ინგლისის პრემიერლიგის 30-ე ტურის ცენტრალურ მატჩს, რომელიც “ლივერპულსა” და “მანჩესტერ იუნაიტედს” შორის მიმდინარეობს, ლეგენდარული ბრაზილიელი ფეხბურთელი პელე ესწრება.
პელე “ენფილდის” სპეციალური სტუმარია. ბრაზილიელი მერსისაიდული გუნდის პარტნიორმა – სარესტორნო ქსელმა Subway-მ დაპატიჟა.
ამ დროისთვის მიმდინარეობს მატჩის 72-ე წუთი და ანგარიშია 1:2, “მანჩესტერ იუნაიტედის” სასარგებლოდ. “ლივერპული” მინდორზე ათი კაცის შემადგენლობით არის, მოედნიდან სტივენ ჯერარდი გააძევეს.
ლეგენდარულმა ბრაზილიელმა ფეხბურთელმა პელემ მსოფლიოს საუკეთესო ფეხბურთელი დაასახელა. როგორც “სანტოსის” ყოფილი თავდამსხმელი აცხადებს, არგენტინელი პორტუგალიელზე უკეთესი მოთამაშეა.
“რონალდუ თუ მესი? რთული შეკითხვაა. ისინი სხვადასხვა ტიპის ფეხბურთელები არიან. მიუხედავად იმისა, რომ ორივე შესანიშნავი მოთამაშეა, ჩემს გუნდში მესის ავიყვანდი. ამჟამად, არგენტინელი პორტუგალიელისაგან ძალიან განსხვავდება”, – ციტირებს პელეს სიტყვებს Eurosport-ი.
ლეგენდარულმა ბრაზილიელმა ფეხბურთელმა პელემ განაცხადა, რომ საკუთარ თანაგუნდელად “ბარსელონას” თავდამსხმელის ლიონელ მესის ყოლას ისურვებდა და არა – კრიშტიანუ რონალდუს. მისი თქმით, არგენტინელი ფეხბურთელი უფრო გუნდური მოთამაშეა.
“მესი და რონალდუ ერთმანეთთან შევადარო? ძალიან რთულია, რადგან განსხვავებული ტიპის ფეხბურთელები არიან. მესი უფრო გუნდური მოთამაშეა, იგი ამზადებს თამაშს და პასებს კარგად ანაწილებს. რონალდუ ბრაზილიელ რონალდოს უფრო ჰგავს, საკმაოდ ბევრ გოლს იტანს. მესიც და რონალდუც ფანტასტიური ფეხბურთელები არიან, თუმცა ჩემს თანაგუნდელად მესის ხილვას ვისურვებდი და არა – რონალდუს.
მესი უფრო მრავალფეროვნად თამაშობს, რონალდუ კი მხოლოდ წინ მოქმედებს”, – პელეს სიტყვები Channel News Asia-მ გამოაქვეყნა.
ლეგენდარულმა ბრაზილიელმა ფეხბურთელმა პელემ გულშემატკივრებს სპეციალური ვიდეომიმართვა გაუგზავნა და სთხოვა, რომ მისი ჯანმრთელობის მდგომარეობაზე არ იღელვონ. მსოფლიოს სამგზის ჩემპიონმა გიტარაზე დაუკრა და ქომაგებს მხარდაჭერისთვის მადლობა გადაუხადა.
“არ ინერვიულოთ. დიდ მადლობას გიხდით. ვიცი, რომ ჩემზე ძალიან ღელავთ, თუმცა მე კარგად ვარ”, – აღნიშნა პელემ.
შეგახსენებთ, რომ ნოემბრის შუა რიცხვებში 74 წლის პელე საავადმყოფოში მოათავსეს. მას თირკმელიდან კენჭი ამოუღეს. რამდენიმე დღის შემდეგ პელე ჰოსპიტალიდან გაწერეს, თუმცა მალევე საშარდე გზების ინფექციის გამო უკან დაბრუნება მოუწია. როგორც ხედავთ, ლეგენდარული ბრაზილიელი ფეხბურთელის მდგომარეობა გაუმჯობესდა.
“სანტოსის” ხელმძღვანელობამ პელესთან სამუდამო კონტრაქტი გააფორმა. შეგახსენებთ, რომ “ფეხბურთის მეფე” “სანტოსის” ღირსებას 1956-დან 1974 წლამდე იცავდა. მხარეებს შორის კონტრაქტი 2013 წელსაც იყო გაფორმებული, მიმდინარე წლის ივნისის თვიდან კი მისი გახანგრძლივების თაობაზე მოლაპარაკებები მიმდინარეობდა, რაც წარმატებით დასრულდა. ახალი ხელშეკრულების თანახმად, “სანტოსს” კლუბის კომერციული ინტერესებიდან გამომდინარე პელეს იმიჯის გამოყენება შეეძლება.
“ახალგაზრდობაში ეს კლუბი მენდო. “სანტოსმა” მაქცია კაცადაც და ფეხბურთელადაც. ეს კლუბი მუდამ ჩემთან ერთად არის”, – ციტირებს “სანტოსის” ოფიციალური ვებგვერდი პელეს სიტყვებს.
შეგახსენებთ, რომ პელე ამჟამად სან პულუს ერთ-ერთ საავადმყოფოს ნახევრად ინტენსიური თერაპიის განყოფილებაშია მოთავსებული. ის ჰოსპიტალში ნოემბრის ბოლოს საშარდე გზების ინფექციის გამო მოათავსეს. ლეგენდარული ბრაზილიელი ფეხბურთელის მდგომარეობა გაუმჯობესდა, მან პალატაში დამოუკიდებლად სიარულიც დაიწყო.
