ჭდე: რაგბი

პარასკევს იწყება საქართველოს XXV ჩემპიონატი – ბოლნისში, ქუთაისსა და შევარდენზე თითო მატჩი გაიმართება.

დამოუკიდებელი საქართველოს პირველობა 1990 წლიდან ტარდება. ჩემპიონი სხვებზე მეტჯერ (9) ლოკომოტივი ყოფილა, ბოლო ორი სეზონი კი ლელო პირველობს.

წელს ჩემპიონატი სამ ლიგად ეწყობა.

უმაღლესში 10 გუნდია, პირველში – 8, ორ ზონად დაყოფილ რეგიონულში კი 12, რაც ჯამში გვაძლევს სარეკორდო შედეგს – 30 მონაწილეს.

გარდა ამისა, უმაღლეს ლიგას ჰყავს დუბლებიც.

სეზონი უწინდელზე ადრე იხსნება. ამისი მიზეზი “თბილისის კავკასიელების” ევროპული დებიუტია.

პირველი ტური სამ დღეს გაგრძელდება.

პარასკევს თითო თამაშია სამ სტადიონზე, შაბათ–კვირას კი მატჩები ავჭალაშია დანიშნული.

ჩემპიონი “ლელო სარასენსი” სეზონს ახალბედასთან, “თიბიეს უნივერსიტეტთან” შერკინებით გახსნის.

საგულისხმო სიახლეა ქუთაისში – აია ჯიქს უხვდება საკუთარ სტადიონზე, რომელსაც მშენებლებისგან სულ მალე ოფიციალურადაც ჩაიბარებს.

პირველი ტურის ლაივ–სქორი ტრადიციულად მოეწყობა ჩვენი საითის ტაბლოზე.

Rugby.GE

• ყოველწლიური საერთაშორისო ქვიშის რაგბის ტურნირი ‘ბათუმი 2014’
• 9-10 აგვისტო
• ბათუმის ქვიშის რაგბის არენა (კომპლექს მაგნოლიას წინ)

შემდეგ უქმეებზე, 9 და10 აგვისტოს ბათუმში ყიველწლიური ქვიშის რაგბის საერთაშორისო ტურნირი – ბათუმი 2014 გაიამრთება. ტურნირი საქართველოს ქვიშის რაგბის კავშირის, აჭარის ქვიშის რაგბის კავშირის, ბათუმის მერიისა და საქართველოს რაგბის კავშირის ორგანიზებით ტარდება.

ტურნირში მონაწილეობენ რაგბის პროფესიონალი და სამოყვარულო კლუბები, როგორც საქართველოდან, ასევე უცხოეთიდან.

პროფესიონალ და სამოყვარულო გუნდების ტურნირი ერთამეთის პარალერულად გაიმართება.

ბულდოგები მოდიან

წლევანდელ ტურნირის სამოყვარულო ჩათვლაში ასევე მონაწილეობენ ‘ბულდოგები’ – ინგლისური კლუბი, რომელიც გლოსტერელი, ესექსელი, იორკშირელი და უელსელი რაგბის მოყვარულებისგან შედგება. გუნდი რაგბის სამყაროში ცნობილი ლონდონური პაბის ‘ქებიჯ პეტჩის’ მეოხებით ჩამოდის საქართველოში.

ტურნირის პარტნიორები არიან ‘მიტარბი’ და სარაგბო ეკიპირების მსოფლიო ბრენდი ‘რაინო’

„რაინო არა მხოლოდ გლობალური, ელიტურ რაგბის მხარდამჭერია,არამედ გვერდში უდგას ამ თამაშის ნებისმიერ ნაირსახეობას მრავალ ქვეყანაში. აქედანგამომდინარე, ჩვენთვის დიდი პატივია ბათუმის საერთაშორისო ქვიშის რაგბისტურნირის პარტნიორობა და ბურთებით მომარაგება.

