ჭდე: პერუ

პერუს პრიმერადივიზიონის ეგიდით “ალიანსა ლიმასა” და “რეალ გარსილასოს” შორის გამართულ მატჩში (0:1) არბიტრმა რამონ ბლანკომ ხუთ წუთში ხუთი წითელი ბარათი აჩვენა. არბიტრმა შეხვედრის მიწურულს მოედნიდან მასპინძელთა ოთხი ფეხბურთელი და მათი გუნდის მთავარი მწვრთნელი გააძევა.

მატჩის შემდეგ 36 წლის მსაჯმა მოედანი უსაფრთხოების სამსახურის წარმომადგენლების მეშვეობით დატოვა. არბიტრი მისივე უსაფრთხოების მიზნით სახლამდე პოლიციის ესკორტმა მიაცილა.

პროფესიონალ მსაჯთა ასოციაციამ რამონ ბლანკოს მუშაობა დადებითად შეაფასა.

გასაოცარი და ამასთანავე, აღმაშფოთებელი ფაქტი მოხდა პერუს თასის ეგიდით “ბოლივარსა” და “ლა ბოკანას” შორის გამართულ მატჩში.

ადგლობრივი პრესის ცნობით, აღნიშნულ შეხვედრაში “ბოლივარის” ერთბაშად ხუთმა (!) ფეხბურთელმა უწყინარ სიტუაციაში ერთდროულად მიიღო ტრავმა. ბევრი ფიქრი არ სჭირდება იმას, რომ გუნდს მატჩის შეწყვეტა სურდათ, რომელსაც ანგარიშით 1:4 აგებდა. მატჩის დასრულებამდე 15 წუთით ადრე “ბოლივარის” ხუთი მოთამაშე მოედანზე წამოწვა, აქაოდა, ტრავმა მივიღეთო, შედეგად კიდევ ერთ გოლ გაუშვეს. მთავარ არბიტრს ამ მომენტამდე “ბოლივარის” ორი ფეხბურთელი უკვე ჰყავდა მოედნიდან გაძევებული, კიდევ ხუთი მოთამაშის “დაზიანების” შედეგად გუნდი მინდორზე ოთხი კაცითღა რჩებოდა. ფეხბურთის წესების მიხედვით, ერთი გუნდიდან მოედანზე მინიმუმ შვიდი ფეხბურთელი უნდა იყოს. შესაბამისად, მსაჯი იძულებული გახდა, 15 წუთით ადრე შეხვედრა შეეწყვიტა. უკვე ცნობილია, რომ მატჩი არ განახლდება. შესაბამისი კომისია მომხდარ ფაქტზე იმსჯელებს და სავარაუდოდ, “ბოლივარს” მკაცრ სანქციასაც გამოუტანს. სხვათა შორის, ამ გუნდისთვის ასეთი სანქციელი პირველი არ არის: “ბაგუა გრანდესთან” ანგარიშით 0:6 აგებდნენ და “ბოლივარის” მოთამაშეებმა მაშინაც მატჩის მიტოვება გადაწყვიტეს.