Oklakhoma City Thunder – Fanebi.Com – ფეხბურთი, კალათბურთი, რაგბი, სხვა

„ოკლაჰომამ“ უესტბრუკიც დაკარგა

Posted on ოქტომბერი 31, 2014 by Alix

„ლოს-ანჯელეს კლიპერსთან“ ეროვნული საკალათბურთო ასოციაციის რეგულარული სეზონის მეორე მატჩი „ოკლაჰომა-სიტი თანდერისთვის“ ასევე უიღბლო გამოდგა.

ანგარიშით 93:90 მარცხის გარდა, გუნდმა ასევე თავისი კიდევ ერთი ლიდერი რასელ უესტბრუკი დაკარგა. რასელმა შეხვედრა ხელის მოტეხილობის გამო ვერ დაასრულა. მოედანზე გატარებულ დაახლოებით ცხრა წუთში მისმა მონაგარმა მხოლოდ ორი ქულა და ოთხი ასისტი შეადგინა.

შეგახსენებთ, რომ მიმდინარე სეზონის დასაწყისში „თანდერს“ ვერც კევინ დურანტი ეხმარება.

უესტბრუკის მეოდანზე დაბრუნების დაახლოებითი თარიღი მოგვიანებით გაირკვევა.

„ოკლაჰომა-სიტი თანდერი“: სეზონის პრევიუ

Posted on ოქტომბერი 23, 2014 by Alix

წარმოგიდგენთ ეროვნული საკალათბურთ აოსციაციაიის მოახლოებული სეზონისთვის „ოკლაჰომა-სიტი თანდერის“ პრევიუს.

უესტბრუკი, დაახლოებით, შვიდ კვირას გამოტოვებს

Posted on დეკემბერი 28, 2013დეკემბერი 28, 2013 by Alix

„ოკლაჰომა სიტი თანდერის“ პრესსამსახურმა დაადასტურა, რომ გუნდის პლეიმეიკერს რასელ უესტბრუკს მარჯვენა მუხლის ოპერაცია გაუკეთეს, რის გამოც იგი, დაახლოებით, შვიდი კვირის განმავლობაში ვერ ითამაშებს.

„აქამდე რასელს ტკივილი არ აწუხებდა, თუმცა ბოლო მატჩებში ყველაფერი შეიცვალა“, – განაცხადა კლუბის გენერალურმა მენეჯერმა სემ პრესტიმ.

აღსანიშნავია, რომ ტრავმის გამო რასელმა სეზონის სტარტზე ასევე არაერთი შეხვედრა გამოტოვა. თუმცა, ამის მიუხედავად, მან მაღალი დონის თამაშის ჩვენება მაინც მოახერხა. ერთ შეხვედრაში მისმა საშუალო მონაგარმა 21,3 ქულა, 6 მოხსნა და 7 გადაცემა შეადგინა.

„ნიქსთან“ მატჩში უესტბრუკმა ტრიპლ-დაბლიც შეასრულა და ისტორიაში მერვე კალათბურთელი გახდა, რომელმაც საშობაო სათამაშო დღეს მსგავსი შედეგი აჩვენა.

სავარაუდოდ, 25 წლის მოთამაშე პარკეტზე ნაციონალური საკალათბურთო ასოციაციის ოლ სტარისთვის დაბრუნდება.

ალექსანდრე მატევოსოვი

დურანტმა ოკლაჰომაში რესტორანი გახსნა

Posted on დეკემბერი 15, 2013დეკემბერი 15, 2013 by Alix

„თანდერის“ ლიდერმა კევინ დურანტმა ოკლაჰომაში რესტორანი გახსნა, რომელიც „კეიდის სამხრეთის სამზარეულო“ დაარქვა.

ცნობილია, რომ სტანდარტული მენიუს ფასი 10 დოლარიდან 25 დოლარამდე იქნება. გარდა ამისა, რესტორანი კლიენტებს „ბოლერის მენიუსაც“ შესთავაზებს, რომელშიც მინიმუმ 50-დოლარიანი კერძები შევა.