„ქვიშის რაგბი, ამ სპორტის ძალზედ სახალისო ნაირსახეობაა, რომელიც თამაშიდანთამაშამდე ვითარდება.  ჩვენ კარგად ვიცით თუ რაოდენ პოპულარული დამნიშვნელოვანია რაგბი საქართველოსთვის და მიგვაჩნია, რომ ასეთი ტურნირები ხელსუწყობს თამაშის განვითარებას, როგორც საქართველოში, ასევე მსოფლიო მასშტაბით.

„ჩვენ ვიმედოვნებთ, რომ 2014 წლის ბათუმის ქვიშის რაგბის ტურნირი ძალზედწარმატებული იქნება და მასთან ასოცირება ჩვენთვის დიდი პატივია.“ განაცხადა რეგქლარქმა, ‘რაინო რაგბის გრუფის’ აღმასრულებელმა დირექტორმა.

 

მოყვარულთა საყურადღებოდ:

სამოყვარულო  ტურნირში მონაწილეობის მსურველებმა უნდა გაიარონრეგისტრაცია.

სარეგისტრაციო ბარათი >>>

შევსებული სარეგისტრაციო ბარათი გამოაგზავნეთ შემდეგმისამართზეgeorgianbeachrugby@gmail.com

ტურნირის შესახებ უახლესი ინფორმაციის მისაღებად ეწვიეთტურნირის Facebookგვერდს  https://www.facebook.com/groups/307258177749/

Rugby.GE

რაგბი აერთიანებს! რაგბიმ ქართველი და ინგლისელი მომავალი ვარსკვლავები დაამეგობრა!

დასრულდა 15-წლამდელთა საერთაშორისო ფესტივალების სერია ‘რაგბი აერთიანებს’. სერია ორ ეტაპად გაიმართა. პრველი ტურნირი, ‘ასპინძის სარაგბო ფესტივალი’, 25 ივლისს გაიმართა, სადაც მონაწილეობა საქართველოს 15-წლამდელთა ნაკრებმა, აღმოსავლეთ საქართველოს ნაკრებმა – ამერი, ინგლისის კენტის საგრაფოს გუნდებმა ინვიქტამ და იომენმა მიიღეს.

სერიის მეორე, ტურნირი – ‘თბილისის სარაგბო ფესტივალი’, 28 ივლისს მარტყოფის სარაგბო ბაზაზე გაიმართა. ტურნირზე მონაწილე გუნდებს დასავლეთ საქართველოს ნაკრები – იმერი დაემატად. ამჯერად ინგლისელმა სტუმრებმა მხოლოდ ინვიქტა გამოიყვანეს. იმის გამო, რომ ასპინძის ფესტივალზე იომენს რამოდენიმე მოთამაშე ტაემტვრად და გადაწყდა დარჩენილი მოთამაშეებით ინვიქტას გაეძლიერებინათ.

თბილისის ფესტივალი

ასპინძის ფესტივალის მსგავსად, ტურნირის განრიგის მიხედვით, გუნდებმა 6 შეხვედრა გამართეს ერთმანეთის წინააღმდეგ. თითო მატჩი ორი თორმეტ წუთიანი ტაიმისგან შედგებოდა.

თბილისშიც საქართველოს 15-წლამდელთა ნაკრებმა ბრწყინვალედ იასპარეზა და ყველა მატჩი მოიგო. უკანასკნელ შეხვედრაში ისინი, კვლავ ინვიქტას დაუპირისპირდნენ და ამჯერადაც  სძლია მოწინააღმდეგეს.

