს, თუმცა იტალიელ ჟურნალისტებს ეჭვიც არ ეპარებათ, რომ ის ნეაპოლში დარჩება. წყაროს ინფორმაციით, სეზონის დასრულების შემდეგ სარი კლუბის პრეზიდენტ აურელიო დე ლაურენტისს შეხვდება და გუნდის მომავალს განიხილავს. სხვა თემებზე ყურადღების გადატანის აცილების მიზნით სარის მოლაპარაკებების ახლა დაწყება არ სურს.