ტურინის “იუვენტუსის” ნახევარმცველმა პოლ პოგბამ იტალიის სერია A-ს 21-ე ტურში “რომას” წინააღმდეგ გასამართ მატჩში ახალი ვარცხნილობით წარსდგება. ფრანგი ფეხბურთელი იმედოვნებს, რომ დღეს გოლს გაიტანს და თავის სტილში აღნიშნავს, რომელსაც “ბანგი” ეწოდება.
“ახალი ვარცხნილობა დღევანდელი “ბანგ”, “ბანგ” ბანგისთვის”, – დაწერა სოციალურ ქსელში პოგბამ.
მადრიდის “რეალი” ტურინის “იუვენტუსის” ნახევარმცველ პოლ პოგბას გადაბირებას შეეცდება.
“სამეფო კლუბის” ახალმა მთავარმა მწვრთნელმა ზინედინ ზიდანმა სატრანსფერო სია ჩამოწერა და მთავარ მიზნად სწორედ პოგბა დაასახელა.
გავრცელებული ინფორმაციის თანახმად, “იუვენტუსი” მზად არის, დაიწყოს მოლაპარაკებები, თუ 22 წლის ფეხბურთელის სანაცვლოდ მინიმუმ 100 მილიონ ევროს შესთავაზებენ.
ცნობისთვის, პოლ პოგბას “ბებერ სინიორასთან” მოქმედი კონტრაქტი 2019 წელს ეწურება. ფრანგი ფეხბურთელის წლიური ჯამაგირი 4,5 მილიონ ევროს შეადგენს.
ავტორიტეტული იტალიური გამოცემა “ლა გაძეტა დელო სპორტისთვის” ცნობილი გახდა ტურინის “იუვენტუსის” ნახევარმცველ პოლ პოგბას ლონდონის “ჩელსიში” არშემდგარი ტრანსფერის დეტალები.
როგორც წყარო იუწყება, 24 აგვისტოს კლუბები 22 წლის ფრანგი ფეხბურთელის ტრანსფერზე საბოლოოდ შეთანხმდნენ. ინგლისელებს პოგბას სანაცვლოდ 85 მილიონი ევრო უნდა გადაეხადა, თუმცა თავად ფეხბურთელმა “სტემფორდ ბრიჯზე” გადასვლა არ ისურვა.
გამოცემის თანახმად, პოგბამ ეს გადაწყვეტილება აგენტ მინო რაიოლასთან გავლილი კონსულტაციების შემდეგ მიიღო. “ჩელსი” ფრანგ ნახევარმცველს მნიშვნელოვნად გაზრდილ ხელფასს შეპირდა, თუმცა ფეხბურთელმა ტურინში დარჩენა ამჯობინა. შეგახსენებთ, რომ იგი “იუვენტუსში” წელიწადში 4,5 მილიონ ევროს გამოიმუშავებს.
“ლა გაძეტა დელო სპორტის” ცნობით, პოლ პოგბას სატრანსფერო ღირებულება 120 მილიონ ევრომდე გაიზარდა.
ტურინის “იუვენტუსის” ნახევარმცველმა პოლ პოგბამ საკლუბო ნომერი იცვალა.
22 წლის ფრანგი ფეხბურთელი “ბებერი სინიორას” რიგებში 10-ნომრიანი მაისურით ითამაშებს. შეგახსენებთ, რომ მანამდე ამ ნომრით კარლოს ტევესი თამაშობდა, რომელიც “ბოკა ხუნიორსში” დაბრუნდა.
პოლ პოგბამ გასულ სეზონში “იუვენტუსის” ფორმით ყველა ტურნირზე ერთად 41 მატჩი ჩაატარა, 10 გოლი გაიტანა და 6 საგოლე გადაცემა გააკეთა.
ლონდონის “ჩელსის” მთავარმა მწვრთნელმა ჟოზე მოურინიომ ტურინის “იუვენტუსის” ნახევარმცველი პოლ პოგბა შეაქო და ისურვა, რომ ფრანგი ფეხბურთელი მის გუნდში თამაშობდეს. ფეხბურთის პორტუგალიელმა სპეციალისტმა პოგბა ეიფელის კოშკს შეადარა, რითაც მიგვანიშნა, რომ “ჩელსი” ამ ძვირადღირებული ფეხბურთელის დამატებას არ შეეცდება.
“პოგბა მსოფლიოს ერთ-ერთი საუკეთესო მოთამაშეა. იგი ნებისმიერ გუნდს გააძლიერებდა. თუ ის “იუვენტუსში” დარჩება, ტურინელები კვლავ ძლიერ ძალად დარჩებიან. თუ პოგბა სხვაგან გადავა, ის გუნდი მომენტალურად გაძლიერდება.