პირველ შეხვედრაში საქართველო იმერს შეხვდა და 35-5 მოუგო დასავლელებს. შემგომ მარტყოფის ბაზის მოედანზე ინვიქტა და ამერი შევიდნენ. ასპინძის ფესტივალზე ინვიქტამ 20-10 სძლია ამერს, ხოლო ამჯერად ამერმა შესძლო გამარჯვება ანგარიშით 14-5.  20-წუთიანი შესვენების შემდეგ იმერისა და ინვიქტას მატჩის დრო დადგა. დასავლეთ საქართველოს ნაკრებმა ინგლისელ თანატოლებს 19-7 სძლია. მეოთხე მატჩში საქართველომ ამერს 27-7 მოუგო. საღამოს მეხუთე შეხვედრაში ერთმანეთს დასავლეთ და აღმოსავლეთ საქართველოს ნაკრებები ერკინენ. შეხვედრა ძალზედ დაძაბული გამოდგა, რომელშიც გამარჯვებას იმერმა პირველ ტაიმში დადებული ერთადერთი ლელოს ხარჯზე მიაღწია (7-0). ტურნირის უკანასკნელ მატჩში, როგორც ზემოთ უკვე ავღნიშნეთ საქართველოს 15-წლამდელთა ნაკრებმა ინვიქტას 22-7 მოუგო.

„ორივე ტურნირით ძალიან კმაყოფილი ვარ. ეს ჩვენი ბიჭებისათვის კოლოსალური გამოცდილებაა, რაც მათ მომავალ სარაგბი კარიერაში და ცხოვრებაში გამოადგებათ. ორივე ტურნირის უკანასკნელ მატჩში ინვიქტა და საქართველოს 15 წლამდელები დაუპირისპირდნენ ერთმანეთ და ორი ერთმანეთზე უფრო დაძაბული და საინტერესო მატჩი შემოგვთავაზეს. რაც მთავარია ჩვენმა ბიჭებმა ახალი მეგობრები შეიძინეს და თქვენ ქვეყანას გაეცნენ“ – განაცხადა სთივენ რეილი-სთრათმა, აღმოსავლეთ კენტის რეგიონალური რაგბის კლუბის მწვრთნელმა.

„საქართველოს 15 წლამდელთა ნაკრები რეგულარულად მონაწილეობს სხვადასხვა საერთაშორისო ტურნირებზე, მაგრამ ეს პირველი შემთხვევაა როდესაც ჩვენმა ბიჭებმა საერთაშორისო გამოცდილება საკუთარ კედლებში მიიღეს, რაც ძალზე მნიშვნელოვანია. ასევე მნიშვნელოვანია, ის რომ ნაკრების გარდა ტურნირში მონაწილოება დასავლეთ და აღმოსავლეთ საქართველოს ნაკრებებმა მიიღეს, შესაბამისად უფრო მეტმა ქართველმა მორაგბემ მიიღო საერთაშორისო გამოცდილება“ – განაცხადაგიორგი ენუქიძემ , საქართველოს 15 წლამდელთა ნაკრების მწვრთნელმა.

Rugby.Ge

რაგბი აერთიანებს! 25 ივლისს სტარტი აიღო საბავშვო სარაგბო ფესტივალების სერიის პირველმა ტურნირმა – „ასპიძნის სარაგბო  ფესტივალი“. ტურნირში მონაწილეობა მიიღეს საქართველოს 15-წლამდელთა ნაკრებმა, აღმოსავლეთ საქართველოს  ნაკრებმა (ამერი),  აღმოსავლეთ კენტის რეგიონალური რაგბის კლუბის ორმა გუნდმა: იომენ და ინვიქტა.

ფოტოები >>>

ტურნირის განრიგის მიხედვით, გუნდებმა 6 შეხვედრა გამართეს ერთმანეთის წინააღმდეგ. თითო მატჩი ორი თორმეტ წუთიანი ტაიმისგან შედგებოდა.

მატჩები

პირველ შეხვედრაში ერთმანეთს აღმოსავლეთ საქართველოს ნაკრები – ამერი და კენტის ინვიქტა შეხვდნენ, რომელშიც ინგლისელებმა 20-10 გაიმარჯვეს.  მეორე შეხვედრა საქართველოს 15 წლამდელთა ნაკრებსა და კენტის იომენს შორის გაიმართა. ამჯერად მასპინძლებმა დამაჯერებლად შეძლეს სტუმრების დამარცხება ანგარიშით 30-5.

