21-ე საუკუნეში არაერთ გენიალურ ფეხბურთელს უთამაშია. ეს საუკუნე იმითაცაა გამორჩეული, რომ გულშემატკივრებმა ბევრი ბრწყინვალე მეკარე იხილეს.
სპორტულმა პორტალმა GiveMeSport-მა 21-ე საუკუნის 10 საუკეთესო მეკარე დაასახელა.
10. ტიმ ჰოვარდი
9. ვიქტორ ვალდესი
8. პეპე რეინა
7. ჟულიო სეზარი
6. ნელსონ დიდა
5. ოლივერ კანი
4. ვან დერ სარი
3. პეტრ ჩეხი
2. იკერ კასილასი
1. ჯანლუიჯი ბუფონი
„ნაპოლის“ მეკარე პეპე რეინა თავის ამჟამინდელ კლუბში ბედნიერია, თუმცა მომავალში სხვაგან გადასვლას არ გამორიცხავს.
„აქ ყოფნით ძალიან კმაყოფილი ვარ. კარიერაში და ცხოვრებაში ყველაფერი მოსალოდნელზე უკეთესად ამეწყო. „ნაპოლი“ – საინტერესო პროექტია, რომელიც უეფას ჩემპიონთა ლიგის გათამაშებაში იღებს მონაწილეობას. გუნდს ახალგაზრდა და საინტერესო მოთამაშეები ჰყავს“.
„ვერ გეტყვით იმას, თუ როგორ განვიტარდება მოვლენები მომავალში. ზაფხულს „ლივერპულში“ დავბრუნდები, ხოლო შემდეგ ვნახავთ, თუ რა მოდება“.
„ბარსელონა? რა თქმა უნდა, სასიამოვნოა, როდესაც შენს შეძენაზე ასეთი დონის კლუბი ფიქრობს“, – განაცხადა ესპანელმა გოლკიპერმა.
შეგახსენებთ, რომ აქამდე გავრცელებული ინფორმაციით, „ბარსელონას“ ხელმძღვანელები მიუნხენგლადბახის „ბორუსიას“ კარის დარაჯის მარკ-ანდრე ტერ შტეგენისა და რეინას დამატებაზე ფიქრობს.
ალექსანდრე მატევოსოვი
„ნაპოლის“ გოლკიპერმა პეპე რეინამ იმის იმედი გამოთქვა, რომ ერთ მშვენიერ დღეს გონსალო იგუაინი „ნაპოლის“ გულშემატკივართა გულს დიეგო არმანდო მარადონას მსგავსად მოიგებს.
„ნეაპოლი ფეხბურთით სუნთქავს. აქ სპორტის ეს სახეობა რელიგიად იქცა. ღმერთად ამ ქალაქში კიდევ უამრავი წლის განმალობაში რა თქმა უნდა დიეგო მარადონა დარჩება. მარადონას გამოსახულებით ნეაპოლში ნებისმიერ სუვენირის ან მაისურის შეძენა შეგიძლიათ. იმედი მაქვს, ოდესმე ასე იგუაინიც შეუყვარდებათ, რომელიც ამჟამად ჩვენი გუნდის ლიდერი გახლავთ“, – განაცხადა ესპანელმა მეკარემ.
ალექსანდრე მატევოსოვი
„ბარსელონას“ ნახევარმცველი სესკ ფაბრეგასი დარწმუნებით ამბობს, რომ ესპანეთის ნაკრების მეკარე პეპე რეინა ვიქტორ ვალდესის იდეალური შემცვლელი იქნებოდა. მოგეხსენებათ, სეზონის ბოლოს ვალდესი კლუბიდან აბარგებას აპირებს. მანამდე გავრცელებული ინფორმაციის თანახმად, „ლივერპულის“ საკუთრებაში მყოფი და „ნაპოლიში“ იჯარით გასხვისებული რეინა „ბარსელონას“ ზამთრის სატრანსფერო პერიოდში შეუერთდება.
„ვიქტორმა „ბარსელონას“ პირველ გუნდში უკანასკნელი ათი წელიწადი გაატარა და ახლა ვერ წარმოგვიდგენია, რომ იგი სხვამ უნდა შეცვალოს. ვალდესი ჩვენთვის ძალიან მნიშვნელოვანი ფიგურაა, თუმცა მან სხვა ჩემპიონატში თამაშის და სხვა ქვეყნის კულტურის გაცნობის უფლება დამსახურებულად მოიპოვა. მას კარგად ვიცნობ და ვიცი, რომ მისი გადაწყვეტილება საბოლოოა.
რაც შეეხება პეპე რეინას, მისი ერთ-ერთი უპირატესობა არის ის, რომ ჩვენ მას კარგად ვიცნობთ. რეინა ძალზედ გამოცდილი მეკარეა. გარდა ამისა, ის გასახდელში შესანიშნავ ატმოსფეროს ქმნის. ჩემი აზრით, ის ჩვენს გუნდს გამოადგება. სიამოვნებით ვიხილავდი რეინას „ბარსელონაში“, – ფაბრეგასის სიტყვები „რადიო კატალონიას“ ვებ-გვერდზე გამოქვეყნდა.
აქვე შეგახსენებთ იმასაც, რომ რეინა სწორედ „ბარსელონას“ აღზრდილია და პროფესიონალური კარიერაც კატალონიურ გრანდში დაიწყო.
ბექა დოგრაშვილი
კატალონიის “ბარსელონას” ორი ნახევარმცველი, სერხიო ბუსკეტსი და სესკ ფაბრეგასი ხელმძღვანელობას ესპანელი კიპერის, პეპე რეინას გადმობირებას სთხოვენ.
შეგახსენებთ, რომ რეინა “ნაპოლიში” იჯარის წესით თამაშობს და თუ “ლივერპულში” მინოლეს თამაშს გავითვალისწინებთ, მისი “ენფილდზე” დაბრუნების შანსები მინიმალურია. გარდა ამისა, სხვადასხვა ინფორმაციით, ესპანელ კიპერს ლივერპულელთა დამრიგებელ ბრენდან როჯერსთან ურთიერთობა აქვს გაფუჭებული.
“შესანიშნავი იქნება, თუ რეინა “ბარსელონაში” გადმოვა”, – ამბობს ბუსკეტსი “მარკასთვის” მიცემულ ინტერვიუში.
“ძალიან მნიშვნელოვანია, რომ პეპე “ბარსელონაში” ყველას იცნობს. მას გასახდელში შესანიშნავი ატმოსფეროს შექმნა შეუძლია”, – ეს უკვე სესკ ფაბრეგასის სიტყვებია, “რადიო კატალონიასთან” საუბრის დროს.
დღემდე, მას შემდეგ რაც სეზონის ბოლოს “ბარსადან” ვიქტორ ვალდესის წასვლის საკითხი გახდა აქტუალური, პრესის ფურცლებზე მის შესაძლო შემცვლელად ბელგიელი ახალგაზრდა კიპერი კურტუა სახელდებოდა, მაგრამ უკვე გაჩნდა აზრი იმის შესახებაც, რომ მიუხედავად კურტუას კლასისა, “ბარსელონას” უფრო გამოცდილი მეკარე სჭირდება, სწორედ აქ გაიჟღერა პირველად, რეინას გვარმაც.
ვნახოთ, რას გადაწყვეტს კატალონიელთა ხელმძღვანელობა.