ალექსანდრე მატევოსოვი

ფიშერი კარიერას მიმდინარე სეზონის შემდეგ დაასრულებს

Posted on დეკემბერი 14, 2013 by Alix

როგორც ჩანს, „ოკლაჰომა სიტი თანდერის“ გამთამაშებელმა დერეკ ფიშერმა კარიერიას დასრულება საბოლოოდ გადაწყვიტა.

„სიტყვას „არასდროს“ იშვიათად ვიყენებ. ასეა თუ ისე, ვგრძნობ, რომ კარიერის დასრულების მომენტი დადგა. გარდა ამისა, ბოლო სეზონში, შესაძლოა, ნაციონალური საკალათბურთო ასოციაციაც კი მოვიგო“, – განაცხადა ფიშერმა.

მიმდინარე სეზონში ვეტერანმა კალათბურთელმა „თანდერის“ მაისურით 21 მატჩი ჩაატარა. სათამაშო დროის 13,3 წუთში მისმა საშუალო მონაგარმა 2,7 ქულა შეადგინა.

სხვადასხვა წლებში დერეკი „ლოს-ანჯელეს ლეიკერსის“, „გოლდენ სტეიტ უორიორსის“, „იუტა ჯაზისა“ და „დალას მავერიკსის“ ღირსებასაც იცავდა.

ალექსანდრე მატევოსოვი

დურანტი: „ტიტულზე ფიქრმა პრობლემები შემიქმნა“

Posted on ოქტომბერი 28, 2013 by Alix

„ოკლაჰომა სიტი თანდერის“ ლიდერმა კევინ დურანტმა აღიარა, რომ ტიტულის მოგების სურვილის გამო მას არაერთი პრობლემა შეექმნა.

„გასულ სეზონში ასოციაციის მოგების ძალიან დიდი სურვილი მქონდა. ზოგჯერ დაძინებასაც კი ვერ ვახერხებდი. გარდა ამისა, თანაგუნდელებს, მწვრთვნელებსა და მსაჯებს უმიზეზოდ ვეჩხუბებოდი. ვფიქრობდი, რომ იმ შემთხვევაში, თუ კარგად ვერ ვითამაშებდით, ტიტულის მოგების შანსებს დავკარგავდით“, – განაცხადა კევინმა.

„ახლა კი სხვანაირად ვიფიქრებ. რა თქმა უნდა, NBA-ს მოგება ახალ სეზონშიც მინდა, თუმცა, ამჯერად, ასე არ მოვიქცევი. ყველაფერს მშვიდად მივიღებ, რადგან წინაამღდეგ შემთხვევაში, კარგ შედეგებს ვერ მივაღწევთ“, – დაასრულა დურანტმა.

ალექსანდრე მატევოსოვი

დურანტი: „ჰიუსტონი? მომავალზე არ ვფიქრობ“

Posted on ოქტომბერი 24, 2013ოქტომბერი 24, 2013 by Alix

„ოკლაჰომა სიტი თანდერის“ ლიდერი კევინ დურანტი ჯალენ როუზის სიტყვებს გამოეხმაურა, რომლის ვარაუდით, 2016 წელს, როდესაც კევინს ამჟამინდელ კლუბთან კონტრაქტი დაუმთავრდება, იგი „ჰიუსტონ როკეტსში“ გადავა, სადაც ამჟამად ჯეიმს ჰარდენი და დუაიტ ჰოვარდი თამაშობენ.

– როუზის ინტერვიუ თუ წაგიკითხავთ?

– რა თქმა უნდა

– რას ფიქრობთ ამის შესახებ?