გამართული ორი მატჩის შემდეგ ოც წუთიანი შესვენების დრო დადგა, რომლის დასრულების შემდეგ მოედანზე საქართველოს 15 წლამდელები აღმოსავლეთ საქართველოს ნაკრებს დაუპირისპირდნენ. ამ შეხვედრაში ნაკრებმა ამერს 15-5 სძლია. ქართველების შემდეგ ინგლისური დუელი გაიმართა. შეხვედრაში კვლავ ინვიქტამ გაიმარჯვა, ანგარიშით 35-10.

სათამაშო დღის მესამე რაუნდში ერთმანეთს უკვე პირველ ორ მატჩში დამარცხებულები – ამერი და იომენი შეხვდნენ. ამჯერად ამერმა არაფერი დაუთმო მოწინააღმდეგეს და 25-0 გაიმარჯვა.

წინ საფესტივალო სერიის პირველი ტურნირის საფინალო შეხვედრა რჩებოდა, რომელშიც დაუმარცხებლები – საქართველოს 15 წლამდელთა ნაკრები კენტის ინვიქტას დაუპირისპირდა. შეხვედრაში უპირატესობა ქართველმა 15 წლამდელებმა მალევე მოიპოვეს და რამოდენიმე ლელოც მიითვალეს. მეორე ნახევრის შუაწელში ინგლისელებმაც შეძლეს ქართველების დალელოვება და შეხვედრა 35-5 დასრულდა მასპინძლეთა სასარგებლოდ.

საერთაშორისო საფესტივალო სერიის მეორე ტური

სერიის ფარგლებში მარტყოფის სარაგბო ბაზაზე 28 და 29 ივლისს გაიმართება „თბილისის სარაგბო ფესტივალი“, რომელშიც ასპინძის ტურნირში მონაწილე გუნდებს დასავლეთ საქართველოს 15-წლამდელთა ნაკრები – იმერი დაემატებათ.

 

მეორე დონის სარაგბო ქვეყნებისათვის წლევანდელი ნოემბრის ტესტები 2015 წლის მსოფლიო თასისათვის მოსამზადებლად საუკეთესო შესაძლებლობას წარმოადგენს.

ნოემბერში საკმაოდ დაძაბულ მატჩებს ვიხილავთ, ვინაიდან მზარდი გუნდები მსოფლიო რაგბის მოწინავეებს შეერკინებიან.

ფიჯი, რომელიც 2015 წლის მსოფლიო თასის პირველ შეხვედრაში მასპინძლებს ეთამაშება, 14 ნოემბერს კარდიფში უელსს შეხვდება, ხოლო ერთი კვირის შემდეგ პარიზში საფრანგეთთან მოსინჯავს ძალებს.

22 ნოემბერს, ფიჯელთა ოკეანელი მეზობელი, სამოა ინგლისს შეხვდება, მას შემდეგ, რაც ერთი კვირით ადრე იტალიასთან ითამაშებს.

ტონგა შოტლანდიასთან იბურთავებს. ევროპის ერთა თასის გამარჯვებული საქართველო სერიის ფარგლებში შინ ორ ტესტს გამართავს – 8 ნოემბერს ტონგას წინააღმდეგ; 23 ნოემბერს იაპონიასთან, 16 ნოემბერს კი დუბლინში ექვსი ერის ჩემპიონს, ირლანდიას შეერკინება.

შემოდგომის კალენდრის კიდევ ერთი და მნიშვნელოვანი მატჩი 1 ნოემბერს, ჩიკაგოში გაიმართება: აშშ ახალ ზელანდიას უმასპინძლებს.