ოთხშაბათს ლეგენდარული ფეხბურთელი პელე სან-პაულუს საავადმყოფოში მუცლის ტკივილის გამო მიიყვანეს.
74 წლის პელეს ორგანიზმში ქვები იპოვეს, რომელიც ოპერაციის შედეგად მოიშორეს. ოპერაცია „ფეხბურთს მეფეს“ გუშინ დილით ჩაუტარდა.
როგორ ექიმები ამბობენ, ამჟამად პელეს ჯანმრთელობის მდგომარეობა სტაბილურია და მის სიცოცხლეს საფრთხე არ ემუქრება.
ესპანურმა გამოცემა “მარკამ” საინტერესო გამოკითხვა ჩაატარა კითხვით — ლეგენდარული ფეხბურთელებიდან ვის რომელ ადგილს მიაკუთვნებდით ფეხბურთის ისტორიაში? ჩამოთვლილი იყო შემდეგი მოთამაშეები: ალფრედო დი სტეფანო, პელე, იოჰან კრუიფი, დიეგო მარადონა, ზინედინ ზიდანი, კრიშტიანუ რონალდუ, ლიონელ მესი. გამოკითხა 81 ათასზე მეტი ადამიანი, ხმები კი ასე გადანაწილდა.
ლეგენდარულმა ბრაზილიელმა ფეხბურთელმა პელემ ერთ-ერთ პრესკონფერენციაზე მამამისის შესახებ საუბრისას ცრემლები ვერ შეიკავა.
ფეხბურთის ბრაზილიელი ლეგენდა პელე დარწმუნებულია, რომ ლიონელ მესი 2018 წლის მუნდიალზე შესძლებს მონაწილეობის მიღებას. პელემ აღნიშნა, რომ “ბარსელონას” ფეხბურთელს ამისთვის ყველაფერი აქვს.
“ბუნებრივია, მესი შესძლებს შემდეგ მუნდიალზე თამაშს. მას საკმაოდ კარგი ფიზიკური მონაცემები აქვს. მუნდიალის ფინალში არგენტინასთან მარცხი კი მის დამსახურებას არ აკნინებს. არგენტინელები ჩემპიონები რომ ვერ გახდნენ, მისი ბრალი ნამდვილად არ არის. არგენტინის და ბრაზილიის ნაკრების შემადგენლობაში რამდენიმე მოთამაშე იყო, რომლებიც ამ ტიტულის გარეშე დარჩნენ, თუმცა ამას ნამდვილად იმსახურებდნენ” – განაცხადა პელემ.
ლეგენდარულმა ბრაზილიელი ფეხბურთელი პელე თვლის, რომ ლუის ფელიპე სკოლარი ბრაზილიის ნაკრების მწვრთნელად უნდა დარჩეს.
“თუ სკოლარი ჯანმრთელადაა და მუშაობის გაგრძელება შეუძლია, ის აუცილებლად უნდა დარჩეს ნაკრების სათავეში და გუნდს 2018 წლის მუნდიალზეც უხელმძღვანელოს.
ბოლო თამაშებში მომხდარ ფაქტებს ალბათ ვერავინ ახსნის. ეს კატასტროფაა, თუმცა მწვრთნელის გამოცვლა საჭირო არ არის” – განაცხადა პელემ ბრაზილიურ პრესასთან საუბრისას.
ლეგენდარულმა ბრაზილიელმა ფეხბურთელმა პელემ არგენტინის ნაკრებს მსოფლიოს ჩემპიონატის ფინალში გასვლა მიულოცა.
„არგენტინის ნაკრებს დღევანდელ დიდ გამარჯვებას ვულოცავ. მოუთმენლად ველოდები კვირა დღეს, რათა ორი დიდებული საფეხბურთო ერის დაპირისპირებას „მარაკანას“ სტადიონიდან ვუცქირო“, – აღნიშნა პელემ.
მსოფლიოს ჩემპიონატის ნახევარფინალურ ეტაპზე ჰოლანდიისა და არგენტინის ნაკრებებს შორის გამართული მატჩი უგოლოდ დასრულდა, თერთმეტმერიანი დარტყმების სერიაში კი სამხრეთამერიკელებმა 4:2 იმარჯვეს და ფინალში თამაშის უფლება მოიპოვეს, სადაც გერმანიის ეროვნულ გუნდს დაუპირისპირდებიან.
ფინალური მატჩი 13 ივლისს, თბილისის დროით 23:00 საათზე დაიწყება.
ფიფამ დიეგო მარადონას მუნდიალის დროს სტადიონების VIP-ლოჟებზე შესვლა აუკრძალა. მსოლფიო ფეხბურთის მმრათველ ორგანიზაციაში მარადონას ქცევით უმაყოფილოები ყოფილან და აღნიშნული გადაწყვეტილებაც სწორედ ამას უკავშირდება. საქმე იმაშია, როპმ არგენტინელი ფიფას საკმაოდ ხშირად აკრიტიკებს.
რამდნეიმე ხნის წინ მარადონამ პელეს და ფრანც ბეკენბაუერს იდიოტებიც კი უწოდა, რომლებიც ბლატერის მითითებებს ასრულებენ.
