ლონდონის “ჩელსის” ესპანელმა ნახევარმცველმა, პედრომ,”ბარსელონასთან” ჩემპიონთა ლიგის 1/8-ფინალური ეტაპის ეგიდით გასამართ მატჩზე ისაუბრა.
“საბედნიეროდ, ძველ ფორმაში დაბრუნება შევძელით და ჩვენს შესაძლებლობებში სრულად დარწმუნებულები ვართ. ასეთი დონის მატჩში წარმატების მისაღწევად თვითრწმენა აუცილებელი რამ არის.
რა თქმა უნდა, ყოფილი თანაგუნდელების წინააღმდეგ თამაში უცნაური და ამავდროულად სასიამოვნოც იქნება. იქ ბევრი მეგობარი მყავს, რომლებთან ერთადაც დიდ დროს ვატარებდი.
რაც შეეხება მესის, ის კვლავ დიდებულ ფეხბურთს აჩვენებს. არ ვიცი, ისეთი რა ვთქვა, რაც აქამდე არ მითქვამს. მას მატჩის ბედის გადაწყვეტა მარტოს შეუძლია, მესის შეჩერება წარმოუდგენლად რთული იქნება,” – აცხადებს პედრო.