ნოემბრის ტესტ-მატჩების სერიის განრიგი >>>

რაგბის საერთაშორისო საბჭოს (ირბ) საშეჯიბრო კომიტეტის თავმჯდომარემ, მარკ იგანმა განაცხადა: „წლევანდელი ტესტ-მატჩების სერია მსოფლიო თასის გათამაშებისთვის მოსამზადებელად კარგ შესაძლებლობას წარმოადგენს.

„ეს ჩვენი სტრატეგიის ნაწილია. ირბ-ის მიზანია, რეგულარულად მაღალი დონის ტესტების ორგანიზებით მეორე დონის სარაგბო ქვეყნების კონკურენტუნარიანობის გაზრდა და თამაშის ხარისხის გაუმჯობესება. დარწმუნებული ვარ, რომ ტესტ-მატჩებითა და ივნისის ტურნირების მეშვეობით ეს მალე განხორციელდება.

„2014 წელს მეორე დონის (“თი 2”, თაიერ თუ) ქვეყნები 13 ტესტს გამართავენ პირველი დონის გუნდების წინააღმდეგ. ძალიან მოხარულები ვართ იმით, რომ ფიჯიმ, სამოამ და იაპონიამ ივნისში შესძლეს იტალიის დამარცხება, ხოლო კანადა და აშშ საკმაოდ კარგად ეთამაშნენ შოტლანდიას. უკვე ცხადია, რომ მეორე და პირველი დონის ქვეყნებს შორის სათამაშო ხარისხში სხვაობა მცირდება და აქედან გამომდინარე, რაგბის ქომაგებს ნოემბერში საკმაოდ საინტერესო და დაძაბული ტესტები ელით.

„ჩვენ ასევე ვზრუნავთ იმაზე, რომ ნოემბრის ტესტ–სერიის ფარგლებში მაღალი რეიტინგის მქონე მეორე დონის ნაკრებები ერთმანეთსაც ეთამაშნონ. წლევანდელი სერია დიდ სარგებელს მოუტანს საქართველოსა და რუმინეთს, ვინაიდან ისინი თბილისსა და ბუქარესტში კვლავ უმასპინძლებენ ტესტ-მატჩებს.“

მეორე დონის სარაგბო ქვეყნების ტესტ-მატჩების პროგრამას ირბ აფინანსებს. საბჭო ამ ქვეყნებისათვის ტურნირებსა და სანაკრებო პროგრამებში ყოველწლიურად 10 მილიონი გირვანქის ინვესტირებას ახორციელებს.

Rugby.GE

ოთხშაბათს, 23 ივლისს, „რადისონ ბლუმ“ (საქართველო) და საქართველოს რაგბის კავშირმა პარტნიორობის მემორანდუმი გააფორმეს. როგორც ორივე მხარე აცხადებს, ეს არის გრძელვადიანი და ნაყოფიერი თანამშრომლობის დასაწყისი, რომლის ფარგლებშიც არაერთი საინტერესო პროექტი განხორციელდება.

„ჩვენ ვიყენებთ ნებისმიერ შანსს, შევიტანოთ წვლილი იმ ქვეყნის საზოგადოების განვითარებაში, სადაც სასტუმროებს ვამუშავებთ. რაგბი საქართველოში სპორტის ყველაზე წარმატებული სახეობაა. სწორედ ამიტომ, გადავწყვიტეთ, რომ ქვეყნის ლიდერი სასტუმროების ქსელის სახელი ყველაზე წარმატებულ სპორტთან დაგვეკავშირებინა,“- განაცხადა ბერნარდ თომასმა, „რადისონ ბლუ ივერიის“ აღმასრულებელმა მენეჯერმა.

„მინდა მადლობა გადავუხადო რადისონ ბლუს. ჩვენთვის დიდი მნიშვნელობა აქვს ასეთ ცნობილ და წარმატებულ ბრენდთან ურთიერთობას. იმედი მაქვს, რომ ეს თანამშრომლობა გაღრმავდება და უფრო ბევრ ასპექტს მოიცავს მომავალში. მიმაჩნია, რომ ეს კარგი მაგალითი და მოტივაციაა სხვა კომპანიებისათვის და ვიმედოვნებ, რომ კერძო სექტორი უფრო აქტიურად ჩაერთვება ქართული რაგბის მხარდაჭერაში“ – განაცხადა გიორგი ნიჟარაძემ, საქართველოს რაგბის კავშირის პრეზიდენტმა.