ყველა დაინტერესებულია პოგბათი, მაგრამ არსებობს რაღაცები, რისი გაკეთებაც შეგიძლია და რასაც ვერ გააკეთებ. მე ძალიან მომწონს ეიფელის კოშკი, მაგრამ ჩემს ეზოში ვერ დავიდგამ”, – ციტირებს მოურინიოს სიტყვებს საფეხბურთო პორტალი Goal.com-ი.
მსოფლიოს 1998 წლის ჩემპიონი მარსელ დესაი თვლის, რომ პოლ პოგბამ ტურინის “იუვენტუსი” არ უნდა დატოვოს და თუ მაინც გადაწყვიტა “ბიანკონერიდან” აბარგება, მადრიდის “რეალში” უნდა გადავიდეს. მისი თქმით, 22 წლის ნახევარმცველისთვის პრიორიტეტი შესაძლოა, ფინანსები და პრესტიჟი იყოს.
“იუვენტუსი” ჩემპიონთა ლიგის ფინალში გავიდა, მოიგო იტალიის ჩემპიონატი. რატომ უნდა გადავიდეს პოგბა სხვაგან? თუ “მანჩესტერ სიტის” აირჩევს, ცხადი იქნება, რომ ამას ფულის გამო გააკეთებს. თუ მადრიდის “რეალში” გადავა, აქ უკვე მისთვის პრიორიტეტული პრესტიჟის საკითხი იქნება.
შესაძლოა, მისთვის საუკეთესო ვარიანტი სწორედ “რეალი” იყოს, რადგან “სამეფო კლუბის” ფილოსოფია შეტევას გულისხმობს. სამი ნახევარმცველის პირობებში პოგბა თავს უკეთ წარმოაჩენს. ერთადერთი პრობლემა იმაში მდგომარეობს, რომ მას მარცხენა ფლანგზე გადაადგილება უყვარს ხოლმე, აქ კი “რეალს” კრიშტიანუ რონალდუ ჰყავს. მაინც ვთვლი, რომ თუ პოგბა “იუვენტუსიდან” წავა, მისთვის საუკეთესო ვარიანტი “რეალი” იქნება”, – დესაის სიტყვებს Goal.com-ი ციტირებს.
“ბარსელონა” ტურინის “იუვენტუსის” ნახევარმცველ პოლ პოგბას ტრანსფერზე მუშაობას აგრძელებს.
შესაძლო ტრანსფერის განხორციელებას ის ფაქტი ართულებს, რომ “ბარსელონას” 2016 წლის იანვრამდე ფეხბურთელების შეძენა აკრძალული აქვს, პოგბას კი მსურველები მრავლადჰყავს.
“მარკას” ინფორმაციით, “იუვენტუსი” მზად არის, ფრანგ ფეხბურთელს 100 მილიონ ევროდ შეელიოს, თავად პოგბას კი წელიწადში ჯამაგირის სახით 12 მილიონი ევრო სურს (უფრო მეტს “ბარსელონაში” მხოლოდ ლიონელ მესი იღებს). მთლიანი გარიგება 225 მილიონი ევრო ჯდება.
მანამდე გავრცელებული ინფორმაციით, “ბარსელონა” მზად არის, პოგბას შესაძენად გარიგებაში პედრო და მონტოიაც ჩართოს.
ტურინის “იუვენტუსის” ნახევარმცველი პოლ პოგბა მაისამდე ვერ ითამაშებს. ახალგაზრდა ფრანგმა ფეხბურთელმა უეფას ჩემპიონთა ლიგის მერვედფინალურ ეტაპზე დორტმუნდის “ბორუსიას” წინააღმდეგ გამართულ საპასუხო მატჩში (3:0) მუხლქვედა მყესი დაიშავა და ახლა 50 დღის გამოტოვება მოუწევს.
ამრიგად, პოლ პოგბას ჩემპიონთა ლიგის მეოთხედფინალური ეტაპის ორივე მატჩისა და იტალიის თასის ნახევარფინალში “ფიორენტინას” წინააღმდეგ გასამართი საპასუხო შეხვედრის გამოტოვება მოუწევს.
პოგბას იტალიის ჩემპიონატის მიმდინარე გათამაშებაში ჩატარებულ 22 მატჩში შვიდი გოლი აქვს გატანილი.
ბრიტანული პრესის ცნობით, ლონდონის “არსენალი” ტურინის “იუვენტუსის” ნახევარმცველ პოლ პოგბაზე ფიქრობს და მის სანაცვლოდ 110 მილიონ ევროსაც ამზადებს.
“მეთოფეებმა” მას შემდეგ გადაწყვიტეს ახალგაზრდა ფრანგი ფეხბურთელისთვის ბრძოლაში ჩაბმა, რაც გაიგეს, რომ “ბარსელონა” “საუთჰემპტონის” ნახევარმცველ მორგან შნეიდერლინით დაინტერესდა. კატალონიური გუნდი მზად არის, შნეიდერლინის სანაცვლოდ 35 მილიონი ევრო გადაიხადოს. თუ “ბლაუგრანას” ეს ტრანსფერი გამოუვა, “არსენალს” პოგბას ტრანსფერისთვის ბრძოლაში ერთი კონკურენტი ჩამოშორდება.