– ამჟამად „თანდერში“ ვარ. დასამატებელი არაფერი მაქვს. მომავალზე არ ვფიქრობ, რადგან აწმყოზე ვარ კონცენტრირებული. წინასწარმეტყველი კი ნამდვილად არ ვარ. რაღა დავამატო? ეს როუზის აზრია. ვიცი, რომ ოკლაჰომაში გავაგრძელებ თამაშს, აქ ძალიან მომწონს

– როგორც ჩანს, აღნიშნულ საკითხის განხილვა სამი წლის განმავლობაში გაგრძელდება

– სამწუხაროდ, ასეა

– ამას როგორ უმკლავდებით?

– უბრალოდ, ვცდილობ, მომავალზე არ ვიფიქრო. შესაბამისად, შემიძლია გითხრათ, რომ ჩემი პარტნიორები მიყვარს, მიყვარს ეს ქალაქი და მისი კლუბი. მხოლოდ დღევანდელი დღით ვცხოვრობ.

ალექანდრე მატევოსოვი

უებერი: „თანდერი“ ტიტულისთვის ვერ იბრძოლებს“

Posted on ოქტომბერი 14, 2013 by Alix

ეროვნული საკალათბურთო ასოციაციის ცნობილი მოთამაშე კრის უებერი, რომელიც ამჟამად TNT-ს ანალიტიკოსად მუშაობს, თვლის, რომ „ოკლაჰომა სიტი თანდერი“ ტიტულისთვის ბრძოლას მიმდინარე სეზონში ვერ მოახერხებს.

„ვფიქრობ, ოპერაციის შემდეგ, უესტბრუკი არაფერს დაკარგავს. იგი ძველ ფორმას დაიბრუნებს ან შესაძლოა, კიდევ უფრო ათამაშდეს. რასელის სიძლიერის მიუხედავად, „თანდერს“ ტიტულის პრეტენდენტად არც გასულ სეზონში მოვიაზრებდი. წელს ლიგა შეიცვალა, ეს ყველა გუნდმა უნდა გაითვალისწინოს, წარსულით ცხოვრება არ შეიძლება. დასავლეთში ბევრი საინტერესო კლუბია. გასაგებია, რომ ჯეიმს ჰარდენის წასვკის შედეგად, გუნდი არ გაძლიერებულა, თუმცა ოკლაჰომა კევინ მარტინმაც დატოვა. ასე რომ, კლუბის ხელმძღვანელობამ რაღაც ახალი უნდა მოიფიქროს“, – განუცხადა უებერმა The Boston Globe-ს.

ალექსანდრე მატევოსოვი

დურანტი: „უეიდის გაბრაზება არ მინდოდა“

Posted on ოქტომბერი 6, 2013 by Alix

„ოკლაჰომა სიტი თანდერის“ ფორვარდმა კევინ დურანტმა განაცხადა, რომ მას „მაიამი ჰიტის“ უკანახაზელის დუეინ უეიდის გაბრაზება არ უნდოდა.

შეგახსენებთ, რომ რამდენიმე კვირის წინ, მოთამაშეებმა ტვიტერზე იკამათეს. ეს მას შემდეგ მოხდა, რაც დურანტმა დაწერა, რომ Sports Illustrated-ის მიერ შედგენილ ეროვნული საკალათბურთო ასოციაციის საუკეთესო ათი მოთამაშის სიაში უეიდის ადგილი მისმა ყოფილმა თანაგუნდელმა ჯეიმს ჰარდენმა უნდა დაიკავოს.

„ეს უბრალო წვრილმანია, ყველაფერი რიგზეა. უბრალოდ, ჩემი აზრი გამოვთქვი. ჩვენ შორის არანაირი კონფლიქტია. ასოციაციაში ახალგაზრდა და ძლიერი კალათბურთელები არიან, რომლებიც მეტ ყურადღებას იმსახურებენ. ზოგი მათგანი კი უკვე ვარსკლავად ჩამოყალიბდა. ვფიქრობ, დროა, ასეთ კალათბურთელებს მეტი ყურადღება მიექცეს. პატივს კი ყველას ვცემ, განსაკუთრებით უეიდს“, – განაცხადა დურანტმა.