Rugby.GE

რაგბი აერთიანებს! ამ დევიზით 25, 28 და 29 ივლისს საქართველოში პირველად გაიმართება  საერთაშორისო საბავშვო რაგბის ფესტივალების სერია, რომლის ფარგლებში 15-წლამდელთა ორი ტურნირი ჩატარდება ასპინძასა და თბილისში.

ასპინძა-თბილისი

პირველი ტურნირი – „ასპინძის სარაგბო ფესტივალი“, 25 ივლისს გამართება, რომელშიც მონაწილეობას საქართვველოს 15-წლამდელთა ნაკრები, აღმოსავლეთ საქართველოს ნაკრები – ამერი და ინგლისის კენტის საგრაფოს  რაგბის კავშირის აღმოსავლეთ კენტის რეგიონალური რაგბის კლუბის ორი გუნდი: იომენი და ინვიქტა მიიღებენ.

მეორე ტურნირი – „თბილისის სარაგბო ფესტივალი“, 28 და 29 ივლისს მარტყოფის სარაგბო ბაზაზე გაიმართება. ამ ტურნირში მონაწილე გუნდებს დასავლეთ საქართველოს ნაკრები – იმერი დაემატება.

ინგლისელი 15-წლამდელები

აღმოსავლეთ კენტის რეგიონალური რაგბის კლუბი 2008 წელს ჩამოყალიბდა. მის მიზანს წარმოადგენს კენტის საგრაფოს კლუბების 13-16 წლამდე ნიჭიერი მოთამაშეების განვითარება და საკლუბოზე უფრო მაღალი დონის მატჩების ორგანიზება.

‘იომენისა’ და ‘ინვიქტას’ მოთამაშეები კენტის საგრაფოს სხვადასხვა კლუბებიდან შეირჩნენ. ისინი სეზონის განმავლობაში ერთმანეთს ხშირად ეთამაშებიან და მთელ რიგ შეჯიბრებში იღებენ მონაწილეობას.

Rugby.GE

16 ნოემბერს ირლანდია-საქართველოს ტესტ-მატჩზე დასწრების მსურველთა საყურადღებოდ რაგბის კავშირის განცხადება

16 ნოემბერს ირლანდიაში გასამართ ირლანდია-საქართველოს ტესტ-მატჩზე დასწრების მსურველ გულშემატკივარს გვინდა გაცნობოთ, რომ გამომდინარე იქიდან, რომ დაუზუსტებელია საქართველოდან მატჩზე წამსვლელთა ზუსტი ოდენობა, ირლანდიის რაგბის კავშირმა შემოგვთავაზა ბილეთების შეძენის ონლაინ მექანიზმის შესაბამისი ბმული სადაც სხვა და სხვა კატეგორიის ბილეთების შეძენა არის შესაძლებელი

http://www.ticketmaster.ie/guinness-series-2014-ireland-v-dublin-11-16-2014/event/18004CBCCD992C3F?artistid=1056338&majorcatid=10004&minorcatid=225

ხოლო ირლანდიის რესპუბლიკის ვიზის მისაღებად საჭირო ინფორმაციაშეგიძლიათ იხილოთ საქართველოს საგარეო სამინისტროს ვებ-გვერდის შემდეგ ბმულზე

http://mfa.gov.ge/index.php?lang_id=GEO&sec_id=387&info_id=12463

ბმულზე მოცემული ინფორმაციის მიუხედავად, საქართველოს რაგბის კავშირი გირჩევთ ირლანდიის რესპუბლიკის ვიზის მიღებასთან დაკავშირებული პროცედურების შესახებ დამატებითი ინფორმაციის მისაღბად მიმართოთ საქართველოს საგარეო საქმეთა სამინისტროს საკონსულო დეპარტამენტს.

