ჭდე: პაბლო საბალეტა

„მანჩესტერ სიტისა“ და არგენტინის ნაკრების მცველი პაბლო საბალეტა გამოჯანმრთლეების შემდეგ ოპტიმისტურადაა განწყობილი.

„ახლა რიგზე ვარ. შევეცდები, „ლივერპულთან“ მატჩისთვის, რომელიც სანაკრებო პაუზის შემდეგ ჩატარდება, ოპტიმალური ფორმა აღვიდგინო. ჯერჯერობით აღდგენითი პროცესი გეგმის მიხედვით მიმდინარეობს. საერთო ჯგუფში დაბრუნებას ორშაბათს ვაპირებ“, – ციტირებს სამხრეთამერიკელს Goal.com-ი.

„მანჩესტერ სიტის“ მცველი პაბლო საბალეტა „კრისტალ პალასთან“ ინგლისის ლიგის თასის გუშინდელ მატჩში დაშავდა. არგენტინელმა ტრავმა ლონდონელთა მოთამაშესთან უილფრიდ ზახასთან შეჯახების შემდეგ მიიღო, რის გამო მოედნის დამოუკიდებლად დატოვებაც ვერ შეძლო.

ტრავმის სირთულე დაწვრილებით სამედიცინო შემოწმების შემდეგ გაირკვევა.

შეგახსენებთ, რომ „ქალაქეთა“ ლაზარეთში ამჟამად სერხიო აგუერო და დავიდ სილვაც არიან.

„მანჩესტერ სიტის“ მცველმა პაბლო საბალეტამ ინგლისის პრემიერლიგის მიმდიანრე სეზონის გათამაშებაში თავისი გუნდის შანსები შეაფასა.

„ახლა უბრალოდ ჩვენს თამაშზე უნდა ვიფიქროთ. ყოველ მატჩში უნდა ვცდილობდეთ, მოვიგოთ. ყველაფერი „სიტის“ ხელში რჩება.

წარუმატებლობის შემთხვევაში, თავს ვერაფრით გავიმართლებთ. ასპარეზობას მხოლოდ ინგლისის პრემიერლიგაში ვაგრძელებთ და შეხვედრებისთვის მოსამზადებლად საკმარისი დრო გვექნება. გვჯერა, რომ ტიტულის მოგებას შევძლებთ“, – განაცხადა არგენტინელმა მცველმა.

ალექსანდრე მატევოსოვი