აქვე შეგახსენებთ, რომ პოლ პოგბას “იუვენტუსთან” მოქმედი კონტრაქტის ვადა 2019 წლის 30 ივნისს ეწურება.
ტურინის “იუვენტუსის” დირექტორმა პაველ ნედვედმა განაცხადა, რომ კლუბის 21 წლის ნახევარმცველი პოლ პოგბა “ბებერი სინიორას” დატოვებას არ აპირებს.
“ბოლო პერიოდში ხშირად მესმის ხმები იმის შესახებ, რომ პოგბა სეზონის ბოლოს “იუვენტუსს” დატოვებს. მას ჩვენს კლუბთან მოქმედი კონტრაქტი აკავშირებს, პოგბა ტურინში ბედნიერია. მას აქ ყველაფერი აქვს უმაღლესი დონის ფეხბურთელად გახდომისთვის. თუ მოგვიანებით პოგბა კლუბიდან წასვლის თხოვნით მოგვმართავს, ჩვენ ამასაც გეტყვით”, – ნედვედის სიტყვებს Football Italia აქვეყნებს.
შეგახსენებთ, რომ პოლ პოგბას “იუვენტუსთან” მოქმედი შრომითი ხელშეკრულება 2019 წლის ივნისში ეწურება.
ტურინის “იუვენტუსის” ნახევარმცველმა პოლ პოგბამ, რომელმაც იტალიის ჩემპიონატის XIX ტურში “ვერონას” წინააღმდეგ გამართულ შეხვედრაში (4:0) ერთი გოლი გაიტანა, მატჩის შემდეგ ჟურნალისტებთან საუბრისას განაცხადა, რომ სურს, ერთხელაც ანდრეა პირლოს, ჯანლუიჯი ბუფონისა და ჯორჯო კიელინის დონეს მიაღწიოს. ახალგაზრდა ფრანგმა ფეხბურთელმა “ოქროს ბურთის” მოგების სურვილიც გამოხატა და “პარი სენ-ჟერმენის” მხრიდან მისდამი გამოჩენილ ინტერესზეც გააკეთა კომენტარი. გავრცელებული ინფორმაციით, პარიზელები მზად არიან, პოგბას სანაცვლოდ 100 მილიონი ევრო გაიღონ.
“ბედნიერი ვარ, რადგან საკმაოდ კარგად ვითამაშეთ, თანაც ბურთი არ გაგვიშვია. ამავე სულისკვეთებით უნდა გავაგრძელოთ ასპარეზობა. მინდა, რომ კლუბისთვის მაქსიმალურად ბევრი გავიღო, მინდა, რომ იმ დონეს მივაღწიო, რომელზეც პირლო, ბუფონი და კიელინი არიან. იმედი მაქვს, მომავალში “ოქროს ბურთის” მოგებას შევძლებ, თუმცა ამისთვის ბევრი მუშაობა მმართებს.
რაც შეეხება “პარი სენ-ჟერმენის” მხრიდან ჩემდამი გამოხატულ ინტერესს, ჩემი ფასი ახლა ნული ევროს ტოლია. ღირებულება არ მაქვს მანამ, სანამ თითოეულ მატჩში არ დავიხარჯები”, – პოგბას სიტყვებს Football italia აქვეყნებს.
იტალიური გამოცემა “ტუტოსპორტი” იუწყება, რომ მადრიდის “რეალი” სერიოზულად არის დაინტერესებული ტურინის “იუვენტუსის” ნახევარმცველ პოლ პოგბათი.
წყაროს ცნობით, “სამეფო კლუბის” ხელმძღვანელობა მზად არის, ახალგაზრდა ფრანგი ფეხბურთელის სანაცვლოდ 100 მილიონი ევრო გაიღოს. ტრანსფერი შესაძლოა, ზაფხულში განხორციელდეს.
ცოტა ხნის წინათ პოგბას აგენტმა განაცხადა, რომ ფრანგი ნახევარმცველი ტურინში ბედნიერია, თუმცა მთელი კარიერის განმავლობაში “იუვეში” თამაშს არ აპირებს.
ფრანგი ფეხბურთელის მიმართ დაინტერესებული არიან სხვა ევროპული კლუბებიც, მათ შორის “მანჩესტერ იუნაიტედიც”, რომლის რიგებშიც პოგბა 2009-დან 2012 წლამდე ირიცხებოდა.
პოლ პოგბამ მიმდინარე სეზონში “იუვენტუსის” შემადგენლობაში 22 მატჩი ჩაატარა, ხუთი გოლი გაიტანა და ორი საგოლე გადაცემა გააკეთა.