Rugby.GE

საქართველოს რაგბის კავშირის განვითარების ჯგუფი ამა წლის 7-11 ივლისს ატარებს მწვრთნელთა მე-2 დონის სემინარს. მსურველები გამოცხადდნენ ორშაბათს, 7 ივლისს შევარდენის სანაკრებო ბაზაზე (ბოგდან ხმელნიცკის 40).

სემინარი დაიწყება დილის 10:00 საათზე. სპორტული ფორმა სავალდებულოა

სრკ განვითარების ჯგუფი

Rugby.GE

საქართველოს შვიდკაცამ ევროპის “გრან პრის” მეორე ეტაპზე IV ადგილი დაიკავა და სერიის ცხრილში რუსეთთან V ადგილს იყოფს.

ფოტოები >>>

“გრან პრი” 4-ეტაპიანი სერიაა. მეორე ტურნირი ლუჟნიკის (მოსკოვი) მომცრო მოედანზე მოეწყო. ყველაზე მეტი ქომაგი ჩვენს გუნდსა ჰყავდა, რაკი “სტალიცის” ქართველობის რაგბის მოყვარული ფრაქცია დაირაზმა და ბიჭებს შეძახილებითა და სიმღერით ამხნევებდა.

გუნდმა ქომაგობა შეიფერა – თუმც სტარტზე 14:22 წააგო ინგლისთან, შემდეგ 38:0 დაამარცხა რუმინეთი, 31:14 საფრანგეთი, პულში მეორე ადგილი დაიკავა, 12 გუნდში მეოთხე პოზიციაზე დამკვიდრდა და ზედა რვეულში, თასზე მოხვდა.

ჩვენს შვიდკაცას მთავარი ბრძოლა კვირა დილით, მასპინძლებთან გახადა. მალევე გავუშვით ორი ლელო, მაგრამ მეტოქეს კაცი რომ გაუსინბინეს, ზედიზედ გავიტანეთ სამი. სირენის შემდეგ ერთი გარდასახვით ვიგებდით, რუსეთმა რომ შემოგვიტია, მაგრამ იმარჯვა ვეტერანმა თედო ზიბზიბაძემ და მოიერიშე ალამთან გადადენა კიდეზე 19:17

ამ გამარჯვებამ გუნდს იმდენი ძალა გამოაცალა, რომ ოთხეულში მოხვედრილებმა ვერც ოსტატობითა და ვეღარც შემართებით ვერაფერი გავაწყვეთ ბრიტანელებთან – ინგლისთან 5:33 და შოტლანდიასთან 12:38

მიუხედავად ამისა, მეოთხე ადგილი წარმატებად უნდა მივიჩნიოთ, რაკი წინა, ლიონის ეტაპთან შედარებით, ორი საფეხურით მაღლა ავინაცვლეთ, მერაბ კვირიკაშვილი კი 45 ქულით (5ლ 10გ) ტურნირის ყველაზე შედეგიანი მოთამაშე გახდა.

ამით სერიის პირველი ნახევარი დასრულდა. გრან პრის ბოლო ორი ეტაპი შემოდგომაზეა: 13-14/09  მანჩესთერში (ინგლისი) და 20-21/09  ბუქარესტში (რუმინეთი)

მათზე საქართველოს მიზანთა მიზანი ბელგიის ან რუსეთის გადასწრება იქნება, რათა 2015 წელს, ჰონკონგში დანიშნული მსოფლიო სერიის შესარჩევის ორი ევროპული საგზურიდან ერთ-ერთი მოვიპოვოთ.

%  2014-15 წლების მსოფლიო სერიის მონაწილე
ჰ   გადის 2015-16 წლების მსოფლიო სერიის შესარჩევში (ჰონკონგი 2015)
ბოლო ვარდება

Rugby.GE