ალექსანდრე მატევოსოვი

ფიშერის მიზანი მხოლოდ ჩემპიონობაა

Posted on ოქტომბერი 5, 2013 by Alix

„ოკლაჰომა სიტი თანდერის“ გამთამაშებელმა დერეკ ფიშერმა ერთ-ერთ ბოლო ინტერვიუში კობი ბრაიანტის თაობაზე იხუმრა.

– ჩემპიონატის მოგება – გუნდის მიზანია?
– რა თქმა უნდა. ყველაფერს გავაკეთებთ, რათა ამ მიზანს მივაღწიოთ. გვესმის, თუ რა უნდა გავაკეთოთ, რათა ჩვენი საუკეთესო თვისებები გამოვაჩინოთ. თუ ყველაფერი გამოვა, მაშინ ეროვნულ საკალათბურთო ასოციაციას მეექვედ მოვიგებ. ამჟამად, მხოლოდ იმის თქმა შემიძლია, რომ წინ კიდევ ბევრი დრო არის დარჩენილი.

– როგორ ფიქრობთ, მეექვსე ჩემპიონობასთან ახლოს უფრო თქვენ ხართ თუ კობი ბრაიანტი?
– ამაზე არც კი მიფიქრია. კალათბურთი – გუნდური სპორტის სახეობაა და არა ინდივიდუალური. იმ შემთხვევაში, თუ ერთ-ერთი ჩვენგანი წელს NBA-ს მოიგებს, მე და კობი ამ ყველაფერს მომავალში ღიმილით გავიხსენებთ. ამას მაშინ გავაკეთებთ, როდესაც ჩვენი შვილები გაიზრდებიან, ჩვენ კი პენსიაზე ვიქნებით. კობის კარიერა ჩემ კარიერაზე უფრო კარგად ვითარდება.

ალექსანდრე მატევოსოვი

უესტბრუკი სეზონის სტარტს გამოტოვებს

Posted on ოქტომბერი 2, 2013 by Alix

გუშინ, „ოკლაჰომა სიტი თანდერის“ ლიდერს რასელ უესტბრუკს მარჯვენა ფეხის მუხლის ოპერაცია ჩაუტარდა.

ცნობილია, რომ ქირურგიული ჩარევის შემდეგ, რასელი ეროვნული საკალათბურთო ასოციაციის მოახლოებული სეზონის პირველ 4-6 კვირას გამოტოვებს.

აღსანიშნავია, რომ თავის კარიერაში 24 წლის მოთამაშეს რეგულარული ჩემპიონატის არც ერთი შეხვედრა არ გამოუტოვებია.

გასულ სეზონში რასელმა 82 მატჩში მიიღო მონაწილეობა. ერთ შეხვედრაში მისმა საშუალო მონაგარმა 23,2 ქულა და 7,4 გადაცემა შეადგინა.

ალექსანდრე მატევოსოვი

დურანტი: ”როუზმა სწორი გადაწყვეტილება მიიღო”

Posted on სექტემბერი 25, 2013 by Alix

”ოკლაჰომა სიტი თანდერის” ფორვარდის კევინ დურანტის აზრით, ”ჩიკაგო ბულზის” უკანახაზელმა დერიკ როუზმა სწორი გადაწყვეტილება მიიღო, როდესაც 2012/2013 წლების სეზონის გამოტოვება გადაწყვიტა. გარდ აამისა, კევინმა აღნიშნა, რომ ამჟამად, დერიკი კარგ ფორმაში იმყოფება.

”ამ მომენტისთვის, როუზი კარგად გამოიყურება. დერიკმა მთლიანი სეზონი გამოტოვა, თუმცა მას ეს გამოადგა. საზოგადოება მას ამის გამო აკრიტიკებდა, მაგრამ მან სწორი გადაწყვეტილება მიიღო”, – განუცხადა ”დურანტულამ” ESPN Chicago-ს.

ალექსანდრე მატევოსოვი